金碧酒樓

Open Now

Now Closed

沒有華麗的裝修，沒有高級完整的餐具，但懷舊菜式可以滿足到客人，就足以令人吃完再吃，而且份量頗大，有些預定菜式沒有4位以上也難以清碟已經來過三次，如果不推介又點覺得浪費，不過唯一這裡的菜牌分兩種，如果沒有預定吃的是一般小菜，人多可以訂位時問一問有甚麼可以預訂喔以蠔豉切料加上其他配料的生菜包別有一番風味本人最喜愛的八寶鴨，蓮子綠豆蛋黃已經軟綿入味，唔訂此款菜會是走寶很多客人未必接受到魚腸的腥味，但可以説這個魚腸蒸蛋是一點腥也沒有很傳統的錦鹵雲吞，皮是比較厚身，跟一般現在點心不一樣，太好味足足吃了三片客家炆豬肉已經很少機會在酒樓可以吃到老火湯份量大料亦足，不過這裡最出名的是杏汁豬肺湯

Tried 杏汁豬肺湯，鴛鴦飯，椒鹽鲜魷，錦鹵雲吞，都很不錯。服務非常周到。Very good try to me. 很窩心，服務員見到我們飽到停下來了，便清空枱面讓我們好好喝茶繼續談話，我們早早吃完飯也不願馬上走。

今晚又有柴娃娃飯局啦。今次要食懷舊菜！呢啲菜吾好講話食，連聽都無聽過，我真係太年輕了，嘻嘻🤭要食懷舊菜，係一定要book枱同俾訂金！好重要，walkin好大機會無位，係full場！我地book 630 8個人。不過我地6點3就到，見到好多都係留座啦。店面好懷舊，裝修格局全部舊式，包括廁所🚽🤣🤣我真係嚇一跳，無諗過香港仲會有甘舊既廁所，有機會各位去參觀使用一下。。店面全部都係上年紀既媽媽級，nice又有人情味，照顧周到！不過提一提就係餐具較污糟同有少少自助式加水拎凳，餐具等等，環境都有歲月既污穢，喜歡乾淨環境就吾適合泥食！事不宜遲，介紹下我地食左啲乜先！豉汁蒸盤龍鱔：一上菜，好大碟！原條鱔，好誇張！啲鱔係切一舊舊但無切斷既！啲鱔肥美，豉汁味濃，好好食，令人一啖接一啖！停吾到口鯇魚腸蒸蛋：魚腸係好花心機既菜色，平時魚既內臟我地都吾要啦。而呢度菜好花心機，要整乾淨，好少地方有得食！蛋夠香濃，魚腸有嚼口，值得一試！錦銹雲吞:啲雲吞皮炸左一塊塊一啲都吾油，又鬆脆。配呢個甜酸菜色。都幾特別，好開胃！正！花雕蛋白蒸蝦：一大盤！我地都哇一聲！到底要幾多蛋白先蒸到甘大盤！仲有蝦既分量都吾少，蝦🦐都彈牙，

今晚，有著回家吃飯的感覺。酒樓不算大，五圍桌子靠的緊密，沒有太多寬敞空間。客人到齊後，店門關上，於是鬧哄哄的。觥籌交錯，杯盤狼藉，完全是自己的地方，無拘無束地沒有外出吃飯的感覺。金碧就是這樣，大隱於彩虹邨，快60大壽了！在舊式酒樓愈來愈少的當下，金碧卻默默地潛藏於這與他一起成長的屋邨中。事實上，來這裡吃的不是街坊，也總有一些淵源，其中不乏懷念昔日味道，珍惜一份暖暖溫情者。於是，每次來吃，都像回娘家般。回家自少不了湯水！甫上菜，就是先來一碗真材實料的湯--天麻龍躉骨豬肉湯。住家湯，香濃而不用味精不在話下。湯的膠質豐富，每人一碗有多：）灼蝦其實所需的技巧不太高，但最主要的是蝦要新鮮，水要滾，掌握灼的時間恰當，不要翻灼。此次的灼蝦新鮮爽口，相當不錯。以龍𧄌為主題，起肉炒球自是必然。龍㚄肉新鮮彈牙。大㕑把魚皮全留後用，但我反而喜歡皮肉相連的口感。剖開的鴨已清香溢桌，只嫌鴨太小，欠肥美；其內的果皮不足，稍欠甘香。但味道尚不錯。龍躉本身已很肥美，皮下油脂甘香，只是大㕑的油此乎下多了！有點浪費美食之慨！這是全場最遜色的一道菜，魚肚像豬皮般，淡而無鬆軟感，過份砂爆了！高湯也欠鮮味，與主題全不咬弦，彷彿

跟同事飯局, 因為同事對之前提過的傳統粵菜非常感興趣, 所以我便提議大家試一試彩虹邨內開了53年的金碧酒家。(金碧不時都會被訂全場設宴, 冬天有蛇宴, 不時又有龍躉宴, 所以要預早詢問訂枱日期, 以免撲空。是次晚飯, 我早一個月已訂了位。)到金碧食飯一定要試他們的傳統菜式, 當然他們都有晚飯小菜可供選擇, 但粵菜要食好的, 便要食考工夫, 花時間的。 所以我早兩-三天前便跟老闆 Bruce Yuen 訂了位及菜單, 是次晚飯菜有, 杏汁白肺湯, 花彫蛋白蝦, 豉汁蟠龍鱔, 金華玉樹雞, 薑葱炒魚卜, 紅燒元蹄, 梅子鵝, 上湯雲腿魚肚浸娃娃菜門口懷舊的老牌酒樓感覺內裡甚有電影感1. 杏汁白肺湯 - 湯底足料用豬肉豬骨, 老火, 很重杏仁味, 鮮甜, 厚身, 飲過一碗, 位位都按不住要再添2. 花彫蛋白蝦 - 新鮮海蝦蒸得剛剛好, 沒有過火, 肉嫩彈牙, 蛋白清溜吸收了蝦的鮮味及酒味, 非常滋味! 3. 豉汁蟠龍鱔 - 同事們至愛, 肥美的蟠龍鱔! 那魚油及鮮味一入口就不斷徘徊, 好吃到讚口不絕!!4. 金華玉樹雞 - 金華火腿味濃及扇雞滑溜相配確是一絕5. 薑葱炒魚卜 - 不像其他地方

藝術工作坊開年飯，人多又要好食夾抵食，又要近地方，所以決定黎金碧酒家食特色懷舊菜。雖然係晌彩虹舊屋村，無華麗裝修，地方淺窄，但懷舊菜真材實料，烹調精心，其他地方食唔到，個個食飽都讚好。 一行共25人，所以一早訂枱，仲要預訂菜式。因為全部古法炮製，要預先準備先有。唔好諗住去到先叫， 一定咩好野都無得食。就算人少都唔好諗住walk-in, 曾經見過單丁夜晚七點想黎食晚飯，點知全包場無位，被阿姐即時趕走，真陰公。我地今次亦都食唔到椒鹽魷魚，好可惜。最推介杏汁豬肺湯，杏湯味香濃，實在好味到難以形容。而且大大鍋，一圍十二人，每人剛好飲兩碗。錦滷雲吞係另一味必食菜。呢度係賣正宗既錦滷雲吞，炸雲吞係純脆片，無鹼水味，配上多料酸甜汁，有大隻鮮蝦、豬潤、青椒、紅椒... 食過你先知咩叫做正宗。如果唔怕油膩，荔芋紋扣肉，同埋梅子鴨都係值得一試既懷舊菜。但我就鐘意食八寶鴨多D, 覺得香口唔油膩。可惜為試梅子鴨，今次就無叫到。荔芋紋扣肉，入口即溶，南乳味濃，一生人總要試一次，千祈唔好怕肥。梅子鴨味道適中，幾香口。除此之外，今餐仲叫左蠔屎生菜包 (炒埋肥豬肉，超香唔油膩）相對普通既生炒骨小炒王 （唔推介）蒜蒸茄

貴公司要客戶訂菜，比定按金，打電話打左起馬50次才有人聽，係21:35有人聽了，貴公司有員工聽了，一句已收工，就掛線了，其實貴公司想客戶點樣配合你呢?!希望貴公司可以服務進步一點。

要維持一段關係真係唔容易。。所以一定要抽時間見下面飲飲食食吹水！見老同學當然要食懷舊菜啦！一於去彩虹邨嘅地標，-金碧酒樓食！我地一行十四人當然要叫多幾個招牌菜食下啦！首先出場嘅有。。傳統嘅1.錦鹵雲呑。用嘅係厚身嘅雲呑皮，食落好脆口同香口而且而且醬汁用料豐富有豬膶雞柳等，總之就好傳統好傳統嘅風你啦！2.酥炸鮮蝦丸。。新鮮炸熱辣辣食又彈口又好味！3.生炒骨。。肉排骨肉均匀炸粉剛剛好味道酸甜比例好好！唔會太酸亦唔會太甜！叫咁多肉類當然都要叫個蔬菜平衡一下！一於叫個4.蒜蓉西蘭花啦！5.薑䓤魚鰾。都好唔係周圍有得食嘅小炒，6.蜜汁燒鱔球。。呢味真心推介。好味！好味！好味！用嘅係好厚肉嘅花錦鱔，肉質爽滑，蜜汁燒到外脆內爽！好7.紅燒斑尾。。好大條。又滑！8.八寶鴨。。好香。又足料！9.紅燒元蹄。。真心覺得幾肥。。未必個個受到，但味道係唔錯嘅！10.不得不推介呢鍋。杏汁豬肺湯。杏汁味香，豬肺又腍又滑！好好飲！11.椒鹽鮮魷。。香口！炸得剛好冇過火、12.最後上嘅傳統菜係。順德鯇魚腸蒸蛋埋單合共約四千幾。我地十四個人平均每人都係三百零就食到咁多傳統菜式，係值得嘅。都希望能夠一直流傳落去。。雖然環境

隨著城市的發展，連鎖食肆的擴張，老店似乎逐漸消退於紛陳出新，競爭激烈的飲食圈中。然而，走到彩虹邨的金碧，入口處懸在牆上是一幀有「牡丹王」之稱的香港畫家張韶石的牡丹花，畫不顯眼，但卻價值不菲！六、七十年代，不少酒樓也喜歡放上一幀這樣的畫，喻意花開富貴，客似雲來。一頓飯，鬧哄哄的：食客看見夥計忙的團團轉，會主動拿起茶壷逐枱添水；老闆娘可以和你天南地北的談天，令你分不開誰是主，誰是賓。雖然店舖沒有什麼華麗的裝飾，但卻滿溢著樸實地道的真誠。一頓飯猶如回到家中，你不但可尋回少時的味道，更可體會舊日的街坊情。具豉香的醬油伴著於今已難尋的雞味。雞滑嫩香鮮，熟的程度更是恰到好處。好雞難求的今天，實在值得一再品嘗。白鱔肥美，但肉質稍微「淋」了一點，彈性不足，可能劏後放的時間長了些。淮山、𣏌子、紅棗帶有酒香，伴隨甲魚，暖身滋補之餘，更清香美味而不膩，火侯恰好，吃後有齒頰留香之喜悅感！

假期的最後一天，一家四口嚟到一間有50幾年歷史的飯店吃飯，訂了位六時半入座, 叫了杏汁豬肺湯真材實料非常好味，椒鹽魷魚熱辣辣啱啱炸起，生炒骨甜酸度適中，枝竹牛腩煲有牛筋和腩肉炆得好琳，環境雖然一般，但全日免收加一，現在很少酒樓可以做得倒，不蓋為一間民心飯店。走的時候已經七點半全場已經滿座。

續杏汁之旅，其中一個街坊平價熱選就是隱身於彩虹邨中的金碧酒家 上年友人辦過飯局，當日本來沒空，後來取消行程但又覺身體不適，還是無緣 時光匆匆，當時還為課業煩惱，現在卻已經畢業，到了與師友同聚的時候 開局數日，臨到最後至憶起金碧一名，原來，這裏亦是一位友人常到的食館 既然有比較熟地頭的朋友，訂座訂菜一事就請她包辦，我們就是等吃的份 一行人全為了杏汁白肺湯，幸好友人率先預訂，可以安心待其上桌 店方捧來一大盆湯品，份量約算至少夠分十碗，另連多件嫩腍不腥臊的豬肺 湯呈奶白，不會油膩過火，潤順之餘帶陣陣杏香，調味恰到好處未會太鹹 懷舊菜式要事先預訂，慨嘆失策之際仍然心存希望，最後也算是如願 得來一客炸得金黃吸引的錦鹵雲吞，硬脆是一定的，略有油感但無油溢味 伴汁稠杰，內有蝦肉、魷魚及彩椒，酸甜本應開胃，卻有微腥，實在可惜 比起剛才雲吞的硬脆，椒鹽鮮魷的輕酥顯得更易入口，亦不太滲油 鮮魷肉帶點厚度，得以顯現其彈性嚼感，不會韌如橡皮，也未有盡失本味 較有特色又少見的順德鯇魚腸蒸蛋不似坊間用砵仔盛碟，倒貌似一般蒸蛋 曾嚐苦腥的焗魚腸，留下陰影；幸好金碧的出品沒有半點腥意異味，只覺彈牙 蒸蛋不老

入到舊村, 試下D懷舊酒家~ 呢度又唔算係茶樓, 無點心食, 係食小菜/碟頭飯GE。叫左個叉雞飯。叉燒半肥瘦, 暖暖地,正呀! 如果再燒濃D, 再甜D就更正。雞係白切雞, 無叉燒咁出色, 比較弱, 肉亦不多, 不過都幾滑,雞味就無乜架喇, 蘸薑蔥食都唔錯。D 飯唔夠汁LAW, 要叫佢地加, D飯乾左少少, 我中意食濕D 啊。

這間酒家無論在裝修還是菜式也相當舊式及有特式。舊式牌匾，枱櫈，甚至連茶水部也是開始式的跟樓面相連在ㄧ起。杏汁豬肺燉湯這湯烹調功夫多，從媽媽口中得知洗豬肺是個非常艱辛的過程，而豬肺也不易買，有得選擇，當然在外品嘗，免得家中皇太后辛苦。杏汁加上豬肺燉，當然不會有豬肺味，杏汁味依然强勁。錦鹵雲吞這個超懷舊呀！兒時常吃，但已經很少酒家會做這種菜了。有三色椒，菠蘿等等，當然它的醬汁是重點之中的重點，酸酸味味的，口水流了！炸雲吞上台時已微暖，不太炸了，有點瑕疵。豆豉鯪魚油麥菜味道略鹹，份量都ok。京都骨這個好味!! 酸酸味味,夠開胃!! 肉夠腍，份量好多!! 總結: 食物份量多，有些餸好食，有些就ok， 有改善空間。 坐得算舒適。

問佢有冇外賣， 個唔憂做老闆娘， 話半個鐘後先至煮呀 ！！即係叫我走啦。。。 成間鋪頭根本就唔憂做，採你哋班人都傻。。。 好食都冇用啦，態度太差 令到客人冇食慾呀~ 唔會有下次，亦都唔會有第一次！！！

無論大時大節，親人生日，由於酒樓就在老人家的家樓下，金碧一直也是不二之選。最初與朋友談及此酒家，評語也是普通。但朋友的反應竟是：「金碧！我聽過！」卻讓我重新認識這間酒家。原來是朋友喜愛的網上食評家介紹過。我按那食評家吃過的菜色都大部分點了。杏汁豬肺湯，家人對它讚不絕口，杏汁味適中，而材料十足。炸蝦丸，青年人最愛，外皮不會過厚，新鮮熱辣。錦露雲吞，竟然是20多年人第一次吃，那過像咕嚕汁的醬汁加上多款配料，佐著炸雲吞皮吃，酸味十足，讓人食指大動。八寶鴨，我原以為是有飯類，但只有各程豆類，老人家十分喜愛。魚腸蒸蛋，薑未頗重，長輩們一邊嘆著現今難吃到這樣菜色，一邊搶著吃。紅燒白鱔，吃到這時肚子已撐得不得了，白鱔肥美，但吃一塊已很滯。鮮蝦蒸蛋白，可恨這樣菜色來得最遲，否則可佐兩大碗白飯吃。紹酒從鮮蝦滲出來，伴上滑滑的蛋白。我們當然還有點到過節必吃的燒肉和白切雞，只能說不叫的話可以多點其他人更好吃的菜色。這裡有一個傳統特色，熟客優先。老闆伙記對我的態度，以及對我家的老人家態度完全不一樣。看著老闆伙記對我家老人家的關懷備至的份上，我也說不得什麼。