金西南米線

Open Now

Now Closed

喺登龍街依條貴租街，仲可以賣平民價錢，仲要生存到咁耐，我都真係好好奇依間米線雖然員工態度好好🍜雲南小鍋米線 小麻辣 $29＋🥩腩肉 $7＋雞絲 $7🥩腩肉我見到好多好評，但我唔覺，自問過唔到自己嗰關🙂我食麻辣，覺得變左鹹辣咁，自問平時食野已經好重口味，本身有諗過比多次機會佢，但我睇openrice嘅差評有10幾個，都係同我一樣話好鹹、就連清湯都話好鹹，咁我覺得我嘅味蕾應該係正常，明明金西南依間米線咁出名，點解會咁鹹🤔雞絲我食過覺得太子新川嘅好食好多🥤凍飲 凍奶茶 - 幾大杯，味道正常

唔值得一試的店。今晚想係米線就特意過來支持一下，但講真不可一不可再。 首先，店員態度問題，由你一入舖到點嘢食到賣單。都好似好唔耐煩咁， 又好似好趕你走， 但其實一啲都唔滿座店舖唔算坐得好舒服， 同一般米線舖差唔多， 有啲迫， 枱面細， 清潔一般，但可接受。好， 唔理會其他方面， 講食物方面我自己好耐無食過米線， 又見佢有涼拌米線，所以把心一橫， 點了佢個涼拌米線加黑木耳（大麻辣，多酸菜）上菜後， 心諗啲木耳咁少？ 多酸左？不過算， 因為知啲店員態度「和藹」， 一陣又話我， 費時又要一肚氣， 就算但佢個酸菜唔酸， 大麻辣得少少辣，又唔麻，麻香都唔夠，木耳都無味。成碗嘢靠啲肉碎先有少少味。最出事係啲米線， 好似未煮熟咁， 中間硬硬地。 第一次食米線我係會食到啲麵差唔多係原封不動。 友人那碗燕餃雞翼松茸米線，小辣佢唔係好食得辣， 都話一啲都唔辣仲要問我借辣😂😂😂😂我飲左佢一啖湯， 少少辣都無， 有啲啲酸味， 但整體得甜味， 我哋估計啲甜味來至松茸至於佢啲米線係熟嘅， 正常，無話特別淋， 又唔會話爽。雞翼正常無特別燕餃不是佢想像中的福建燕餃，似係菜肉雲吞同水餃的口感松茸， 幾特別，滑捋捋，

本身鍾意食辣平時食開數字哥3小辣得閒都會周圍搵下唔同地方既麻辣米線試下今日見早左收工就落左銅鑼灣食米線一望餐牌就見到呢間米線有d好貼心既選擇可以比人多酸、多芽、多米我叫左多芽但感覺上都唔係真係多左好多🧐我叫左松茸雞翼米線 (多芽、小麻辣)見到有得叫松茸幾特別就叫左黎試下個樣子係菇狀但顏色、口感(微微爽脆)就似木耳味道就帶點酸 帶點甜 反而辣味可能比湯底掩蓋就唔係幾岀 雞翼就比較失望口感尚可不論係雞翼皮定肉都淡而無味估計醃得唔夠好 湯底方面味精少許偏重 (但可接受)辣味分開左兩種小麻辣同小辣估計小麻辣應該係多岀了花椒油所以顏色上都相對橙一點整體湯底配合酸菜、韭菜、芽菜及米線都算好食 小辣唔算好辣適合平時食唔到辣但又唔想食清湯嘅人食朋友叫左個腩肉豬膶小鍋米線 (小辣)我係食我個小麻辣前試飲左一啖呢個小辣湯底感覺接近無辣味🤔鍾意食辣人仕建議選擇小麻辣或中辣以上 呢個腩肉一試有驚喜喎平時好怕淡而無味又鞋但呢個醃得好入味好食👍🏻 豬膶就不過不失煮得唔鞋已經ok! 原先想叫牛展、豬肚但夜晚七點半左右就賣曬 總括來講係銅鑼灣呢個貴價地段賣咁既價錢算抵食湯底雖然無乜驚喜但都好食選擇餸

我記得10年8年前，喺銅鑼灣白沙道食過一間米線，有牛肝菌，佢執咗之後，唔知搬咗去邊，我又唔記得間米線叫咩名，咁以為佢冇咗！上網見到有人介紹銅鑼灣金西南，先發現原來係同一間，我成日去登龍街搵嘢食，呢間舖頭好唔顯眼，經過左10年都唔知係佢！多謝你哋俾返啲童年回憶啊我！講返嘢食，湯米線一定要食牛肝菌，多酸小辣，另外，我叫左熱伴！佢哋個湯都唔錯，你叫多青佢真係比好多你，今日發現個熱拌仲好食，少咗腩肉豬肚、同埋冬菇！冬菇認真麻麻哋，但腩肉同豬肚都好好食，尤其是個腩肉，又入味又唔係好肥！另外再加多一份牛肝菌，未放入湯前試食一下，原來佢本身酸酸地，老闆同人情味都仲喺度，呢幾年食親米線都係食連鎖多，因為懶因為唔想搵，呢排清閒小小可以認認真真去搵嘢食！

自從喺銅鑼灣返工，要諗食乜都好煩，今日Lunch 想食薯粉又近登龍街嗰邊，徘徊一陣，見平平地就食金西南，叫左雞翼大腸小鍋薯粉，攞返公司一打開，完全唔係我想食嘅野，得大腸是對的，變左做大腸腩肉小鍋米線囉。當我打電話同個呀姐講我啱先買嗰碗野唔啱，我叫薯粉唔係米線，個呀姐重話係溝通問題，完全好似員工佢永遠是對的，顧客就永遠是錯的，之後叫我攞返碗野去換返，我心諗你出錯，又要我由四層樓梯再落返去再行過去換返，乜唔係應該你送返碗野俾我咩？我行到去換，個呀姐重問我有無食過，質疑我，我已經成碗原封不動俾返佢啦。我問佢你唔係煮過碗俾我咩？佢態度差到話，緊係煮過碗俾你啦，點分番開啲米線呀。我心諗而家你俾錯我，你重要鬧人，咩服務態度呀？攞碗野返到公司已經一肚火，飽哂，真係當時早知叫佢退錢俾我算，重有碗野愈食愈鹹，好難食。經過今次，唔會再食，真係貼錢買難受。如果大家想試下貼錢買難受嘅感覺，不妨可以一試。

自己一個簡單食飯，去咗銅鑼灣金西南米線，已經幫襯咗好多年，之前仲有謠傳佢要執笠，好彩唔係真！叫咗最鍾意嘅涼拌米線，可以揀凍撈或者熱撈，凍撈就係煮熟個米線再雪凍先攞出嚟撈，熱撈就正常煮熟再撈豉油，兩種都好好食。今次揀咗熱撈米線，再加埋腩肉，腩肉夠晒入味，米線醬汁好多，撈到成個米線都好均勻，十分滋味。而米線亦唔會煮得太淋，啱啱好，配菜仲有肉碎、酸菜、花生等。涼拌米線本身都係$30 ，加個腩肉$7 ，都係$37 ，性價比好高加多杯凍檸樂， 十分爽！

Keep住有幫趁好想介紹比大家既米線鋪！佢既熱撈米線都好惹味！係銅鑼灣呢個價錢呢個質素真係好抵食！麻辣米線控必試🔥🔥！🍜雲南小鍋米線麻辣中辣配蘿蔔 金獎腩肉 菜肉雲吞 ($49) (🍚8/10) 推介❗️蘿蔔超入味清甜又淋又無渣，金獎腩肉係本身醃好咗，又辣又惹味，份量超多，偏厚身肥瘦均勻肉質一d都吾靭同亦吾會食落好油膩，一咬落去肉汁出哂黎，吾係平時d五花腩肉！菜肉雲吞好大隻係韭菜餡不過浸左落湯d皮就淋哂同散哂，推介燕肉餃多d！最後，鍾意食米線嘅你一定知道米線最重要係個湯底！呢度既麻辣湯底夠麻夠辣！而且飲落係味道有層次既湯，一入口係惹味然係麻辣味慢慢滲出黎，係真係用花椒八角個d慢慢煲出黎，吾係平時就咁清湯加d麻辣調味料既hea湯底。本身都大碗但肚餓底既朋友仔仲可以免費加米底，一個字，抵！

今日又去銅鑼灣崇光掃貨，行完覺得有啲肚餓就去咗登龍街搵嘢食，本身想食嘅沾面都仲係有人排緊隊，於是試咗呢間米線。見到價錢好吸引，同譚仔差唔多。仲有啲特別嘅餸加，例如牛肝菌、松茸，我就知道一定要叫黎試吓！！首先叫咗一碗金牌腩肉米線清湯，加松茸、雞翼。腩肉一開頭有啲鞋同硬，之後浸耐啲湯就好好食。再嚟一碗叫咗酸辣，牛肝菌、豬大腸、豬潤。勁濃味，配埋酸菜口感幾爽，超正。Addressss:金西南米線 (銅鑼灣)銅鑼灣登龍街41-51號金龍大厦地下D舖

今日放早好肚餓，去食這間良心米線地方唔大，但也做了防疫隔板，都幾多客人幫襯下午茶點米線送飲品，我點了魚腐腩肉（微辣）雲南小鍋米線（小辣）都算大碗，唔會好咸，多配菜（芽菜、韮菜、莞茜）米線都幾多，香軟滑溜唔會好散呀，小辣好惹味，配搭了配菜一齊食好正腩肉唔會好肥，微辣好入味，易咬的口感唔錯魚腐如魚蛋，形象是正方小塊，彈牙的口感，我覺得可以的飲品是送汽水、凍熱飲或豆漿，我點了凍豆漿，甜度剛剛好，好多客人點豆漿，最後賣晒了

以前讀書時期，返PartTime搵嘅錢有限，於是除左帶飯之外，就唯有食米線做lunch，平夾大碗啊嘛～大個左，久唔久都會好掛住米線，唔食唔舒服咁。以前好鐘意食某兩間連鎖米線店，慢慢覺得佢啲味精太咸，食得多都驚生腎石，於是乎我慢慢開始轉食小店。今次去位於銅鑼灣嘅平民米線－金西南米線。對於有得揀餸嘅米線或車仔面，我都會揀蘿蔔，因為蘿蔔索曬啲湯。其實今次除咗嗌蘿蔔之外仲有嗌咗腩肉同牛肝菌，腩肉就正常水準，但牛肝菌...我就唔係好識欣賞。湯底嗌左麻辣湯中辣，佢嘅麻辣湯真係唔係敷衍你，堅係辣！一碗三餸米線加豆漿 埋單$50幾蚊，係銅鑼灣邊到搵丫仲？

對上一次食金西南米線可能已經係4年幾前, 撞啱最近返返黎附近返工, 一於再黎試下先😁記得對上一次最深刻嘅就係牛肝菌, 因為呢樣係米線鋪比教少有嘅餸😎 所以今次一於再試一試佢!!今次叫嘅係牛肝菌腩肉米線 中辣多酸 米線煮得夠爽口, 十分之好牛肝菌嘅味道同上次係一樣嘅, 不過就少左dd 🤣 肝肉就厚切, 又腍又入味! 大家唔好睇個湯咁油, 其實都只係好表面薄薄嘅一浸, 底下嘅湯都係好清嘅, 同埋食完又唔係好覺口渴, 唔錯唔錯 🤗喺銅鑼灣旺區, 50蚊碗兩餸米線, 連野飲都係50蚊, 無投訴啦 💁🏼‍♂️💁🏼‍♂️

睇網上面介紹嘅💛店太耐冇食過雲南米線，今次終於比我搵到一間值得一試嘅舖頭💛。4點去到舖頭唔係好多人，所以唔使等！呢度嘅小鍋米線全部都係$29起，好抵食！🤩下午茶時段兩點去到六點仲有凍熱嘢飲送，真係好難喺銅鑼灣搵到咁平價嘅嘢食！！我哋嗌左一個小鍋米線（小辣）同一個涼拌米線（麻辣小辣）然後有雞中翼，腩肉，腐竹，蘿蔔做餸一齊Share。包埋飲品$85埋單🥳兩兜野賣相一般，睇落真係唔係好吸引，但係食落去就好滋味。小鍋米線小辣對我哋來講啱啱好，入面嘅肉碎，蔥同芽菜都好足料。成兜米線份量亦都好足夠！腩肉不過不失，蘿蔔相當入味，腐竹都好夠食。😉令我哋驚喜嘅係個兜涼拌米線，估唔到麻辣味咁好食，雞中翼亦都冇得彈！😋服務態度唔係咁好，不過當係一般茶餐廳都可以接受嘅。💛

《灣仔》作為一個米線控兼荃灣居民，基本上我好少食荃灣區外既米線😂但小編經常要去灣仔上堂，時間緊湊+想食得平+想幫襯黃店，就揀呢間金西南米線！而事實上我都食過好幾次重慶酸辣紅薯粉$29 +牛肝菌$7+凍檸茶 $7個湯酸度都足夠😳小編我比較嗜酸，我就幾鍾意個湯底～個紅薯粉係比較幼身既質地，唔會煮到太淋，都幾有咬口幾彈牙～牛肝菌係招牌菜😳係食落有點酸酸辣辣既菇😂😆我覺得同個湯都幾夾～老實講佢分量唔算多，我一個女仔都食得哂成碗既，但由於牛肝菌同個湯個味有點點太夾（類近既味），其實食落有點寡🤔建議大家可以叫多個餸/唔好揀酸辣粉配牛肝菌😂凍檸茶我叫左少甜，正常凍檸茶水準！雲南小鍋米線$29 +腩肉$7 +松茸$7+凍奶茶$7呢個係近期d 10月頭食既～個湯底都係酸辣湯（小辣），實際上味道同重慶酸辣差不多～我係被逼揀松茸既因為牛肝菌無哂😂話就話浸味有點寡，我都係想再叫牛肝菌翻嗒😳侍應哥哥話松茸差唔多味，食落都真係好似，除咗我覺得牛肝菌口感實D～佢個腩肉係「金牌腩肉」，凍上！d汁醃得好入味，酸中帶點微辣，我個人覺得比一般浸湯上既腩肉更特別，更入味，更有口感～凍奶茶少甜都係正常發揮唔突出～額外評下呢間餐

今日星期日係希慎行街有啲攰 記得好多年冇食過金西南米線 就特登黎食個下午茶😘叫左一個#金獎腩肉小鍋米線（$36）麻中辣🔥 36蚊係CWB絕對係抵食之選😋下午茶時間送一杯野飲 要左杯例排凍檸茶 仲可以唔洗加錢添我最愛既酸菜～呢度出名節奏快上菜更快 基本上你嗌左嘢食之後2分鐘內就已經有野食 ✅講下碗米線先 呢度既米線份量係比其他市面既米線店係少啲 但係味道比其他餐廳優勝 尤其係佢嘅麻辣味好出🥵 米線偏軟吸晒辣湯 我唔算係食得好辣既人 食緊時真係出晒汗架💦腩肉係比較厚切 而且煮得好淋好入味 敗筆係湯底太多油 想健康既人就未必岩食‼️

行去登龍街食晚飯，見呢間米線鋪平平地就入去試下啦！😍😍店內約坐左2/3客人，我同🤴🏻自覺咁行去二人枱到坐，但老闆（？）見我地身型都唔少野，好主動叫我地坐4人枱鬆動d，係呢個疫情餐飲業嘅寒冬期仲願意為客人設想，好感動🥰🥰我就叫左～～～麻辣小鍋米線（小辣）+大腸+雲吞+ 凍檸茶$50麻辣湯底好特別,飲得出係有少許辣味但麻感就係零，可能係少辣關係！佢特別之處係帶有啖啖嘅薑蔥味，又同麻辣又幾夾，唔會搶走兩邊嘅特色😘😘大腸‘淋淋地’有嚼口，雲吞好大隻好足料😚😚🤴🏻叫左～～～麻辣小鍋米線（中辣）+雞翼+魚皮餃+腩肉+零系可樂$57湯底冇分別只係辣多左d但都係冇咩麻口感🤣🤣腩肉同魚皮餃正常水準，雞翼就太‘淋’，欠缺彈性🤨🤨口水雞🐥$45呢個雞不得了，非常重口味真係又麻又辣，我就辣到流鼻水，🤴🏻就話好好食辣得好過癮！😂😂但可惜係辣味有少許蓋過雞味，仲有汁醬內嘅醬渣有d‘吉’口，幾次以為係雞骨碎！如果改善到會更加分😃😃