金華燒臘大王 (Closed)

平時黎開呢度食, 都唔係食燒味飯, 反而係食叉燒撈面! 佢地既燒味不嬲都幾有水準, 而且有得選肥, 半肥瘦或全瘦叉燒, 幾好! 佢地既撈面好大碟, 面有少少梘水味啦...可以接受既, 但個撈面既湯真係幾唔錯, 好鮮, 我都食唔出有咩味精, 幾好!不過係價錢貴左少少啦...

五寶飯份量頗大，很足料，食量不大的一定吃不光。每碟飯都會附送兩條菜芯。芫茜湯份量大，但不好喝，不值得試。環境不俗，裝修後有古雅的感覺，且乾淨衛生。服務一時時。食物ok，不算很出色，但水準平均，不會很差，中至中上啦價錢較同類食肆略貴，約半年前又加了價（要cover番裝修費？）在中環吃燒味飯的話，可試這家或太興。太興除燒味外還有其他選擇，地方較大，且有套餐，服務亦不錯。不過，燒味以外的食品質素就有點參差。這兒的裝修則較雅緻，也較乾淨。

平時好少遇到會去完又去既餐廳,呢間既燒味飯,叫人再三回味我本身唔太好肉,但間中一餐"肉餐"都唔錯,每次黎都食切雞瘦叉飯呢度既飯有碗同碟,其實都係好多飯...估計碗上都有兩碗至三碗,d飯又壓得好實下,密度好高,而d飯好香,好軟好綿,濕度適中,白雪雪,好在飯都香,d汁係少左d,但係都ok,因為d燒味好有味,如果仲要咁多汁,成餐一定好渴而好欣賞佢碗入面既菜,係兩條菜心,好翠綠好乾淨軟硬適中,食得好放心,又新鮮喎d燒味選擇ok多,切雞冇雪味,唔鞋,雞胸都唔鞋,唔過肥,質感幾好,不過我冇試過油雞至於叉燒,係我最欣賞既,瘦叉真係冇乜肥膏,好軟好嫩,咬落唔鞋唔乾唔un,岩岩好見過有人食五寶飯,如果食量ok絕對值得一試,好豐富環境食晏時間好多人好迫夾,但坐落都ok,其實佢有格局同裝修,不過lunch咁迫又趕都唔得閒理,而且呢間燒味舖好乾淨--推介~

平時我都唔多食肉類,更何況係燒臘?!不過食完金華之後真係對燒味完全改觀囉,聽個fd話金華既叉燒好多肉汁同鮮甜,仲可以叫全瘦叉燒,所以就同另外個fd來左試我個碗叉燒飯真係多到你唔信,有成十幾塊,都係$26蚊炸,唔怪得個fd話兩個女仔來食叫一碟叉燒飯加碟菜已經好飽,d肉真係好好食,比起檀島仲好d添我個fd就食五寶飯($31,好似係),真係好誇張大碗,睇落去好似個迷你盤菜咁...我地兩個係飽到痴住左張櫈囉,你地睇下相就知有幾大碗啦

8 PM有堂要上, 之前去找食時很想吃四寶飯。於是到了金華。原來金華是沒有四寶飯, 而是有五寶飯, 執多一寶啊!!呵呵!! 這間金華燒腊麵家全店是禁煙(好可能這裡老闆是林則徐的後人), 內裡非常整潔, 可以叫作「賽屋企」。食物很足料, 而且質數不錯, 很新鮮, 下星期必要再來光顧。

睇左某期飲食男女, 講到d叉燒曉飛咁滯, 今日又係第一日o係中環中心返工, 初到貴境, lunch就自己一個人來, 點都試下個招牌肥叉!一去到, 嘩! 爆到呢~ 係可以2張卡位坐住4個唔識的人果隻。老實講, 佢算乾淨, 係個地下跣少少, 不過燒味店地下, 向來如此。見到隔離個呀叔食碟燒肉, 一碗靚仔咁, 我都好想咁~ 可惜能力有限, 只好在能力範圍內叫左碗肥叉燒肉飯。又見到個例湯好似好正, 但係成碗拉麵咁大碗, 賣9蚊, 我覺得返工唔應該咁樣食法, 所以冇叫。碗飯一陣就到。咦! 唔對路! 肥叉唔肥, 燒肉冇皮! 喂! 駛唔駛咁! d汁似蠔油, 唔似豉油, 好老實, 我真係唔鍾意杰撻撻的汁芡。所以好少可咁食燒味白飯。講返d叉燒先, 自問由細食叉燒食大, 呢度果d真係唔好食喎! 只係一件硬的肉加蠔油。燒肉仲慘! 沙梨篤過咸, 咸到食唔落! 最後我只係食左果2件皮。一碗拉麵咁大的飯, 食左1/3, 係得d菜食曬。因為太咸關係, 我唯有叫碗例湯清下喉嚨。是日為冬瓜薏米陳腎湯。呢個幾好, 好清淡, 唯一一件陳腎都好味, 又淋。不過呢, d瓜, d渣, 好少。29蚊碗飯, 食完真係唔想再食。例湯就

落大雨,近近地食燒味~第一次食...食0左叉燒燒肉飯...好味..d肉好鬆軟,唔肥,外皮有小小小小脆,肉有豬味...不過個燒肉就好麻麻...唔食都得...冇餐ga...雙拼+一杯凍飲=$47...好貴...d位又好迫...迫到兩個唔識既人一齊坐一邊卡位..真係有d過份..個笑面淨係俾個叉燒...

這裡環境很清潔及企理，座位也算寬敞，加上全禁煙，所以我喜歡此處，因為有些地方雖然有好味的燒味，但是要勁吸二手煙，幾好味都無MOOD 啦！而這裡就夠清靜，好適合斯文客。這裡的叉燒好好味，例湯都好味，值得幫趁！

琴晚經過「金華」，之前睇過食評，試吓食佢地既「八寶炒飯」，有鮑魚粒、帶子粒、瑤柱..... (唔!都幾足料)再加個例湯(^v^)，好滿足！

胃好，但個口唔好：味蕾仍然因為今日個Casa 包D 味精麻痺中。（詳見上文）o係條脷咁差既情況之下o係金華叫o左客招牌五寶飯同是日例湯。例湯係西洋菜鴨腎豬骨湯，雖然飲落淡淡o地（我既問題），但係係清甜既...最緊要既係佢無落味精兼夾大大碗。鹵味拼燒味好正，份量都多；連男仔唔使叫碟飯，淨係叫碗飯都已經飽。五寶飯有叉燒、燒鴨、白切雞、鹵味（鴨腎、豬潤、雞心）同鹹蛋，附蔥油。燒鴨肥，白切雞肥，連叉燒都肥...無計，肥先餸飯。叉燒掂在D 麥芽糖唔係好似唔使本咁落：薄薄既麥芽糖先可以燒到舊叉燒食到最後都仲脆卜卜。蔥油有蔥香之餘仲有D 爽，再加埋鹹蛋去殼，有heart。燒味阿姐都有禮貌同serve 得好。o係個食龍肉都無味既情況之下仲寫到食經，金華除o左肥膩D 之外，無乜特別原因叫我會唔再幫襯。

一月尾起, 乍暖還寒, 喉嚨不適, 胃口不佳, 疑是吽感冒, 幾天來lunch都吃粥.自從去年十二月某日路過金華, 看見門外長龍, 湊節鬧買了一碗外賣粥以來, 凡是吃粥, 金華都是我不二之選.事關呢, 粥底夠綿. 雖然論綿, 還是媽媽煮的最綿, 但人在中環上班, 遠水不能救近火, 有金華在公司附近, 也不錯. (除了溫暖牌家庭裝外, 金華也是我吃過最綿的了.) 我不知乾坤(技倆)何在, 總之夠綿便好.粥料方面, 鯪魚球和肉丸都好, 只有皮蛋瘦肉又咸又乾, 勿近(XPPPP). 切雞驚喜最大, 雞肉嫰, 雞皮油, 粥因而更香滑. 不過, 一泡黃油浮在粥面, 非人人受得了.燒味櫃裡掛著义燒, 看來很可口, 到身體完全好起來, 必試.順帶一提, 負責外賣有兩位叔叔, 其一甚是寸嘴. 不過, 外賣者, 無用做人世, 尚可不理.

义燒唔香，失敗！切雞冇雞味，失敗！燒鵝大多膏，失敗！薑葱得個咸字，失敗！個汁得個杰字好似"獻"汁咁但完全冇味，失敗！飯底有Ｄ太腍有Ｄ太硬但冇啱啱好，失敗！放得咁靚等人哋有極高希望然後所有環節都打沉哂你，失敗之中嘅失敗！唔信？自已去試吓咪知囉！

之前一直都知有d間野..今日lunch專登去試下.間野雖唔大.但都好多人.等左2-3個字入得到去..我叫左义雞飯..佢d义 燒都ok..幾香..d雞都ok..但佢有專用既汁..都幾好味..令到成個飯都香左..

一碟五寶飯：有切雞、燒鴨、叉燒、咸蛋及雞腎。（有燒汁、蔥油、梅子醬）本人好鍾情燒味、用咸蛋送飯．．．所以，勁度愛好「金華」既《五寶飯》，再來個「例湯」（註明：不含味精），再比多碟油菜，嘩．．．好開心既晚餐．．．在中環的價錢來講好ＯＫ嘞。值得一讚，環境比起什麼「翠華」、「港式」，呢度乾淨好多好多倍．．．

1. 燒肉、义飯、切雞飯$35: 不知是否因為晚市才光顧，燒味只是一般而已，不是差，但又不覺十分好。燒肉不會太咸，但皮不脆；唯切雞就幾滑。2. 招牌鴛鴦$9: 不覺有什麼特別，普通港式鴛鴦一柸。