金華燒臘大王 (Closed)

Reading the new Hong Kong Michelin Guide for 2012 made me realised that, though I happen to concur with many of their new inclusions except perhaps on some of the Star Ratings, their impact on the local dining scene is such that there will always be shops which you feel are unfairly left out and not given justice! Without much transparency as to how they choose where to eat, or which shops they have or have not tried and didn't quite make it onto the guide - I think for certain shop own

一年前在中環中心做 project. 開始發現中環有很多下午荐餐超抵食. 有 30蚊以內炒粉麵飯連嘢飲. 但最正都係金華, 廿蚊一1.碗燒味粉麵加7蚊有嘢飲. 燒肉, 乂燒, 燒鵝都好食. 而麵方面, 麵身爽又有蛋香. 湯水唔覺有味精.

我地公司耐唔耐就會叫呢間野外賣，本身金華嘅燒味同粥都好好食而且份量唔會太細或太大，剛剛一個飯或一碗粥就夠飽佢啲燒味燒出黎入味但唔會太咸，肉質鬆化，絕對唔會"刃"我見同事食嘅肥叉燒，係正宗半肥瘦叉燒黎嘅，而我食嘅瘦叉亦係屬於全瘦 (完全無肥肉)叉燒 (如果佢無上錯野的話)呢間野最大問題係...次次都總會送錯送漏野例如叫套餐會上漏湯，叫2條油炸鬼好多時只會上得一條.....而且，通常佢都唔會送返上黎...

每次走到中環，經過租庇利街，我必定唔會行中環街市果邊；因為白鴒經常聚集於中環街市，我驚行過時會中招！ 通常我行近中環中心果邊。由德輔道中轉入，沿途，見到翠華，再行前啲就會見到金華燒臘麵家；門口紅色配金色，十分搶眼！入到去，舖頭細細，坐得擠迫！空間感不足！ 坐卡位比較舒服啲，可惜唔多！只有星期六容易搵到卡位坐。店內古式裝修，極為吸引我嘅視線！掛燈上有如意結，另一款有趣嘅掛燈，令我想起降落傘！ 只要留意每個細節位，可發現好多新奇有趣事物！ 連卡位椅上都唔放過，有四字成語來儆醒食客一些人生道理！除咗燒臘之外，仲有粉麵；分開為兩個廚房。起初，我打算食雲吞河 $28，但係店名金華燒臘麵家，當然要試吓燒臘啦！見到餐牌中有：金華金牌叉燒；所以我即時轉軚！叉燒河 $38一會兒，店員將碗河粉放喺我面前。以呢個價錢，俾番同等份量嘅叉燒，有 10 塊之多，十分慷慨！ 我無要求叉燒肥定瘦，算係半肥瘦叉燒；感覺上呢度嘅叉燒面比較紅一點！睇上嚟顏色鮮明，配合翠綠菜芯，火紅火綠！賣相相當吸引！ 稱得上金牌叉燒，相信唔會太差！些少肥肉混合之下，叉燒肉食落肉質嫩滑，鮮美多汁！菜芯夠新鮮，不但食落夠腍，仍保持翠綠！加埋蔥

以往到中環工作都會來這裡幫襯，難得星期日黎到中環，又黎幫襯下，來這裡，都是要肥叉雞飯。要肥叉果然係俾肥叉，唔似灣仔某人氣燒臘店禁樣，講明要肥叉都係隨意俾舊你果d。講返呢到，叉燒甜度適中，有點燶夠惹味，依舊好吃的叉燒。雞是穩陣的，夠嫩滑。三十八蚊碗，好吃的叉燒飯。PS: 想吃肥/半肥/瘦，落單/買果陣無講，師傅斬左先黎講，見到唔岩先係到嘈，哈，有趣。 我都係想靜靜地食餐飯啫，嘈咩鬼呢。正如叫咖啡，通常都會被反問係咪熱，哈，有趣。

4-8-2010是日 lunch 忽然勁想食飯又好想食燒味, 記得阿爸介紹過呢度的叉燒「幾好食」, 就過嚟試試吧.簡單叫了叉燒飯 (碗裝 $33)... 吩咐了叉燒要「半肥瘦」, end up 亦果然係半肥瘦部位 (係咪叫「梅頭肉」?), 瘦肉食落鬆軟嫩滑, 甜甜的又有肉汁, 肥的部分不多, 同份量剛好的叉燒汁撈飯同吃, 味道甘香帶甜, 好食 無要求「扣底」, 但「畢」吓「畢」吓, 呢大碗叉燒飯俾我食到碗底朝天 不過見搭檯嗰兩個男人食剩唔少白飯, 睇嚟雙併唔多掂? (還是我胃口太嚇人?)放低 $33 飯氣攻心的離開, 真滿足 下次食燒鴨 / 鵝瀨!

星期六下午中環的食店大都擠滿人，單獨一人只想隨便吃點東西，然後會合親人一起去醫院探病。 這是一間小小的食店，有數張中式的枱椅，幾個卡位，每張枱上都有一句祝福字句，例如我坐在8號枱，便有一句龍馬精神，很有心思。 服務員先送上一杯熱茶，我吃了一碗雲吞麵，味道很好，麵條很彈牙，大大粒雲吞，有脆口的蝦肉餡，再加一杯甜甜的山楂茶，很滿意！

昨天午餐吃了沙律，今天試試很久沒去的金華吃燒臘去。叫了叉燒飯，媽媽叫了燒鵝瀨，另加鴛鴦一杯，菜心一碟。燒鵝有點乾又有點粗，老實說相當一般；叉燒更是令人失望，叫得自己做「金華金牌叉燒」，端上來的居然是一塊塊又瘦又乾的豬肉，加上偏甜的叉燒汁，整件事令人失望。也許是叉燒部分的問題吧？如果剛巧切正靚位叉燒應該會比較好吃的。相反神秘地在碗中岀現的一小塊芝麻燒肉皮則相當岀色！至於鴛鴦則色香味皆全，入口先是滿口咖啡香，然後是奶茶的甜，先後有序而又不會互相搶味。下次來金華都係叫燒肉比較穩陣。

The Roast Pork is juicy and tender. They have very good parlsey and fish soup. I'll go back there again and again for the roast pork, roast duck and roast goose.

呢度既X燒係厚厚軟軟的, 同平時食開的很不同. 不是不好食, 而不是我平時食開的味吧. X燒汁是THICK的, 有微微的香味. 一碗X燒飯, 分量可不小的, 女士可2人一碗再加菜及湯.湯很甜, 不過唔似無味精WOR. 我喜歡它們大大碗湯及入面唔會有朱骨等東西.

大熱天時，由大會堂一直行到去中環街市，為既就係一碗叉燒﹗起初以為只係普通茶餐廳一間，入到去先發覺裝修原來下左一番工夫的。有啲龍龍鳳鳳紅噹噹的擺設，懶係中國風。我唔敢話靚，但比一般茶餐廳更重本，不過有啲俗氣。其實裝修係點都唔緊要，我寧願佢地方大啲。我地兩個人坐係個卡位的一面，而張枱只係得一尺長，所以對面搭枱個兩個人就好近好近，對方講咩都聽到晒-_-。本來諗住叫蘇絲黃介紹的貴妃骨，但佢話已經賣晒，淨係要了一碗半肥瘦叉飯。一上到枱就立刻見到依度的叉燒飯與眾不同，因為用的唔係豉油而係杰好多的獻汁，食落好似福建炒飯啲汁。雖然係好特別，但總覺得豉油好啲。第一係因為依個汁唔夠甜，第二係因為豉油會滲透晒落去下面啲飯，而依個汁就只係留係表面唔夠撈晒啲飯（除非你叫阿姐加汁）。叉燒的話都只係中規中矩。大大片的叉燒，因為係梅頭的所以都夠林。但就如食友所講，缺乏了燒臘味（除左個邊位之外），有點兒失望呢。媽媽要了一碗及第粥，佢話個粥底不錯，但啲材料就好一般﹗服務方面係比一般的茶記好的，阿姐都好好人又有耐性。而個叉飯的賣相、菜等等來睇，廚房都係好有心，唔係求求其其的。可惜味道冇咩特別，下次寧願去太興。

今晚突然好想食燒臘飯，但成日去太興，不如試第間有無新發現。入去一間門面好似幾好的金華，原以為是一般燒臘荼餐廳格局，一入去竟然係好中式的裝潢，即刻覺得有d格格不入。叫左好想食的叉雞飯，上檯時覺得碗飯好精美，不過食落d雞其實好普通，薑蓉都唔算好香，再試埋舊叉燒，都唔覺自己食緊燒臘，好似食緊日本湯麵d叉燒咁，好淋而且無煨燶味，但都覺得好食嘅，只係唔係我想食的燒臘。不過要讚的是其叉燒汁，撈叉燒及飯都好甜好好味。以後想食真正的燒臘飯，都係去番太興穩陣喇。

午飯五寶飯一碗 加 西洋菜湯飯太多汁好咸鴨賢又係好咸燒鴨斬左幾塊一舊油連皮食唔落叉燒肉夠厚比較新鮮雞都係較新鮮西洋菜湯無味精 但不足豬骨所以唔夠甜...整体好過味精湯..環境清潔略迫服務可以總括五寶飯係完全唔值45 但下次會試叉燒切雞飯少汁

次次同男朋友去親中環時,大多數都食佢叉雞飯同叉燒燒肉飯,嘩!掂呀,好好味呀,特別係佢d叉燒,半肥瘦,加上d汁,簡直好味到唔識點形容,總之好味啦!

很久之前已食過金華，記得不錯，今天特地來再食。叫了燒鵝叉燒飯，見到已知不妙，叉燒奇瘦，邊位一點焦都沒有，就像沒有燒過一樣。食落，是很淋的，薄切，全瘦叉，當然不會好。本身的味道是可以的，蜜味很濃。燒鵝水准不錯，皮脆，味道帶點八角香。看到Openrice的食評，見到叉燒的相有很大的偏差，有些是厚切半肥瘦，有些像我吃到的薄切瘦叉，到底是水准不穩定，還是午餐和晚餐的分別？叉燒的分別不像只是瘦和肥那麼簡單。最后一提，OK臉是給嫩滑菜心的。