根記健康素食

Open Now

Now Closed

這次去到又比老板娘哦我們沒有先打電話訂定菜單，哈哈，因為每次也忘記帶這裹的電話，但咁啱行完timesquare時又想食清啲。因為佢只得一個廚師做晒所有野，去到先叫餸就要等好耐。今晚叫了薑茸金針雲耳蒸鮮腐竹和蘿蔔炆生根，加羅宋湯。薑茸金針雲耳蒸鮮腐竹是我的最愛，清淡的鮮腐竹吸收晒薑茸的調味，左右有幾條菜心，金針雲耳紅棗就其實無什麼味，只作裝飾之用。蘿蔔炆生根裹有雲耳，紅蘿蔔片，入味的生根和清甜的白蘿蔔。羅宋湯有少少辣，內有薯仔，雜菜蕃茄等，味幾濃幾好味。走時又攞了菜單和電話，老板娘不忘說下次記得打電話來先，OK!

Lunch time，因為cwb食飯都遍貴，所以選擇走遠一點到鵝頸熟食中心搵食~避開左lunch人多既時間，2點左右黎到熟食中心搵食，去到既時候4樣餸係油菜、煮tomato、炒雜菜同豆卜，我選擇唔要油菜，雖然餸既選擇唔係淨番好多，但每樣餸味道都不錯呢~而且餸菜都好有住家feel呢~在場所見其實都係男人先會再添飯，不過用佢既tomato sauce撈飯，身為女生既我都添左多碗飯呢~其實佢既餸菜唔可以話非常好味，但對於太忙成日都返唔到屋企食飯既人黎講，呢度既3餸飯都可以令佢地有番少少住家菜既感覺，而且服務既人都好好人好友善，有種親切既感覺，lunch or dinner係度食亦係一個不錯既選擇呢~

主人與奴隸獸看著此食店的餐牌，發覺選擇不多，尤其沒有煎炸香口菜式，實在難得，好健康的素食店。秘制蜜汁素叉根：味道很濃郁，汁較為偏甜，所以易入口。素叉根很有口感，好味呀。XO醬炒雜菌翠肉瓜：濃味中帶有絲絲清新的味道，非常不錯的一道菜。羅宋湯：湯料十足，酸中帶微辣。由於奴隸獸個人喜好問題，所以只給個『OK喇！』。薑茸金針雲耳蒸鮮腐竹：主人覺得味道清淡，薑味不夠，不過奴隸獸就很喜歡這道菜，鮮腐竹軟滑，有豆味。當晚光顧的食客頗多，而且大部份是熟客呢！（看他們與女老闆熟稔的程度已知一二。）所以菜式選擇不需要多，只要好味道就可以了。

朋友介紹鵝頸熟食中心有好多好野食, 啱啱一個人經過灣仔, 就特地走去試一試.牆上貼了價錢牌, 價錢又調整過, 但飯菜真材實料, 不會將貨就價, 那也可以接受~是日靚湯是冬瓜湯, 加了蕃薯入內, 非常鮮甜及好味, 完全沒有肉湯的負擔感晚上要用餐, 最好是先預訂菜式, 否則會等很久, 我就點了廚房在煮的欖菜野菌炆豆腐, 看擺碟便知好味~ 欖菜野菌很好吃, 若果用有機豆腐會更'正'!老闆娘就忙着招呼客人, 看起來很多都是熟客, 廚房裡就有2-3個人在忙, 店外放著茶水供客人飲用, 另外白飯是可以續添, 真是一餐吃得健康又美味的晚餐!

12-11-2010前一日食燒鴨飯 (http://www.openrice.com/restaurant/commentdetail.htm?commentid=2129799) 時留意到呢檔素食, 上嚟 Openrice 又見食評不錯 (一個喊而都無!), 到鵝頸街市逐間試的 "expedition" 第二站就嚟試試. 叫了雙併湯麵 ($22), 兩餸就揀了素鵝及芥蘭炒「牛肉」.素鵝: 比其他地方食到的軟熟, 豆味強勁, 幾好食.芥蘭炒「牛肉」: 芥蘭賣相似菜心多 d!? 食落唔夠爽脆, 不過無渣又幾嫩, 都 ok 的;「牛肉」唔知係乜r嘢菇製成, 幾有韌性, 「扮」牛肉都「扮」得幾似 調味就同「四喜烤麩」嗰隻又鹹又甜近乎一樣味, 唔知落咗 d 乜呢?麵底: 無 specify 要乜嘢, 結果來了我唔太食的粗麵, 不過呢度的完全無鹼水味, 仲煮得十分爽滑, 質地好似腐竹, 又幾好食喎. 隻碗望落好深好大, 但其實 d 麵份量剛好, 好在無扣底啫.湯底: 好似帶點菇味, 但飲唔出係乜? 不過 MSG 度唔高就係真的, 都收貨了.見其他人都係叫兩餸 / 三餸飯或

Went together with the Meat-out Vegan group as one of their regular Monday outings.Really enjoyed it, the atmosphere is Dai Pai Dong cooked/food market style hustle and bustle and the dishes were excellent.Tofu - really tasty with a light flavourCurry - spicy but with a slightly citrus sweetness, strange combination that really worked "Char Shiu" (someone check my spelling, not sure if its right) - I guess their signature dish, very sweet and very tastyTomato & potatoes - Nice messy mixBeancurd

同齋妹約好去教協買野, 收穫當然豐富啦, 之後正是食飯時間. 想想食什麼好呢, 而且手中一袋二袋的不想走遠. 記得起以前朋友介紹過鵝頸橋街市上面有一間素食. 於是便拉齋妹上來, 誓要試一番.喧嘩的熟食中心, 最少人的算是根記了, 而且是日仲要係農曆十五, 不過, 看見廚房同老闆娘, 三個人都是忙過不停的, 走一檯, 黎一檯, 通常都是兩、三個人來食, 而且熟客居多, 原來小店自有一班忠實既支持者. 我們點了兩個小菜, 一個鮮茄薯仔免治素牛同一個燒汁炒雜菌, 後來在等食物時再加多一個羅宋湯. 後來老闆娘解釋為何我們的菜來得慢, 原來大多數食客, 一早已打了電話來定下什麼時候來, 食什麼東西, 而且她們只有一個廚, 自然要輪著來.是日兩個例湯, 中湯沒有叫所以已經忘記是什麼湯了, 而西湯就是一大碗又濃又足料既羅宋湯. 夠Spicy, 用純雜菜蕃茄青椒煮出來的美味濃湯, 比得上街上所有茶餐廳西餐廳, 味道濃厚, 香料也是十足, 一個小小既例湯都做到咁好, 難怪這兒只有好評沒有喊面.鮮茄薯仔免治素牛, 純素的食材, 只是用了少許素肉來做一個小點綴, 簡單的蕃茄薯仔, 說是簡單, 但要弄得好食,

健康素食,好味去鵝頸橋附近的教協買嘢好多次.見大家介紹呢間素食店好味,出開去又順度試試.第一次踏足鵝頸橋街市原來有冷氣架,好舒服呢.地面搭lift按"1",出左lift左手邊望吓就會見到根記,位置好方便.牆上掛住張"笑"的裝飾. i like it呢度食飯好home feel.伯伯(唔通佢就係亞根!!??)等我選左3樣餸後,就問我要唔要湯,跟住就話現在我得閒,你搵個位,轉頭我會攞俾你.重提我白飯食完可以再加.呢度真係好似屋企開飯咁蕃茄,紹菜粉絲,枝竹蘿白,三樣都好味,不過樣樣餸都少少.大陸又旱災又水災,農作物失收,主要食糧都會一路加價.菜價貴,舖租佔左食店的主要開支,有時都理解的.如果餸有得加少少就good喇.大餸子民嘛第時再行開呢頭,都會再試埋佢地其他菜式每次可以試三個菜都好滿足.無咁厭嘛.清清地健康d,素食真係值得大家支持架根記開飯,食完先收錢架.

(作者按: 雖然 OR 編了這裡在灣仔區, 不過根記跟銅鑼灣也只是一橋之隔, 我便當是銅鑼灣了。)本人雖不是信佛, 但是日佛誕, 也就寫一篇素食食評來應下節。根記呢, 在素食界都算頗出名的, 是熟食中心內各式酒肉食肆內的一股清泉。午市人非常的人多, 點菜都要排哂大隊。套餐 $32 有飯有湯加三餸, 飯可添。飯堂式運作, 埋 counter 自己揀餸。搵位坐都要眼明手快, 人多的時候都坐得幾逼的。例如是日的湯是清補涼, 微熱的天氣正好清清熱。餸揀了南瓜、紹菜和素雞。都是很住家的菜色, 就像家裡煮的那些。碟頭都幾大的 (對女生來說)。要吃花巧點的素菜, 便要晚上來, 早前吃過晚飯倒是有特色得多。招牌炒飯材料雖簡單, 但勝在清新不油膩, 加點松子倍添香口。雲耳百合炒勝瓜也青翠爽甜, 百合更加甜到入心。欖菜雜菌炆豆腐本來是平平無奇的一道炆豆腐, 有了鹹香的欖菜即時醒胃不少。早幾年還有很好吃的西檸素雞, 現在沒有了, 不知何時會再推出。如果不嫌環境稍遜的話, 根記是我強力推介的素食店!

我與友人選擇在這開飯,因為我倆想吃得清淡些這裡的老闆娘很nice,知道我地第一次來就好熱心地介紹最後我地點左咖哩薯仔素鵝飯同梁生齋飯咖哩薯仔素鵝飯份量幾多,咖哩微辣有椰香,好惹味有薯仔,黃椒,番茄等材料,好送飯~梁生齋飯即係羅漢齋啦~金針,雲耳,豆卜唔少得,但份量較咖哩薯仔的少~味道較為失色,始終覺得咖哩薯仔好味d老闆娘話呢度得一個師傅炒,所以出菜會慢少少,但我果日都唔係等左好耐,大約10分鐘啦~所以我覺得冇乜問題呀!我覺得食素最忌油淋淋,但呢度一d都唔油,好健康!

今天到天樂里附近辦點事，突然想起在鵝頸街市有一家熟食檔式素食店，覺得很新奇，於是去試試。這裏的午市只有快餐供應(非常失望)，有大約四至五種預先煮好的素菜款式，如: 菜心、煮番茄、腐皮、炒銀芽/木耳/紅蘿蔔、炒木耳/冬菇/紅蘿蔔等。本身不太喜歡吃飯，所以改要麵。老實說，以賣相來看絕不吸引，我在挑選菜式時也很難作出決定。最後點了炒銀芽/木耳/紅蘿蔔配炒木耳/冬菇/紅蘿蔔和煮番茄配腐皮。讚: 麵很爽口彈牙，沒有鹼水味，素湯底很夠味。銀芽炒得很有鑊氣，番茄甜甜酸酸很醒胃，腐皮很滑又夠味道。價錢方面，也蠻便宜($22兩個菜)。彈: 午飯時間沒有小炒供應，環境有點髒，份量少不夠飽，賣相略嫌原始。整體來說，一試無妨。

踏上電梯~走過天橋~來到熟食市場的一邊份外熱鬧~~各檔口的伙記爭相拉客~~咖哩羊腩燒鴨晚上無福消受~這晚也不吃榮記的小炒~~拐個彎來到後方的齋舖~~不需拉攏客人~不需花巧~~只見Elsa姐忙過不停地走出走入~兩三個人打點一齊~確實有點忙亂~~~所以當小比想點菜時~~她也奉勸小比不如落單後行一個鐘才回來吃~因為太多單!?!?!? 已經好餓了~就決定邊坐邊等~~至少可以喝碗湯嘛~~還有排隊等吃的番茄鮮竹~欖菜野菌炆豆腐~要喝茶請自便羅宋湯[$10] : 比起不少西餐館還要足料~紅蘿蔔煲得淋身索味~當然少不了椰菜薯仔作伴~~帶點酸帶點刺激的微辛~這樣一來確實可以稍稍撐著餓胃等吃番茄鮮竹[$28] : 平平的泛紅一片~卻是原始簡單的味道~~在家自已不會做這類菜~但卻吃得出家的味道~鮮竹番茄的比例各佔一半~鮮腐皮吃起來又薄又滑~帶點韌性~掛上茄汁包著番茄同吃頗為匹配欖菜野菌炆豆腐[$38] : 是個拌飯一流的菜式~翠玉瓜野菌豆腐通通都均勻地塗上了一身欖菜和芡汁~較為濃味惹味~豆腐份量頗多但始終較難入味~幸好豆腐本身texture夠滑~~整道菜還是以欖菜芡汁為主體梁生齋飯[$30] : 此名由來是

鵝頸街市是我中學時代的飯堂，記得當時雖沒有冷氣但我和同學們還是照去無疑，想來真是耐力驚人。那時已開始幫襯的根記，賣的是雲吞牛腩粉麵，間中又會自製酸齋等小吃，我們都吃得津津有味。事隔多年，街市已安裝空調，環境舒適不少，可幸根記還健在，只是改為賣素食，是重遊舊地的時候了。我和老公分久不久都來這裡晚膳，每次都吃得滿足又健康，店方還會根據食客的口味和需要給予意見，想吃點清淡的就要個薑蓉蒸鮮竹和番茄豆腐，想吃惹味一點就來個欖菜雜菌炆豆腐和咖哩薯仔雜菜，縱使選擇不多但令人有回家吃飯的溫馨，真好！綜觀而言，我特別欣賞這裡的咖哩汁和番茄汁，前者微辣開胃又有椰香，與薯仔雜菜相配，但上次似乎有點太辣，不過用來送白飯還是不錯的！番茄汁是開胃之選，味道掌握得很好，不會太酸又不至死甜，而且店方還會加入自製的「免治」，增加整個菜的香味和口感，拌飯一流！店方對煮和食都有一份堅持，就是不用罐頭食品，就算小配角「免治」，她都要以新鮮菇菌和素雞之類切碎而成，可見其心思和誠意。另一惹人喜愛的就是湯，素湯一向給人淡而無味的印象，但這裡的湯食材配搭得宜，像粟米湯，除了粟米和甘荀外，還配合不同的豆類和腰果，味道清鮮又不覺太齋，功

本来都没想到会到这里吃晚饭，但看到有一家素食店，就坐下了。个menu很多图片，非常好！很多看上去都很美味的素食，每一样都想试。所以最后还是问老板娘有什么好介绍！茶水是自己去拿的，很free。桌子不多，人也不多。1.白计香杂菌双花白汁没有想像中那么thick, 但味道还可以。这道菜很清不太咸，可以空口吃。除了两种花菜，别的素菜如三色椒和蘑菇都是碎碎的，加上白汁可以用来送饭都不错。煮的时间刚好，不会过火。2. 薑茸金针云耳蒸素雞看图片很吸引，所以就加了这道菜。素鸡就是腐皮，很新鲜，口感很好，加上薑得香味，空口吃也很好。金针云耳觉得不够，如果可以多一点就perfect！3. 秘制蜜计素叉根卖相不错，味道甜甜的很好吃，很开胃。好Chewy，口感很好，自己特别喜欢吃。在素叉根下面还有很多菜！这道菜送饭就very good!Will try other dishes next time!

6月27日, 夜晚去咗灣仔街市, 呀菲因為要食得清d, 所以揀咗呢度幾出名嘅素食店, 當然, 呢度大部份食客都係食隔離嘅大排檔, 根記只有幾張枱, 兼食嘅人唔多…::: 鮮茄素雞絲燴飯 ::: $30鮮茄素雞絲嘅份量直情多過飯, 非常足料~ 鮮茄, 青紅燈籠椒, 加埋素雞絲都幾好味, 味道比較清淡, 個汁都幾清, 完全唔似係街嘅味精飯, 好有住家feel~鮮茄量十分多, 好清甜令到個飯好開胃, 素雞絲而食得出雞嘅質地, 十分高水準~::: 欖菜野菌炆豆腐 ::: $38店鋪嘅推介菜之一, 所以叫黎試下~ 味道好似羅漢齋嘅獻, 欖菜野菌味道都十分濃, 送飯一流~! 另外仲有翠玉瓜同紅椒, 都十分入味~ 而個豆腐就唔太入味, 可能d豆腐太大舊, 裏面比較淡味, 不過好好咬~ 可以一試~!要一提嘅係, 落咗單之後要等大慨20分鐘先有得食, 因為係即叫即整, 就算order唔多都係咁, 一定要有耐性, 否則勸大家唔好黎. 不過等下都係值嘅~ 老闆娘都十分好人, 可能得閒卦, 周圍同人傾計~ 喺大排檔林立嘅灣仔街市, 根記就好似森林裏面各肉食猛獸中嘅素食者~