金子半之助 (利東街)

Open Now

Now Closed

飯 普通野 份量少 男人唔會夠飽天婦羅同飯材料 唔係made in japan 蝦 魚 臭 梅 有雪藏味 處理出錯 粉漿太稀 粉皮甩曬出黎 天婦羅淋 又油味 蛋 爛左爆曬蛋汁出黎 咁嘅價錢唔應該出現又貴又唔好食 眾要加一 （但要自己QR落單 同拎單出門口比錢）最好飲係個麵豉湯 黑豆茶環境油煙味重 師父唔似日本人 見佢整完都唔想食 失望

路過利東街， 之前聽過話呢間要排隊，不過今日好晏去，結果冇人即入去即有位坐， 佢嘅選擇唔多， 結果叫咗三個餐，味道唔錯，價錢喺呢一區呢講覺得都唔算太貴，可以一試， 另外佢嘅黑豆茶亦都唔錯， 唔會好似其他日本餐廳咁衹係比抹茶，幾特別不過敗筆之處就係座位比較少， 今次我哋坐緊門口收銀位置， 比較迫夾， 同埋佢最多都係四人枱，如果人多嘅話， 我諗要分開枱坐，另外佢亦有吧檯 ，所以呢間餐廳我覺得人少就可以，人多嘅話坐位比較麻煩

今天和朋友來到灣仔吃飯，我們選擇了利東街的這家日式餐廳進入。喜歡裏面的日系感覺，也很熱鬧。我先到，朋友後一點來，坐下之後便立刻下單。 我們叫了江戶前天丼，稻庭烏冬配天丼，隨後店員就拿來調味架，我和朋友都很驚喜，因為調味架的精緻，以及豐富的選擇，柴魚片，蔥花，海帶和，溫泉蛋。未幾，稻庭烏冬配天丼上來了，裡面既天婦羅海老好吃，炸皮不太油膩，蝦夠大隻，裡面還有海苔、溫泉蛋和南瓜天婦羅，個人覺得南瓜天婦羅頗出色，脆脆甜甜的！ 而朋友的江戶前天丼也上來，很大的一條穴子，即是星鰻，肉質偏實，淡淡鮮甜。同樣也有天婦羅海老、海苔、溫泉蛋、南瓜天婦羅等。醬汁也很好吃不過多一點會更好。總的來說這家日式餐廳的天婦羅的確不錯。

We ordered the signature Edomae Premium Tempura Rice Bowl(江戶前天共). This includes toppings of Conger Eel, Shrimp, Mixed Seafood Fritter, Soft Boiled Egg, Seaweed, Snow Pea. This don is very worthwhile to try, with all those rich toppings overwhelming the japanese chewy rice. The portion of sashimi is large enough that satisfy your appetite of japanese food! We have also upgraded our don to get the extra tempura, which is what here famous for. One thing to highlight is definitely the tempura conger

一直都好鍾意食炸物，由炸雞到炸天婦羅，基本上我都係無炸不歡，所以見到打正旗號只賣炸物ge金子半之助，一定不可不試。一般吃天婦羅，最驚佢早早炸好，食物上到檯黎，所有炸物已經唔脆又標油。幸好，金子半之助即叫即做，雖然令輪侯座位時間長左，但真係好值得。例如，我今次黎呢度試ge係期間限定ge 松葉蟹天丼 ($158)。侍應將食物端上桌面，只見碗中ge松葉蟹蟹腳長長，肉質肥厚，第一下一定要必先品嚐。而其他的天婦羅配菜，包括海老、莢豌豆、香脆海苔同小柱魷魚亦好高質，外圍夠脆，內裏肉質就好鮮嫩。當然食天婦羅唔少得配上美味白飯~! 邊食天婦羅，一邊將溫泉蛋拮穿撈飯，由餸菜到飯底，全部都配合我天衣無縫，值得再次幫襯~!

全店都是天婦羅食品，喜歡香口炸物的Fans切勿錯過了！全店均以炸物為主，有數款天婦丼或烏冬羅可供選擇。雖說是炸物，但吃落一點也不油膩。炒黑豆茶有助消除油膩感，味道特別淋上秘製醬汁，令所有天婦羅鮮味倍增！飯碗很大，但其實碗子內的深度只有一半。

灣仔利東街想係好多好正嘅餐廳，今晚就去咗呢間門口已經排長龍，等咗一陣先等到位，友人之前介紹，今晚就帶爸爸一齊去食呢間店舖，門口位睇以為位置好少，原來入面都幾多位下，環境舒適，座位滿哂杯中有兩粒黑豆，飲黑豆茶可以清熱去油，一路食一路飲就最啱期間限定嘅 [ 松葉蟹天丼 $158 ] 當然要叫碗啦，味道鮮甜，又長又厚肉又肥美嘅松葉蟹松葉蟹蟹腳，口感厚實，碗內仲有其他天婦羅都好出色，有肉質爽口彈牙嘅海老、肉質嫩滑嘅小柱魷魚天婦羅餅、莢豌豆、香脆海苔及溫泉蛋，食到約一半，要將溫泉蛋吉穿，連埋本身飯內嘅醬汁撈飯一齊食，好食到暈另一份晚餐就揀咗 [ 迷你天丼＆稻庭烏冬(温) $118 ] 迷你天丼有菇菌、海老、南瓜、海苔、莢豌豆及溫泉蛋；而特色稻庭烏冬配有五款配料可以撈埋一齊食，半熟溫泉蛋嘅蛋汁放入撈烏冬一齊食，味道變得不一般，再落埋天婦羅碎、鰹魚花、海藻及蔥花一齊食，口感更豐富有層次因為唔夠喉，所以就追加小食 [ 小柱魷魚天婦羅餅 $28 ] 炸得酥脆，香濃魷魚味，口感鮮甜彈牙。最鍾意飲嘅 [ 味噌湯 $8 ] 飲完更暖胃金子半之助灣仔皇后大道東200號利東街地下G16號舖

好多人推介呢間天丼，拖咗好耐終於搵一日去食，周末過咗午餐時間都仲有唔少人。天丼款式其實唔多，而且麵食只有配2款迷你天丼選擇。所有套餐附味噌湯，漬物。由於都係炸物，影出嚟好似一樣樣😂🌟上天丼 $118🍤一個天丼有齊白身魚、海老、小柱魷魚天婦羅餅、莢豌豆、海苔、溫泉蛋🍤天婦羅炸好後，再淋上秘製醬汁，每件天婦羅都沾滿醬汁，唔需要再加其他調味🍤秘方研製而成嘅醬汁，鹹鹹甜甜，而香港分店醬汁仲加咗鰹魚花乾，入口更鮮甜🍤白身魚炸完仍然肉質彈牙，含豐富蛋白質同鈣🍤份量對女仔嚟講偏大份🍤食材上的亦加咗柚子，配搭清新柚香，解膩又開胃據Menu上嘅小秘訣，食用一半後再將炸半熟的溫泉蛋戳破，令溫泉蛋蛋液包住每一粒米粒。呢個食法的確令個飯更濕潤，每啖都充滿蛋香~總結：唔知係咪因為餐廳落場(~3pm), 天婦羅表面都比較黑同唔夠脆。秘製醬汁令天婦羅有別於平時食開嘅味道，可以一試但個人覺得未到非常之好食。

12月頭已經黎過利東街影相喇。不過知道夜晚燈飾擺設會再靚啲，專登再約埋朋友去打卡，影相之前見到金子半之助好多人排隊，諗起好耐都冇食過天婦羅就入去試下。<江戶前天丼> $138點咗江戶前天丼，有穴子、海老、小柱魷魚天婦羅餅、溫泉蛋、海苔等配料。我哋發覺天婦羅比起坊間常見較為深色，原來丼飯既入面嘅天婦羅採用日本特製高級胡麻油，所以天婦羅色澤會較深，香味亦更為突出。前天丼既穴子其實喺星鰻，比起一般食到嘅鰻魚肉質結實而且脂肪較少，呢個招牌既穴子天婦羅有成30cm長，魚身厚肉肥美，食落好滿足。跟返店家所推介嘅食法，食到一半時將溫泉蛋整碎混和白飯同配料，飯香蛋滑，口感更為creamy，伴帶住天婦羅嘅香氣。<迷你天丼&稻庭烏冬(冷)> $118朋友心大心細咩都想試下，就揀咗迷你天丼mix稻庭烏冬，其實除咗凍嘅之外都可以揀熱嘅稻庭烏冬。迷你天丼麻雀雖小，五臟俱全，同樣都有海老、溫泉蛋、海苔，不過就多咗菇菌、南瓜等配菜，食法同江戶前天丼基本上一樣，海老、菇菌天婦羅酥脆美味，食落一啲都唔會覺得𠝹口。稻庭烏冬幾特別，會跟上一碗清湯底，客人可以因應自己嘅需要加適量嘅芥末同蔥絲入

特製高級胡麻油炸天婦羅&爆漿香口流心蛋～～～個個都去🇯🇵日本唔通我又有得去日本咩...冇得放假，收工就嚟咗呢一間我好鍾意嘅日本料理餐廳食晚飯。12月天氣凍，食炸野嘅人都多啲，7點幾嚟到，排咗一陣隊，好彩唔係太耐。～～～先唔講食物，佢地嘅丼碗亦都係成餐飯嘅重點之一，望落平平無奇嘅一個碗，其實運用咗源自江戶時代的陶瓷工藝，佐賀有田燒黎製作，碗底部份特意做成空心，咁樣就可以更佳咁保持碗中食物嘅溫度，非常貼心。～～～🦀松葉蟹天丼：呢間餐廳其中一個好嘅點，係佢哋每一次都會有期間限定，令到客人有更多驚喜。今期嘅限定就係呢一個松葉蟹天丼，材料有松葉蟹|海老|小柱魷魚天婦羅餅|莢豌豆|海苔同溫泉蛋等等，貌相豐富誘人不在話下，食落亦係令人驚喜連連。松葉蟹非常鮮甜，蟹膏香濃，香酥炸皮內嘅係濕潤嘅蟹肉，令人唔會食到個口乾爭爭，好高質。而且佢地用咗日本特製高級胡麻油，用呢種胡麻油製成的天婦羅香味特別突出，色澤亦會較深，望落特別靚。～～～🥢迷你天丼&稻庭烏冬：呢個有飯有烏冬一次過滿足你兩個選擇嘅組合亦都係場內非常之多人order嘅。烏冬軟滑非常，仲有大大個盒裏面裝有香蔥、木魚、昆布等等，俾客人自己添加，儀式感滿

第一次係香港食天丼就黎左呢間日本過江龍天丼專門店，朋友叫左我去好耐，今日終於有機會去！ 呢間位於利東街嘅分店唔好睇佢細細，原來樓上仲有一層！ 都容納到幾多人下。去到有種去咗日本嘅感覺，店員會提醒你小心梯級好貼心。講返主題天丼先！我哋就叫咗佢哋嘅主打江戶前天丼仲有好耐冇食嘅到庭冷烏冬配埋迷你天丼。佢地嘅江戶前天丼入面會有穴子、海老、小柱鱿魚天婦雜餅、溫泉蛋、莢豌豆餐會附送味噌湯、漬物。咁多款天婦羅入邊我哋最鍾意佢哋嘅穴子，好少可以喺香港食到，而且在得啱啱好，會食到星鰻嘅質感，同本身帶少少嘅鮮。佢哋嘅半熟蛋都炸得好出色，識落仲係流心架！迷你天丼稻庭冷烏冬而唔係你天丼入面就有菇菌、海老、南瓜、海苔、莢豌豆、溫泉蛋比較多蔬菜類嘅食材。我就係睇中佢哋嘅冷烏冬，配搭埋熱辣辣嘅炸物食落油膩感冇咁重😀可以食多幾舊！食炸物點少得啤酒呢！我地就叫咗Suntory 嘅生啤，食先咁多炸嘢飲番啖啤酒，大滿足🥳Suntory beer 罐裝 draft beer

今日行完展，下一個會議未夠鐘，於是就想找地方先吃個late lunch。 一邊由會展出來一邊在想著要吃什麼， 因為天氣有點冷， 所以決定去吃天婦羅。來到利東街的金子半之助，這家店店面頗小，坐位放得有點迫， 分了兩層， 我一個人被安排到樓上的吧枱位置，QR code下單也很便捷。其實餐牌很簡單， 我就點了江戶前天丼，配了杯生啤。餐廳提供黑豆茶， 真正以黑豆煮的，很養生的樣子， 但因為很熱， 貓舌頭的我要先倒出來放涼。生啤先來，喝一口解渴，順喉了。等了一陣我的天丼到了。實物跟餐牌的照片差不多一模一樣。真正日本餐廳都有這執著。不過我眼看著覺得醬汁有點多，天婦羅有點濕，就缺了香脆口感了，所以我覺得如果醬汁可以下少一點或是讓客人自己下會較好。穴子其實是星鰻相類近的魚， 原條上， 好厚肉，肉質很好，柔軟而不油，炸過更好味。蝦也很新鮮。天婦羅溫泉蛋用來拌飯非常讚。

好耐未食過天婦羅啦，原來喺灣仔有一間天婦羅專門店，呢間舖頭喺日本開到嚟香港，當然所有食物嘅材料都好有水準。你間舖頭位置都非常方便，地鐵站一出2分鐘內就到。沿途中可以欣賞下利東街嘅特色。呢間餐廳採用日本米，令到呢個丼飯加到100分😍😍我哋本來都唔係好鍾食煎炸嘢，但係呢個天婦羅真係好好食，唔會好似出面食嘅天婦羅好多粉，同埋咬落去好油膩。今次我叫咗江戶前天丼，天丼稻庭烏冬。❤️江戶前天丼基本上有嘅天婦羅嘅食材都有，有海老、魷魚，海苔、溫泉蛋。但係最特別之處就係呢個丼有整條鰻魚。金黃色嘅天婦羅，同埋食落去不覺得油膩之外，另外仲有點甘甜嘅味道，完全唔需要有任何嘅醬汁，都會覺得好好味。最特別嘅，溫泉玉子都可以做炸物，流心嘅蛋黃汁，配上香脆嘅天婦羅，真係想食多一碗飯。迷你天丼稻庭烏冬今次朋友比較貪心，又想食飯又想食烏冬，所以呢個配搭最適合佢。起初以為烏冬會令天婦羅冇咁香脆可口，但呢個觀念我諗要改一改，非常好味。呢個迷你天丼蔬菜會比較多，有好好味嘅菇菌。❤️最特別嘅係個烏冬，如果你鍾意食好多蔥同埋唔同嘅配料嘅，有一大盒不同嘅配料，任你配搭。

食完滿肚氣既Crepe，去咗過幾步既得獎天丼食店食天婦羅，平時成日見到人龍，週日下午3點15分就無人排隊。餐牌簡單，得3款天婦羅飯同兩款烏冬，亦有單品追加同飲品。邊等邊聞到好香既日本特製高級麻油炸緊野食。松葉蟹天丼 $158 另加一呢個松葉蟹天丼係期間限定，坐低即試。松葉蟹當造，呢個丼有兩隻原隻蟹腳酥炸，另外有兩隻海老，一大份小柱魷魚天婦羅餅，一片莢豌豆，一片海苔，同一隻溫泉蛋，望落好似好豐富。天婦羅炸皮好脆，不過唔夠薄，而塊皮已經有醬汁，所以唔太食到蟹腳同蝦既鮮味，已經比醬汁蓋過。反而魷魚又鮮又脆又嫩，份量都好多。紫菜較油，莢豌豆就無特別。下底既飯開頭以為好多，食落先發現原來隻碗係特別淺，原來飯量並唔多。餐廳教你食到一半天婦羅就將隻蛋整爛，然後就蛋汁撈飯，不過其實蛋汁唔多，個飯加左唔少秘方研製醬汁，係用天然大豆整，類似豉油撈飯，所以先夠味，靠蛋就唔夠。飯粒無特別。配有糖漬白蘿蔔幾條同海藻酸薑。仲有麵豉湯一碗。追加穴子 $68 另加一呢條穴子反而係最好，因為無加醬汁，所以味道天然d，等你自己點醬汁。而炸皮薄脆，肉質鮮嫩，肉量夠多，呢個價錢抵食。枱上面有一壺熱黑豆茶，冬天飲好養生。總括而

見到d 介紹話間野係咩日本 number 1 天婦羅，又咩全國金獎 blah blah blah…今日去開灣仔，下午茶時間 (3pm左右) d 拉麵店落晒埸，咁就去呢度試下啦。- 上天「井、」$118内容包括: 魚 x 1 , 蝦 x 2 , 魷魚 x 1 , 豆 x 1 , 蛋 x 1 , 紫菜 x 1🍚 - 松葉蟹「井、」$158内容包括: 蟹腳 x 2 , 蝦 x 2 , 魷魚 x 1 , 豆 x 1 , 蛋 x 1 , 紫菜 x 1😕所有嘅天婦羅個顏色都偏深色，近似淡啡色，同平時認知嘅淡黃金色有分別，以為係因為佢淋左豉油，所以咁嘅色，但一食，OMG !!! 一丁點嘅脆都無！一d 都唔鬆化！感覺係個粉漿嘅問題，以及啲油唔知用左幾多日所致。師傅喺碗飯落左好多豉油，食致底幾咸，唸住飲啖湯清下，點知仲咸！你睇個碗以為好多飯，錯喇少年你太年輕啦，原來個碗外底同個内底中間係有個約3cm 嘅gap㗎！食後感：🤑🤮😵無下次 。希望大家不要中伏 。d 相無落filter, 真係炸到啡色㗎！仲有間野要收加一服務費架，不過要自己scan QR code 落單，比壺水你自己斟茶，食飽自己攞張單去門