蟹膳

Open Now

Now Closed

🦀《今晚全蟹宴》🦀 ·前菜酸酸地好開胃·北海道海膽蟹肉茶碗蒸蛋夠滑融入左蟹肉再加海膽既甜味超鮮味·海膽鱈場蟹腳刺身海膽同蟹肉系即開夠鮮咁再加魚子醬咸香好夾·蒸松葉蟹及鱈場蟹食材本身新鮮再加個蟹醋調味簡直一流·松葉蟹天婦羅天婦羅有驚喜 除左蟹腳 仲有一個流心蛋黃天婦羅 好特別 同埋配個綠茶鹽 好好味·松葉蟹肉羹都系鮮甜 再加左塊金箔 成碗蟹肉羹望落好靚·涷毛蟹簡直系戲肉 服務員會一路講解一路將拆左既蟹肉同蟹膏撈埋 跟住啲蟹腳已經剪好哂 入口個種鮮甜直系好正 好想撈碗白飯·黑松露鱈場蟹肉蒸飯我吾識講個種味道 佢系即蒸 用日本珍珠米再加啲菇黑松露同蟹肉 最後撈埋啲魚子 入口系有啲啲濕濕地 味道鮮中帶少少咸 好食 想添多碗·甜品我揀左個柚子雪糕 好清新 食飽消濟 味道很好5星好評😋環境很好5星好評⭐️服務很好5星好評👍🏻值得一試

今日去食個生日lunch，之前係灣仔食過這間不錯，搬了去銅鑼灣都未試過，就今日去試試。搬了新環境都幾好，坐得闊落舒適，服務也不錯，不過都最後就一肚氣，之後再講。我哋同樣叫了行政套餐，價錢$438，包括有前菜丶蟹肉蒸蛋、麵豉湯丶松葉蟹天婦羅拼盤、毛蟹火鍋、雜菜和烏冬，最後係雪糕或咖啡，三個餐我哋叫了兩個跟毛蟹火煱和一個燒鱈場蟹腳，個人比較喜歡毛蟹火煱，蟹肉比較鮮甜，大家可以看看以下相片，也有其他lunch set選擇。因為有人生日，佢哋很貼心地在雪糕上加上生日牌和爉燭。👍🏼不過講回最後點解食到一肚氣，事情是因為佢哋三點鐘就落場，但book位或之前沒有人告知過我，當時三點前已經過來數次，同我哋講三點收工，未食完就上雪糕，又埋單先，都明白唔緊要，但其中有位服務員的眼光不友善，最後收枱時，不問一聲，未食完都收走，我真係忍唔住，唔明高級餐廳都可以咁趕啲客人走，起碼都比我哋食埋先，最後我哋離開嘅時間都係3點十分左右，遲咗少少都可以咁，真係唔好意思阻住收工🙈，本來食得好地地，最後攪到唔開心。希望餐廳能夠改善一下。總括來講，這間餐廳可以，不過大家預早一些去食，不要阻人收工，服務就會好一些。😣本人就不會

好期待晚蟹宴🦀揀左十道菜既set同upgrade 凍毛蟹最後兩個人都食到好飽好滿足-入到門口有個蟹池同埋小路有卡座頭盤🥰❤️‍🔥好新鮮海膽魚子系面蒸蛋最底下仲有鮮甜嘅蟹肉食緊上一款食品嘅時候佢哋就攞個蒸籠出嚟 開始蒸呢兩款蟹差唔多三、四分鐘食完啱啱好就可以試呢個一隻鮮甜一隻濃味啲服務員有介紹每一種蟹 同埋食法或者鐘意濃味啲嘅話可以點醬油/蟹醋金箔蟹羹 啖啖蟹肉份量岩岩好 口感吾錯 每一啖都食到蟹肉絲！凍毛蟹❤️‍🔥🦀Upgrade 左份量有啲多 兩個人有啲濟但系真系好鮮甜😝！

蟹膳在灣仔舊店時已光顧過三次 每次都沒有令我有一絲失望 每一次都捧著肚心滿意足地離開口腔的蟹肉鮮味久久不散半年前左右走過看見店舖已封著裝修 我大叫慘了 每年犒賞自己的機會都沒有了 急急去Open Rice找 希望只是搬遷 好彩 彈出了新地址 在銅鑼灣利園商場內 不能等 立刻去訂枱其實味道已不必細述 因為單單新鮮 惹味 鮮嫩這些形容實在單調 看照片吧搬進一級商場 裝修低調奢華 一進門口 更大的蟹池 在燈光映照下 水更清徹 三款蟹 ： 松葉蟹 毛蟹 鱈場蟹更鮮活餐枱上竟還有一玻璃樽裝著一只迷你蟹！我問服務員 她說天天都餵他們吃烏龍麵條！今次的晚餐非常豐盛 也盡慶 服務員比舊店更親切健談 一頓晚餐 吃的飽飽 聊得高興 在超過一年的疫情影響下 實在需要美食的驗慰藉及跟人的親切互動我曾去其他的日本蟹專門店吃過 也只能說 再貴我還是要回來蟹膳 不只是值得 環境 食物和親切的服務員 這一切加起來 其實是超值！

總有d時候好想一條友毒毒食好西，chill下enjoy下。朋友知我鐘意食海鮮魚蝦蟹，就介紹我點都要試下呢間😋蟹膳😋咁岩有日要出去銅鑼灣，就book個lunch食啦。地點搬左去利園一期，上到去首先環境好舒服，店員都好有禮貌，好好服務店員介紹左幾款午市套餐，因為本身比較鐘意食香口野，所以就揀左鱈場蟹天婦羅套餐。前菜係一個醋醃番茄，酸甜味剛好，食完好開胃🤤🤤跟住到蟹肉蒸蛋， 一直都覺得蒸蛋要整得好食真係唔容易，要夠香夠滑仲要夠鮮。而呢個蟹肉蒸蛋，係可以滿足到晒我3個願望，熱辣辣，一打開就聞到蟹肉嗰浸香味鮮味，口感好滑，唯一吹毛求疵，如果蛋味再出d，我會更滿足🤪麵豉湯同炸蟹肉餅跟住上，炸蟹肉餅外脆內軟，個餡好多材料，但仍然食到絲絲蟹肉。到成個餐嘅主角就係個天婦羅，除左個蟹鉗，另外好期待嘅就係個蛋黃。。。。先講個蛋黃天婦羅，吸引之處係佢個流心！冇錯，係個流心！好驚喜！少d技巧都搞唔掂，咁岩我個套餐配左白飯，個流心黃配飯真心冇得輸！店員有介紹，食個蟹天婦羅時，要配埋個抹茶鹽一齊食。話說我第一次食抹茶鹽，感覺係好單純一股有抹茶香嘅幼鹽，幾得意🤤🤤個蟹咬落啖啖肉個感覺真係好幸福，個皮炸得唔厚，都唔會炸

新鋪搬左去利園，坐位寬闊裝修清雅光猛，空間感大，比起舊鋪少左一份神秘感。好耐無食過蟹宴，揀左個海膽和蟹套餐，注意：真係有好多海膽😂幾乎無個菜式都見到海膽既蹤影，鮮甜肥美，與蟹肉互相輝映，從茶碗蒸，蟹冷物，炸物，燒蟹腳再到火鍋，最後既蟹粥，呢個午餐實在太豐富了！

六月係父親節兼小編daddy生日，小編今次就揀左一間名貴得黎，地點又就腳嘅餐廳 — 蟹膳🦀，聽到個蟹字可能大家都會擔心食得好論盡，蟹膳嘅廚師非常細心，每一道菜都已經拆開蟹殼，再加上食蟹專用餐具，小編不費吹灰之力就食完呢頓蟹宴，daddy都好滿意🤪蟹膳有套餐同單點Menu，小編今次就試左「花見 Hanami」，由前菜至甜品共11品菜，材料用上松葉蟹、鱈場蟹同毛蟹，淨係聽都知矜貴，食落又係點嘅呢？前菜第一道沙律已經啖啖蟹肉，配上柚子豉油，非常開胃松葉蟹腳刺身蟹就食得多，刺身食法小編都係初嘗，食落蟹肉比較黏，怕腥嘅朋友可以搭配Wasabi食。職員亦都非常細心，會先問清楚有無唔食刺身嘅朋友，如果有就可以選擇將蟹腳連同下一道菜蒸煮，但係蟹肉表面閃令令嘅金箔就要刺身食法先有啦蒸松葉蟹及蟹膏喺食緊刺身嘅同時，職員會用枱面嘅電磁爐即場蒸松葉蟹，蟹蓋會倒入蛋白先蒸，蛋白中和蟹膏嘅腥味，入口時又滑又香。蟹肉用清蒸嘅方法食落非常鮮甜，唔需要加任何調味已經食到小編舔舔脷燒鱈場蟹蟹腳之前三道菜都係比較清淡，食蟹肉本身嘅鮮味為主。跟住落嚟嘅燒蟹腳就係對味蕾嘅刺激啦，燒過嘅蟹肉特別香濃，蟹殼嘅燒焦味特別吸引，蟹腳蟹

之前見朋友有食過 亦都好高質！ 決定生日去賀一賀佢 食餐好既😆 中意食蟹就岩晒～ 唔同做法滿足個胃！嘉 Yoshi — 鱈場蟹 $1490揀左食鱈場蟹！ 店員上菜時都會講解食法！所以絕對唔需要擔心唔知點食～前菜 － 金柚蟹肉沙律蟹肉份量都好多 仲有配埋啲沙律菜 有柚子好清新 好開胃！燒鱈場蟹（蟹腳 • 蟹鉗）一上菜已經聞到好香嘅蟹味！ 可以配檸檬或者蟹醋～ 各部位都有2舊 ！ 肉質好嫩 好彈牙！ 配蟹醋再更加突出蟹鮮味！天婦羅 （蟹肉 • 流心蛋黃 • 蔬菜）流心蛋黃天婦羅好正！ 店員話一口食 亦都唔會熱親！ 皮好薄 一唔小心就會拮穿蛋黃～ 成個蛋黃食 真係勁滿足！蟹肉天婦羅 - 肉質好嫩 點抹茶鹽鮮味更加突出！紫蘇葉天婦羅 - 紫蘇葉入邊包住蟹肉 不過本身自己麻麻地紫蘇葉味 所以就覺得還好～ 不過朋友就覺得好正！蔬菜天婦羅有南瓜番薯 全部都好甜！天婦羅粉醬唔會好厚 上菜溫度亦岩岩好！鱈場蟹火鍋 （雜菜盤 • 蟹肉餃子 • 雜燴粥）職員講底唔同烹煮時間 我就完全咁跟足😆 蟹肉真係又滑又彈牙！ 蟹肉餃子🥟皮薄多汁 頭啖湯無咩味 但煮完一大輪後再飲 兩個字形容：鮮甜！ 有唔同類型嘅菜

香港得好少餐廳專門食蟹，見到朋友介紹蟹膳，今次就揀咗呢間嚟一晚蟹宴！一入店就見到有一個蟹嘅水池，裝修都好有日本高級餐廳的氛圍，而且每一枱都有籬笆隔住，唔會見到旁邊嘅食客，私隱度高！枱面仲有兩隻蟹仔陪住食飯添～ Menu有3款蟹可以揀，松葉蟹、毛蟹、鱈場蟹，最後就揀咗「嘉よし」鱈場蟹嘅晚市套餐試吓！前菜 金柚蟹肉沙律柚子蟹肉嘅配搭，加上酸酸哋嘅沙律汁，實在太開胃，同埋fresh，好適合做夏天嘅開胃菜啊！沙律菜亦都無青澀苦澀嘅味道！燒鱈場蟹每人一碟都有蟹腳同蟹鉗，鱈場蟹蟹腳咁長，食起上嚟真係啖啖肉啊！師傅燒到蟹肉啱啱好熟，有鮮甜嘅蟹肉味，唔會過熟，恰到好處。侍應亦都有介紹食法，可以點旁邊嘅蟹醋或者加少少檸檬汁，如果加檸檬就食到蟹嘅鮮甜，個人就鐘意蟹醋，完全帶出蟹肉嘅鮮味，令蟹嘅味道更加出！不過拆肉就少少費時🤭鱈場蟹腳天婦羅碟上有抹茶鹽、蘿蔔蓉，另外有天婦羅汁，侍應提議蟹肉可以點抹茶鹽，而其他野菜天婦羅可以點天婦羅汁。呢道菜有兩件鱈場蟹腳，野菜天婦羅就各有南瓜、日本甜番薯、紫蘇葉、流心蛋，其中紫蘇葉好有驚喜，裡面包住蟹肉，蟹肉配紫蘇葉，味道好夾！蟹腳天婦羅建議趁熱食，啖啖肉，炸粉薄身，配埋抹

📍銅鑼灣超豐盛全蟹宴‼️ · 啖啖都係蟹肉🦀 -- 蟹膳🦀·今日小編想同大家介紹一間利園商場一間專門食蟹嘅餐廳🦀餐廳位於商場角落位，裝修較暗，非常有格調🤩甫入門口就有超大個蟹缸養蟹👍食蟹嘅時候又有專用嘅工具，又方便又乾淨！🤩---------------------------今次同朋友就試左「花見 Hanami」套餐，由前菜至甜品總共有11道菜，菜式用上松葉蟹、鱈場蟹同毛蟹，絕對真材實料，啱晒中意食蟹嘅朋友仔！🤩-----------------------------花見 $1720/per head 四位起⭐️前菜前菜係蟹肉沙律，淋上柚子豉油，酸酸甜甜非常開胃，為整餐打開序幕～😋•⭐️松葉蟹腳刺身第一次食蟹肉刺身，會有少許黏口，但食到蟹肉好原始嘅味道，非常鮮甜！🤤·⭐️蒸松葉蟹及蟹膏蒸松葉蟹嘅蟹蓋加咗蛋白一齊蒸，令味道唔會太腥，同時又可以食到嫩滑嘅蛋白！加埋鮮味十足嘅蟹膏真係好正！🤤🤤·⭐️燒鱈場蟹蟹腳燒蟹腳好香口～蟹肉味非常突出較濃味，仲非常厚肉！🤩🤩·⭐️松葉蟹蟹鉗及鱈場蟹蟹腳天婦羅平時小編好少食炸嘢，但對住天婦羅蟹腳真係無法抗拒！！🤤外皮炸得好香，咬落夠香脆，而且仲完全唔會覺得油膩，啖

今日order tempura 午餐，上菜時望落去冇問題，但原來只係暖暖地，應該炸好咗一段時間，蟹膳都算係有啲名氣，我冇諗過咁高級啲餐廳tempura竟然唔係即叫即做，感覺係預先炸好。太令人失望！

今日本身打算屋企人去食lunch 事前訂咗12-12:30 枱入坐 本身話full-house 而安排我哋係waiting list 嘅第一個 咁我就好客氣12:25 call 去問睇吓有冇位 個host同我講 「唔好意思客人未到唔知夠會唔會有位俾你」好啦咁我哋都係未死心都係真係好想食 咁就直接親身行過去睇吓問佢有冇位 我過到去12:50pm 行到入去餐廳門口 問個host有冇位 佢同我講「唔好意思！今日訂枱嘅客人係訂13:00至13:30，所以你都要等到13:00 至13:30 先睇吓有冇位我哋先至會再打電話俾你」但係本人真係有其他嘢做等唔到你13:00至13:30嘅電話所以我真係要當場取消 反正host 小姐姐很12:50 時表明左真係俾唔到位我。真心一句你裝修咁靚 又收咁嘅價錢 點解訂枱服務咁差 我已經好客氣當場冇話要投訴叫經理出嚟 但係至少一樣嘢我響waiting list 啫，你聽清楚我訂嘅枱係12:00-12:30啦好唔好？我由頭到尾都好強調我哋係訂呢一段時間㗎 我再等多陣已經叫好俾面你㗎啦 我亦都有打電話問你 一間收費都唔低嘅餐廳至少都有啲見得人嘅SOP好唔好? 如果正如

Wheeee (｡･ω･｡)ﾉ٩(˃̶͈̀௰˂̶͈́)و【一蟹幾味　頂級滋味】今次同大家介紹嘅係我哋食過最好食嘅全蟹宴🦀🦀🦀今次係佢搬咗之後第一次去食，但佢哋依然能夠保持水準，值得一讚🥳而雖然呢間餐廳都唔算平，但我哋都一致覺得係抵食之選！真係捧住個肚出嚟嗰隻！～我是Menu～鱈場蟹特上行政套餐　午市$720/位//北海道海膽蟹肉栗米凍湯//作為頭盤，呢個湯成功令我哋對呢餐充滿期待。清甜嘅粟米湯再加上絲絲嘅蟹肉，最緊要係佢入面仲有細細粒海膽，味道甜而不膩，可惜真係得一杯，如果唔係我多多都飲🥲//燒鱈場蟹//我哋就一人揀咗一份頭盤，佢係其中一款。一咬落去就真係覺得無嗌錯，啖啖肉得嚟又好有鮮味😋特別在佢除咗碟上面有檸檬之外，仲有蟹醋等等可以點，真係估唔到頭盤已經可以食到咁多唔同嘅味！//鱈場蟹天婦羅拼盤//至於另一半嘅蟹腳同蟹鉗就用咗嚟做天婦羅，喺未講隻蟹之前就一定要講佢嘅蛋，好食之餘，佢係流心㗎🥚至於啲蟹就炸得啱啱好，完全唔厚粉得嚟又鎖到佢啲肉汁，而天婦羅汁亦都唔會太咸🥸//鱈場蟹火鍋//食完頭盤之後就到火鍋啦，佢哋係用紙火鍋Serve嘅，入面裝住嘅係清湯。剩低嘅蟹身同蟹腳就可以用清湯烚煮，咁煮法可以

去唔到日本食蟹 唯有喺香港食當去左日本🤣我哋揀左下面lunch set x2鱈場蟹特上行政套餐Taraba Executive Set北海道海膽蟹肉粟米凍湯燒鱈場蟹（蟹腳，蟹鉗）OR鱈場蟹天婦羅拼盤（蟹腳，蟹鉗）鱈場蟹火鍋雜菜盤火鍋蟹肉餃子雜燴粥雪糕人頭每位HKD730餐廳內環境唔錯 兩個人俾咗張卡枱我哋全程侍應服侍得好周到 唔會有叫唔到人嘅情況食物好滿意 蟹肉係好新鮮 個烹飪方式亦都好滿意 對於我來講個份量有啲多食到個火鍋嘅時候其實我已經好飽啦但一定要試埋個雜燴粥 因為啲蟹嘅鮮味其實入晒落啲粥到🤤

今日適逢母親節，同屋企人一家去「蟹膳」共進晚餐。當我一星期前book位嘅時候，侍應冇同我講過有關於每張檯限制嘅用餐時間。而今日入座嘅時候，亦冇侍應同我哋再次提出有關於用餐時間。我哋本來都食得好盡興，喺set menu 嘅一道菜同一道菜之間，都有空閒時間去傾偈，因為要等下一道菜上菜。點知，去到食蟹肉火鍋嘅時候，突然間就感覺到佢哋越來越急嘅感覺。我哋都盡應佢哋嘅要求同步開始煮火鍋同埋煮蟹粥。但由於煮蟹粥需要最少20分鐘，當佢哋煮完碗粥嘅時候，已經距離所謂嘅「用餐時間」得返最後15分鐘！因此當上甜品嘅時候，就已經有侍應/主管每2分鐘過嚟同我哋講要食快啲。我哋都已經盡量將雪糕同埋薑茶倒落個肚，但始終非常之熱真係好辛苦。但仲要有侍應企喺我哋張枱側邊望住我哋飲同食。所以我哋反問，點解隔離張枱有兩位顧客俾我哋早15分鐘食完，而且佢哋嘅食物都已經打包好，仲要坐喺度不斷同啲侍應同經理傾偈，點解唔可以請佢哋先行離開呢？餐廳嘅答案竟然係因為嗰張卡位係坐唔到四個人嘅，但明明餐廳內嘅其他卡位就係四人枱！大細超都唔使咁嚴重呀？😤😤😤我明白餐廳想喺大時大節返多幾轉枱，但餐廳由頭到尾都冇同我哋講講過所謂嘅用餐時間係幾