勝八居酒屋 (Closed)

店員非常友善，仲送左個小驚喜比我和朋友🤩 尤其搵店員幫忙影相時，仲會幫我地就埋燈光角度🤩價錢和一般居酒居差不多～合理👍🏻 但份量比想像中多，下次約多幾個朋友黎，就可以share多幾碟野啦菜式方面，和牛炒飯非常特別，連同脆脆的蒜片炒，口感一流。芝士炙燒三文魚壽司，芝士味唔重，但反而因此冇咁「溜」，$88/6件。牛肉湯烏冬不太特別，$88黎講，同吉野家其實分別不大。店內其實地方不大，但裝修統一為日式木製風格，環境不錯。最重要係慢慢食，而店員都冇趕我地走既意思

店員好親切介紹當日推介及優惠， 之後就讓我慢慢睇餐牌及等人。昨天在另一家居酒屋食，今日再來這家都係即點 串燒牛舌，每家串燒都各有不同味道，百試不厭。少食三文魚，偏好油甘魚刺身，喜歡佢肉質。揚物做得唔錯軟殼蟹壽司賣相及味道不差，飯太濕散開。茶壺湯真甜味，好美味。看來這裡都是熟客多，店員跟客人有傾有講，好有朋友感的居酒居。

幾年前左右已經開始食勝八串燒, 一個月總有2-3次. 因為唔食真心會好掛住.直至勝八將居酒屋同串燒合二為一間, 就沒有再光顧了.一直好掛住佢既味道.由其係佢原隻燒胡麻雞翼, 燒白鱔同免治雞肉棒.4月尾有朋友生日, 心血來潮諗起好耐冇食過, 就即日訂位即晚去食.好彩都有位. (可能係平日既關係) 因為一直對呢間餐廳有好高既期望, 所以有少少失望.先講切食3寶.免治雞肉棒 味道不變, 但比以前細條.白鱔都係始終如一, 皮脆而且魚肉十分新鮮, 仲燒到岩岩好. 唔係間間做到嫁!!MENU 已經冇左胡麻雞翼呢一項, 要問店員先有, 但已經冇左原隻上, 加上味道冇以前咁野味. 第一次食既黑豚露荀 好JUICY. 大蔥都還可以, 冇咩特別. 係幾香口.但一個唔夠脆既天婦羅, 仲要隻蝦有少少雪黎講, 係唔合格!!!整體: 我唔需要佢點SERVE 我, 野食有少少失望但都算中上 全部係即叫即燒(因為我係有少少腌尖),  但天婦羅一定唔會再叫, 已經冇左唔食會掛住既感覺.下次再有機會會試埋佢其他野. 

朋友請食飯，仲好有心揀我最喜歡嘅日本菜，Set lunch餐牌好多選擇，我最後揀鐵板牛脷，牛脷係厚切，六件，配上洋蔥，牛脷好夠諗，冇腥味，$108， 值得，二朋友揀兩碗飯，分別係帶子海膽蝦刺身飯，同溫泉蛋牛肉粒飯，刺身全部大大件、好新鮮，$128，超值

預約左八點晚餐，到下午六點十分先打嚟話冇位。如果我要訂定位食飯，都唔會再訂到喇。如果冇位，就應該中午或者早一日打嚟，唔係當日唔夠兩個鐘頭前先打嚟。雖然冇食到，但係今次你哋嘅安排我真係好失望。

男友時常嚷著要再來勝八食抵食lunch set。點了黃金蟹肉飯和刺身定食。套餐包括面豉湯、沙律及前菜。勝八刺身定食非常豐富！有海膽、牡丹蝦、三文魚子、帶子、拖羅、三文魚、油甘魚及少見的劍魚腩。海膽份量很多，新鮮甜美；拖羅入口即溶；帶子肥厚肉嫩；三文魚油潤鮮味；劍魚腩爽口肥美；整體都是上佳的材料，性價比很高。黃金蟹肉飯上桌時都嚇呆了，蟹肉如個小山丘，混和了沙津醬和蛋碎，有些三文魚子點啜，男友很喜歡。是日甜品是雪糕。

上網見有間居酒屋有九折咪去試下網上好似幾多好評，就試下係咪咁好食上面裝修都幾日式，d板仔寫晒今日最新鮮係咩我地點左個牛肉沙律，真係同網上講無分別牛肉燒得岩岩好，好嫩仲留得住肉汁 開左個胃跟著叫左個海鮮魚湯 d海鮮好足料，魚湯好鮮甜又滑再嗌左盤刺身 有帶子 好大粒好甜侍應叫我地由淡食走，先食左針魚先，好清香，再食伊左木，的確，濃味好多，又新鮮最後再食左串炸雞皮，omg，脆耐不肥，師傅快起晒d肥膏但炸出黎都好脆食埋串雞肝，omg,係我最愛，燒得恰到好處問左侍應原來係一至四至有九折，大家要注意啊

同同事講開去日本玩，佢介紹一間銅鑼灣嘅居酒屋，話刺身有好多款，又新鮮。見佢講到咁高汁，今日一於book位同朋友去試下。一入到去坐低，已經見到成個刺身bar，掛咗唔同時令刺身嘅名牌喺度。店員都好主動埋嚟問有冇咩刺身想食。店員話今日嘅魴鮄同八爪足唔錯，我哋就試下。第一次食魴鮄lee隻刺身，雖然唔係好重油味，淡淡哋，但係就好新鮮，會食到魚嘅鮮味！八爪足同平時食嗰啲八爪魚刺身分別不大，但係個分開嘅吸盤就好正！完全係未食過咁嘅刺身，有鮮味，咬落又爽口，下次有機會一定再食！話到明居酒屋，梗係飲酒吹水，嗌咗個柚子酒。再叫個炸白蝦佐酒。新鮮即炸嘅關係，嚟到仲係熱嘅。食落咸咸哋，仲有蝦嘅鮮味，唔會炸過頭同得油味，送酒一流最尾食咗個紅豆雪榚，唔太甜，入面仲有紅豆粒粒，作為收尾幾好。

2019年1月13日 星期日夜晚同女朋友係銅鑼灣行完街見餓餓地就諗住搵野食，但覺得食黎食去都無乜新意，所以就上網睇下有乜推介最後去左呢間勝八居酒屋，貪佢都幾多好評，應該唔會伏得去邊裝修好有日式居酒屋風格，睇得出係花左d心思既，連貼上去既海報都係日文首先叫左一盤刺身，有八爪魚、鯖魚同真鯛，全部都係店員推介時令既魚。八爪魚切得好薄，食落去一啲散都冇，好煙銀，仲有好少食到嘅八爪魚盤，估唔到咬落去嘅時候係咁爽脆，啪啪聲，好似食緊百力支咁。鯖魚好有鮮味，師傅切得好透明，好考刀功。真鯛根據店員透露食落去會好腥，所以要點豉油，配合買姜同葱一齊食就可以癖腥，果然全部一齊食落口真係冇咗腥味，反而食出有魚味。我點左波子汽水而女朋友就點左乳酸梳打呢個海鮮魚湯鍋真係無得彈，除左有好多海鮮之外，個湯底真係飲到好重魚味，feel到唔係味精黎。帶子同蜆都好大粒，好足料。又一驚喜就係煮和牛尾，平時我好少食牛尾，但女朋友見到和牛尾話好想試下所以就點左。見到份量都唔少，每舊都好重骨膠原，而且煮得好淋，唔需要用力都咬得到。最好味既我覺得反而係個蘿蔔，因為煮到入晒味，又唔硬，食完好想再encore之後叫左個松葉蟹腳天婦羅，原

或說annual dinner抽中獎,咁當然要食餐好慶祝下啦左搵右搵見到盛八居好評唔少 不妨一試係登龍街勁方便..上到去已經X到海洋既味道 佢唔似普通壽司店佢係一間典型既居酒屋入去到一個個木板寫著今日時令既海鮮…不時不吃我地嗌左個燒牛肉沙律 牛肉唔會太熟可以keep住d肉汁跟著就係主角啦.. 嗌左3款x身…分別係帶子，針魚同伊左木帶子鮮甜彈牙 係幸福既感覺 針魚淡味d 要食味道好清香而肉好鮮嫩爽脆跟住到濃味既伊左木,好重魚味呀 呢個肉質明顯唔同D食完咁多生野, 自我感覺要飲返個魚湯唔好令個肚咁”生”呢個海鮮魚湯勁足料 個湯仲煮到好奶 最後食返D串燒中和返… 呢到有炸雞皮呀!! 香脆而不”溜”仲要脂肪唔多 店主應該起晒D肥最後食埋燒雞肝, 正呀!!成餐飯食到好滿足呀…埋單時冇啦啦見到有九折 原來係星期一至四有折…!!!! 係BONUS呀價錢唔平但食質素呢講真係超水準

銅鑼區美食甚多，今次試吓呢間日式餐廳。位於登龍街，裝修簡單清雅，燈光柔和。 日式套餐包括麪豉湯，沙律及前菜蘿蔔絲，主菜我揀左北海魚生飯。麪豉湯鹹道啱我口味，北海魚生飯材料豐富，份量十足，有海胆，大隻鲜蝦，三文魚，帶子，加上三文魚子，鋪滿成個飯面，甚為壯觀。海胆十分鲜甜，令成個飯提升级數。三文魚和帶子夠晒大份，鲜蝦大大隻，新鮮味美，简直係高質又抵食嘅套餐，而且仲有甜品綠茶雪糕壓軸，直情係心滿意足。抵讚!

銅鑼灣登龍街多嘢食就好多人都知， 但咁多間餐廳究竟揀邊間先好呢？個人就鍾意啲唔使排隊，環境要坐得舒，服食物又好嘅餐廳， 呢間係永光中心11樓嘅勝八就合曬我心水首先佢唔似其他餐廳限下你坐幾耐， 或者俾人望住曬你食嘢，上到去，環境暗暗地，即係放鬆左餐廳出名食新鮮嘅刺身， 應店員嘅推介我哋今日試咗三款平時比較少食嘅刺身，最上左手邊嘅係八爪魚吸管，右邊嘅就係八爪魚觸鬚， 下面嘅係鯖魚同真鯛店員話先由淡味嘅開始食，先食八爪魚吸管同觸鬚， 連同特製嘅燒汁一齊食， 大嘅吸管比較爽口， 細嘅吸管比較鮮甜，兩款都好新鮮！之後係食鯖魚， 鯖魚要加薑同蔥一齊食，仲可以點少少豉油， 本身以為會好腥，但係加咗薑同蔥真係去曬啲腥味，肉質非常柔軟最後食真鯛，因為本身已經加咗啲海鹽同埋黑松露油， 所以已經唔使再點豉油， 本身個人都唔係咁鍾意食黑松露，但係呢一隻黑松露油香得黎唔會覺得好搶， 而且都冇蓋過刺身嘅鮮味 ，冇諗過黑松露可以同魚一齊食非常新鮮食完刺身我哋仲食咗個海鮮魚湯鍋， 一見到真係超開心，魚湯鍋入面有蠔，有帆立貝，有蜆，有蝦，樣樣都大大隻非常足料， 而且魚湯湯底非常鮮甜，淨係飲湯都非常滿足煮和牛尾， 一上枱

適逢周末，約埋家人往時代廣場購物，在附近一間日式餐館午膳。時間尚早，人客不多，座位寛敞舒適，叫了三客日式午式套餐，碎葱吞拿魚海胆飯，黃金蟹肉飯和北海魚生飯。我選擇碎葱吞拿魚海胆飯，套餐先來沙律，前菜是蘿蔔絲，麪豉湯鹹味適中，幾好味。主菜海胆颇為鮮美，吞拿魚份量甚多，蓋滿整過飯碗一胆，吞拿魚蓉和碎葱十分配合，互相提升味道，葱香加上海鮮鹹味，令到每啖飯都口感豐富，回味無窮，食完碗飯已有飽足感覺，再來一記美味甜品綠茶雪糕，錦上添花。

生日月朋友繼續帶我食好野!今晚就黎到這間位於銅鑼灣鬧市的上樓居酒屋。這間居酒屋主打食新鮮時令的海鮮刺身!自從之前去日本食過唔同魚的刺身之後上左癮，所以今晚都要試下一D未食過既魚!居酒屋的bar枱位置上面會掛了當日新鮮海鮮的牌子，店員亦會主動介紹新鮮食材俾你!於是今晚就點了店員推介的海鮮及點了一個鍋物食!魴鮄($198)、八爪足($178)及生帆立貝($120)刺身，淨係睇魚的切法就睇得出師傅的刀功厲害!魴鮄魚薄切切到晶瑩剔透，魚新鮮而且食得出很鮮甜，這款魚配有酸汁一齊食，非常開胃。八爪足冇諗過咁好食，八爪魚刺身爽口煙韌，這款也有酸汁可以點，配以一齊食更加提鮮。另外還有八爪魚吸盤的部分可以食，冇諗過咁爽脆，好有口感。我不嬲都喜歡食帆立貝，這裡的帆立貝厚肉又大粒，食落啖啖肉!泡菜黑豚鍋($398)，初初以為呢度既鍋物會同出面果D居酒屋一樣，都係細細窩咁，點知原來好大鍋，而且豚肉係另上，可以俾你自己淥。一碟豚肉有10片，每人都可以食到5片!豚肉脂肪和肉分配平均，食起上黎有淡淡的黑豚味!泡菜湯唔算好辣，內裡有好多蔬菜，例如有雞脾菇、金菇、冬菇、娃娃菜、皇帝菜等!最特別係有秋葵!好入味!水蜜桃梳

友人推介之下，今晚訂了勝八居酒撐枱腳！食完真係好有驚喜同好滿足！*時令刺身* ：一坐低店員就好細心咁介紹當天時令的刺身！我們點了生帶子、白蝦同真鯛！生帶子好鮮甜，而白蝦食落爽口彈牙，好有口感！而真鯛嘅煮法都好特別，用咗黑松露油同海鹽，帶出刺身的鮮味！真係好耐未食過咁新鮮同咁好味嘅刺身！*松葉蟹腳天婦羅*：淡淡蟹肉，皮脆粉簿！值得一試！*關東煮* ：(忘記了拍照😅）味道冇喺日本食到嘅咁鹹，可見廚師有用心去調淡左個味道，而且材料十足！*雞皮串燒*：由於朋友太鍾意食炸雞皮，所以我都陪佢食咗一串！雞皮好香脆，而且好少地方可以食到！*大蔥地雞*：鍾意食大蔥嘅我就係鍾意佢獨特嘅味道，再配合嫩滑嘅雞肉，味道真的很Match！埋單嘅時候先知道原來一至四晚市做緊九折優惠，所以下次會再選擇星期一至四來吃，而且我還想試一試這𥚃的鍋物！