九如坊 (Closed)

與朋友聚餐, 醒起這裏一直想試卻未試, 所以由我提議來這裏.未夠一點到, 一推門見到店面是長長的放了一例檯兼坐滿了人客, 心想:真倒霉, 要等位呢.... 誰知侍應示意我們上樓上, 哈甫坐下, 檯上最搶眼的係每人一支的礦泉水, 沒有杯子(或可另外要求), 第一感覺係衛生. 連隨送上的就係餐牌及一份鮮果沙律. 邊吃著沙律, 邊決定了要鮮茄吞拿魚螺絲粉. 朋友則要了牛柳配薯菜.牛柳先到, 試了一口, 牛柳幾淋, 味道唔錯, 但薯菜的薯角則炸過火了一點. 我的螺絲粉亦煮得剛好, 鮮茄醬好開胃, 但主要的吞拿魚並非碎上, 而是一大舊的(樣子有點像沙甸魚)差唔多食完的時候, 見到隔離座位的食客竟然走到出面廚櫃上的生果盤上取生果食呢, 原來這盤我以為係擺設的果盤(上面有雪梨, 香蕉, 萍果等, 全是原個的)是給客人任意當飯後果的, 幾有心思呢~雖然此午餐沒跟餐茶(或另加$10), 但可以整支礦泉水來飲倒是第一次, 幾有happy hour的感覺呢^o^

老細同小老細去左文華午餐, 得番我同肥佬2個食飯~ 上次去完勝香園後發現這裡, 不論地理位置、名字及裝修格局都叫我留下印象~ 所以決定來試試~肥佬真好記性, 一過左蓮香轉個彎就過到來, 說真的, 我只記得在附近...剛12時多, 店內只有我們一檯, 每人都有一支bonaqua, 感覺衛生乾淨, 未點午餐, 侍應已端上兩份沙律, 沙律內有薯仔,蘋果,提子等等, 味道不錯, 可惜份量太少~我點了牛柳(又忘了全名...), 肥佬點了魚..(亦忘了全名...), 牛柳味道很好, 滑得來又不失牛味....易入口, 配菜薯角是剛炸起的, 正! 肥佬因為要減肥的關係, 所以剛好夠食~ 而他也讚這裡的食物不錯呢!12點半過後, 人開始多了, 全店滿座, 以這裡的食物質素及價錢定位, 想也是理所當然的事~ 不過看食客多是以男的多~ 奇怪若不用返工, 可以來tea一tea, 才是真的悠閒~

20050322 8pm又生日飯局. (今個月零舍多人生日-_-")Total 12人, 有朋友係呢度熟客, 包起呢度二樓, 訂o左自助餐.我第一次o黎, 九如坊(街名)即係蓮香隔離行幾步就到, 千祈唔好懶搭的士, 的士佬係唔會理你死活掉低你響老遠要自己行入o黎, 環境都幾舒服cozy, G/F靚o的, 二樓可坐20人上下, 有o的私房feel. 菜單有-*頭盤- 鴨胸鮮果沙律- 鴨胸OK, 生果好新鮮.*頭盤- 蝦沙律- 蝦一般, 但係菜都係好新鮮.*頭盤- 燒雞翼- 唔知咩汁燒雞翼, 都唔理得咁多, 好食就得啦.*頭盤- 麵包- 超軟熟, 好味, 讚!*主菜- 燒豬脾- 配一個酸汁吊味, 朋友好好笑comment 話係聞落宿宿地咁, 因為係醋整o架嘛~ 豬脾肉嫩, 唔錯唔錯.*主菜- 燒羊扒, 本小姐唔食羊, 無試, 朋友就話好好食wor.*主菜- 煎西冷扒, 有幾塊生得滯, 不過overall 係有水準牛扒.*主菜- 魚香草寬條麵, 呢個就唯一一樣唔好食o既, 魚肉質鬆散同寬條麵唔夾, 兼且, o的麵, 唔熟=_= *主菜- 台式鹵肉飯- 全晚最好食, 詭異地一個西餐o既地方出現

公司同事都上晒廣州，得我一個鎮守大本營，所以食飯都係自己食。一個人行左去九如坊，印象中原來呢度開左間外表都都幾掂的餐廳，亦見佢午餐28蚊起，連飲品最貴都只係45蚊，平平地又一試無妨。坐樓下，一點來到都坐滿人，見外面的人亦不斷的入來，原來呢度有兩層。一個人幫襯少不免要搭檯，午餐有四款選擇，有28蚊同35蚊兩種，加飲品就多十蚊，叫了匈牙利牛肉。不設水杯，有支Bonaqua供應，此舉無疑是乾淨企理，但就不甚環保。先來菜絲沙律，加兩粒車厘茄，都算不錯；匈牙利牛肉飯碟頭上，肉汁濃濃的，夠汁又夠味道。牛肉煮得有咬口又唔太韌，水準比想像中好；有一盤飯後果任客自取，有蘋果、橙、蕉等，都幾好；熱咖啡即磨，幾濃郁，整体來說水準以上。侍應倒幾好服務，又好禮貌。埋單45蚊，不收加一，幾經濟抵食，難怪地方隔涉都有唔少人幫襯。可以一試的。