九如坊 (Closed)

朋友從北京趕回來，想找個靜局一點的地方聚聚；幸好有人跟九如坊老板稔熟，五個人佔了一張大檯。雖然外表是一間西餐廳，實質是中菜館，但大家卻在喝紅酒，好玩。主菜是以海鮮為主，先來一份白焯中蝦，全是新鮮彈牙貨，啖啖肉。再來是薑蔥炒蟹，用上麻油來炒肉蟹，蟹汁精華通通跑到薑蔥內，十分惹味，而蟹肉澎湃，五個人食三隻大蟹，滿足的一夜。

如果在中環WEEKDAY找個寧靜的地方吃午餐一點也不容易等候的時間比吃的時間還要短幸好朋友介紹到九如坊吃午餐人流不多, 不用等位, 有2層點了A餐 - 煙三文魚扁意粉首先是沙津, 餐湯和手指餅沙津沒有很特別只是醬有點太多, 太膩餐湯很有驚喜! 不似是沖水的而且海鮮味很濃很入味手指餅是沒有EXPECT過的應該是用來做TIRAMISU的那款甜甜的很開胃!之後是主菜煙三文魚扁意粉!這個是沒有汁的款式有點失望! 味道沒有很濃郁只要咸味很少許三文魚味但很不錯的是煙三文魚的分量很多PS.這裹用的是樽裝Bonaqua感覺有點奇怪和不襯這裹的環境

相信去開中環食飯既朋友都知, 一係好多人一係貴到暈。今次比我介紹一個唔錯既地方--- 九如坊 (蓮香樓附近) 鋪頭細細但環境清靜。價錢方面中環來說相當合理, 每人都係大概 $150-$250 左右。食物方面都ok , 自家制牛柳及馬達翁帶子扒豬柳係全店推介 !如果係想攪party 都可以book 場, 好似仲有k 唱, 不過我自己就寧願靜靜地食餐飯, 嘆下紅酒0拿。 Haha Fish & Chips Basket英式炸魚薯條Avocado Prawn Salad牛油果蝦沙律Sea Scollops & Pork Loin Mesallions 馬達翁帶子扒豬柳Roasted New Zealand Rack of Veal燒紐西蘭牛仔架牛油杏仁焗龍利柳Tarufo由於當日我係去開工幫佢影product相,所以ｄ相係有人地公司名ga ~絕無偷圖

尋找新餐廳而來到「九如坊」，一間名字與身處的街名一樣的餐廳。從外面看，原來意為是頗貴的一間餐廳，但看見餐牌之後又覺得尚可，於是便和同事一起入內試試了。首先奉上的，除了餐牌以外便是一人一枝的礦泉水了。較特別的是有一枝礦泉水，但沒有柸的。到食物了，清新的沙津作為頭盤，還也不錯的選擇。主菜是豬扒飯，想不到竟然有兩塊豬扒那麼多。味道也可以，酸酸的奇異果汁都能和豬扒配合到。最後的生果是由選擇的，分別有柑、蘋果及香蕉。自己選了柑，飯後一生果是不錯的供應，但那個柑略嫌乾身了少許，不夠新鮮似的。

呢間餐廳真係好唔掂! 我一定唔會再去一入門口就超級大油煙味, 食完之後個身成陣味,仲要係返到公司都仲聞到,劣!除此之外,食物質素亦係非常之差。我今日食咗個三文魚番茄天使面。d汁非常多,而且攪到水汪汪咁,一d都唔開胃,劣! 個天使面非常之"淋",劣! 然後最差既係...個塊生既三文魚好難食好霉,劣!唔怪之得呢間餐廳永遠都冇人等位啦! 仲要唔係平喎,真係貼錢買難受

無o左每人一支o既水了暮仔沙律，其實都係一啖薯仔咁，中規中矩黑椒牛柳意粉 - 個汁都幾格格不入，有黑椒味的稀稀的汁……o的牛雖然塊數多，但都有o的韌同只有一股肉味

午膳時間，無意中發現這間舖，看看餐牌，西式食物 ok，價錢又不算貴($50-60)，不用加一，又不用等位，於是一試。舖裡不太大，可容納約 20 人，環境尚算舒適。餐牌有肉醬意粉、豬頸肉、魚、牛仔骨。還跟 salad 和 fresh water (蒸餾水一支)，加 $10 可點 coffee。我點了豬頸肉跟薯菜，那些汁很好吃，肉有少許肥，不過可接受。試了朋友的牛仔骨，咬不開。沒有試肉醬意粉，因為對肉醬興趣不大。早上喝了咖啡，否則我想會加 $10 試試，我想會不錯。上環區好難找到西式，而且價錢偏貴，這個價錢吃到不錯的西式，我應該會再光顧。

經過見到唔駛等位，睇吓門口嗰menu，好似幾抵食，就行咗入嚟嘞。我同嗰friend都係點燒豬仔脾($53)，我要伴薯角，佢就要伴意粉。燒豬仔脾味道唔錯，仲有D炭燒味tim，嗰sauce酸酸辣辣，幾開胃。薯角也很脆，配上甜甜哋嘅ketchup，幾好味。但我嗰friend嘅意粉喺冇sauce，麻麻哋嘞。$53仲唔駛加一，都幾抵食。

四月十日中午轉移陣地, 原來此店就在附近, 又有體貼的明顯指示, 很容易找到◦ 店鋪外環境清幽, 內几窗明淨◦ 相信因假期關係, 故當時已有食客只得兩桌◦午餐有四款選擇, 每款價格不一◦ A餐是煙三文魚扁意粉(HK$35), B餐是雞扒(HK$38) , 最貴的D餐是羊肉(HK$78)◦ B、C、D餐可選配飯、意粉或薯菜, 而全部均包餐湯、餐茶與水果一份◦ 最特別要算是指定餐湯為海鮮濃湯, 食物烹調方法很地中海式---簡單、健康, 食物上碟絕不馬虎, 水果有蘋果和香蕉兩款挑選◦唯結賬時職員出錯, 需小心查看◦

同舊同學眾舊 去中環是但搵地方食野雖然係星期四 但周圍都full 呢間竟然一個人都冇order set dinner朋友叫兩份羊架 我唔食羊叫焗蠔朋友話羊超入味又唔"穌"我的蠔亦好好味服務十分親切真係唔明點解成晚只係得我地一台

呢一日bb特登陪我食lunch呀!!佢放假都來接返工既我, 真係超開心!!呢間野好多人book晒位, 所以我地都係book左位先有得坐ja仲要坐張我唔鍾意既添, 不過bb話我見到佢就開心啦, 又係wor!!haha我地叫左個雜扒配薯條, 龍脷魚柳配意粉, 其實我地兩個明明都係鍾意薯條, 唔知做咩要叫意粉haha..成日都驚食唔飽/唔好食要分散投資食之前佢會比我地一人一樽bonaqua水, bb話幾好~ 仲有一碟salad, 不過bb唔太like..我就食ge, 不過同我第一次去九如坊, 我覺得碟salad一次比一次細碟...個龍脷魚柳比上次煎得冇咁乾身, 個意粉汁又淡左d...好在bb一路食一路切雜扒餵我食, 仲留好多薯條比我後尾見我停手又停口直情成碟都比左我食...但係雜扒真係好味好多架坐樓上其實幾靜ge, 不過想搵人落單就煩d, 撞arm有人包左半個場就會勁嘈因為area細會好應聲, 所以我地都好快走~~bb又特登做kai野tum我開心haha呢度最好就係有生果任食, 算幾healthy啦~不過d水準keep返平時既高水平先值咁貴呢~~~~~~~

2008-08-14還是歌賦一帶剛剛旁邊裝修梗，圍板遮o左佢o既存在無訂位，被帶了上樓，已經見到每個坐位上都有支bonaqua 水裝修算有格調五款餐，似乎唔多轉。不過有理無理都奉上薯仔沙律先食肉獸同事即時話o岩feel，因為全部都係肉類 我要了最貴的黑豬扒洋蔥汁跟意粉($78)，其他人就要牛柳或者豬頸肉個沙律，佢一直放o係度，再拎過o黎，都無話有雪味o既，但真係唔多覺有薯味主菜來來來我無試人o地o個o的，不過只係見豬頸肉上面有好大層油General comment 係，牛有牛味，薯角夠脆回說自己的豬扒，算叫做夠大夠厚。食落唔韌，無乜"痴"牙，好似無醃過但就可以食到本身o既豬味。但坦白講，又唔係o的咩天上有地下無o既味道，還只是豬扒坐耐o左，全場竟然爆滿，很受歡迎生果我無食呀，但咁o既安排的確值得一讚結論：試o下一定無死

八月四日(星期一)今日是我們的九個月紀念日幸福快樂!九如坊,老公之前去過食lunch覺得不錯!而且雜誌有介紹過!當然是有期望呢!....外觀是一個休閒的小店,與中午繁忙的中環區相影成趣...我們沒有訂檯,最初聽錯以為沒有位呢.....幸好還有張比較入的二人檯呢!...環境都幾寫意,雖然有很多食客高談闊論.....但是店內用了很多木造的裝飾,所以比我的感覺有點像脫離了煩囂的市區般...是日的lunch set有肉醬意粉,牛扒等...我選了海鮮汁龍脷意粉,老公選了個羊扒意粉!先來了一碟有蕃茄仔和生菜的物體,首先,賣相已經不吸引,好像很求奇的放上去!..這個前菜已經大打節扣了!...我認為如果用餐包會比較好!...意粉,真是很小的分量,是平時餐廳的一半,我覺得意粉的價錢不貴,為何分量少得可憐呢!...我一個女仔吃也不夠飽呢........請店主留意一下...龍脷也不錯,海鮮汁配合得宜..而老公的羊扒也弄得不錯!可是,沒有飲品不特止,還給了一樽bonaqua蒸餾水...............很難看........我寧願給我一個杯倒水還好....店主,我明白物價指數上升,為了節省成本,但...

間唔中星期六都會約友人前來食晚飯, 喜歡呢度o既原因係貪靜靜地, 可以傾下計, 通常會同朋友order 枝白酒, 食下野, 飲下酒, 咁就過左一晚, 都幾寫意呀講返食物, 都有水準呀!本人推介- 1) 即焗法式麵包 (外面好脆, 入面好軟, 係即焗, 不是翻烘)2) 南瓜湯 (好滑好好味)3) 煙三文魚+鴨匈沙律4) 鹽燒鴨腿 (最近第一次食, 好好味, 送酒真係一流)5) 白汁羊柳三色紅米飯 ( d飯入面有白汁撈左, 感覺好creamy, 但唔係日日有, 要咁啱果日有厨師推介先有得食o架)6)牛仔骨(個汁好味, d肉林度適中)7) 白汁煙肉意粉8) 朱古力雪糕 (極力推介-係原裝即開大球型雪糕, 外面有朱古力粉, 食落有d朱古力粒, 唔太甜, 真係好好味)價錢方面o係中環soho 區o黎講, 一d都唔貴啦, 我地每次都會開枝白酒, 叫2款野食+bread埋單五百幾蚊, 都好合理呀地方都好舒適, 唔會人來人往, 店內仲會播細細聲o既音樂

今日2:00pm 同朋友0黎食lunch, 一坐低就有complimentary 0既沙律同一支Bonaqua 水0係我0地面前XD 叫了個羊西冷意粉set lunch, 朋友就要honey mustard 汁豬頸肉飯set lunch.兩個set 賣相好港式, 但味道唔錯, 比出面好多港式西餐廳0既好好多! 意粉唔會過腍, 羊西冷一條切到一粒粒bite size, 肉質嫩滑, 都幾juicy, 個汁亦幾惹味開胃, 可惜食落無乜羊味... 聽過好多人話覺得羊肉無"羶味" 先至叫"好食", 但如果完全唔羶的話, 叫羊0黎做乜? 不如食牛! 但呢度的咁0既價錢有咁0既質素, 其實好好了, $52 真係非常抵食!試了一塊朋友的honey mustard 汁豬頸肉, 豬頸肉好腍, 我覺得d 汁甜0左d, 不過朋友好鍾意, 一路食一路話"好味".環境唔錯, 梳化位幾好坐, 仲有cushion 挨同Air Supply 音樂(而唔係e.g. 容祖兒-_-") 聽, 好舒服; service 都唔錯, 個set 有complimentary 生果食=P, 老闆(?) 好友善!唔錯0既一間餐廳