強記美食 (Moved) New Location

黎左強記好多次, 終於有帶相機 (原來唔俾影相 (門口), 因為聽到有位哥哥話佢地影左LU WOR, 可能佢以為我唔係"笨 D Ran", 無叫我拆菲林 ) Anyways, 我覺得佢既糯米飯接近無敵 (未真正試過好多間, 保守少少好d ), 首先真係1粒1粒糯米飯數得到, 唔會濕席席, 好好咬口, 加埋足料, 蝦米, 臘腸, 潤腸, 蔥, 重有令到色水更靚更好味既醬油 佢既煎腸粉又係好好味, 同合益泰間直各有千秋, 煎過都重咁滑嘟嘟 , 加埋甜醬, 辣醬 (應該係余鈞益, 有錯請'丙')食一流其它既渣渣就1般la, 粥都唔錯, 不過有糯米飯, 煎腸粉在前, 其它比下去在所難免 不過廿蚊碗飯唔平但值

我的勁有女人緣拍擋, 不下數次推介「強記美食」…可惜, 只要我和他一起, 就沒有這個「福份」, 因東主是不定時開工…認命!今晚…為食之神眷顧了我和我的「老死」同事, 終可收成正果喇!點了腸粉和細喳咋,共$21。腸粉 - 乃煎過的蝦米腸, 熱辣辣、又嫩滑! 麻醬味勁濃, 正! 豉油不鹹且像是自己調製的…好滿足! 足可與鴨寮街那間腸粉店「分庭抗禮」! 記得落單時着店主把腸粉煎燶點!喳咋 - 足料、起沙、不太甜且帶有幼椰子條(估); 有咬口, 好味! 但如多下些花奶更好!可惜剛才吃了晚飯, 已沒位置容納馳名的「糯米飯」… 那看要到某天和某人「有緣有份」遇上!強記 - 你要等我回來呀!

十二月下旬‧陰天很久沒吃過這裡的糖水了，從「新同樂」年代至今，少說也廿年了吧。這裡可以說是第一代將車仔檔入舖的店子，也是很成功的例子。是日經過這裡，買幾杯糖水，渣咋及腐竹糖水各二，都是要細杯裝。渣咋足料，煲得非常之夠火侯，香甜，仍然美味。腐竹糖水也清甜，還下了不少薏米在內的，吃起上來，滿有口感。渣咋八蚊，腐竹糖水七蚊，以份量計，其實一點不便宜。但因為水準不錯，還是物有所值的。

經過忍不住停下買碗糯米飯食下糯米飯粒軟硬適中,粒粒分明,食落唔會一pat pat配料都好足,有臘腸,潤腸,冬菇蔥花等等食完好滿足,不過好有罪疚感

十月初至，秋意正濃，此時最好有一碗上乘的臘味糯米飯放在面前，飛快拿起雙筷將之放入口中。那份暖笠笠的感覺，真是幸福到不得了....是夜再次造訪"強記"，為的就是要尋回上述的感動。試問要吃一碗水準既佳而又便宜的臘味糯米飯，又怎能不到這兒坐坐 ? 飯粒依舊是黏而不稠，在燈光底下是油光十足，臘腸粒不死硬且有油香，膶腸更是帶點甘甜之味，只是臘肉粒既少之餘又太硬實，是為美中不足之處。不過總體上已是上佳之作。吃完一整碗後，可謂罪咎感十足十，健康指數縱然馬上跌至新低點，但幸福指數卻是直線上揚....二者之間，您作何選擇呢 ? ....不夠喉，魚蛋拼蘿蔔一小碗馬上侍候。可惜的是兩者質素皆屬有限貨色 --- 前者"實的的"魚味欠奉，交來的來貨供應商看來要考慮改善一下了；後者雖夠清甜但卻有少許渣，不過起碼沒有像預先沒過"糖水"的，沒有很重的"假"甜味，已是甚佳。吃得多"榮記"或"車品品"的，要求自然是更高了.....看看隔籬左右，每枱皆放有一碟葱花蝦米腸粉，才知這是馳名小吃，現在才再下一城，會不會太遲呢 ? .....不遲不遲，反正以後時間多的是嘛，於是再過兩星期左右，偕太座再來大殺三方....一個人只得一

在街邊小店要找可立即買走而又好吃的糯米飯不易.一般都是太軟太爛,又或是黐埋一舊的貨色居多!去揾間酒樓菜館坐低,每日又話限賣二十碟,以為質素會好D又或真係生炒?試過多間都係不外如是....在OR用强記來搜尋的話可以找到約四十間食店,一個如此平凡的名字卻有不平凡的糯米飯!糯米飯----飯粒軟硬適中,有腊味的油香,每粒也能用筷子挑開,但又不會失去糯米飯特有的黏性.如果豉油的調味再咸一點會更完美!煎腸粉----因為放工時間客人流量快,腸粉不停地煎保證新鮮熱辣!腸粉雖然只煎了一面但依然夠熱,煎得頗香口!麻醬及豉油的調味亦不錯.這裡確是市區中的一個好選擇!最合自己口味的糯米飯是在鯉魚門的金利來吃到,可惜不設外賣及散叫!因只是作為海鮮餐的單尾.

天氣悶熱，三十三度高溫，行兩步路也大汗疊細汗。午餐心血來潮想吃就吃，在大熱天時竟來一碗糯米飯，令我熱上加熱。來到附近，就聞到飯香，二話不說先來一碗糯米飯。糯米飯足料，不用再加料也足夠，有香口薄片的臘腸潤腸,肥而好吃的臘肉，炒過很細粒的蝦米，還有冬菇蔥花等。最好還是飯，粒粒分明有咬口，帶點黏姓但不會把食材也黏著，下豉油鹹度剛剛好，值得大熱天時來一碗。想點甜品降溫，要了一碗細碗喳咋，只用八元。來的是熱的，一點也降不到溫，好彩是少少的一碗。料算多，紅豆份量較多，有點像吃紅豆沙，好彩還有西米、眉豆、很粉的芋頭、幾香的椰絲等等，如果加一些較有咬口的豆如花生會較好。下一次，入冬見。

見到好多的 以為好好食, 今晚試左1) 魚蛋 ....... 三串 HKD 18 (每串 HKD 6) D 魚蛋完全無味!!! 從未食過這樣完全無味的魚蛋! 2) 糯米飯 ....... 兩碗 HKD 40 (每碗 HKD 20) 味道普通, 唔值20蚊一碗.試一次無回頭, 十分失望

上次嚟到,無開門,殺我1個措手不及........所以sep 01, 09先致電先嚟,2人來dinner,叫咗 : 1) 豬皮蘿蔔魚蛋 (hk$18)-豬皮同蘿蔔都入晒味,不錯-魚蛋都有彈性,稱職 2) 花生旺菜豬骨粥 (hk$17)-對粥品其實麻麻,但又想試吓-個粥見到1點點細白色,原來友人話喺腐竹嚟-粥都綿,味道亦可以,只喺個賣相有白點點就怪怪地 3) 腊味糯米飯+潤腸 (hk$26)-撇除另+嘅潤腸,其實本身佢都幾多料,有冬菇,蝦米,腊肉,臘腸片,蔥花等-潤腸有油甘嘅肝味,不錯-飯亦挺身,絶無腍意,仲喺1粒粒-只可惜個豉油調得唔夠味,欠咗少少,否則就每個環節都好平均 4) 香菇什菜豉油王炒麵 (hk$13)-鹹咗少少 5) 熱喳咋 - 小 (hk$8)-細細碗-呢個掂,只有熱,無凍供應-好多唔同種類嘅豆,煲得好綿-甜度適中* 聽說佢唔喺日日開............所以先致電check清楚比較穩陣 * 食飽之後就去睇show

上星期四晏左起身，返工前又諗唔到食乜，諗住落去銅鑼灣食，坐車果陣，心血來潮諗起好耐冇去強記食糯米飯，所以就去左強記食晏仔喇.在酷熱天氣警告下食糯米飯同埋豬骨粥，某程度上其實係折磨緊自己的，不過無計啦，鬼叫D糯米飯同埋豬骨粥鬼咁好味咩.......坐左入舖裡面較涼地方，例叫糯米飯加臘腸同埋豬骨粥，在酷熱天氣下食熱辣辣的糯米飯豬骨粥真係幾辛苦的，不過原來又係另一番滋味，或者，自己就係攞苦黎辛既人黎掛.......熱到噴火的天氣下，食到咁好味的豬骨粥同埋糯米飯，都無所謂咯..

highly recommended dishes: lor mai fancheung fenchu pay lor baklor mai fan is about $17, which is a bit expensive, but it is loaded with ingredients, so, maybe it's worth it. cheung fan is pan fried, but keeps a smooth texture. i go there everytime i pass by. but if u want lor mai fan, u gotta go early (around 9pm) otherwise, it will be gone.

上月初，突然從食友 Foodiewil 口中得知灣仔強記已好幾天沒有營業的消息，嚇得小弟以為再沒有平、靚、正的糯米飯吃了。某晚路經灣仔天樂里附近，死心不息的去碰一碰運氣，當看見燈火照舊通明的時候，心中大石終可放下，那管剛剛吃過了晚飯，也決定要豪情地來一碗糯米飯回味一番 !這碗廿蚊的糯米飯，我已介紹了好幾次，肥美的臘腸片、潤腸片、甚至蔥花也只是綠葉，主角永遠是那充滿油香的粒粒糯米飯，深色的醬油使其味道濃郁，飯粒也帶點黏性，入口口感一流。這晚沒有另加臘腸或潤腸，亦沒有以馳名煎腸粉作伴，單純一碗糯米飯，三分鐘內將之解決，放低廿雞響檯面就拍拍屁股走人，充滿一絲絲的快感及滿足，這美味、這風情誰能代替?素素豬，這碗糯米飯，仲等緊你去開光呢 =)

得個八成半滿, 有點偷雞, 一碗小兩啖, 真係可以賣多幾碗 其實不用再多講也知道, 這裡打正旗號力推喳咋, 食得出係用心去煲的 由第一次食到依家幾年時間也不變地料足豆夠腍, 糖水與材料合而為一, 香芋夠大又夠粉, 基本上每粒豆心也是溶化又不失咬口, 椰絲夠多, 亦沒有過度的甜味, 比較適合冬天用的糖水因為比較濟口個人推介九龍區好喳咋: 鵝記喳咋 $14 　 比 Okay 因為八成滿同價錢較貴, 食物係比笑 架

三月二十七日有時候想在銅鑼灣找間平價的食店也較有難度,下雨天總會心情來得有點悶.強記這個名字較早前才知道,在學校附近,找它一點也不困難.後巷的位置也被人佔據,坐在店內,望著後巷,先一碗糯米飯,再加蘿白以及豬皮,餐牌還寫著豬紅,其實一早沒有了.糯米飯份量不算多,材料有臘腸,潤腸,蝦米,冬菇.糯米飯沒有黏在一起,每粒分明.伴著雙腸以及蝦米總有一種特別的感覺,發出的熱總是散不開,一碗的份量剛好,蘿白煮得沒有渣,汁令得蘿白入味和.豬皮則是爽口,二款美味.食得有點不足夠,再來碟煎腸粉.腸粉加了蝦米,嗅下去有點香,但其實食下去更沒有煎的感覺.雖有醬汁相伴,和名字總是離題了,腸粉只能說普通一點,四十五元,在銅鑼灣和灣仔交界.食得胞肚,價錢已經不算貴.拿著雨傘,慢步回學校吧

負責煮食既位置位於店鋪前﹐可見到師傅整個烹調過程。一邊負責糯米飯﹐一邊負責煎腸粉。繞過店前﹐見到一張張木枱放滿整條小巷座滿顧客。因這裡供應的食物種類不多﹐所以放在每一枱上的食物都是大同小異。是晚與其他人所叫的也是一樣﹕糯米飯﹐豬皮蘿蔔魚蛋&煎腸粉。糯米飯 – 份量如以下很多食評所講﹐份量不多。配料有腊腸﹐潤腸﹐冬菇﹐腊肉&蝦米。飯夠熱﹐味道不錯﹐但有些腊肉炒得過火些﹐所以有點兒‘火農’。。豬皮蘿蔔魚蛋 - 豬皮跟蘿蔔做得不錯﹐豬皮軟硬度適中﹐蘿蔔亦冇根。但老婆話魚蛋質素不太好﹐有一陣臭豬油味。煎腸粉 – 因炒得剛好﹐所以質地軟熟﹐配合炒過既芝麻很香。總括來講這裡供應香港一些地道小吃﹐木枱小巷環境不是人人能接受﹐但有一種幾十年前細路時的情境。雖然10-20元不是大數目﹐但以這份量來判斷,價錢有4-5元偏高。