強記美食 (Moved) New Location

在附近的店子跟友人喝過點酒後，路經此地，最終又忍不住入去吃一吃。雖然已是半夜三更，但仍有不少的食客光顧。先慣性的點了腸粉，這兒的腸粉是蒸出來的帶蔥花的豬腸粉，加上少許生油、豉油、麻醬、甜醬及芝麻，真的是人間美味，豬腸粉很滑，而溫度也夠熱，個人認為比深水埗的合益泰更好吃，唯一要挑剔的是芝麻是未炒過的，唔夠炒過的香。另再也按捺不住的點了一客豬皮蘿蔔，雖則不是什麼山珍海錯，但真的是很可吃，豬皮夠軟身，也吸飽了湯汁的味道，蘿蔔也如是，且本身清甜及完全無根，是無敵的港式小食，很好吃。此店雖小，而賣的食物很有水準，怪不得那麼晚還有那麼多人跟我一起吃了。

之前已經和女朋友吃了一頓豐富的午餐，但路過強記也忍不住和她入去吃一吃。先點了腸粉，這兒的腸粉是蒸出來的帶蔥花的豬腸粉，加上少許生油、豉油、麻醬、甜醬及芝麻，真的是人間美味，豬腸粉很滑，而溫度也夠熱，是冬日街頭小吃良品。雖然真的是很飽了，但在入冬後都未吃過這兒的腊味糯米飯，最後也按捺不住點了一客，這兒的糯米飯是可以再另加腊腸及膶腸的，但怕飽到吐的關係，沒有叫，但其在內已經有不少的腊肉、冬菇、腊腸及膶腸，加上沾上了老抽的飯粒，彼此黏結在一起，很好吃。此店雖小，而賣的食物也不是什麼山珍海錯，但其每樣的出品也很好吃，水準也穩定，是一間很有誠意的小食店，不妨一試。

I dislike nightlife, in a sense that post-dinner gatherings often turn into binge-drinking parties for those who think they can hold liquor like a bottomless pit, or as Chinese call them "wine colander". And even if there is drinking involved, I usually pass on it, just because I think that getting drunk is hugely embarassing, plus anything you say or do is really just a funny act as you won't remember a single thing when the influence's out the window. Plus the hangover afterwards. There is onl

2008年最後一天。辛苦工作了一整年，今天怎樣也該對自己、對大家好一點，吃一頓豐富的下午茶，然後收工。想一想公司附近的食店，令我最滿意的非強記美食莫屬。佢款款出品都咁美味，而且水準穩定。告別08下午茶，就食強記。吃豐富一點，糯米飯再加多一條潤腸，必食的煎腸粉，豬皮、魚旦、蘿蔔，仲有炒麵同埋喳咋，今餐既下午茶，相當滿足。糯米飯份量的確較小，大概只有半盒，不過材料十足。冬菇、腊腸、潤腸、腊味、蝦米等，十分惹味。打開盒時，糯米飯仍是熱的，飯幾乾身，一粒一粒的，不會黏在一起。由於個人喜歡潤腸，加錢整多條。潤腸充滿油香，咬落煙煙韌韌的，滋味無窮。今日天氣轉冷，吃碗暖笠笠的糯米飯正好。每次來都會叫煎腸粉，因為腸粉煎得特別香，特別脆口，加上甜醬、麻醬、辣醬和芝麻，味道一流，口感亦佳。豬皮、魚旦、蘿蔔，唔知係咪放埋一齊既關係，撈到亂晒龍。三種小食，味道都差不多，咁當然口感不一樣，蘿蔔爽口，魚旦彈牙，豬皮煙韌。最欣賞還是其燙口的感覺，好有風味。第一次試這裡的炒麵，炒得不太油，但香口，還有芝麻和椰菜增加口感，原來都不錯。要左兩碗大喳咋，材料十足，又暖胃，也不會過甜，值得一讚。始終呢度都係出名賣熱糖水，水準

糯米飯（20元）：糯米飯份量不多，不過上枱時賣相確實吸引，油油亮亮，冬菇、臘腸粒、潤腸粒、蔥粒一應俱全。飯不會過濕，也不會黏作一團，不過臘味的味道不能深入飯裏頭，吃來總覺有所欠缺。龍蝦燒賣（6元4粒）：不是橡膠燒賣，也不會呈粉團狀態，而且味道跟平常吃到的確實不同，是不是因爲混了龍蝦，真個不知道，但配上甜豉油，又確實幾好味。薏米腐竹糖水（細-7元）：那個碗真的細得驚人，比小朋友用的膠碗還要小，端來時，也給嚇了一跳！心想要不要專登定做？！不過腐竹糖水煲得好綿密，好silky，感覺非常滋潤，又不會太甜，就味道而言，實是可口宜人。店家把握份量之精細，實在令人嘆爲觀止，但無論如何，食物味道確實不俗，經過的話，也會考慮再幫襯。

Yesterday night nothing to eat, then go buy this 糯米飯 that I want to try for long time. Its abit expensive for $20 because only a small boul of 糯米飯. But the tast are ok. Will be better if they add more soy sause. 豬皮蘿蔔 tast great, only abit salty. 豬骨粥 are the best! Haven't eat that sort of good 豬骨粥 for long time. Next time will try their 煎腸粉.

見佢越來越多好評, 放工順道就來試下~我同bf叫左煎腸粉 $13 (好味)lor米飯 $20 (都ok, 但係size竟然等同酒樓白飯)燒賣 $6 (無咩特別, 最特別係$6得4粒)魚旦 $6 (都ok爽不過唔入味)lor白 $6 (都ok可以一試)喳喳 $8 (size同樣少得可憐, 得酒樓飯後送糖水的size)兩個人食完都好似無咩落過肚就盛為$59~多數不會再來了, 就算來都只會吃煎腸粉呢~

日前在太子志記,吃完生炒糯米飯後仍不罷休,大家一同繼續尋找糯米飯的路線圖,今次就來到馬師道強記.同女生約會,不一定要上餐廳的.尤其是找到個女生肯同你一起坐後巷,相信那個女仔,一定不會差得去邊.言歸正傳,今次同幾位朋友一同在後巷開餐,別有一番豪情風味.上一次來剛好是一年前同樣時間,轉眼間,時間過得真快.來到吃正餐,無須多講都係糯米飯,粥,炒麵,腸粉等等.小弟遲來,眾人已吃光手上的炒麵同腸粉,一來,就來糯米飯.加多條潤腸.$26一碗.糯米飯每粒有咬口,不模糊,沒有特別有一"忽"黐埋一舊,面頭的潤腸夠甘香,吃落鬆化,也是靚貨.蝦米腸粉撞正即煎,又脆口又滑溜.在經濟不景之下,這等食店,生意興隆,好像這一個晚上,也是全場滿座.

中小學時代一直住在灣仔軒尼詩道近馬師道口，這間強記由新同樂時代到今時今日入鋪，可以話係伴著我成長，自小便喜歡這裡的糯米飯及煎腸粉，天氣開始轉涼，又係時候會一會這兩道港式食品了坐在後巷，展開掃餐牌大行動，糯米飯、炒麵、豬骨粥、煎腸粉、魚旦豬皮蘿蔔、燒賣，每位也不過三十五蚊，看見滿臺的食物，心總是有點興奮。馳名的糯米飯勝在足料，糯米粒粒分明，大寒冬時加臘腸潤腸各一，更滋味暖心! 煎腸粉、一來煎得可口不失滑溜，二來醬汁吸引，不容錯過的小食；魚旦豬皮蘿蔔，又是每次光顧必點之一，其中以蘿蔔豬皮做得較出色!說起豬骨粥，味道及份量都交足功課，重點是價錢大眾化，絕對是宵夜之選吧，也難怪電影 <豪情> 中古天樂及陳奕迅總是一邊在強記食粥一邊等新一期豪情出版的；至於炒麵及燒賣則比較普通，一試無妨，下次還是主攻糯米飯及煎腸粉便足夠了 ^__^等天氣再凍一些，必定會再來的，或者一眾窮鬼也可考慮試試這裡呢

前幾日，見天氣開始有D涼意，突然諗起灣仔有一間好好味既燸米飯，所以就千里迢迢咁黎呢到食啦。每次黎到，一定要叫一碗燸米飯多冬菇再加一條潤腸，今日如常。覺得每一口都煙煙軔軔，而且D香味好耐都唔會流走。間唔中食到一粒二粒既臘味粒，充滿酒香，最欣賞既一定係那粒冬菇，如果唔見佢俾多D，都只係得一至兩粒。真係好好食架。再之後加一碗白果腐竹糖水，又滋潤，又可下下火，真係正。

知道咗呢間野好耐,琴晚終於有機會試啦.叫外賣 糯米飯 $20 (價錢都唔平,size係平時外賣碗既2/3滿)打開既時候已經聞到好香,原來佢+咗豉油.食落去覺得好味道,d飯唔會好濕,夠乾身,我鐘意. 配料份量都ok (有臘腸蝦米之類),唔算少但當然多d會開心d啦.起初以為+咗豉油會咸啦,但又唔會喎,見份量唔算太大但食落又夠飽喎,可能糯米比較飽肚啦.下次都會再嚟幫襯既.

這幾天天氣涼涼凍凍的, 最適合食碗糯米飯暖暖身放工時間, 見到強記有人排隊, 我都走埋去排隊買碗什錦糯米飯其實排隊的人十居其九都係買糯米飯架排緊隊時見嗰位人兄炒糯米飯炒得咁起勁, 都估到應該好好味糯米飯飯粒分明, 臘腸潤腸甘香甜美, 香菇肉厚, 蝦米鹹香夠大隻, 豉油甜甜地味道就夠好, 但價錢略嫌貴, $20一小碗, 放入外賣碗, 只剩下半碗, 少得可憐我同老公都覺得好好味, 由於份量太少喇, 我們珍而重之, 老公連最後一粒飯都不想放棄, 睇見佢嗰樣, 真係笑死我喇

喳咋+糯米飯是此店的皇牌。喳咋中材料豐富，那些豆又不太硬，沒有傳統的鷹嘴豆和紅腰豆...(好像沒)使其更香滑軟綿，唔使咬。香芋夠大有咬口，我相信是先蒸熟再熄火去煲的。糯米飯每粒分明彈牙，以我觀察，當是白衣男人拿起大鑊鏟企糯米飯位，那時的糯米飯是特別香。相信是大幅度的抄飯使其香味更能瓢散於空氣中。

呢間食店, 師傅每次行過都好想黎試下, 可惜一直都夾唔到時間; 咁啱今日師傅有野做, 所以遲遲都未食晏, 路經此地, 決定就搵呢間食店做今日午餐!去到檔前, 睇下有咩好食啦, 見到有糯米飯, 糯米飯都好似炒得好靚, 但係天氣又熱又焗, 實在冇咩胃口食得落, 於是師傅就揀左蝦米炒腸粉加埋龍蝦燒賣, 外賣!攞到返公司, 即刻趁熱食; 先講下個蝦米炒腸粉, 腸粉炒得相當香口, 配埋甜醬, 麻醬同芝麻確實惹味醒胃, 但係唔多覺有蝦米, 不如叫炒腸粉好過啦, 而且有部份腸粉炒得過火, 又硬又實, 口感唔好, 一般啦; 而龍蝦燒賣有四粒, 燒賣買相唔差, 口感唔係好膠好韌, 但係就食唔到有龍蝦味, 咁點解叫龍蝦燒賣呢?總括而言呢兩個小食嘅質素都算一般, 鋪面嘅地方就幾細, 而服務都幾有禮貌, 價錢就唔算平, 十三蚊蝦米炒腸粉, 六蚊四粒龍蝦燒賣, 唔算抵食; 加上師傅覺得有少少貨不對辦, 冇蝦米話蝦米, 冇龍蝦又話龍蝦, 有少少誤導加搶錢嘅感覺! 師傅下次會黎只得一個原因, 就係試下佢個糯米飯!

一句記之曰 : 天下第一渣 ! 合晒小女子河車呢 ! ~~~~ Good ~~~~~