強記美食 (Moved) New Location

從阿K口中講呢間小食店都有一段日子，但每次專程嚟呢度食嘢嘅時候佢偏偏唔開門，所以咁耐以嚟都係嚮呢度食過兩次咁大把。由是故我地幫呢度起咗個朵叫做「唔駛撈」。入番正題，我同阿K一齊去過兩次，一次叫咗腸粉，另一次叫腐竹糖水。腸粉熱熱地，配上醬料，係一個不錯嘅選擇去裹腹。不過我始終覺得食腸粉一定要揸住個鐵兜，企响街邊混吓醬至夠過癮。腐竹糖水煲得好溶好綿，熱食會更佳。阿K每次嚟親呢度一定會嗌喳咋，佢話宜家香港好少喳咋好似呢度咁足料同埋夠杰，好似糊仔咁(當然用糊仔嚟形容會比較誇張啲)。一碗糖水大約十五蚊，算係唔錯，但服務方面由於此店營業時間實在太難捉摸，所以要俾低分。

強記係我細細個十幾年前仲係車仔檔時已經幫襯最好食梗係生炒糯米飯同喳喳啦不過自從搬左屋之後就冇再來食過喇前幾日睇完戲十一點幾搵唔到好野食於是去強記食少少野啦點知叫腸粉冇腸粉叫綠豆沙冇綠豆沙叫腐竹糖水又冇只係得喳喳同糯米飯唯有就範啦兩樣都尚算可以糯米飯仲keep到水準不過衛生環境依然沒有隨上舖而改善

很久沒有幫襯過強記，因為他們的食物越來越差，昨晚不舒服，又只得一個人吃飯，只有去樓下強記買外賣，買了一碗豬骨粥和腸粉。豬骨粥—很好，比以前少了味精和一陣奶味。腸粉—好味，比以前少了油，又不會煎得太燶，不像以前那種「橡筋」似的質地，明顯有進步。服務：阿姐面口好難睇，好像開罪了她似的。價錢：一共$25，以這樣街邊鋪的格局，不算便宜。笑面只是給食物的

看過KC兄的食評兄推介，今天來試試行不行。來到先叫花生豬骨粥及煎腸粉（要煎香），味道不錯，可是粥比較稀了一點，然後再order魚旦、豬皮、蘿蔔，魚旦ok，豬皮普通，蘿蔔很淋，但味道一般。還有很油膩。最後叫了渣咋—小的，真的不錯。

同班損友去「威」前，打定少少底，有人話去食打冷，有人去食咖哩，我就二話不說，同損友甲來了這裡吃煎腸粉。還早，人不多，隨便坐，亦可以坐入舖頭，不用坐坑渠邊。例牌一碟煎腸粉，吩咐要煎脆一點，另外一碗細喳咋，再來豬皮、魚旦、蘿蔔各5蚊同一碟炒麵。最衰唔夠凍，如果唔係再來碗糯米飯加腸就絕對係「大滿貫」。呢度腸粉係必吃，唔知佢點煎，雖然腸粉不是新鮮的，但煎起加上甜、麻、辣三色醬及醬油和芝麻，總之就脆口又好吃，人間美味；豬皮、魚旦、蘿蔔，三款口感，一個味道，唔知點解，呢三樣野要一齊吃，更要在街邊吃至入型入格；喳咋足料，很多人來吃凍糖水說不好吃，其實這裡以熱糖水起家，當然吃熱的會好一點。埋單四十幾蚊，兩條友吃得飽一飽，絕對滿足。在這一區的話，宵夜的話，這裡是不二之選。題外話：佢地其實唔係一家人，係幾架以前在街邊擺開的車仔檔，幾年前「泊」晒入舖。在灣仔區經歷過「新同樂」歲月的蒲友﹝如我﹞，會好清楚。

昨晚和朋友食完晚飯，想想這附近沒有什麼好選擇，最後只想到這裏。每次都係叫腐竹薏米糖水，今次就叫陳皮香草綠豆沙試試；綠豆沙煲得好腍，但就比較稀了點，陳皮味好夠濃，但香草味就唔多覺；蓮子好硬，有點像花生粒。感覺還是玉葉比較好點。

係我男朋友帶我去的, 佢話強記十多年前是一個街邊檔而己,只賣喳咋,越做越發,開了鋪。以這鋪頭的格局,佢d價錢都算貴,但味道不錯,糯米飯及煎腸粉是我至愛,但份量較少,男人起碼要食一碗飯加一碗粥先夠飽。

我替強記美食改了一個花名：「大富貴」。他們似乎是家庭式鋪頭，除了逢星期日休息以外，在平日時常都會突然休息，永遠不知道他們幾時開或不開，似乎好富貴，完全不介意。由開張到現在，他們已加了幾次價。講到食物，水準非常飄忽，有時好食，有時好難食，最近更加明顯地退步。個粥好重味精，還很重奶味。糯米飯很細碗，17元，加臘腸要另加5元，如果以22元在這種街邊當吃一碗咁細的糯米飯，我寧願去茶餐廳吃個午餐。炒麵OK，腸粉煎得太乾，腐竹糖水很重奶味，好似飲奶水咁，而且又無白果薏米。講到碗喳咋，有幾次買有很多料，煲得很林，幾好食，最後一次買，完全不是那回事，稀得可憐，重要那些豆全部是硬的，很難吃，無下次。如果大家想去食，要有心理準備，他們隨時無開架！

文迪comes to my office to stay with me for the OT. At 10 p.m., finally finished the work, so want to try something refreshing, walk across the street to 強記. Both of us ordered the same dishes:凍腐竹:7分食友gives high praises to 強記糖水, I think 凍腐竹is still a nice dessert, but I think 一品齋is better. There are too many 碎冰inside the bowl, like a 冰腐竹. It is cold, but it is over-freeze. If no 碎冰is inside, I could give it a score of 8. By comparison, 一品齋is also cold but would not give me an icy feeling.And I

每日也會經過此食店，而且總是見到有不少人光顧，於是今天便決定一試。雜菜冬菇炒麵（$11）：麵炒得很乾身，入口沒有太油的感覺，味道也不錯，不過整碟麵也只得兩隻冬菇，而雜菜也只是一小堆椰菜，難道雜菜是指「雜牌椰菜」？糯米飯（$17）：很惹味，再加上臘腸蝦米便更可口，材料很足但真的太細碗了。這個我是外賣的，飯的份量只裝滿半個普通的外賣糖水碗，兩三口便被我殲滅了。豬骨粥（$14）：加入了皮蛋和蠔豉，粥底很香，但材料太少了，整碗粥只得四五件細豬骨，而且還真得只是骨，一丁點肉也沒有，感覺似在喝「豬骨粥水」多點。總結：整體味道還可以，不過若以這個價錢跟食品的份量和材料相比，便顯得不太合理。我光顧的時間是晚上八時左右，相信該店的食品應該還很充裕（因為在凌晨一兩點時該店還是營業中），為何這麼早便材料不足，讓人有「打烊」的感覺？以上便是我第一次光顧該食店後的評價，但相信也是最後一次。

呢個weekend食得太豐富,所以今日lunch淸清地食粥,叫左個花生朱骨粥$14,似乎吾系好得!一入口已食到十分咸,味精頗重手,因此食完後口渴亦理所當然!.咁既環境+咁既食物質素+咁既價錢=冇下次

和朋友們來一個晚餐後的延續, 不用太多思考, 先點了腸粉, 糯米飯, 炒麵, 和豬骨粥; 前兩者早已品嚐, 水準十分穩定; 炒麵味道不錯, 油不算太多亦香口討好; 豬骨粥十分足料, 除了豬骨外尚有皮蛋蠔豉等等, 味道不過不失; 再來試了半碗凍綠豆沙, 綠豆好像已煲到溶化, 味道不錯只是雪凍了的綠豆沙有點水份和綠豆沙有點分離的現象, 相信熱食會更出色; 這邊又偷吃了半碗腐竹意米糖水, 似乎退步了一點, 意米份量似乎比上次小了一半. 宵夜其間有一段小插曲, 原本後行的環境已說不上清潔乾淨, 用膳其間樓上突然爆了水管, 有點像下雨一般沿著簷篷流下, 令人有點不太舒服的感覺.

上星期五Happy Friday 終於完成的重要工作，小型慶祝就係落去強記食糖水，今次叫左碗凍綠豆少，如果係開粉製成都唔係問題，一睇落去，點解冇一粒粒的綠豆，莫非起沙起到/煲到連粒狀物體都冇？一食落去，好似上次食凍腐竹糖水的整法，將的碎冰放落去，不過今次的冰係融曬，此方法不是款款糖水都可以用，否則弄巧反拙吧！

上星期五Happy Friday 變OT Friday，放工後想再去車品品，車錢唔使咩，都係上兩個食評咁講，下次實有機會。沿著駱克道行，已經到左上次喜萬年聚會後的甜品局，當時炒麵已賣曬。今日幸好客人不算多，於是便坐入去，可以靜靜地坐低品嘗。第一時間緊係試下的炒麵，未落口先聞到香，正式名叫“雜菜香菇炒麵”，菇係冬菇，麵用一般的蛋幼麵，而雜菜只不過係椰菜，麵炒得不油膩，之後還落左些少芝麻，更加香味撲鼻。而煎腸粉仍然可以保持過多月前的分準，廿二蚊，剛才不悅及孤寂已抱諸腦後。

睇起來, 好似無乜特別!但係咬一啖, 就回味無窮!飯身十分軟綿!係用D比較幼細0野糯米.有冬菇, 臘肉, 臘腸等配料. 總之就係好味!