棋哥燒鵝餐室

Open Now

Now Closed

渣甸坊, 棋哥燒鵝餐室 喺銅鑼灣好旺人流嘅地方, 近小巴站, 又可以搭巴士, 地鐵,  好方便. 今晚我決定斬料加餸, 買返屋企同家人分享.   睇睇外賣價目表, 有妹妹鍾意食的燒肉, 也有哥哥鍾意食的叉燒. 疫症期間,  有推廣優惠, 十蚊雞 (要連買半隻燒鵝).堂食清潔乾淨, 買咗叉燒, 燒肉 雙拼一齊, 外賣方便快捷, 唔使10 分鐘就已經可以走了.  回家時, 立即打開盒, 睇見口水流. 叉燒, 燒肉平均各半.   叉燒好香啊. 脆皮燒肉, 皮夠脆口, 肥瘦比例剛好, 肉質鬆軟, 啖啖肉, 美味又回味.叉燒燒得香而不乾,  切得夠厚身, 調味不錯, 肉質鬆軟,  肥瘦適中,  十分惹味.  大家都讚好, 送飯飲酒都一流. 配有炸花生, 粒粒好脆口. 今次選擇棋哥真係冇選錯, 外賣食物, 是水準之作, 令人回味.   其實買 外賣,  免收加一服務費,  精打細算, 比上酒樓食飯更節儉.

行過渣甸坊, 見到 棋哥燒鵝餐室, 不期然想食棋哥那品牌燒鵝.抬頭看見那玻璃櫃, 掛滿巨型大燒鵝, 顏色令立立, 準備買返屋企同家人分享.   作為食客, 我都要細看棋哥燒鵝的簡介: 看完後, 立即想落單試 試........依家疫症期間, 仲有十蚊雞推廣, 好吸引.今晚家中只有媽媽和我兩人吃飯, 我只可買 燒鵝下莊 $145,買外賣都好熱鬧, 店員話要等一等, 她好有禮, 招呼我入座等, 約十分鐘, 店員送來一盒請我看, 問我要買飯或加其他野, 真細心. 看著燒鵝下莊連燒鵝髀, 大大隻, 香噴噴, 熱辣辣,  配有秘製豉油醬汁, 同燒鵝酸梅醬.   我好期望想即食.店員用膠袋包好,   我快步回家了.回到家, 媽媽已準備好晚飯和炒菜,  打開盒, 燒鵝香味立即傳來.  我先挾隻燒鵝髀孝敬媽媽.    鵝皮脆脆, 鵝肉厚厚,  特別喜歡那荔枝柴煙燻香味,  脆皮底下的鵝肉好鬆軟,  鵝肉厚而不肥,  點些醬汁很滋味,  大家都讚送飯一流. 棋哥燒鵝真好味.   買外賣回家加餸都變成一個興趣.  下次如果一個人, 又可以試堂食燒鵝髀飯. 

經過銅鑼灣見到一餐廳門口掛上一排燒鵝，好像在呼喚我咁，於是入去買，諗住回家加餸，入到餐廳又想試埋燒腩仔，於是買了燒腩仔拼燒鵝例牌$98，果然冇揀錯，外賣回家，打開好驚喜有成隻燒鵝脾，超抵，燒鵝皮脆有光澤, 肉汁香濃，鵝油味好香，鵝肉口感好有嚼口。燒腩仔更有驚喜，燒肉皮脆卜卜，好香，腩肉又多層，肥瘦適中，而且食時仲微溫，肉質夠淋，豬肉多汁，好好食，係我到過最好食的以燒味為主的餐廳，下次一定要同多幾個朋友來，食多幾款燒味。

中午十二時半，只有一半客人。進入時有量度體溫。現在 選擇燒鵝部位需要加$10。店員態度不太友善。本身已經不是平宜價錢。吃完飯再喝奶茶的時候店員已趕着過來收拾枱子，收拾的時候還把骨頭掉到我的褲子上。這個時勢還要做這些價格調整，收拾趕客人離開，不會再來。

運動後唔想食得太飽，銅鑼灣有咩好食，諗起棋哥燒味，可以食粉😆疫市中的晚上，真係少左人光顧晚餐，繼續支持一下，今次唔食燒味改食豬手配瀨粉，可以輕食d😋見到碗粉，嚇死我，點解畀大碗😆好驚喎⋯⋯最後係食唔晒，如果畀多少少湯會好些，不過個豬手好入味和腍，好好食。。可以試👍🏻

返工系附近，但附近試過好多間餐廳，又貴又食吾飽，餐廳環境又吾算好🤔但今次就去左食棋哥燒味👍🏻👍🏻👍🏻👍🏻60蚊雙拼燒味飯，好抵食👍🏻👍🏻👍🏻👍🏻雖然份量吾系好多，但佢既燒味真系好靚特別系叉燒，同事叫既系瘦叉燒，真系比左好瘦但都吾會乾，另外雞都吾會太肥太油👍🏻👍🏻平時系出面食燒味飯d飯都會好乾但呢間絕對吾會👍🏻👍🏻環境都吾錯👍🏻👍🏻坐得好舒服下次再去🤭🤭

小妹放左工之後同男朋友去左銅鑼灣買野🛍, 行到咁上下男朋友話好耐無食過燒味🧒🏻🤔, 於是就話不如去棋哥燒味到食💁🏻‍♂️, 小妹就緊係舉腳贊成啦🦵🏻👏🏻👏🏻😝🤭🙆🏻‍♀️🙆🏻‍♀️晚餐時間超~多人, 多人到要坐到好迫, 不過唔緊要啦, 好食就得😆🙈🙈 小妹又想食燒鵝又想食叉燒又想食乳豬……😆😆 最後我地叫左個叉燒拼燒鵝撈粗同新光乳豬飯😋叉燒拼燒鵝撈粗叉燒大大件, 肉質鬆軟, 多汁香甜味美, 燒鵝皮脆有光澤, 多汁肉嫩無腥味, 咬落口啖啖油香, 幾好味!😋撈粗唔乾, 麵條口感彈牙有嚼勁, 一啖麵一啖湯, 正呀!新光乳豬飯🐖乳豬色澤均勻, 豬皮鬆脆, 肥瘦適中而且肉質幼嫩, 好味!

鵝油撈粗就試得多，但係真正嘅棋哥燒鵝就未有機會試過， 今日經過於是就去試下， 我叫咗燒鵝米粉+凍檸茶小冰小甜， 其實呢玩嘢整體嚟講我覺得有少少失望， 首先碗米粉淥得太過淋， 然後湯底純粹係 鹽+味精 ，如果一碗嘢賣咁貴， 又唔係用好有心機嘅時間去淆製湯， 我覺得有啲黯然失色， 講返啲燒鵝都算多， 都有十舊八舊，而且唔係骨位，多肉，皮脆（雖然浸咗响水上面）， 食到有炭火燒嘅味，不過今日呢d好似過咗小小火，小肉嘅地方有d 燶味， 如果有得畀我揀我寧願都係食餐鵝油撈麵好過， 一嚟平啲，二嚟仲更加食到佢嘅油香金香味🥰🥰🥰 但係佢嘅燒鵝都不妨一試😂😂

棋哥烧鹅这几年开分店蛮多的，特别在铜锣湾直接有两家店。这家店相比轩尼诗道场的店来说环境要更好一些，坐着更舒服宽敞。他们家除了招牌的烧鹅，烧鹅腿之外，五宝饭也是常吃的。烧鹅饭来说分量肯定够吃了，五宝饭的搭配也很不错，营养更丰富一些。吃的不会感觉腻。味道也是OK的，加配一份饮料的话，一个人大概100块钱左右能够吃饱。个人感觉还是蛮不错的一家茶餐厅，服务也挺好。

今日有位同事帶埋我地成班人去棋哥燒鵝食lunch，聽落好似唔錯呀！門口仲有鼎爺個樣，唔知有咩關係呢？餐牌燒鵝瀨人地餐廳寫明燒鵝餐室，點都要嗌燒鵝啦係咪？黎到份量有點兒少，燒鵝皮厚唔脆，仲有少少韌添。鵝味唔太重，可能係醃既時間唔夠。但反有個汁有啲咸。可能係我唔好彩，咁細份仲要一半都係骨，，，瀨粉嘅湯底係淡而冇味，咁樣反而同燒鵝一齊食就中和翻啦。算係錯有錯著啦！總結，普普通通啦 唔算難食，不過份量真係可以多翻少少！

今日放工經過棋哥發現仲有下午茶(至6點)，幾大入去想試但一直無機會嘅燒鵝瀨。下午茶$40一碗燒鵝瀨連飲品算合理啦。鵝瀨份量唔係好大碗，可能因為係下午茶啦，燒鵝份量亦唔算多，理解嘅。燒鵝有煙燻味，幾好瀨粉湯底就一般，有啲失望!

今次是第二次光顧此店，因為友人想食燒鵝而又身處於銅鑼灣便來到此店。上次是下午茶時段抵食好多$40燒鵝瀨包熱飲，今次午餐時段同樣包熱飲要$58😱，不過她的燒鵝確實好食，瀨粉湯底正常....今次仲有驚喜...給了我燒鵝脾！實在開心💩....另外她有個茶餐廳的茶餐$45有多士炒蛋叉燒意及飲品....應該是全日供應....不過見到哩個茶餐只有幾片叉燒...有位伯伯評價唔好食...不竟此店是燒味店....還是選擇燒味吧....

今日去咗銅鑼灣行街街，去到棋哥燒鵝餐室，於是入去醫醫肚。嚟到呢度，都真係冇乜理由唔試吓佢嘅招牌菜，所以諗都唔諗就叫咗一客棋哥燒鵝飯。老實講，如果純粹講賣相，呢碟燒鵝飯真係唔討好，因為嗰層燒鵝皮實在係明顯地黑，同餐牌相片見到嘅金黃色係兩回事。不過食嘢都係講味道，一試之下，發覺鵝肉結實味濃，亦有油香，而更令猴子在意嘅係佢帶有一啲類似藥材咁嘅甘香味。好奇之下，睇睇佢嘅餐檯紙嘅介紹，先知原來嗰種叫做「荔枝柴香」，係用創辦人（即係棋哥）研發出嚟嘅「荔枝柴煙燻技術」整出嚟嘅。但講到尾，到底荔枝柴香係乜嘢味呢？猴子就覺得同當歸嘅味道有啲接近。至於價錢，HK$58一碟（凍飲加HK$3），其實唔係貴，一來間舖喺銅鑼灣，剩係舖租都好重皮，二來燒鵝本身都貴，再加上呢隻係燒鵝髀喎！仲想點？

上次都有提過皇恩浩蕩燒鵝髀飯，但無辦法因為我住銅鑼灣冇計啦。確實期嗰個水平又係幾好。好多人都知我比Johnson哥教誨過，想要搵到錢就要食最好住最好着最好。我聽完佢講我真係去Kevin C買底褲都買3-4000.但我都已我量入為出政策。來搵幾多洗幾多。又講咁多廢話，其實我想帶出就算去任何地方我都要叫零瀉貴嘅東西來食。今日食燒鵝乳豬雙拼飯，例湯/凍檸茶。講真我唔鍾意食乳豬骨，比較鍾意食肚位，師傅可能知，爭小小，就斬左燒鵝上脾俾我。棋哥好特別係跟酸菜。其實我好憎食酸菜，但師傅一直堅持一定有原因。我就試咗，原來都幾襯。個例湯有料！非常值得！開咗連鎖店一定有原因，一定有成功之處！是日晚餐84。抵食值得。但如果態度幾奇怪，唔緊要啦，可能奇怪嗰個係我自己呢

呢日 #小秘書 帶個 #新加坡朋友 去 #銅鑼灣 食飯🍚🥢 問佢想食咩啦... 個答案既然係「燒鵝」🤔 聽佢咁講，我先醒起舊同事之前講過 #新加坡 🇸🇬 係無 #燒鵝 賣㗎，要食就只有 #燒鴨😅 不過無理由六七點先入 #深井 啫😅 就近近地去 #渣甸街 間 「棋哥燒鵝餐室」比佢試吓味先啦🤪一大排 #鵝頭 陳列喺門口掛 #燒味 嘅玻璃箱裡面，非常吸晴👀 曾幾何時，#小秘書 都食過㗎，雖然外貌好醜樣，但係估唔到「鵝頭」好有肉，口感直頭似食緊雞脾😏 不過我朋友就只係鍾情於佢嘅「燒鵝」，可惜「棋哥餐室」嘅座位安排麻麻，無理由花幾百蚊坐「茶餐廳」啫🤪 所以我哋最終揀咗食碟頭飯。我哋叫咗個「燒鵝併叉燒飯」，#燒鵝外觀 不似預期，睇起嚟油淋淋謝哂皮咁😏 不過食落都幾香口、有種炭燒嘅味道，不過舊舊都得層皮，話唔到比大家知啲鵝肉嘅質素添🤔 相反 #小秘書 就幾滿意 #棋哥叉燒，肉地半肥瘦咁，最啱我口味😉 不過呢... #師傅 就似乎太闊佬，淋得太多汁喺啲飯度，#小秘書 唔食慣啲飯咁濕同咁重口味㗎😏