棋哥燒鵝餐室

Open Now

Now Closed

服務態度非常差非常大媽的餐廳，服務員非常冇禮貌。燒鵝斬到好多碎骨，勁少肉， 太油。灣仔金牌燒鵝比佢好好多，食物同環境方面金牌相當好。雖然金牌價錢俾佢貴少少但係食物品質有保證，起碼唔需要浪費錢係一啲食物質素同態度勁差嘅地方。叫咗一碟燒味拼盤，燒鵝加燻蹄。問個大媽阿姐攞醬汁，個大媽服務員勁冇禮貌，不停係咁講「有咩一次過講」。你估人人都係喺你餐廳做，知道你有咩醬汁咩。又唔係多客又唔係忙，依家飲食業經濟環境咁差，你又咁冇禮貌，不如閂埋門唔好做啦。勁討厭。

去銅鑼灣見客之後，要趕時間回家接速遞，但又要買外賣回家比屋企人食，我諗買外賣最快捷就係買燒味飯，所以就去附近嘅棋哥燒鵝餐室買飯。櫥窗掛咗美味又吸引的燒味，令人垂涎欲滴。落單後不需5分鐘便將外賣包裝好，給客人取走！燒鵝飯：棋哥燒鵝係自家鵝場古法柴燻，獨特的煙燻香氣讓燒鵝散發淡淡清香，燒鵝皮脆肉嫩又多汁。飯加左燒味汁，美味又軟熟。叉燒飯：叉燒外皮掛著蜜汁，還散發著炭火香氣，咬下去肉味香濃，口感軟嫩。重有送老火湯送，夠火喉又足料！

今日去銅鑼灣工作，到下午茶時間 見到「棋哥燒鵝餐室」就買外賣！疫慢關係 店都會量體溫先！叫了2個飯「棋哥叉燒飯」和「脆皮燒腩仔飯」，下午茶是$38 仲包埋飲品，呢個價錢係銅鑼灣區 是超值！說是下午茶，但份量十足 叉燒飯有10數塊叉燒，叉燒甜甜的 仲好熱，不是太肥 ，肉質鮮嫩 好好好食！口感不錯，白飯澆上醬油，成盒飯清晒！脆皮燒腩皮 皮是脆卜卜的，有成10將舊，半脆瘦的咬下去卜一聲，加上肉汁豐富，也是水準之上！旁邊會有菜心搭上，中和油脂，白飯也是配上醬油的！飲品要了熱咖啡 慢慢飲，外賣番屋企也是不錯選擇，可以慢慢飲！

在山頂的金牌棋哥鼎爺餐廳第一次試食燒鵝燉湯套餐後，期待在市區找到一樣水準的燒鵝，誰知今次在銅鑼灣的棋哥燒鵝餐廳分店購買了一盒下莊，才發現水準實在令人太失望了! 一是鵝肉部份太肥膩，肥膏跟鵝肉的比例竟然是2比1; 二是鵝皮太軟而不脆，本來聞名的荔枝木香味亦散發不出來。實在令人太失望。加上店員的服務態度未如理想，譬如他多次呼叫號碼，而我早在店外伸手示意，他仍視而不見，基本上當時只有我一人在店外等候，這豈不是麻木嗎！

限聚令持續，好多人都只能返屋企食飯，媽咪話我知買唔到靚餸，咁我又去左棋哥度斬料記得上次食過棋哥既燒腩仔&叉燒都好好食燒味組合好優惠喎眼見玻璃前既燒味好吸引，特別係燒腩仔好吸睛因為個人特別鍾意食脆皮燒腩仔(半斤)+桂香切雞係黃油雞黎架黃油雞特別好味的，雞油香而不膩雞肉肉質十分嫩滑，一啲都唔痴牙燒腩仔既皮燒得好脆，而且唔會有肥膏，可以放心成舊食不過我還是喜歡上次食既係骨排位近骨位既肉質會更軟！今次既肉質相對地比較厚實！

疫情下買外賣回家吃是常識吧，大約5點在銅鑼灣買兩個餐作為晚飯。門口的燒味非常吸引，師傅有戴口罩和手套處理食材很衛生。等外賣的時間可以從玻璃看着師傅「斬燒味」，令人更加期待。等了只是大約5分鐘，很有效率。化皮乳豬飯連例湯，是日例湯是青紅蘿蔔豬骨，足料夠味，有家的味道。乳豬飯份量多，乳豬肥瘦適中，乳豬皮燒得香脆，配上乳豬醬更是惹味，單吃一個燒味飯已經超級夠飽。燒鵝瀨是下午茶餐，非常抵食。燒鵝難得帶一點點炭香，皮脆肉嫩，感覺棋哥的燒味都有一定水準。瀨粉和燒鵝永遠是最佳配搭，湯底夠鮮味，瀨粉入口細滑，很滿足。

今日大少話煮飯，叫我買啲燒鵝返去做餸，於是收工就喺棋哥度買左個下莊。回家途中已經聞到陣陣香味，為咗唔好引誘其他乘客，我特登用多個保溫袋入住，但係嗰啲燒鵝嘅香味，真係蓋唔到，引到我想偷食🤭🤭返到屋企，一打開見到個脾，真係忍唔住徒手攞嚟食。（當然手機食先）佢個皮好薄，好鬆化，好香煙燻味，而且好少肥膏，所以減低罪惡感。鵝肉厚身，肉質鮮嫩，我鐘意佢唔會好重花椒八角嗰啲香料味，而且冇鵝膻味。因為外賣所以燒鵝汁分開裝，燒鵝汁甜甜地，好惹味。酸梅醬梅味重但唔會太酸，酸甜適中。我研究過，燒鵝沾了大量燒鵝汁，再加少少酸梅醬係最好味。聽落好似好廢話，但我試過各種組合，哩個真係最正。🤤

面對疫情多咗時間係屋企食飯為左獎勵自己去棋哥斬料加餸！之前去過天后嘅棋哥最近發現原來銅鑼灣都有間喎～以我個人經驗二人家庭黎講如果買一斤叉燒就有排食為咗滿足為食嘅自己今次一於買半斤叉燒，再加半斤燻蹄 咁就perfect la~棋哥外賣盒size perfectly fit! 一打開個盒，樣子100分🤩🤩靚靚整齊嘅燻蹄呈現眼前😊好鍾意佢啖啖肉，同埋樣子清新簡單～肉唔會太肥，可以食到滿滿骨膠原嘅豬皮口感好爽！由於飯前偷食幾舊，冇點到酸酸汁，都一樣咁好食😋 肉唔會太鹹，加上溫度涼涼地，感覺幾清新架～ 斬料點少得叉燒呀～半斤叉燒都好多～ 兩個人未必食得晒🤭可以留返聽日用嚟整叉燒炒蛋❤️棋哥嘅叉燒啲汁好好味，鹹鹹地，又甜甜地而且肉質唔錯，幾Juice～有一排係比較瘦，有一排係帶有少少肥嘅關節位，兩樣我都鍾意👍🏼👍🏼佢哋嘅叉燒唔會做得太鹹如果比較重口味，點多啲汁一齊食就岩晒自己喺屋企煮飯有時都會悶大家都可以學我間中斬料加餸食下大師出品啖啖肉～正呀☺️☺️☺️

疫情下繼續要返乖乖返屋企食飯，所以加料返歸！六點鐘放工經過棋哥燒鵝，佢門面嘅外賣牌同佢燒味部掛出嚟嘅所有嘅燒味都係燒得好靚好新鮮，望落去唔會覺得係放咗好耐，仲傳來陣陣飄香，令人垂涎欲滴！ 買咗燒鵝例牌下裝，返屋企一試就知冇買錯！油脂分佈非常平均，外皮香脆齒頰留香，肉質豐滿有咬感，燒鵝肉汁配埋醃料醬汁，用嚟撈飯簡直冇得彈。另外都見到其他人買咗其他燒味，有外賣特價買半隻燒鵝加$10多隻雞，如果屋企多人實在相當抵食，誠意推介大家試下。

自從上次食過棋哥燒鵝之後，老公對佢讚不絕口，去銅鑼灣行街又一次經過 聞到香噴噴嘅燒鵝味，忍唔住衝入去食個快飯。燒鵝五寶飯簡直係一次過滿足晒五個願望，老公個人好傳統，而且又係飯桶一名，佢真心鍾意食燒鵝、叉燒、紅腸、鹹蛋，而家仲有埋豉油雞添！碟飯一嚟到熱辣辣香噴噴，相機食先，賣相吸引，肥美有光澤的燒鵝。肉質鮮嫩多汁，鵝味濃郁，入口皮脆，滲出一陣陣的鵝油香味。叉燒肥瘦適中、紅腸童年回憶、鹹蛋香、豉油雞加自家製蔥油，真係白飯都食到兩碗，回味無窮。餐肉三文治我就清清地食返件餐肉三文治，厚切餐肉味道好，餐室之經典美食。最後嘆番杯凍檸茶，然後繼續shopping之旅。

放工想加送，於是就去左呢到叫外賣。呢到係例牌既燒乳豬。就算係外賣到返屋企，一樣咁脆咁香口，而且佢脆得黎一D都唔燶，真係好好食! 另一樣我好欣賞既就係就算乳豬，都唔係得脆皮，下面既肉都好大啖，而且一D都唔鞋。另一樣叫左既就係差燒。呢個差燒好腍滑，完全唔會係又乾又鞋個D瘦肉，仲好JUICY。佢既差燒個味道岩岩好，唔會過鹹，送飯食真係超級滿足。差燒上面仲有一層薄蜜糖，食落甜甜地，成個味道都好好。呢到外賣又大份又好味，而家仲有D特價套餐，如果要斬料加送，可以考慮下。

呢排OT到傻成日都煮唔到飯，要買外賣，呢間棋哥係我近排食過並最好既外賣。古語有云：一熱遮三醜。外賣最忌係唔夠熱，但係棋哥係保暖呢方面做得幾好。有將湯同米粉分開，幾好。燒味方面，我叫左叉燒米再加個叉燒燒肉拼盤（無錯，我真係好鐘意食叉燒）叉燒好鬆化，甜度適中，肥瘦均勻，係上乘之作。燒肉有五層塔既效果，外賣拿到番屋企都仲脆皮，正呀。最後想講係佢個米粉底，d湯唔係普通味精湯，有少少胡椒味，惹味。米粉亦幾順滑，唔會鞋口。辛苦左成個星期，食番個有質數既燒味外賣，都算有雪中送炭既感覺。

朋友話依度d燒鵝好正，但因為本人好少食燒鵝，就揀左個脆皮燒肉瀨粉。個脆皮燒肉無令我失望，都幾大碟一定夠飽，個瀨粉好正，湯底有d特別，咸咸地帶點胡椒味，會令人想飲曬成碗湯底，瀨粉亦軟硬度適中，好快就成碗食曬因為好好味。夜晚去食加埋凍飲都係60蚊左右，大件夾抵食。朋友叫左燒鵝就話燒鵝好好味，我地都食到無停口，可能係好耐無食過咁既水準既燒味，下次會再來試。建議大家可以叫侍應比埋薑蓉同甜酸醬，燒肉會隨上芥苿醬。

之前食中午飯食過棋哥既燒味覺得好唔錯，所以見到外賣有優惠，忍唔住買番屋企同家人分享，一家五口份量岩岩好。叉燒切得好厚好大塊，而且非常juicy嫩滑又入味，切得大既好處就係啖啖肉，肉質唔韌肥瘦適中！！送飯一流呀另外套餐揀左鼓油雞，對比白切雞我更雞鼓油雞，鍾意佢皮有少少鼓油既甜品，雞肉唔會好細，呢度只係半隻已經超大份量，雞肉唔會有雪藏味，而且嫩滑，配送的薑蓉不死咸，做到提鮮效果。覺得外賣價錢不錯，而且可以把美味帶回家分享。

屋企由細大都無砍料加餸呢個玩法嘅早前食過滷水燒鵝，咁啱呢間又近我搭車，見有d時間就快手買外賣返去食双拼燒鵝雞飯擺得好靚，雖然一落單等5分鐘就走得，d staff 都唔馬虎棋哥燒鵝飯放返上碟食，感覺好少少燒鵝果然係重點，燒得好靚皮脆肉有質感，好似話用荔枝木燒，不得了同上次滷水唔同，肉更有咬口，係燒味嗰種油雞肉質好嫩油，肥瘦啱啱好，好有肉味再黎燒鵝，呢舊肉癡d 實淨d，都未至於好乾，都好有燒鵝原本嘅肉味唔知咩部位啦，呢舊就好食d林d，望落都無咁緊實睇下d雞蛋🤤🤤🤤充滿油光，隔離舊燒鵝塊皮靚到飯好大份，一個人食嘅話會太飽2份3人share剛剛好隻隻都咁靚啊！