鬼金棒

Open Now

Now Closed

個人係芫荽控特登同朋友去鬼金棒銅鑼灣分店試試芫荽拉麵🍜QR Code落單好方便，唔洗幾分鐘就上齊兩碗麵😁 芫荽辣麻味噌拉麵+味玉溏心蛋 $110 + $15揀左小辣小麻，滿滿的芫荽蓋哂成碗麵，粗身的拉麵好彈牙麻辣度剛剛好，湯底超濃郁，同芫荽出其地夾，叉燒厚厚的一塊，仲有層油脂，肥瘦肉連埋芫荽一齊食好滿足🤤溏心蛋係食拉麵必備，半熟流心的蛋黃蛋味濃郁，蛋白滑嫩辣麻肉碎拌麵+增厚叉燒 $100 + $35肉碎好香口，好惹味拌麵的麵條較粗身，好彈牙又煙韌，叉燒好大份，一碗食落肚超飽

鬼金棒出名食麻辣拉麵，呢日同朋友一齊好想食辣嘢， 入咗呢間試吓🥰🍜特製麻辣味味噌拉麵 $120呢間餐廳嘅拉麵全部都有得自選辣度同埋麻度，呢碗個湯底揀咗小辣小麻，唔算太辣同太油，食落好惹味🤣 啲拉麵都好有咬口，每條麵都掛到啲湯汁🥺 配料方面有一隻溏心蛋、粟米筍同芽菜，溏心蛋夠流心，粟米筍爽脆，芽菜份量都幾多，可以解膩😉 嚿叉燒大大嚿，雖然好厚但煮到好淋，所以輕輕一咬就咬開咗😍 🐷增量叉燒辣麻味噌拉麵 $115呢碗叫咗小辣同中麻🤪 個湯底唔會太辣，加重咗麻嘅感覺真係好正～ 不過比起小辣小麻個湯底就會油少少🌶 增量咗啲叉燒有兩大舊，肥瘦層次好分明，口感啱啱好，而且索晒啲湯，鍾意食叉燒嘅朋友唔好錯過😆呢度嘅拉麵大大碗，而且配料比得一啲都唔孤寒，對得住價錢😝 餐廳仲好貼心準備咗口水肩，着白色衫都唔怕啦😎 小編同朋友平日嘅晏晝嚟食唔使排隊可以直入🤩 鍾意食辣嘢嘅朋友可以試吓呢間🥳-味道: 8.5/10服務: 9/10環境:8/10回頭率: 8/10總評: 8/10💰人均消費: $120

上次試咗尖沙咀分店、今次去開銅鑼灣、當然要去鬼金棒朝聖吓。室內擺設簡簡單單、好有日式店feel、幾特別、面積不過比尖沙咀舖畧細。店員安排兩人枱、點餐是用QR code、嗌了芫茜麻味噌拉麵、另外一個係增量叉燒味噌拉麵、味玉兩隻。芫茜麻味噌拉麵係小編嘅至愛、之前吃過念念不忘、最鍾意係勁多芫茜、離遠都聞到陣陣的芫茜味、好適合芫茜控人仕去食👍增量叉燒麻味噌拉麵、大大塊2件叉燒、份量十足、超多芽菜、湯底濃郁、麫質地彈牙、一吃難忘🤩玉子即温泉疍、吃起來滑順同清爽、配麫食一流👍食拉麵配上冰凍汽水、直情系绝配。

請同事食生日飯，佢話想食拉麵， 又知佢鍾意食銅鑼灣嘅鬼金棒， 咁一於就食呢間東京過江龍麻辣拉麵店啦。12:45pm 到場， 都坐滿9成人， 連吧枱都坐埋， 最後一張2人枱都比我地坐埋， 生意好返好多了。特製麻辣味噌拉麵， 先飲頭啖湯， 湯底麻辣味非常香濃， 唔會死辣， 隻溫泉蛋煮得剛剛好， 蛋味香， 重有蛋汁流出。义燒有3件 (+增量), 肥瘦適中， 肥膏位又香又滑， 入口即溶咁， 非常好食。增量义燒辣麻味噌拉麵， 一條义燒都霸左半隻碗， 份量超多， 义燒好軟好滑， 軟綿綿一樣， 要整到咁林， 一定花好多時間。 另外， 麵底似伊麵底， 扁身較林較軟， 同平時食開嘅拉麵唔一樣。

今日約咗朋友喺銅鑼灣食lunch，帶咗佢去呢間拉面店鬼金棒，之前喺尖沙咀都食過，今次就喺銅鑼灣世貿對面，地理位置超方便，12:15左右去到，店入面已經坐左3枱左右，仲剩返兩張枱位，之後就係吧枱，我哋方便傾偈就揀咗枱位，去到12:45左右已經全場爆滿，出邊仲要等位。之後就係掃QR code點餐，因為我哋兩個食量都比較大，一個就揀咗增量叉燒x2辣麻味噌拉麵，另一個就揀咗增量叉燒辣麻味噌拉麵加玉子，因為朋友唔食辣，佢當然就揀咗冇辣味，我就揀咗小辣小麻，嚟到增量叉燒真係好大份，同埋肉質入口即溶，佢個面底係適中粗度，未去到粗麵咁飽，但又唔係一蘭嗰種幼面冇乜口感，我個人幾鍾意呢一隻面，另外值得一讚嘅係佢粒糖心蛋，真係做到糖心效果，連少少湯底一齊食感覺非常之正，因為我碗麵加咗辣嘅關係，食到一半就忍唔住嗌埋兩罐汽水，最後埋單都係$150一個人左右，喺銅鑼灣食到咁高質嘅拉麵價錢又唔算貴，朋友都話會再介紹人哋嚟。

星期五晚又係周圍搵好野食嘅Best timing，今次同朋友揀左呢間日式拉麵店鬼金棒，聽個名都feel到會係重口味嘅拉麵。我地一行二人，好快就搵到座位，店內環境同一般拉麵店差唔多，都係長長窄窄咁，個子高大嘅朋友或者會坐得無咁舒服；另外，有一點令我失望嘅係：店內無籃子提供，我地嘅隨身物品又唔可以放喺自己張凳(無凳pan)同隔離凳(有其他食客)，所以只可以放落地下，成件事都幾污糟......如果佢可以參考其他食店咁：要人搭枱嘅同時亦能夠提供足夠嘅儲物空間俾食客，咁客人嘅感觀一定好好多，唔使食得咁辛苦。食物方面，我嗌左一份味玉辣麻味噌拉麵，拉麵無得揀軟硬度，份量充足，叉燒夠入味；配菜有溫泉蛋(味玉)、玉米筍、豆芽菜等等。整體嚟講，湯底偏油偏咸，麻味已經揀左中麻但略感不足，可能俾辣味遮蓋左；最令人驚喜嘅係味玉，顏色鮮紅，蛋味超濃郁，值得一試！缺點嚟講：價錢偏貴($100)，外面有唔少高質拉麵店都做緊兩位數價錢嘅反襯之下，更顯得呢間拉麵店性價比低。

今次已經係我第二次嚟呢間食拉麵😍 一直對佢個叉燒念念不忘😋 可惜今次佢電子落單壞咗，用手寫單，所以比漏咗增量叉燒，不過原本拉麵入邊嗰舊叉燒都幾大嚿嘅😉 【玉米筍辣麻味噌拉麵】$100我唔食得辣，所以叫咗個無辣小麻， 呢度好貼心可以選擇唔同辣度同麻度😉 就算叫唔辣湯底，都好濃郁，有少少麻味， 好易入口，啱唔食得辣嘅人😋 而且佢分量都幾多，有七八條玉米筍同埋一舊厚切叉燒，正 😆【特製麻辣味噌拉麵】$120朋友食到少少辣，所以叫咗小辣小麻， 朋友覺得有少少辣嘅湯底仲有層次，仲有隻糖心蛋😆【Coke Zero】$15

呢間店鋪係尖沙咀同銅鑼灣都有分店 今次係銅鑼灣食 有Bar枱或普通座位選擇坐☺️餐廳主打辣麵 並有得自選辣度及麻辣度 鍾意食辣既就可以去挑戰下 吾食得辣都可以走辣架🌶✨味玉辣麻味增拉麵 ($100)呢碗簡左小辣中麻 食落辣味不太重 下次可以試下中辣 湯底味道鹹淡適中 而麵質煙韌有咬口🤤份量亦很足！而味玉超流心 中間仲係橙色蛋黃 十分香🤍另外配有叉燒 呢到既叉燒好好似厚切 並吾係平時拉麵嗰種薄叉燒 會更有咬口✨增量叉燒辣麻味增拉麵 ($115)簡左小辣小麻 而麵質及湯底同上面介紹果碗一樣 唯一不同的是呢款既叉燒係增量版 更大舊同更厚肉 叉燒仲好軟淋 索哂湯汁好香濃🥰

一直唔係太鍾意食拉麵嘅我，今日朋友叫我試吓食呢間，因為佢之前食話話好好食，所以我今日就黎試吓，點知估佢唔到又真係好好食😍話明鬼金棒所以都以日本嘅鬼神為主🤣當日去到都full哂，上面都有好多鬼神面具特製麻辣味噌拉麵小麻小辣 $120拉麵有溏心蛋,叉燒,玉米筍,芽菜。味增味非常濃郁,但係又唔覺得好鹹,同埋有少量花椒，香得來黎唔會太搶。而拉面係較粗嘅麵條,食落好彈。叉燒方面用左厚切五花腩見瘦分明,雖然唔算話好入味但就好腍。麻辣味噌沾麵小麻小辣 $100沾麵湯汁會比較濃厚,又唔會過鹹,因為拉麵比較粗身食落有少少似食緊麻辣米線。味玉 $15糖心蛋唔算入味但蛋味好重又好流心。

鬼金棒 Kikanbo銅鑼灣謝斐道530號地舖鬼金棒是專為愛吃辣的人仕而設的拉麵店哦, 來到要挑戰一下自己的食辣能耐。它的麻及辣都有5個LEVEL, 由無到最高境界的鬼增級。QR code 落單好方便$135 增量叉燒×2辣麻味噌拉麵愛吃肉所以要了增量叉燒×2, 叉燒好厚身的。 件五花肉煮得成塊都好腍身, 脂肪同瘦肉一層層梅花間竹, 麻辣香濃湯底刺激, 紅紅的湯底看到已很地獄, 好彩叫了小辣, 不會辣得要命, 辣辣地越食越開胃。而麵條都是偏粗口, 口感有彈力煙韌, 掛著麻辣味噌湯更加是滋味, 麵粉量很多吃花後非常飽。我自己好喜歡吃日本流心蛋, 本身麵沒有蛋, 所以加了$15流心味玉$115 增量叉燒辣麻味噌拉麵 湯上浮住豚脂, 有幾份擔擔麵湯底架味道另一款要了芫茜麵，成碗都舖滿了綠色架芫茜呀，是芫茜控必試的，每口湯連鮮芫茜一齊飲，好香哦。而麵本身無肉同蛋，都是需要額外加。麻辣湯過癮

< 鬼金棒 >IG📸: myheasharings 坐位都有少少逼 餐廳都好細心 有俾條即棄既圍裙仔食個陣帶👍🏻-莞荽辣麻味噌拉麵 $110加味玉 $15辣同麻都分別有鬼噌、高中小同無麻無辣揀～叫左中麻小辣🌶 麻味幾香 下次應該會叫中辣 個辣同個湯都夾 唔會一味好油或者得個辣字😗 但莞荽就無乜特別岀眾 只係影相有一堆山咁🫣 隻蛋都係普通拉麵糖心蛋算唔錯😛增量叉燒辣麻味噌拉麵 $115加味玉 $15食辣真係好睇每個人口味 呢碗嗌小麻小辣 朋友已經食到係咁飲水又滴哂汗🤭🤣 湯底係麻辣度既分別 其他唔係好食得岀有咩唔同 細食既人就唔建議嗌呢款啦 一舊叉燒都已經好漏🐷-📍 鬼金棒銅鑼灣謝斐道530號地舖

麻辣拉麵一定係諗起鬼金棒依間拉麵店真係食極都唔厭今次又嚟咗食佢個麻辣拉麵，今次揀嘅款式係Double叉燒味噌拉麵配麻辣口味，而朋友叫嘅嗰款係芫荽麻辣味噌拉麵拉麵嘅棉質非常掛湯，而且配埋特製嘅醬汁同埋麻辣嘅味道真係好野咪每一次食完都好想再encore，特別欣賞嘅就係佢大大份嘅叉燒真係好足料，如果細食嘅朋友可以考慮叫普通份量，因為叉燒嘅肉真係好大舊，滿足食肉獸嘅慾望另外唔可以缺少嘅就係芫荽控嘅選擇，除咗配合芫荽之外，仲有麻辣湯底原來都幾夾，作為芫荽紅控嘅我都非常之鍾意呢個口味，朋友都覺得加埋芫荽嘅味道比較清新大家都可以試吓配埋足料嘅叉燒，真係勁滿足 餐廳仲有汽水同埋其他日本飲品可以選擇，另外都值得一提就係呢度嘅糖心蛋做得幾好食，大家揀特選拉麵嘅時候就可以配埋蛋呀

講起日本拉麵，銅鑼灣呢間拉麵真係好有份量，叉燒超好味。✨芫荽麻辣味噌拉麵平日勁鍾意食芫茜，第一次食拉麵有咁大量芫茜相伴，好香呀粗身嘅拉麵啖啖都滑嘟嘟，好彈牙。加咗麻同辣嘅湯底超惹味麻味同辣度有大中小選擇。芫茜控必試✨增量叉燒味噌拉麵試下唔麻唔辣，原來一樣好正，真係品嚐到湯底香濃嘅味道，叉燒厚切大大條，帶點肥膏入口非常軟腍叉燒同湯底係呢碗麵嘅靈魂加咗滑嘟嘟嘅味玉<即係日本雞蛋>裡面流心蛋王湧出，超好味

感覺上就要和男朋友分享這份拉麵整體才能比較舒服拉麵湯底裡追求麻和辣的層次感可以來這裡品嚐麻加辣的口感 配上花椒油享用整體的拉麵感受和平常的會有所不同味玉辣麻味噌拉麵麻辣的味噌湯頭　搭配叉燒　溏心蛋　玉米筍、豆芽菜、蔥花等配料叉燒和湯頭很合的來　他們有互相襯托的效果叉燒的肥肉挺多的　本身有腌製的　味道比較明顯溏心蛋都是普通的　不會太熟就好其他配料有加分點　因為整體有減膩效果在吃重口味的過程中　提供點清爽感玉米筍和豆芽菜都爽脆所以我們另外加了份　份量真的挺多不肥的品嚐　可以單點拉麵另外加配料　已經足夠每次吃拉麵就會特別想念日本的所以吃拉麵我能找回記憶點

《鬼金棒》嘅拉麵，我真係食極都唔厭😌芫荽辣麻味噌拉麵 $110今次試下叫無麻無辣🙂芫荽味陣陣飄香，成碗拉麵都鋪滿芫荽😍入面有件肥嘟嘟嘅叉燒，肥瘦比例適中，仲有粟米🌽、芽菜，拉麵麵條粗身又彈牙，份量啱啱好🤤增量叉燒辣麻味噌拉麵 $115呢碗叫咗小辣無麻，增量叉燒比正常大一倍，個湯底辣辣地又幾香，拉麵索晒湯汁好惹味呀😍兩碗拉麵我哋都另外加咗滑嘟嘟嘅味玉$15(粒)😋-可樂｜芬達 $15@〰️〰️〰️〰️〰️〰️〰️