鬼金棒

Open Now

Now Closed

今日lunch time 趁有少少時間專登去咗銅鑼灣食拉麵, 我同朋友其實都唔鍾意食辣, 但係見到呢間拉麵舖嘅湯底好似好出色所以都想試吓朋友嗌左- 味玉辣麻味噌拉麵 $100 (無辣，無麻,走豆芽菜,走玉米筍)，增量叉燒 $35 因為嗌咗增量叉燒所以個叉燒又大又肥美, 食拉麵最重要就係舊叉燒要正！！另外一碗我叫左莞荽辣麻味噌拉麵(無辣，無麻)$110，味玉 $15我個碗就係有好多芫荽，所以味道超級豐富講返原本嘅湯底，佢本身有好多洋蔥芽菜，所以有每一啖湯都有好多口感；另外我欣賞嘅係佢隻蛋，蛋黃超級「橙」，食落個蛋黃一啲都唔漏；最後係個面底，煮得剛剛好，係有少少硬，少少粗身，剛剛好可以索哂啲湯底！整體嚟講係一個高水準嘅拉麵😌😌

突然又想食拉麵, 第一時間又醒起要約朋友去食鬼金棒拉麵啦, 因為實在太好味啦今次叫左特制辣麻味噌拉麵, 叉燒幾大舊,個湯底夠濃又辣,仲有好香既蒜味, 呢碗拉麵仲有一粒流心既溏心蛋, 好有水準呀仲叫左个莞荽辣麻味噌拉面, 好多莞荽, 湯底都有好香既莞荽味, 芫荽控必試, 另外仲叫左增量叉燒同味玉, 舊叉燒肥瘦適, 粒溏心蛋又夠流心另外, 仲有件白色防污糟背心,俾我地依拉麵既時候著住, 好貼心呀, 著白色衫去食拉麵都唔驚彈污糟件衫啦

我自己數都數唔到，究竟一生人食過幾多次「鬼金棒」，係我對佢既味道有執著，定係我前世未食過呢種拉麵？我真係搵唔到原因，但無可能！我一定要知道點解！我決定再去食多次！👇📌主 食 -▪️ 增量叉燒辣麻味噌拉麵 - $135▫️ 呢個又係必食既「增量叉燒辣麻味噌拉麵」，叉燒SIZE夠大，食落軟腍入味，揀左小辣小麻，湯底又惹味，拉麵吸收哂湯底精華，特別煙韌鹹香，加左20蚊加大麵底，呢個就梗咖啦，整體保持到水準。▪️ 芫茜辣麻味噌拉麵 - $130▫️ 另一個「芫茜辣麻味噌拉麵」絕對係我最愛，滿滿既芫茜係哂個麵面頭，就咁聞落都已經香到不得了，我嗌左中麻中辣，對我呢D食得辣既黎講，下次可以嗌得再辣D，但對唔太食得辣既咁樣岩岩好了。

呢間餐廳以日本神怪為主題，主打辣麻拉麵，辣度同麻度分成5個級別，反而拉麵配搭選擇唔算多，走貴精不貴多路線🥢💗特製麻辣味噌拉麵+增量叉燒 ($155)以豬骨、雞骨、魚鮮同多種蔬菜熬製超過8個鐘，再混合八種祕制唐辛子，佐以頂級和歌山葡萄山椒調成嘅香麻油，做成鮮辣麻香，刺激醒胃湯底🌶；混合三種不同粗幼度拉麵，麵質煙韌彈牙，掛湯力強🍜；厚切叉燒以多種香料慢火燜煮過夜，滷汁肉香極入味，叉燒肥瘦層次均勻，肉質軟嫩，接近入口即化，油香四溢🍖；配上流心度十足嘅溏心蛋🥚 、爽脆豆芽菜🎍、清甜玉米筍🌽

呢間日本東京人氣過江龍拉麵店門前有支日式巨型狼牙捧，店內亦有好多日本惡鬼裝飾及面具，好有日本祭典feel朋友話坐係店入面就好似自己係桃太郎去消滅惡鬼咁喎拉麵店主打辣麻味噌湯底，雖然只有味噌湯，但辣度及麻度可自行選擇，而且用QR code落單，非常方便客人。粗麵，是固定硬度，掛湯能力很高，每一口也吃到湯頭的麻辣。配料方面，炙烤過的豚肉，油脂入口融化，作為肉食控的我，感覺很讚。而味玉的流心效果也做得不錯

個人都十分喜歡食拉麵，係銅鑼灣都有好多選擇，但呢間就係個人喜好之選嘅其中之一，門面支鬼金棒，真係超易認，一入去就見到師傅煮麵嘅位置，有吧枱位置同餐枱位置，由店員安排，雖然空間唔算太闊落但食碗麵加個追加小碟絕對足夠有餘😊落單掃二維碼，這裡最好味道的就係增量叉燒x2辣麻味噌拉麵，落單時可以調節辣度同麻度今次加了味玉，上枱時大大碗，上面放了兩件超大嘅增量叉燒，本身比平時食開嘅叉燒厚身，一層層既五花肉夾埋軟熟嘅一層又層瘦同肥嘅肉，肥美香口又入味，加埋個香濃湯底入口真係另人回味！麵身亦十分煙韌彈牙好有口感，湯底辣中帶麻嘅感覺完全帶來味覺刺激，加埋個流心味玉，哩個絕對推介！朋友就點了味玉辣麻味噌拉麵，分別在於叉燒分量，同埋個湯底不同，湯底有濃厚辣麻味外還有味噌感覺，叉燒都係一樣肥美！我還追加了個肉飯，當然肉飯上嘅肉同樣都係肥叉燒，加埋煙靭彈牙嘅日本米飯，配上自己湯麵嘅湯底，即時變成泡飯，吸入收了湯底味道入口，勁正！喜歡吃日本麵加埋挑戰辣度，這裡絕對係不二之選！

聽咗好耐，終於初嘗過龍江日本拉麵🍜係正銅鑼灣世貿隔離，好易搵😛坐位都算寬躺唔洗逼埋一齊當日叫左兩個拉麵🍜🍜係用電話掃Barcode落單唔食辣既人士都唔洗擔心🥰因為揀完拉麵入到去可以揀唔辣既先評第一個味玉辣麻味噌拉麵 溫泉蛋一流雖然我揀咗小辣小麻，但係都湯底已經夠晒味，如果唔係好食得辣既人可以參考呢個食法。叉燒第二個係芫荽辣麻味噌拉麵叉燒都係由於朋友唔食辣 所以成碗都感覺就似芫荽湯底不過最後都要講一講佢既麵係偏粗身同硬身如果唔鐘意以上麵既口感，可能需要落單嘅時候講定🤩不過整體都係一個唔錯嘅體驗

之前有朋友食過，非常推介呢度個厚切叉燒，難得收早就捉埋為食同事一齊黎試試。原來呢間拉麵店嚟自日本東京，主打辣麻味噌拉麵。6:30PM黎到未算繁忙，店面裝潢有特式，走暗黑路線，布滿了日式妖怪面具及吊飾，Bar枱有日本feel。坐低店員就比左個QR code 我地自助落單，點餐先知原來湯底有五級麻度同五級辣度選擇。同事知我食得辣叫我試鬼增辣鬼增麻🔥但我有d淆底最後只係叫左中辣中麻。佢自己就話要試清楚湯底原味，所以叫無辣無麻。🔥芫荽辣麻味噌拉麵 (中辣中麻)貪佢香d叫個有芫荽既，先飲個湯，橙紅色夠濃郁，但就冇想像中咁辣，有麻香，芫荽既清親中和左油膩感。🌿麵條方面幾粗身，彈牙有口感，份量比一般拉麵店多。🍜主角叉燒亦非一般🍖厚切五花腩成舊東波肉咁。一層層既五花肉，肥美香口又入味👍🏻朋友真係無介紹錯。雖然好有罪惡感，但食得好滿足，最多做番多啲運動補數。味玉(鹵蛋) 都係食拉麵必食既配料。一啖咬落去就見到鮮橙紅色既流心蛋黃，creamy又入味，正呀。🥚🥚🥚🔥炒豆芽菜辣麻味噌拉麵 (無辣無麻)無辣油既味噌湯底睇落依然香濃，佢話飲落麻油香好重好正。大量脹卜卜既炒豆芽菜鋪面，賣相都好吸引。芽菜同玉米荀🌽鮮

鬼金棒店面嘅裝修好有特式 好多鬼面具另外佢係用QR code電話點餐 夠晒方便最欣賞係每人個位都有圍巾咁就唔怕整污糟件衫喇👍🏿增量叉燒辣麻味噌拉麵 (無辣無麻) $115 🙆🏿‍♀️加味玉 另加$15 💁🏿‍♀️湯底夠濃稠 充滿油脂嘅香味 麵條使用咗粗麵 質感偏向硬身 彈牙 有口感因為夠掛湯嘅關係食落每一啖都感受到味噌湯底嘅味道再配上爽口芽菜同輕輕燒過既玉米荀🌽其實呢個組合都幾少見 幾有新鮮感另外仲有一個特別之處就係在於啲叉燒佢唔同一般拉麵舖所用薄叉燒鬼金棒嘅叉燒係類似厚切五花腩 比較肥美同香口 少少肥膏再加埋啲肉 一啖食落去好嫩滑 易入口而經增量之後 叉燒份量十足 食完好有滿足感😌味玉辣麻味噌拉麵 (小麻小辣) $100 🙆🏿‍♀️小妹走晒蔥 芽菜 同韮菜連玉米荀都比埋小馬🤫因為第一次食 唔敢食咁辣🫢佢嘅麻辣味都夠 上邊都有講佢掛汁能力強所以每啖麵都會食到佢嘅麻辣湯汁夠晒過癮🌶Coke Zero $15芬達 $15加分欄⭕️ 提供圍巾❎ 加一服務費

行開銅鑼灣食lunch, 諗起附近 鬼金棒 嘅麻辣味道, 心思思就去食拉麵！呢度嘅日本鬼怪佈置, 的確令人印象深刻！芫茜辣麻味噌拉麵芫荽拉麵喺一大特色, 新鮮清爽, 芫茜控一定要試下！麻辣程度可以自行選擇, 加入傳統味噌湯底, 味道濃烈得嚟又不失幼滑！增量叉燒辣麻味噌拉麵叉燒係主角, 好大塊多肉汁, 一層肥肉一層瘦肉, 炆得淋身入味, 嫩滑軟綿綿, 油脂甘香！肉飯想食飯嘅就有肉碎飯、肉飯同大肉飯, 由35至55蚊, 分別係叉燒份量唔同！點咗個肉飯, 叉燒肉汁滲透白飯, 食落特別有滿足感！

一入到嚟感覺好特別，因為呢間日本拉麵店裝修走鬼怪風格，好多日本妖怪面具係牆到，氣氛偏向陰沉。平時食拉麵可以揀麵嘅辣度好平常，第一次連麻度都可以選擇埋，好特別！麻同辣度都有分無，小，中，大，鬼增這五個選擇。聽講鬼增(需要額外加錢）係愛辣者嘅喜好，我同男朋友都驚太辣而揀咗小辣小麻男朋友選擇咗味玉辣麻味噌拉麵，湯底非常濃郁，真的有麻香的味道，麵條厚身有口感，係我比較鍾意嘅麵質糖心蛋非常流心！叉燒方面係厚切叉燒，肥瘦分明，但亦都唔會感到非常油膩而我揀咗辣麻味噌沾麵，這個麵條偏向扁身，麵條可以卦哂啲湯汁，質感煙韌彈牙，配上芽菜同玉米筍，令口感層次更豐富，一口接一口好快食完，相信熱愛沾麵人士都會喜歡下次會再嚟食

陰陰森森，有好多鬼臉望住，還有打鼓轟轟聲音。唔講仲以為係去咗鬼屋添⋯⋯🤣原來係一間垃麵店。店內氣氛不錯，配合店的名字。炒豆芽菜辣麻味噌拉麵好喜歡呢度嘅湯底，飲後不會有口渴感。揀選小辣的湯底，惹味足以另我飲多幾口。炒過的豆芽菜更加爽脆。追加了芫茜，芫茜嘅香氣撲鼻而來，混合炒芽菜一齊食，口感豐富。麵條彎彎曲曲掛湯力強，又爽又彈。叉燒肉似磚塊，大大件，肉質軟熟，中間位置有少少脂肪，油香滿溢，入味十足。

大小M想知蕉媽鐘意食辣🔥嘢，晚飯必備一碟辣椒醬。MM爸以前唔食辣野，陪蕉媽食吓食吓而家都鐘意食辣，所以話食辣野係可以鍛煉返嚟🤣今日無意中喺銅鑼灣發現一間專門提供辣麻味道嘅日式拉麵餐廳。第一次見有辣麻拉麵專門店餐廳❤️‍🔥，嗜辣🔥嘅蕉媽當然要一試❣️店名叫「鬼金棒」，一入店內見到多個「鬼臉」，瞬間令蕉媽想起去日本別府溫泉區旅行經常見到的「鬼臉」，無得去日本旅行唯有先食日本🇯🇵拉麵頂住先！餐廳以手機自助落單，非常方便。拉麵有多款包括「特製麻辣味噌拉麵」、「辣麻味噌拉麵」、「味玉辣麻味噌拉麵」、「炒豆芽菜辣麻味噌拉麵」、「叉燒辣麻味噌拉麵」、「莞荽辣麻味噌拉麵」，價錢由$90-135不等。每款都可選辣度和麻度，喜歡挑戰自己嘅可以揀特級辣❣️我同MM爸分別揀左「莞荽辣麻味噌拉麵」和「增量叉燒辣麻味噌拉麵」。以及增量玉米筍，+$15有汽水，+35果味梳打。蕉媽鐘意不同香草🌿嘅味道，莞荽係其中之一，而且第一次見以「莞荽」作賣點嘅味噌拉麵，所以一試。MM爸揀嘅「增量叉燒辣麻味噌拉麵」就啱晒喜歡吃肉嘅男士，因為厚切叉燒嘅份量係蕉媽個碗嘅3倍😆（蕉媽個碗嘅叉燒都係厚切，不過冇咁長）。見到碗增量玉米荀，我同MM

鬼金棒☠鬼增辣麻拉麵超有名～⁡門面店內充滿日本feel，大大支狼牙棒，👺惡鬼面具，吧枱座位，自助斟水設施，可以一解鄉愁🇯🇵！⁡⁡🌶以「辣」「麻」為賣點的日本拉麵比較少有，而且仲可以自選辣度、麻度，真係貼心👍🏻！⁡⁡銅鑼灣分店位於世貿中心附近，位置方便，可以行完街來食。同朋友第一次試，便點兩款不同的特色拉麵😂～⁡鬼增辣度我就不敢挑戰了🙈⁡🌿芫荽辣麻味噌拉麵⁡小辣中麻+味玉🥚⁡🈵️芫荽山快滿蓋整碗拉麵，芫荽味清新😊～⁡湯底香醇小辣中麻初初食時，你會覺得小兒科，但之後辣味麻味會上升，係種令你有少少刺激而又唔會辛苦的辣麻😋～⁡麵條用上粗麵，煮得軟硬適中，有嚼勁👍🏻～我鐘意❤～⁡🥚味玉⁡溏心蛋蛋黃呈橙黃色😍，味道濃郁香滑，喺辣麻湯底中加添一種溫柔的味道～⁡🌽玉米筍辣麻味噌拉麵⁡小辣小麻+味玉+增量叉燒🍖🍖⁡原來日文中「金棒」🪄係玉米筍嘅意思。⁡玉米筍份量非常多，脆嫩清甜😋，同濃烈的麻辣湯底相輔相乘，有新意和驚喜🔥。⁡🍖增量級叉燒⁡用上肥美五花腩，入口軟腍厚身，真的肥而不膩，好邪惡!! 大大滿足口腹之慾😋😋！⁡⁡其實想試試大肉飯🤣，可惜一碗麵的份量已經很足夠，大肉飯要留返下次再挑戰😎⁡

🎈鬼金棒.疫情前曾拜訪留下好印象，今次再訪有點失望🍜炒豆芽菜辣麻味噌拉麵.味噌感濃厚，屬於重口味之選，略嫌過咸 / .油脂重，明顯有層油係面，雖然食得鬼金棒都係預咗，但都係過油啦🥲/.叉燒屬五花腩，一層肉一層肥，鐘意油脂感嘅必然鐘意但不是我味兒 /.麵質係最最最大問題，過粗而麵粉感重，有啲似上海式拉麵，唯一好處係掛湯 /.中辣大麻，但一啲麵唔辣唔麻，好唔過癮 / 本身係期待食到流埋鼻水加溏心蛋.極級推薦！！！用上蘭王日本蛋，蛋香重而入味 / 食10隻都可總括，一啲都唔過癮