kikusan

Open Now

Now Closed

平日下午放假，去咗沙田玩，喺新城市廣場見到呢間餐廳，日式裝修，環境都幾舒服，啲枱唔迫，又唔嘈，坐低試吓佢個下午茶套餐，又幾OK喎，雖然選擇唔多，不過我都揀到鍾意食嘅嘢，叫咗一個擔擔麵走辣，所以唔知道個辣度合唔合適，但係個擔擔麵本身又幾好，麵夠彈牙，花生醬湯底亦都相當之Creamy，但係又有少少花生碎粒，幾好食，口感唔錯，加咗兩隻韭菜餃子，好大隻，基本上每隻等於一般嘅兩隻份量，味道都OK，相信唔係喺街攞嘅貨，而係自家製，皮都算薄，唔係太出色，但係可以啦，再叫咗一個天婦羅拉麵，天婦羅有番薯、南瓜、茄子同埋兩隻蝦，都幾好㗎啦，啲脆漿算係幾薄，拉麵嘅湯底同埋麵質都唔錯嘅，每個餐重跟一杯嘢飲，價錢唔算貴，喺新城市廣場裏面算係中價，但係地方舒適，服務態度亦都幾好，值得一試。

今日去湊👶🏻👶🏻呢個塞豆窿放學次次同佢去玩之前就最易叫佢食飯紅油抄手就我食嘅 辣辣地我最鍾意不過我覺得佢層皮有啲厚得制同埋可以辣多小小就好啦🌶️👶🏻👶🏻就食返小籠包啦 不過個衰仔好揀食 淨係食肉層皮完全唔食 最緊要係 咁啲湯呢？我食落就覺得都係正常嘢 主食就叫咗個天婦羅🍤飯仲有一個黑松露雞飯估唔到佢人仔細細 竟然唔係揀脆口嘅天婦羅而係揀好多大小朋友都唔食嘅黑松露😂我真係唔知話你識食定咩啦兩個飯我覺得都幾好食 但黑松露的確係香啲 雞都入味 兩者比較我都會揀黑松露😋

麻辣蝦燒賣太上癮Kikusan🍜🥟🥟🥗麻辣蝦燒賣 HK$52 一碟兩大粒 最岀色菜式沒有之一 首先有麻辣蟹子係燒賣頂 燒賣用燒賣皮切絲包住 入面有一粒蝦同豬肉 有大滿足感 麻辣味唔太chur 點到即止 一人兩粒都唔過份千層豬扒擔擔拉麵+紅油抄手 HK$128 千層豬扒食落唔油膩 千層薄身豬扒多肉汁唔乾 食哂成塊唔過份 唔鐘意食淋身炸皮係上碟就夾走塊豬扒先 擔擔麵半爽半淋口感加埋啲擔擔肉 成碗麵食落易入口唔dry 紅油抄手個皮少少厚 肉餡唔乾身 汁未算辣 可以接受薯絲椰菜絲沙律 $72 睇落好大碟 其實都真係幾多 成座山咁高 薯仔同椰菜切絲 每啖都好爽口 加上有開胃沙律汁 埋尾成餐唔飽滯餐廳擺設唔會好焗聲 份量岩香港人 味道同口感都好好 侍應服務好同有禮貌 所以自己都食左好多次 另外可以用app拎飛 唔洗企係度等環境衛生: 🌕🌕🌕🌕🌕食物味道: 🌕🌕🌕🌕🌕服務態度: 🌕🌕🌕🌕🌕@kikusan_official#Kikusan#沙田美食 #沙田#麻辣燒賣 #擔擔麵 #紅油抄手#香港美食 #香港餐廳 #情侶餐廳 #情侶飲食 #幫你食 #CoupleHelpYouEat #CoupleHel

同同事去新城市食飯，見到有新餐廳，所以試吓～我哋叫咗雞白湯叉燒沾烏冬同埋黑松露野菌蒸雞飯!雞白湯叉燒沾烏冬上菜嘅賣相好吸引! 叉燒好大條～叉燒有某啲位好乾, 有啲失望同埋比較肥~烏冬好煙靭係類似稻庭烏冬嗰啲,幾好食～不過雞白湯就唔係日本拉麵嗰種, 有少少似開粉嗰啲白汁, 味道好淡, 冇咩雞湯味, 同埋烏冬沾落去會有啲太杰食落去好漏~黑松露惹菌蒸雞飯幾好食! 不過啲雞有啲鹹左少少~啲飯又黑松露味幾特別~而且份量都幾多！2款都叫咗套餐，可以揀要沙律或者點心~沙律就普普通通~點心都唔錯係菠菜蝦餃同埋小籠包! 蝦餃出邊個皮係用菠菜做嘅，雖然冇咩菠菜味，但係都幾特別！小籠包都皮薄多汁～

Happy Friday的工作午餐！就決定係呢個過江龍日式中華料理了😋🍜雞白湯慢煮雞胸沾烏冬 $88 🟡呢款係餐廳推出嘅春夏之選，加$28轉套餐包兩粒小籠包同熱飲。餐牌上嘅圖片比較細，出到餐先發現沾麵湯底好似重口味版忌廉湯🥵加上用咗幼烏冬，食落似平民西餐廳嘅忌廉湯烏冬feel🥺冇乜口感，有啲可惜🫠要讚嘅係雞胸慢煮過仲保留口感，又唔柴，俾得都幾大方，混埋啲湯食有效中和佢嘅咸味🫣但下次未必會再揀🍜雞白湯叉燒沾烏冬 $108🟡同樣為春夏之選嘅餐品，用同一款沾麵湯所以冇咩好講🥵唔同嘅係佢原條叉燒咁上🥹炙燒過嘅叉燒半肥瘦入口即溶好邪惡😚🍚 極黑豚肉叉燒天婦羅蛋飯（跟餐）$148🟢日版嘅黯然銷魂飯🤭流心蛋！厚切半肥瘦叉燒！秘製日式甜豉油！呢個組合其實冇得輸😋只係食到最後略嫌太油，同埋太大碗食唔晒🥹不過呢個香味口感都好食嘅🤣係合格以上嘅叉燒煎蛋飯😎所以： 🟡沙田有其他更好嘅選擇，不過食咗都唔係伏嘅餐廳🙂‍↕️

其實算差品二人餐加嗰一人麵 $455天婦羅飯難食到弱X，真係只有智X先會叫，哈，我叫左，我係智XOpenrice好大嘅官威，咩字都ban，咩字都叫我請勿使用兩隻蝦加雜菜餅，你呀媽嗰仔，居然係雜菜餅，真係估你唔倒。D汁死鹹，食到反胃。雞白湯沾烏冬好乜難食，嗰Q字比openrice ban左，第一次食雞白湯係金寶忌廉雞湯，咁都煮得出，真係服左美心。好乜鹹，嗰Q字比openrice ban左，D死人罐頭湯味好難頂。黑松露雞飯，一開始都ok，愈食愈覺得佢太寡味。唔錯嘅小籠包，不過我嫌D肉太碎炒花菜，佢落左少少花椒油，炒得都唔PS 其實成世都應該唔會再食佢，都建議大家新城市咁多野食，揾過第二間啦。

一家三口第二次食呢間，佢地食品真係OK，環境都清潔但最差就係侍應😡（灰衫四眼男），一入門口佢已經黑黑地面講野都晦晦氣氣咁，三位坐呢到QR自己落單（語氣衰到一個點）當時帶住老人家去食，我算，忍你！到上菜又係咁。講真你對我晦氣我都可以對你晦氣……間餐廳食物真係算幾好味，環境都幾好。我真係唔明點解做管理個班會容忍d咁既員工係到做野？你d員工服務差到咁，食物再好都無用！最後只會令客人食乜都無心情。到最後埋單找錢既時間仲要就咁係你後面隔住條欄就咁比返張單同錢你😡😡真係一丁點禮貌都無！到我走個時去到門口見到有個著黑衫既四眼侍應，我直接同佢講：你個伙記係咪失戀呀，咁唔想做就唔好做嘛！！！一句講哂，呢d咁既服務態度遲早執笠……

環境舒適，餐廳闊落，平日下午茶時段去無咩人啱晒靜靜地同朋友家人食個下午茶雖然下午茶時段有折扣，但折完後價錢都係偏貴咖喱炸雞飯炸雞肉質香嫩，質感非常軟滑唔韌👍🏻日式咖喱汁唔辣偏甜，適合唔食得辣嘅朋友飯量啱啱好清酒雞擔擔拉麵平時花雕醉雞就食得多，清酒醉雞都係第一次食，清酒雞吸滿清酒，散發着十分濃郁嘅清酒味，雞肉香滑，但份量偏小擔擔拉麵份量亦都算細，就算女仔食都係勉強夠飽擔擔拉麵湯底花生味唔濃，有啲啲辣，麵質不過不失

Dinner time係新城市廣場覓食，見到呢間的二人餐menu都唔錯，咁又試吓菜😆二人前套餐 $398小肴 薯絲椰菜絲沙律份量太大份啦，真係成座山咁款🤣呢碟沙律的芝麻醬只係外層有，所以要mix埋先得。食落好清爽，都好飽肚，但唔係好食到薯仔，只食到椰菜絲。點心 豚肉小籠包(4件）+$18小籠包熱辣辣，味道都唔錯。素菜 蒜蓉炒西蘭花蒜蓉味好香濃，西蘭花食落都好爽口。主菜 西班牙極黑豚肉叉燒呢款叉燒勁好食，又夠厚身。第一眼望埋去見到外層好黑，仲以為又燶又硬，點知食落肉質非常軟腍，而且味道濃郁，好香好好食，呢碟叉燒勁高質👍🏻跟餐 擔擔拉麵擔擔麵好大碗，但味道都幾辣，唔係咁啱口味。餐飲 2x凍柚子檸檬蜜 +$5 凍飲一杯加$5，味道ok啦。呢款二人餐份量都幾多，兩個人其實食唔哂，食完勁飽，完全足夠三個細食的人去食。kikusan (沙田)沙田沙田正街18號新城市廣場一期1樓127號舖*上述文章只供參考及以當時價格為準

沙田 Kikusan 開店至今，我們都算忠實老客，每兩三星期總幫襯一次，算是見證它由盛至靜。有時不是沒選擇，但仍然去 Kikusan，部分原因都是俾同情分，但這些同情分將會變零！ 上星期五 Good Friday, 沙田新城市廣場當然人多，為了趕時間，見 Kikusan 不用排隊就走進去。是高妹服務員出來迎客，她以一貫傲慢冷漠的態度招呼我們去一張狹廹的二人枱。我們見最近流感盛行，着她換一張不那麼擠的枱，她用手指指住門口，以懲罰的口吻，叫我們返回門口等。 我們很乖，在門口等了分幾鐘，突然覺得是不是被自己忠實老客的想法充昏了頭腦，竟然接受這樣的服務態度而站在門口罰企。不想罰企，於是立即轉去鼎泰豐，鼎泰豐服務員態度好，人所共知，與 Kikusan 的比是天淵之別。 Kikusan越來越少客，老實說覺得它遲早關門大吉，美心集團的營商策略沒理由做蝕本生意，而且有礙品牌形象。但有沒有想過致命傷是服務員的態度？Kikusan 要是關門的話，我們是有點不捨，食物環境尚可，有些男士服務員也很友善，認得我們，少了一個選擇也是我們食客的損失。 但，真是老套講句，這樣高傲冰冷的服務態度，係今時今日不就是促成北

周圍搵食，老公見到擔擔麵就衝咗入去帶位嗰個人，語速超快，完全同我哋零溝通，講完自己要講嘅嘢就走咗去，估唔到而家生意咁難做，仲興呢啲咁嘅服務態度🤣叫咗兩個一人餐，包小食同飲品按上枱順序講：千層豬扒擔擔麵麵係日式拉麵，對於期待食上海麵嘅老公就覺得好失望，我當北京拉麵咁食覺得可以接受嘅麵都算彈牙千層豬扒就失色咗啲我估佢將啲五花腩一片片疊起就拎去炸但同我想像中嘅日式千層豬扒有出入🥲少少油，同無乜豬味普通急凍貨色，但百幾蚊好難無要求喎😅我個餐嘅紅油抄手全晚最收貨嘅一樣嘢皮少少厚，餡都叫做足料，醬有花生香，真係合格佢四隻抄手得一隻上面有一大羹蒜蓉，對於唔食蒜蓉嘅我黎講好好彩，可以留比我老公😂但如果普通人食蒜蓉嘅話，就要自己撈返勻，真係有少少搞笑😂炸雞親子丼唔好食完全無調味，淡茂茂得蛋香，雞肉都無味🫣啲雞肉全部都係粉紅色，唔知點解呢🙃個炸皮有啲位好厚，但又無味佢哋咁多日餐品牌，呢碟炸雞真係要去學下嘢🤷🏻‍♀️如果做油淋雞，調個醬，可能仲食到但佢全碗飯都無味就⋯我知我瘦，要食清啲🤷🏻‍♀️我老公個小食，小籠包最期待亦都係最失望四隻有兩隻一夾就穿皮就大塊，餡料少，調味做得唔好小籠包都係要食返鼎泰豐😂（我對上

星期六下午茶時段入去，餐廳得3枱客在用餐。但服務員態度很不好，很沒有耐性服務客人。加水都很不情願做，粗粗佬佬黑住面收起人地餐牌。一位職員是高妹另一位是帶眼鏡男職員。Customer service was poor! It was not busy hours during my visit and they all looked grumpy and impatient. Other than that, food was fine but pricy.

約人食早餐傾計真係好難搵到一個好嘅地方，不過沙田新城市廣場竟然搵到呢一間日本餐廳，野食唔錯，價錢略高少少，輕盈早餐$58 ，豐盛早餐$98，當然要加一啦，但勝在好坐又夠寧靜。佢個輕盈早餐份量其實都好夠，一條腸一份炒蛋一塊多士一份沙律菜再加一杯咖啡，就好開心咁傾一個早上。

一人前套餐包一款小食，餐飲同主食豚肉小籠包～本來對玩fusion嘅食肆整嘅小籠包都無特別期望，但有出乎意料嘅驚喜。小籠包質素比我預期中出色，好多食肆嘅小籠包都敗喺塊皮度。張相望落好似好厚皮，但實際唔係真係咁厚，雖則未算係好薄嗰隻。皮係偏向煙靭，食落唔會好糊好黏，加分千層豬扒擔擔拉麵~湯底爭啲香味，同埋可以再辣多少少，不過而家都唔差嘅，但有進步空間千層豬扒～開頭諗點樣千層法😂，原來係好多塊薄切豬扒卷埋一齊炸。不過吉列皮唔夠鬆脆，肉質唔係好嫩滑。好彩上openrice望過下，見到塊豬扒係放落湯度，落單時同店員講豬扒分開放。切記：如果唔想豬扒浸到淋晒，記得同店員提出分開上咖啡～呢度咖啡一般，不過唔算係特別好飲。不過唔想飲茶嘅話，又有多個選擇為左個小籠包，過左幾日又黎食多次不過今次質素同上次比，差左啲🥲今次個包底食落濕+淋左啲，有少少糊口唔知係咪蒸得太耐

N年前食過一次都無執過，食沙田食到唔知食乜，星期日想食啲點心，經過見得佢又唔洗等位好肚餓就衝入去。一坐底pat左張QR code 自己落單就預左，waiter就企左幾位，客就全場5檯左右。點左炭叉燒包$52/2件，兩分鐘就到快過樓上老麥叫魚柳包。一咬，室溫嘅！點心室溫即係番蒸都仲要唔識。請位服務員換，佢應該都慣左，無出聲攞左，30秒換第二籠比你。😂😂😂個一刻覺得算啦，再咬，微溫！都唔想再出聲 唔想麻煩佢用多30秒來回廚房換一籠常溫嘅比你，去到呢度都唔好有要求，唔肚痛都當贏。點左麻辣燒賣$52/2件，純粹唔好食。點左千層豬扒擔擔麵好似$88，純粹豬扒常溫，加麵唔好食。仲有煎餃 最正常！咖啡 正常。下午茶兩個人大約330$仲話加一，唔會話係貴，但浪費時間同個肚。唔好judge佢整得難唔難食禁複雜，點心嘅溫度都未做到，唔怪得得幾台客。講起收加一，我諗來諗去都唔知個服務係邊？見到位女士名係叠字疑似係經理，企係度同一檯客人吹水吹到天黑都未吹完，又主動加水。我由坐低食到走，個五檯客都走晒禁滯，員工幾位，一直捱住無晒水無人會加🤷🏻‍♀️🤷🏻‍♀️好難得位女士眼尾望到一眼，電光火石間請佢加水先成功到，呢個