蛋撻王 (鯉魚門廣場)

Open Now

Now Closed

差唔多六點幾去到，麵包已經賣得8899，冇我想要的麵包，就買了一個菠蘿叉燒包。原來呢啲臨收工時間麵包買三個會有八五折，好可惜我都揀唔到三個。菠蘿叉燒包，返到屋企整返熱，都OK啦，攞嚟做宵夜的。size都算幾大，叉燒就比較少。

油塘最多既鋪頭相信一定係麵包店但本人道覺得蛋撻王既麵包做得最好 保持到水準 價格定位中等 而且餡料紮實 絕對唔係空氣麵包而且佢款式選擇都多相比其他一些麵包舖佢嘅款式種類更加啲豐富，有港式麵包，又有西式，其中既芝士餡包仲做得好好味，而且都好多款選擇

#frostie甜品之旅  ✅ #蛋撻王 📍美食探險👉 @frostiewithfood  🔥平價宇治抹茶紅豆牛乳卷🔥   🍵 《#宇治抹茶紅豆牛乳卷》$36.8（星期五8折，原價$46） 星期五路過蛋撻王油塘分店，見到佢售賣好幾款牛乳卷，其中包括青森蘋果卷和蜜瓜卷，幾多味道可供選擇！原來依家逢星期五都有8折優惠，計埋都唔洗$40，即刻買咗其中一個味道試吓🔥🤤 卷蛋cream用上北海道3.6牛乳，採用日本🇯🇵京都抹茶&紅豆⭐️入口有輕微抹茶味，雖然抹茶味🍵唔重，但勝在蛋糕體夠曬輕盈，又有紅豆粒粒增加口感～而且唔會過甜👍🏻 雖然唔係真係有好濃抹茶味🍵，蛋糕體都有d鬆散，抹茶cream既比例都可以再高d⭐️但總括而言，呢個卷蛋不失為一個過口癮既選擇😆有機會都想試吓其他味道，價錢真係平🔥 - 🏠  蛋撻王（油塘分店）  - #foodie #foodiehk #hkfoodie #foodphotography #food #snacks #foodiegram #foodblogger #foodpics #抹茶  #紅豆 #抹茶紅豆 #卷蛋 #宇治抹茶 #宇治抹茶紅豆牛乳卷 #牛乳卷 #日本

散水餅成日都係西餅，依家真係多左好多唔同既撰擇，食得多西式，試下中式都唔錯，今次同事特登過九龍買返來香港區真係好有誠意。擺出來果下都幾有驚喜， 色彩鮮艷已經夠吸引，打開一睇每一件都配有唔同SAY GOODBYE既有意思字句，令人印象好深刻， 而每一件都有獨立硬皮小紙盤裝住，既方便又吸睛。味道又可以多款，隨左傳統既牛油皮， 仲有酥皮同埋蛋白撻，同事們隨左諗要咩句子之外， 撰擇咩味道都要小小時間，微波爐番叮微暖，又香又好味，真係有意思同難忘既GOOD AFTERNOON TEA👍

甚少入油塘，今日攞架車去檢查，發現有嘢要維修，焗住要喺附近行多兩三個鐘。行過蛋撻王，見到啲蛋撻不是新鮮出爐，就改買咗一個半熟芝士撻，芝士味不夠濃，略為淡口，而且溫度不夠暖，芝士餡料不夠軟滑，略為失色。但是牛油皮有驚喜，牛油味夠濃，撻皮夠鬆脆，正所謂妹仔大過主人婆，石榴竟然靚過秋香😂。綜合評分，合格，不過不失，有進步空間。

It was a small surprise when my wife told me this was bought from King Bakery. All along I only knew this was a place for breakfast bread, buns, refreshments, etc. and certainly egg tarts of various type and or flavor. Now I do recommend this cake as a after meal dessert for a small family of 4 if you are looking for some sweetness and happiness after a long day at work or outside while relaxing at home.It consists rich chocolate flavor and crispy all surrounding and coating exterior. Interio

鍾意食烘焙食物如麵包、糕點等的人，每每經過麵包舖都會駐足，靚嘅話會觀賞，不特別靚嘅話都去望下嗅下，我就是一個這樣的人。竟然經過蛋撻王都望咗一陣，然後見到佢有好多椰撻，好似啱啱出爐好吸引咁樣，嗰陣時係中午一點幾，忍唔住問下啲姐姐椰撻係幾點出爐，其實佢係答我今朝早嘅，即係唔係剛剛出爐啦，但我都忍唔住買咗一個來食。👉🏻 椰味足夠👉🏻 不太甜 但其實都甜👉🏻 餅皮鬆化👉🏻 但就稱不上很好吃，可能就是欠一個新鮮、熱度吧！

人越大就好容易覺得生日真係冇咩咁特別，但係對我黎講，我覺得係一個可以俾屋企人開心一下既日子！今年既生日呢一日，娘親一早就send msg問我幾點返屋企食飯？要買咩蛋糕？其實我真係冇咩所謂，但係都想屋企人開心，話哂娘親生我出黎都好痛好辛苦，所以我就叫佢買佢自己鍾意食既就得！最後，佢買咗呢個鮮果蛋糕，因為有特價，所以只係$80。其實都算抵。仲記得以前每逢屋企有人生日，就會係屋企附近既麵包鋪買蛋糕，一定唔會夠大公司既靚，好多時都唔會夠佢地既好味tim，但係價錢真係平D，而且細個既時候，有蛋糕食已經好開心，食咩都覺得好味！切開個蛋糕就係咁。蛋糕同忌廉分佈均勻，食落唔漏。我都幾鍾意出面D白朱古力粒粒，有少少vanilla味。雖然蛋糕上面既水果好明顯係罐頭水果，但係身為水果控既我能夠食咁多水果都係開心既！

嗰日女小編放工見餓，經過見到《蛋撻王》既蛋撻好似出爐無耐就買返個黎食啦啦啦啦~~~~拎上手的確係熱既，但蛋餡蛋味不足亦未夠滑溜加上牛油撻底偏薄，入口不脆！！一個拎上手都仲熱既蛋撻理應係好好食架，但呢到既蛋撻的確令女小編感到好！失！望！！！雖然唔係話難食，但一定唔係好食lol!!!!加上其實佢都唔係平架，6蚊一個正常size既港式蛋撻都算叫中高價（平日既都係四、五蚊個，有啲平民餅舖2.5-3蚊就得交易）！所以從定價同質素黎睇，我覺得真係唔可以稱為“王”

美國芝士蛋糕feel嘅蛋撻你知唔知芝士蛋糕個味再加蛋撻餅底真係超級好味雖然個感覺真係好似食緊芝士蛋糕咁但濃濃芝士味又幼滑又鬆化餅底又脆service very good

要數有名的蛋撻餅店，第一刻想起的必然是連港督彭定康也慕名拜訪的泰昌餅家，然而我最喜歡的卻是蛋撻王的蛋撻！以前每次上門補習時都會經過這間蛋撻王，買件香噴噴的蛋撻作小吃，是日久違經過此地，當然要再嚐記憶中最美味的蛋撻。除了最經典的選擇，蛋撻王還有售榴槤和北海道牛乳味，以前貪新鮮嚐過榴槤味，但不對口味。是日老人家謂要買半打蛋撻，當然不能抗命呢！想不到蛋撻王的紙盒十分可愛精緻，白色背景上佈滿各種可愛港式食品卡通圖案，有蛋撻、熱奶茶及菠蘿包等。最後共買了兩件牛油皮蛋撻、三件酥皮蛋撻及葡式酥皮蛋撻。我選了牛油皮蛋撻（＄５。５），對比上次來時好像加價了。以前我較喜歡有層次的酥皮蛋撻，但近年愛上這款口感厚實的牛油皮蛋撻，兩者各有吃法。將牛油皮蛋撻放在手心，非熱辣辣，只帶微溫，未吃已知道一定不如之前新鮮出爐好吃。拿起輕咬一口，薄脆的牛油皮很鬆化，牛油香味濃郁，中間的蛋餡很香滑，又不會太甜，不錯～久違的蛋撻王，滿懷期待，只可惜不是新鮮出爐，今次一吃始終未能嚐回以前的味道。

經常經過這間蛋撻王看到除了有傳統的酥皮蛋撻、曲奇皮蛋撻、葡撻外..還有些款式未見過!例如榴槤蛋撻、北海道牛乳蛋撻等等!榴槤蛋撻要星期六、日才有售!大家不要摸門釘啊!今天是星期三，所以只好選擇其他吧!看見蛋撻和葡撻新鮮出爐，且星期一至五買三送一!便買了兩件曲奇皮蛋撻和兩件葡撻吃!蛋撻味道沒有太大特別，曲奇皮牛油味香..且不易爛!蛋味濃郁!$5還可以了~葡撻是酥皮的..十分鬆脆!而表面甜甜的又不會太甜!$6算大件這葡撻十分抵吃下次會再吃!

又是吃散水餅的日子，叫人不願多吃的甜品，同事上班前從將軍澳到油塘購買2大盒2小盒回到火炭的公司，真是誠意可嘉！忌廉泡芙大大個的忌廉泡芙令人又愛又恨，雪得冰凍的泡芙不會過硬或乾，反而質感帶點鬆化及一陣蛋香，而雪白的忌廉充滿牛油香，軟滑、甜度適中，大家都將顧慮放在一旁。朱古力慕絲平平無奇的朱古力慕絲，以簡單的金漆包裝紙托底裝飾，已叫人眼前一亮，半圓形球面加上一點食用金箔、朱古力薄片及朱古力脆脆，增加口感，內裡的朱古力慕絲味道相對不夠濃郁，口感有魚膠粉之嫌，還有一層朱古力軟蛋糕，最後餅底香口欠奉，蛋糕設計有層次，但效果未見特出。下次去蛋撻王可以試試忌廉泡芙呢！

蛋撻王推出左好多口味而且新的蛋糕，比起之前好似好味左，不過貴左買左個黎試見到佢個樣都幾令，應該好味，其實味道不錯，比起之前，味道冇咁奇怪，幾鬆軟而且多醬的bleberry cake不過覺得好奇怪，原來中間生果部份佢係有個膠包住左，姐係要食完出面個圓圈再食到入面個層，所以都唔知點分-0-

呢間野當然出名蛋撻，熱辣辣食先好味，不過都要睇時候，有次買左都凍，不過有次買又熱到想死WO~我最中意酥皮，蛋好滑，其實算幾大個，價錢我覺得差不多，有人覺得貴，我覺得比其他店個SIZE大就差不多啦葡撻都好好味，好過KFC，又貴又細舊朱古力泡芙我覺得麻麻，原因個皮有D LUM，所以搞到有D難咬開，CREAM唔係幾好味呢個蛋糕幾令，味道都係一般的朱古力蛋糕呢個試個樣唔令，而且唔好食，只得少少生果係上面，味道不濃，可以話冇乜味！