霸王山莊 (Closed)

同舊同學昨日黎左灣仔既霸王山莊食飯, 之前未黎過, 估唔到裡面裝修咁靚! 我地一行6人叫左好多野食, 其中有幾個令我好想再去多次: 1. 霸王小籠包- 入到門口見到好似話有得過獎同埋食上海菜都係必點ga la. 好味多汁, 最重要係好薄!! 真係第度未食過! 2. 紅油抄手- 佢同一般食開既唔同, 形狀同辣汁都好似唔知係自創定係傳統, 總之舊抄手好滑有肉味, d汁辣又有少少甜, 正!3. 擔擔都- 又係同出面有d唔同, 較多湯, 但我鐘意 (but我d fd 話ok la), 麵質好適中.4. 片皮鴨- 有人即場係你面前片, 炸得隻鴨好香, 先頭以為分量好少 (因其他食肆食過有時分量少) 但片出勁多片, 食極都食唔哂!我地食既野唔少, 樣樣都好ok, 以上幾款係最ok既; 另外, 有個經理好殷勤, 好周到, 同我地講左好耐野, 好talk得; 仲叫我地下次包場玩,樓上有露天位坐, d職員真係好掂

之前都有同同事黎食lunch，之後見佢無左d麵飯套餐，都少黎左。(想飲茶食下點心先會黎lo)最近見佢出番d麵套餐，多番d經濟d既選擇，十分之好，四十幾蚊有碗麵同點心or甜品，要左個川味牛筋，味道ok，牛筋夠淋，淨係食碗麵都好飽，所以要左個糖水雪耳燉木瓜，清清甜甜，都幾好味。

今晚同男友因為之前食左少少野嘅緣故, 打算搵間餐廳食一個 Quick Dinner, 準備返學....係行去銅鑼灣方向途中, 見到霸王山莊, 記得以前曾經係尖沙咀都有幫襯過 Set Lunch, 味道都 okay 又抵食($40 per head 到), 於是就膽粗粗走入去幫襯.上到去, 環保係唔錯, d 位係好舒適, 不過心裡面覺得好奇怪, 點解無咩人幫襯架呢? d 位有 7 成 都係無人坐, 心裡頓時一沈~首先黎左鐵觀音, 嘩! 從來無飲過咁'希''嘅茶! 真係令人懷疑 d 茶已經俾人 recycle 過幾多次!我們知勢色唔對, 都唔敢再叫多野, 於是就求其叫左一兩樣....小籠飽 - $40 得 4 只, 味道都 okay, 都有湯係入面嘅, 不過真係超貴.. 唔抵~豬扒拉麵 - $48, 嘩! 碗麵極細碗! 仲細碗過街邊求其一碗細雲吞麵! 勁呃錢.....賣相已經唔吸引, d豬扒一睇都已經知道炸得 overheat 左! 果然, 食落去仲無味 tim~兩樣野加埋, 埋單 $110, 勁唔抵~ 食完仲要la la 林走去其他野, 唉! 無下次~

霸王山莊既裝潢又真係幾霸，一上樓就有一種瑰麗堂皇既感覺。之前睇左好多食評都話呢間既服務麻麻地，不過我又唔覺得佢地既服務唔得喎，反而食物既質素就......食物未至於食到要喊咁口，不過就無乜驚喜，亦無乜深刻印象。如果要講印象，就似乎負面既印象多於正面既印象。唔知佢地係唔係想突出一 d 懶係細微既味道，反而搞到d 味道過哂火位。好似佢地既雞絲粉皮，麻醬本身的而且確帶有好輕微既甜味，但係霸王山莊就唔知做左乜野，過份突出左呢種甜味，結果我好似食左一啖糖入口咁甜，咁就當然係失敗啦。除此之外，松子魚亦都唔見得好，魚炸得過火，炸到硬骨骨，醬汁就酸到無倫，咁點樣食好呢？片皮鴨就烤到乾箏箏，面皮就鞋過張A4紙，唔夠加就要俾錢，12蚊得果6塊。做得最差既係豆炒窩餅，皮厚而饀少，連平時最鍾意食豆沙窩餅既我都只係食左一件就收手，唉~~~~~~嘥左個咁靚既場！

31-8-2008又到「一月一會」的 8 月生日飯, 今次一行 11 人0黎到呢間「霸王山莊」. 由佢0地拍板叫0野食, 菜色以京滬為主, 份量偏細, 味道唔差, 但幾係「香港化」, 感覺一般:- 五色併盤 (醉轉彎, 麻醬雞絲, 粉皮青瓜, 牛(月展), 白肉): 掛住搞機, 結果唔夠搶 , 只食了兩件醉轉彎 -- 酒味淡薄, 食落似凍食白切雞, 麻麻.- 京蔥牛肉: 唔夠鑊氣又唔多夠熱, 梳打牛肉腍腍的, 配上淡味京蔥, 麻麻. 唯一好處, 應該係唔油膩?- 賽螃蟹: 叫「清炒蛋白」比較貼切, 蛋黃俾得太少, 淅醋淡口, 食落淡出個鳥來.- 小籠包: 面皮幾厚, 不過湯汁夠, 肉餡亦鮮, 算 ok 啦.- 蒸銀絲卷: 無食, 不過朋友 mit 開碌0野後發現入面係有一條條的, 比起扮銀絲卷的長形饅頭, 算幾對辦啦.- 松子魚: 酸甜0野0岩晒我, 不過呢碟就唔係咁0岩我了 -- 條魚算新鮮, 不過炸得唔夠脆, 硬硬的感覺一般; d 汁落了粒粒罐頭 peach, 夠甜酸, 但實在太杰了, 漿糊一樣叫人點食?- 湯浸百頁 + 白菜仔 (?): 又一清淡之選, 食0左都

前日同爺爺慶祝生日,一早book位,其實只係7個(後來加到10個)人﹐不過諗住又要訂壽包,又要切蛋糕,所以都係book定先。去到經理帶我地去一張好大好靚(有哂玻璃坏,轉盤)既檯﹐爺爺非常開心,加上後來加了位都坐得勁舒服,十分扺讚。我揀左個全包宴,只係2000蚊,12位用,有翅,魚,雞等,當然仲有爺爺的至愛小籠包。除左小籠包依然好好食外,真係特別讚一讚佢隻燒雞,燒得好靚, 皮脆肉嫩,真係一件都冇得剩。最後上壽包時,經理好好人仲話請我地食甜品,奈何我地已經飽到差d連壽包都唔想食,所以只好忍心婉拒佢既好意。仲有一樣要講既就係佢d壽包好大個wor!!

第一次食1.小籠包: ma ma地, 同出面一般的差不多2.雲吞雞: d肉好淋, 味精湯, 失望3.火腿津白: 好大住菜, 半棵半棵上, 味道ok4.菜肉餃子: 好多汁, 但真係好一般5.豆沙窩餅: 甜度適中, 可以6.龍井蝦仁: 好普通, 尚可7. 松子炸魚: 酸味味, 好開胃, 呢樣最好味8.豆腐皮蛋粉皮三拼: 好細碟, 好唔掂9.銀絲卷: 幾軟幾熱, 不過好多都係咁上下食物, 服務態度真係好一般, 可能太大期望, 而且有個manager 真係態度ma ma, 好似好敷衍d客咁, 咁既服務態度真係唔得la.....仲有d野食真係幾細碟law, 又唔係好好食wor, 真係扣哂分

前幾日同一班公司同事黎呢度食飯~(要左個宴席套餐~好似係全包宴~)環境氣氛同食物真係一流~佢地安排左間房俾我地~坐得舒服而且四周唔會太嘈~適合成班人坐低傾下計~服務方面~經理好nice~好有笑容~仲周不時走過黎幫我地添茶水~問下我地有咩需要咁~其他服務員都好nice~好親切~個個都好有笑容~good~野食方面~整體都好好味~黃金蝦~香口~蝦肉又夠爽~海參~入味~口感唔錯~片皮鴨~皮脆好味~肉再切薄d就仲正~小籠包~正~皮薄多湯汁~松子魚~酸酸甜甜~好味~杞子桂花糕~清涼好味~夏天食arm哂~

估唔到黎呢度都有咁多種點心食，黎開呢d上海菜館都係食小籠包、鍋貼、抄手咁啊，但呢度仲有好多港式點心，選擇多好多，而且全部都幾好味，黎飲茶真係唔錯。蟹籽燒賣，好味，d肉爽口新鮮。一口粉粿，個皮唔錯，味道ok，流沙包，個饀幾好味，唔會太陋。糯米卷，好味，只係糯米唔夠淋。下午茶仲有85折，炒麵飯再有7折tim，抵!

平時都有同同事黎食lunch飲下茶，最近發覺佢轉左新點心紙，多左好多點心，仲有好幾款港式粵點tim。多左咁多選擇，搞到我地心大心細，揀野食比平時揀耐左，差d遲番公司，哈哈。蜜汁叉燒包: 個餡好味，個包食落唔錯。粉粿: 一啖一個，個皮幾煙靭好味。菜苗蒸餃: 唔錯，清清地，菜苗幾新鮮。蝦餃: 真係唔錯，足料，個皮唔會太厚。

成日都想去「霸王山莊」，終於今晚去左了。聽個名仲以為你0個d熱熱鬧鬧人多多既食府，但原來d裝修係好高雅。1) 北京填鴨 - 好味，好多!!2) 小籠包 - 皮薄又多湯汁3) 京蔥牛肉 - 一般啦4) 沙窩菜飯 - ok啦

唔係唔好食, 但唔係一間我會再想幫趁o既食店六個人叫o左個四人餐, 再加小籠飽 x 2 & 霸王雞半隻小籠飽 - 好食霸王雞 - 太乾酸溜松子魚, 只係可以黃金明蝦球 - GOOD!

服務無得頂，服務員又親切，地方寬敞，坐得很舒服，比其他分店好得多。(因為我去過荃灣分店，覺得很殘舊。) 坐多久都不會趕你走，經理還會過來問你啲食物點，好不好食，態度一流。食物不錯，不過湯麵就一般，他們的小籠包又多汁，皮又夠簿，真的不錯。回鍋肉及黃金四季豆都有不錯的水準。

5月30日晚…收工已經好夜了，有時會去這裡吃宵夜餐，不過…最近宵夜餐已經取消了，只好散叫。1)大千雞---不算辣，但太鹹2)小籠包---一貫水準，多汁餡okay3)擔擔麵---湯底不夠”杰”…麻味不夠4)桂花糕---有生以來吃過最差的桂花糕，完全無桂花味，jelly一舊這分店無論款式選擇、味道、服務一向都比荃灣店差，如今取消了宵夜餐，恐怕不會再幫襯。

起灣仔返工，起灣仔食飯已經食左好多年，呢2年頭好鬼多新野，其中霸王山莊已經成為我地其中一個必去之處。最鍾意佢除左好食，服務算係咁外，就係一個字「快」!每次去到一點三、四個字，好快就安排到入座(不是無客)，好快上菜，好快埋單，好有效率，到左一點九左右走得，非常勁。老細唔炸型，又多野食，食到好飽。灣仔返工的同志可以考慮一下。