King's & Queen's 冰室 (Closed)

今日放假去左西沙泥涌村探朋友，晚飯時間一齊去左附近既King's & Queen's 冰室 dinner。有分露天雅座同室內位置，好岩家庭聚餐或者情侶撐枱腳～叫左好幾款小菜share，碟碟即叫即炒，好有鑊氣！蠔仔煎蛋角煎至金黃色，賣相好吸引，蠔仔新鮮肥嘟嘟，香脆又美味～蜆蚧薑蔥牛肉醃得入味，鹹香十足，牛肉嫩滑有咬口，好惹味。薑蔥霸王雞雞件啖啖肉絕無雪味，將熱辣辣雞汁淋上薑蔥，特別香滑滋味！西芹海魚球爽脆新鮮既西芹，配鮮嫩豐腴海魚球，口感豐富清新。黑松露醬滑蛋蝦球一上枱就聞到誘人既黑松露香，滑蛋炒得剛好，鮮黃滑嫩香味濃，大大隻蝦球爽脆q彈，正。黃金鮮魷鮮魷厚身彈牙，口感豐富有層次，沾上鹹蛋黃醬，邪惡得黎好惹味！

西沙茶座附近有間露天既餐廳，好中意黎依度食野，因為坐露天好寫意，又有免費泊車，今日特意過黎食餐晚飯。依度除左可以露天外，當然室內都可以用餐啦，室內裝修好有特色，有唔同既feature walls , 地方清潔，寬敞舒服。今日坐左露天坐位，晚上有d風涼涼地，想嘆吓啤酒，叫左幾款適合佐酒既小菜:1. 沙薑雞腳雞腳好大隻又夠腍，沙薑味夠濃，少少咸香，份量都算多。2. 金沙蝦球外皮炸得好香脆，厚厚既咸蛋黃包實蝦球，鮮蝦新鮮彈牙。3.脆皮炸豬手豬手皮香肉嫩脆卜卜， 豬手皮夾住少少脂肪，有油香但不油膩，非常好味。4.鮑汁鴨舌香濃鮑汁，鴨舌忟到好入味，又夠腍入口即溶化。5.椒鹽蠔仔蠔仔飽滿，外皮香脆，唔會好厚粉，椒鹽味好惹味。依度d炸物真係無得輸，小菜又夠鑊氣，價錢又公道實惠。

西沙呢間咁隱世既餐廳係寵物友善，帶完狗狗去西貢玩回程就嚟咗呢到食飯，可以坐室外咁放心飯！一嚟就揀左鮑汁鴨舌，份量作為前菜岩岩好。而最期待嘅餸呢就係紅燒乳鴿，唔係好多地方整得好味，呢到嘅乳鴿係即叫即炸皮脆肉嫩，鍾意食乳鴿既人，必點！身為鹹蛋黃愛好者嘅我即使知道黃金蝦球好邪惡，但都係要試！上枱見到賣相已經流哂口水，蝦球完全被鹹蛋黃包住，蛋黃味香濃嘅表皮完全唔厚，非常脆口，蝦肉肉質彈牙好新鮮，極惹味但又一啲都唔都唔漏！大推！海鮮方面，海魚球一上枱就即刻聞到啲鑊氣香味，啲魚唔會一夾即散，份量亦多；魚肚羹份量都係好大，爽彈有口感又唔腥。而嘢飲紅豆冰有超多紅豆，粒粒分明煮到起晒沙，最緊要係唔會太甜！重點係呢間餐服務態度真係好好，無論係book位定係到店，職員態度真係好到100分! 而且價錢都好經濟實惠！

風和日麗的天氣，約了好朋友一起去行山，行山又是我們喜愛的運動之一，黃昏時段、行到攰之際，行完山有咩做⋯⋯當然就係食食食、補充體力😄————————-行到呢個位置，搵間茶座食埋晚飯先，又口喝、又肚餓😁—————————-♠️凍檸賓：好懷舊的一杯飲品🍹♥️紅豆冰：紅豆冰又是一個經典懷舊的味道🍧♣️凍檸水：幾乎大部份人都會飲呢一個飲品🥤♦️凍檸蜜：又滋潤又好味道的一杯飲品🍯————————-🟩金牌紅燒乳鴿：我最喜愛的乳鴿，係呢度又點能夠不吃，仲要係金牌紅燒乳鴿，即叫即炸，炸得又香又脆，肉質鮮嫩又好味道😋—————————🟨話梅汁肉排：開胃又惹味的話梅汁，配上鮮嫩的肉排，酸甜味道適中，越食越開胃的感覺，醒胃又醒神👍—————————🟧魚湯野菌浸勝瓜：清香的魚湯、野菌的健康、勝瓜的爽甜，配合起來就是一個舒適又健康的菜式👍😋——————————🟪芝士龍利柳：芝士控的我➕芝士控的你…你….你，又怎能不吃，龍脷柳的嫩滑，加上芝士的誘惑，鐵板上➕洋蔥的香，更是令人吃得十分滋味和誘惑的味道🥰—————————-🟥黑松露西芹班球：西芹斑球炒得有鑊氣，食呢一個小菜就知道廚師嘅功架，西芹炒得爽脆、黑松露的味道又夠香，令

🍴薑蔥爆豬膶 HK$79厚切豬膶爽脆鬆軟，無異味，準備功夫做得足，加埋薑蔥爆炒，唔會熟得滯變緊實，非常香口。🍴馬拉盞通菜牛肉 HK$88蝦醬或腐乳炒通菜都好食，但我更鍾意馬拉盞，貪佢鹹香更有層次。幼身通菜翠綠無變黑，鑊氣夠先炒到呢種顏色，食落脆嫩，牛肉腍滑得嚟唔會醃到無晒肉味，菜同肉分量十足，送到幾碗飯。🍴淮香炸子雞（半隻） HK$108炸子雞係我每次飲宴最期待嘅菜式，但經常令我失望，有時太油、太乾，有時又只分到雞胸，而呢碟炸子雞絕對滿足到我，皮脆肉嫩，雞胸唔鞋，碟底亦無多餘油分。🍴黃金蝦球 HK$98薄薄一層脆粉包住蝦球炸至香脆，肉質爽彈，再披上泡沫狀嘅鹹蛋黃醬，香而不膩，唔會過鹹，剛剛好。🍴椒鹽鮮魷 HK$88鮮魷唔韌亦唔會過腍，外層係類似英式炸魚嘅脆皮，特別香脆，再加上大量炸蒜，同埋相信係炸米粉嘅碎粒，辣辣地味道有啲似熱浪，極之惹味。🍴潮式煎蠔餅 HK$88表面非常鬆脆，一夾落去先知餅底係另一種質感，有少少似薄罉，煙煙韌韌，幾飽肚，蠔仔亦唔少，鮮甜無沙。餐廳標榜無味精，只用日本食鹽，道道菜式都夠晒味，食完唔算口渴。幾款唔同炸法嘅菜式都好出色，盡顯廚師功架，有機會想試埋煲仔菜。除咗

📍King's & Queen's 冰室📮馬鞍山西沙公路533號泥涌村地下.馬鞍山出左名係美食沙漠, 市中心除左一啲連鎖店之外, 比較少餐廳選擇, 想出街食飯都唔知食咩好🥲.襯放假走入少少去到泥涌, 烏溪沙站行15分鐘左右就到, 或者搭的士入去錶都唔洗跳😉.餐廳有indoor同outdoor, 室內部分有好多幅特色牆, 打卡一流📸室外位置好大, 岩晒打算踩單車入去既朋友仔, 泊低架車就可以開餐.Menu有成10頁咁多, 好多唔同款式, 一家大細去都一定揀到各人既心水餸菜🤗.鮑汁鴨舌 HKD48鴨舌醃得好入味, 吸收晒鮑汁既精華, 作為前菜絕對無得輸😙而且廚師將鴨舌鞋十十既部分剪晒, 令鴨舌食落更嫩, 值得加分蠔仔粥 HKD68大大碗蠔仔粥, 最少有8-10碗, 呢個價錢份量比想像多😳粥底好夠熱, 蠔仔粒粒都好飽滿, 非常鮮甜, 配埋蔥花, 芫茜, 芹菜, 大地魚乾, 令整體味道更豐富更美味金牌紅燒乳鴿 HKD58即叫即炸, 上枱熱辣辣, 表皮香脆肉質嫩滑, 就算唔用椒鹽都好夠味😋招牌淮香炸子雞 半隻 HKD108店主推薦, 本身有少少猶疑叫唔叫好, 因為想食乳鴿多啲, 最後都決定叫埋黎

馬鞍山貴為美食沙漠並非浪得虛名，市中心商場一帶連鎖式集團都要大排長龍。想搵一間質素高，價錢大眾化，唔需要大排長龍的確難道十足。其實西沙一帶距離市中心只係5分鐘車程，食肆林立，而King's & Queen's冰室更加可以稱得上平靚正，無論食物，裝修，價錢都唔錯。居住美食沙漠嘅朋友仔何不一試呢？餐廳主打雖然小菜菜式，但內部裝修同我平時一路所認識小菜餐廳有好大分別。餐廳餐桌充滿歐陸風格，而牆壁以異國風景油畫作裝飾，充滿現代感及藝術感。其中一幅牆更以天使翼作主題，喜歡打卡朋友絕對唔可以錯過。餐廳標榜以日本高質素食鹽作調味，絕無味精，自然食得安心又開心。🌟　招牌淮香炸子雞(半隻) $108金黃色炸子雞新鮮熱辣呈上，擺盤非常精美，絕對要相機食先。炸子雞皮脆肉滑，咸香味道適中，果然係招牌菜，極力推薦。🌟　鐵板芝士龍利柳 $98鐵板上枱令到芝士處於熔岩狀態，芝士味道非常濃郁，而且份量十足，令到龍利柳每一件都沾上滿滿芝士，夠哂邪惡。龍利柳肉質嫩滑，兩者配合成為佳作。🌟　椒鹽鮮魷 $88香脆椒鹽份量相當充足，椒鹽味道十足。值得一讚炸漿非常薄身，唔會滿口粉漿。另外鮮魷肉質非常爽口煙韌，感覺新鮮。🌟　風沙茄

有次響西貢出返馬鞍山方向果陣..見到西沙路附近有呢間餐廳..又有outside坐..啱晒我哋有時帶住隻狗仔又可以坐出面chill下。咁咁啱今日放假就去試試佢..雖然夏天，但係夜晚坐出邊都唔係話太熱同埋都有幾部大風扇圍住。店員好細心..見到我哋有狗仔都安排我哋坐近風扇嗰張枱。Menu上有好多唔同嘅鑊氣小菜選擇。見到佢仲標榜係用日本鹽，冇添加任何味精。啱晒我哋而家香港人追求食得健康。准香炸子雞 （半隻）一上枱已經聞到好香炸雞味食落雞皮炸得香脆..雞肉肉質好滑，雖然本身都跟咗一碟准鹽..不過雞件本身都醃得夠味道架喇話梅汁肉排平時好少見到有話梅汁嘅食物..本身都鍾意食啲酸酸甜甜既野..呢一個真係啱晒我。有少少蜜汁嘅感覺..又帶有小小話梅既獨有香。同個豬扒好夾椒鹽九肚魚平時出邊食好多時都係一條條..不過呢度就係一件件既..份量都好多。椒鹽做得好好..有D脆米響度..魚好滑，連埋外皮食，外脆內軟啫啫通菜煲去到邊都好鍾意食呢味餸..估唔到呢度都有。好鹹香，用嚟送白飯真係一流。

馬鞍山出名係美食沙漠，家下應該可以有更多選擇了！今日去到西曬呢間小菜，外表冇乜特別都係似普通嘅小菜飯店，但坐低睇睇Menu，嘩選擇多到不得了！好多都係大排檔嘅菜式，唔知呢度做得夠唔夠鑊氣呢。今日一家人嚟食餐好嘅，希望滿意啦。先叫咗黃金蝦球，蝦球大大哥，炸到脆卜卜，配上黃金醬，好友鹹香味，配上彈牙嘅蝦球，好友鑊氣，好滿意呀！另外再食咗風沙茄子，茄子外脆內軟，配上香口嘅蒜頭粒，炸蒜粒，真係食完$1在$1 ，停唔到口呀。另外叫咗乳鴿，乳鴿愛皮脆肉亂，而且10分抵食。，由於有老人家，叫咗松露翠玉瓜炒魚柳，同菜膽雞。菜膽雞真係不得了，雞肉亂畫，個汁好味到不得了，忍唔住要叫白返嚟撈汁啊，另外松露魚柳翠玉瓜，上枱時熱辣辣，鑊氣十足。全部餸都令我好滿意，呢間店真係好適合一家大細嚟食晚飯啦！

今日同朋友去完烏溪沙玩，玩到好夜，就喺馬鞍山度搵嘢食～經過西沙路附近見到有幾間餐廳，就去搵間醫肚啦～見到呢間餐廳食中菜小炒，都幾多人食緊～決定去試一試🤪入面裝修好有特色，張枱好多路牌標誌⚠️🚸、牆身仲有壁畫，似café多過似食中菜店主好nice咁介紹菜式～好有家庭式好溫暖嘅感覺🥰我地一行3人叫左成枱野食！🦆鮑魚汁鴨舌鴨舌吸晒鮑魚汁，好香濃惹味～🐔半隻炸子雞炸子雞係店主推介，果然冇介紹錯，氣炸到好脆，雞肉十分嫩滑，不得了🕊乳鴿熱辣辣，皮脆肉嫩又多汁，好食過沙田好出名個間🤭🦐黃金蝦球炸蝦球被厚厚鹹蛋黃包住☺️鹹蛋黃勁香濃，蝦球大隻又彈牙，邪惡得黎好好食🦑椒鹽鮮魷椒鹽鮮魷好惹味，面頭仲鋪滿脆脆炸蒜頭🐮馬拉盞通菜炒牛肉通菜好爽口，牛肉完全唔韌，馬拉盞香辣醒量，夠晒鑊氣🧋紅豆冰紅豆冰好好飲，有超級多紅豆蓉，仲有大量椰奶，好rich同creamy!🥤鹹檸七我個frd飲左杯開胃鹹檸七，正！

今次朋友揸車，所以我哋搵一啲比較特別嘅餐廳食下慶祝生日，嚟到西沙公路泥涌村嘅一家新餐廳，估唔到有咁高質嘅中菜，令人驚喜萬分。西湖牛肉羹真材實料，好多芫荽，味道好香，啱晒我呢啲芫荽發燒友，另外個湯嘅質地調校得非常之好。風沙茄子呢個煮法第一次食，脆卜卜好香口，入邊有茄子軟林林嘅質地，多重口感非常好食。蠔仔煎蛋啲蠔仔非常大粒，煎蛋做得夠仔細，蛋嘅質地控制得唔會太硬太乾。椒鹽鮮魚尤魷魚非常新鮮，配上炸趣卜卜，真係香口嘅送酒小食。令人好興奮又開心！炸子雞半隻雞皮咋得非常香口，雞肉好啊，真係煮得好食！呢度7:30就開門，所以有早餐食，下次一於嚟食個早餐，再喺附近行吓沙灘郊遊，應該係一個幾唔錯嘅relax之旅。

6：30pm 與友人在西貢玩樂後， 經西沙路去泥涌 尋找食晚餐的地方，見這店有位泊車又是免費，所以我們就入去食晚餐。。。一進店內，可能時間尚早，人不多，感覺很舒適 不焗促。 每道牆都油上很美麗的圖案🌷💐，是打卡的好去處。👍🏻👍🏻因為我們之後還想去食糖水，所以我們只點上三道菜。在落單期間，待應是很貼心地介紹這店是不用味精並且用上日本鹽去作調味，是一間健康食店。淮香炸子雞(半隻)(108元)一上枱，👃🏻聞起來很香；咬下去，皮很脆；雞的調味剛好；雞肉夾起來，沒有油滴下，Good👍🏻；咬下去會聽到脆皮的聲音，就算不點淮鹽也很夠味。時菜牛肉(88元)鑊氣足，有很香韮王味，是以前大牌檔的感覺。時菜是菜心，炒得很爽脆，牛肉亦很冧不硬，整體烹煮時間控制得很好。另外，我覺得它的薑片也很好食，所以把所有薑片吃光了😅椒鹽鮮魷(88元)朋友發現它的炸漿，不像平時椒鹽鮮魷，是像 fish and chips 的炸漿，很特別。食鮮魷最怕硬和好靭，但這店煮的也是很冧，好輕易就咬得開， 也食到食材嘅鮮甜味。 代表食材本身質素也不錯，煮的時間控制剛好。👍🏻👍🏻臨走時，我們發現這店早上七點半🕢就已經開店還有早餐提供，所以

好有水準，師傅好有心機研究菜式，炸乳鴿非常特出，喜歡食乳鴿的一定要來試試，不過最好打電話來留住乳鴿，唔係隨時賣曬冇得食，另外其他菜式都好有鑊氣，係食完會再返來食的餐廳👍🏻☺️

泥涌一帶除左有食泰國菜既茶座..其實前小小就有呢間冰室..夜晚食過幾次..小菜款色夠多..最重要係呢度既「鑊氣」。門口亦有位置提供泊車🚙牆上好多唔同景點既相..好似去左旅行咁..同家人叫左4個餸魚香茄子煲 🍆一黎到已經勁香…茄子同肉碎份量剛好..就咁呢個都夠送到一碗飯黃金鮮魷 咸蛋黃味好香濃炸粉包住彈牙鮮魷..送啤酒一流黑松露醬炒西芹班球呢度既黑松露較出面既更香..同埋每件魚塊同西芹都有醬包住..估唔到中式既菜搭配西式醬料..又幾襯金牌炸乳鴿店員本身推介叫我地下次黎可以試下..點知阿爸話即刻試下😂乳鴿係即叫即炸..皮脆肉嫩..Size都唔會話太細隻..不過就覺得有小小偏咸..唔洗點准鹽都好夠味了。遺憾地係今次食唔到椒鹽白飯魚..店員話買唔到..唯有下次了。

難得放假又走咗去新界行下行下由沙田又行左去美食沙漠今次去到喺OR搵左間村屋feel嘅餐廳位置唔算特別難搵位於大馬路旁—————————————————————叫左三餸一湯又係飽到嘔系列😂XO醬芽菜炒大腸基本上睇個名都知唔會唔好食一上枱淨係見到一座芽菜山撥開啲芽菜就見到原來豬腸係入面煮得夠淋易入口不過要快食因為芽菜好出水👨🏽見到唔會唔叫嘅蝦醬鮮魷通菜魷魚好大舊 新鮮彈牙有咬口通菜既份量又係成座山禁岩晒佢咁鍾意食通菜既人爽甜得尼冇渣又唔會炒得太老好快就俾佢清碟中島揀左以前老竇整得好好食嘅西湖牛肉羹佢已經接近10年無獻技跪求都唔肯整🤷‍♀️唯有喺度睇下有無機會食得番老實講上檯嚇親舖滿左莞茜🙃快快手撇開曬🤣細味品嘗嫩滑豆腐+牛肉+蛋花以後要回憶味道可以走黎飲番碗🙈最後仲有小炒王韭菜花蝦乾配以大量脆脆魚乾同腰果呢個堅好食送飯無敵韭菜花保持翠綠爽口蝦乾咸香十足食到停唔到口最後嘅最後真心推介呢度嘅紅豆冰誠意十足半杯綿密紅豆+椰汁 超高質當日仲見到有客人飲完即刻叫多杯外賣黎到唔食小炒都一定要試吓紅豆冰😋❤️—————————————————————◭ XO醬芽菜炒大腸 $88◭ 蝦醬通菜鮮魷 $88◭ 西