King's & Queen's 冰室 (Closed)

呢個疫情下，其實大家留家都好辛苦，小朋友日日留家都唔係辦法，我就上網睇下邊到有得比小朋友吸收下新鮮空氣，又比個位阿媽放鬆一下。終於選擇去到泥涌石灘行下吹吹風，放底一下口罩。我地係石灘行完，打算出返馬鞍山找野食時，竟然望過對面有間冰室喎，咁見餓餓地， 就行入去睇下有咩食。一座低打開餐牌食物選擇好多，我地就決定點幾款小菜和湯，慢慢嘆。沙拉豬扒 ~ 先炸好豬扒再加沙律醬炒，豬扒夠淋入味。豉椒炒蜆 ~ 蜆肉冇沙， 炒得夠鑊氣。西蘭花炒帶子 ~ 西蘭花剛熟唔錯。金沙鮮魷 ~ 有咸蛋配就已經好好味。黃金蝦球 ~ 蝦夠彈牙。金牌乳鴿王 ~ 大愛就咁揸住食， 老水味夠， 外皮炸得白脆。燒汁什菌牛柳 ~ 仔仔最愛，牛柳牛味濃加大量什菌用燒汁提味一流。杏汁白肺湯 ~ 估唔到個湯咁好味，奶白色的杏汁，仲要有娃娃菜係底， 豬肺又洗得夠乾淨，掂。食完呢餐太滿足了，仲要呢到的牆壁圖案好靚，岩哂打卡。 下次一定會再來的，因泥涌石灘唔多人，可以吸新鮮空氣，吸完再過來食野一流的行程呀！

嗰日舅父摣車入西貢想睇陽光與海灘,我哋好肚餓見到呢間唔錯嘅餐廳比較有情調環境比較開揚裝修唔錯。首先裏邊好大裏邊嘅裝飾係比較前衞亦係少見嘅。嗰日好肚餓食嗰個全日早餐裏面竟然有煙肉腸仔蘑菇番茄同埋炒蛋。當然有我哋女仔最鍾意嘅香煎雞扒超級豐富滑蛋好滑好夠份量。其實兩個女仔食嘅就啱啱好。值得一讚嘅就係佢嘅凍奶茶,非常有奶味而且有紅茶味。舅父叫嗰個蠔仔湯飯見到啲蠔仔好似手指公咁大。裏邊嘅服務唔錯服務生態度一流。😊

入開西貢，見到泥涌一間新餐廳，試吓晚飯，真係唔錯，交通方便，巴士299x 同99 都經，揸車又可以泊車👍🏻 至於餐廳裝修清雅，環境寬敞，很舒服，小菜方面，避風塘三寶、椒鹽鮮魷都是不錯選擇，更值一贊係沙薑雞，雞肉好滑好juicy 😋下次一定會再試☺️

今日同朋友入左西貢行吓街食吓野，咁行完海旁之後就差唔多5點，朋友提議搭個車去西沙茶座隔離有一間叫King，s & Queen，s冰室，佢同人食過都唔錯，於是我哋就入去食啦。若不是朋友帶路， 我都唔識搵，因門面冇咩燈飾，我想要熟客才識黎😜內部裝修都靚喎，牆身有唔同環境境色，都幾特別有心思🤩-西汁明蝦球蝦都是我至愛的食物，炸得輕脆咬落很有彈性，而沙律汁微酸，很有滿足感。 -西蘭花炒帶子帶子冇貨，所以用咗雞條炒，雞皮雞條都好嫩滑，正啊😘-枝竹炆鵝本身想叫羊腩煲嘅，但朋友唔鍾意食羊，於是就叫左呢個鵝煲，咁比起羊腩鵝肉應該冇咁肥嘅，佢嘅煮法同炆羊腩個底一樣，都係有支竹、冬菇同埋馬蹄，鵝肉都唔un，而且個汁撈飯一流。-豉汁炒蜆豉汁個汁唔會過鹹，蜆是沙白大隻夾冇沙，幾十蚊覺得十分超值。-滑蛋炒蝦仁蝦仁新鮮彈口，滑蛋又抄得好鬼滑，2樣配搭合襯，非常之咁好味。🥳除左個支竹鵝要佰幾元外，各樣小菜只需幾拾元，家庭小炒，真係抵過自己煮🤪

因為假期同家人去郊區行下，所以之後去咗西貢King & Queen冰室食晚飯。 呢度 上午同中午就係做西式餐品，夜晚就做中式餐品， 我哋點咗杏汁白肺湯、枝竹炆鵝乸、鴛鴦炒飯、椒鹽鮮魷、三色咕嚕肉、瑤柱扒豆苗。 個杏汁白肺湯好有杏仁味而且材料十足，飲完都覺得喉嚨好滋潤，而且入面啲津白好好味。 支竹炆鵝乸味道濃郁，有南乳味而且炆得好冧，支竹、冬菇好入味，啲鵝肉好滑， 店長話用鵝乸煮啲肉係比較嫩，市面上好少機會食到。 椒鹽鮮魷超香脆，而且一咬落去啲魷魚超新鮮，有啲魷魚汁流出嚟，店長話椒鹽鮮有係佢哋招牌菜之一，因為啲魷魚係每日新鮮攞返嚟。 三色咕嚕肉就係咕嚕肉另配三種醬料上， 嗰三種配料分別係甜酸醬、泰國辣醬、同埋用新鮮生果蓉打出嚟嘅生果醬，你鍾意邊隻味就自己點嗰隻味嚟食，都幾特別。 鴛鴦炒飯同瑤柱扒豆苗就一貫水準，但份量就比較大，個鳶鴦炒飯計埋都有成六碗飯，絕對抵食！

經朋友介紹今晚渣車入去馬鞍山泥涌(King's & Queens冰室)餐廳對面有停車場，泊車十分方便，如坐巴士都好方便去到沙田新城市坐299X係泥涌站落車，我覺得如要找到好嘢食，都要行多一步。餐廳分左室外同室內，而室外還可以放狗狗，可以方便與狗同行的好地方。老爺車很有懷舊風情。杏汁白肺湯$168這盅湯可以裝到六至八碗，豬肺鮮甜軟淋，湯底煲至奶白色，好香杏汁味道，非常滋潤。酥炸生蠔，上碟時大大隻的生蠔以為是麵粉漿很多，但是一食落口蠔肉飽滿，非常鮮甜。乳鴿新鮮炸起，皮香肉嫩，十分惹味。豉油王大頭蝦$128蝦肉爽口彈牙，味道十足。江瑤柱扒豆苗，瑤柱頗多，豆苗翠綠先鮮。

朋友介紹鄰近馬鞍山既西沙公路有間新開既冰室💓💓梗係要去試下喇☀️☀️冰室好開揚，有種迴避左煩囂既感覺🥳🥳冰室入面好大好，加上好有特色既壁畫黎做特色牆， 好Chill呀🥰🥰雖然係冰室不過食物選擇一啲都唔少👍👍諗黎諗去最後嗌左全日早餐💖除左有多士之外，有煙肉，腸仔，菇類，番茄🍅茄汁豆，炒蛋加埋香煎雞扒💓💓超級豐富呀，炒蛋好滑呀，雞扒夠滑夠脆😘點都要有飯落肚既😋香茜蠔仔湯飯大大碗，好足料呀，好多蠔仔，啲蠔仔無沙，夠鮮甜撈埋湯食好夾💓❤️芙蓉蛋飯既蛋煎得好出色，金黃色既外表，切開入面嘅蛋仲係流心㗎，超級正呀，加埋大大隻既蝦🤩🤩最後我叫左咸牛治，牛肉夠咸同碎份量一啲都唔少，值得食嘅😍😍奶茶係我鐘意既茶包奶茶☕️重點有埋免費泊車，好sweet呀❤️❤️

今日同家人黎到泥涌食晚餐，見到有一間冰室環境乾淨舒服，所以就揀左呢間食。一入到去店員禮貌好好帶我地入坐，原來依間冰室算係新開冇幾耐，唔怪之得環境好新好乾淨。打開餐牌，菜式都算係好大路，間唔中有d特式小菜咁，所以都問下店員，店員就開始介紹菜式同推介主打，感覺親切好客，最後以下幾味菜：1.杏汁白肺湯首先叫左個湯，本身鐘意杏仁，而呢個湯杏汁味超濃又夠奶白，豬肺乾淨冇血味，湯唔會飲到有內臟味道，推介！2.古法羊腩煲冬天黎到緊係叫返個羊腩煲，羊腩夠淋夠入味一咬就開，其他配料都好正好入味，食到暖粒粒！3.金牌乳鴿皇上枱時已經好香，食落有好多層次既香料味，皮脆內香入味，抵食！4.椒鹽九肚魚聽店員講好多人叫，所以試下，果然好味！入口外層脆卜卜，內裡軟綿綿，口感豐富，而且調味適中，咸咸辣辣香香脆脆，食完一碟都覺得唔夠喉！5.咖喱脆皮牛腩見到呢個名好得意所以叫左黎試，原來係每舊牛腩上左炸漿黎炸，上菜好細心咁分開左黎上就唔係淋哂，牛腩好大舊但食落都好入味而且唔會咬唔開，女士都可以好輕易咬開分幾口食，唔錯！咖喱就好重香料味，同牛腩好相配。6.豉椒炒蟹店員話今日時令海鮮蟹好靚，而且可以自選煮法，最後揀左豉椒炒。

難得放假當然要帶下狗狗出去行下，呼吸新鮮空氣。今次就黎到泥涌行下石灘，影下大自然景色。不過原來泥涌外面已經變了多個地盤，有少少影響了心情。稍稍行了一回，見有點肚餓，見到在泥涌巴士站對面有一間新開的冰室，所以便去試試。餐廳有室內和室外座位，室外位置可以同狗狗一齊用餐。餐廳室內的牆身畫滿了可以打卡的壁畫/牆紙，有天使翼、希臘藍色小屋等，幾特別。餐廳有提供早餐、下午茶和小菜，小菜都有幾多款式可以揀，而我們去到的時間剛剛是下午茶時間。黑白西多士，黑白的意思是朱古力加煉奶，多士唔算太油，厚度適中，配上朱古力和煉奶，唔會太甜。招牌沙嗲牛肉麵，好耐冇食過沙嗲牛肉麵了，這裡的沙嗲牛肉味道跟茶餐廳一樣，很美味，牛肉唔會太淋或者太韌，口感剛剛好。公仔麵整得剛剛好，唔會太淋。香炸雞脾併薯條，雞脾熱辣辣，炸得外皮脆口，鹽份剛剛好，雞肉嫩滑!薯條是粗薯條，外脆內軟，點上茄汁更加惹味!紅豆冰都有幾多紅豆，甜度適中，唔會好淡口！大家如果係泥涌玩到累累地，都可以來試試這間新開的冰室，順便影下相休息一下!

wanted to find a quiet place Sunday brunch 😎This little restaurant is located jus on the outskirt of ma on shan at the cluster of cafes and restaurants along sai sha road.portion of all day breakfast is very generous. crossant is deliciously crispy.paired with a nice iced red bean drink and jus watch cars pass is definately a good place to let your mind free and relax on a sunday afternoon

西沙公路附近的餐廳不多，而這間新開的冰室令大家又多一個選擇，餐廳對面就有停車場，方便揸車人士來，餐廳開設於一間村屋的下層，室內及室外都設有座位，天氣開始涼，坐室外更舒服，還方便帶寵物一齊來。室內座位並不多，牆上的畫報更是打卡位。餐牌選擇有很多，以中式炒粉麵飯為主。價錢親民，份量足。點了一個雪菜火鴨絲炆米，$58大大碟，火鴨絲份量頗多，炆米做得剛好，不會太濕亦不會太乾，米粉亦不會炒得碎濕濕，米粉本身味道比較單調，但配上燒鴨絲及雪菜同炒，味道立即提升。另外咖哩雞，可配飯/意粉，賣相不錯，咖哩微辣，有椰汁香，雞件份量都比較多，配上煮得淋身入味的薯仔及脆口青椒，十分惹味，很好送飯。食完還可以到泥涌散步，放假便是這樣了。

西沙茶座開左新cafe!! 朋友剛好煮附近，見今日得閒順便去試下啲小菜先.咖哩脆皮牛腩 $98從來冇食過咁整，煲完再炸後都唔會老，表面炸得蘇脆，食落幾淰又唔會散，點埋咖哩汁食好正！冬菇炒勝瓜 $68炒得好有鑊氣，勝瓜好甜，配埋蝦乾同冬菇等材料，好入味！黃金蝦球 $88呢個好好食，蝦嘅肉質爽口，蛋黃味好重，又唔會太油膩，而底層嘅西蘭花同咸蛋味配合得好好，製作細膩🤤椒鹽九肚魚 $58炸得外脆內嫩，配合椒鹽好香口🥳.呢度除左中式小菜外，餐廳仲有西式嘅all day breakfast ($88)，啱哂唔同口味嘅朋友，都真係好豐富架😝

星期日，去西貢探朋友，發現咗間新Cafe...叫咗半隻口水雞，半隻沙姜雞，黃金蝦球有驚喜，不過好邪惡😅😅口水雞唔太辣，乳鴿都幾香囗，我最鐘意個花甲勝瓜，花甲都幾新鮮，無沙，叫咗個咖喱脆牛腩，d男仕話好味，不過唔係我杯茶，無影到相🤣🤣🤣反而我地一班女仔就不停係d主題相前面影下影，開開心心渡過咗一晚🎊🎊🎊

是晚帶狗來經過見到試業，入來試下，點左三個餸，有鑊氣，尤其梅膏一字骨，正！外脆內綿，入味！有梅香有柚子，酸甜度適中。另外點左豆豉鯪魚油麥菜，少少偏碱但可接受；個海鮮豆腐煲有heart，足料！環境來講，帶狗人士又一新選擇，吾駛次欸咁dry一定要食泰國野！下次試下另一d時段來食下先！支持小店！

星期六， 馬鞍山冇地方好去，度度食肆都好多人，於是我就帶埋小朋友拎埋啲玩泥沙工具搭架99去泥涌，食D野之後出沙石灘玩。 朋友話嗰度開咗間新餐廳 ，所以就試下呢間。 入到去冷氣好舒服 ,下午茶價錢仲平過d連鎖快餐店, 家姐話想試下紅豆冰 阿妹就話飲奶茶加蛋治 兩杯嘢飲都好好味 裏面仲有個位可以打卡。 食完下午茶過咗三點三， 太陽唔太曬啱啱好 ，去泥沖石灘度玩到太陽落山就一流啦😁👍🏻。