棋子燒鵝 (旺角道)

Open Now

Now Closed

又到放食飯時間，前兩天和Foo 走了去後面街食棋子燒鵝，無加一服務費，餐牌價錢大眾化，經濟實惠。人均消費$125。鴛鴦手撕雞飯$54 加凍檸茶$7鴛鴦手撕雞有辣同不辣，雙劍合璧，一次過食到兩款味道。肉質嫩滑，有咬口，餸飯好味。上湯瀨粉$15口水雞半隻$88凍杏霜$20豪氣一點，直接叫半隻口水雞來食，雞頭雞腳都與雞身一起送過來，擺得整齊有序。芝麻粒增添香惹口感，辣度適中，開胃好食。雞骨不算多，連皮食都好食。肉香嫩可口。上湯瀨粉清清的，瀨粉粗條有咬口，份量都有一大碗滿滿的。老火靚湯$15飲啖湯水，滋養一下。郊外油菜$20翠綠爽口，新鮮。牛油多士$13牛油好香，外脆可口，食完一片又一片。

棋子燒鵝今次要介紹有好多分店嘅「棋子燒鵝」，呢間食燒鵝嘅餐廳主打係煙燻燒鵝，佢哋係自設鵝場，堅持用5斤四両重嘅無生養嘅母鵝，唔用中央廚房，佢哋係落到舖即場用爐燒，保證食到最新鮮嘅燒味，燒鵝皮脆肉嫩，肥而不膩！1.棋子燒鵝飯$40+凍咖啡$3（9/10）呢個棋子燒鵝飯係下午茶套餐，瀨粉可以免費轉飯，燒鵝皮脆有光澤，燒鵝皮好似紙咁薄，燒鵝份量都多，斬成有6舊，燒鵝咬落去肉質好嫩滑，仲有帶少少煙燻味，飯淋上汁更加好味！凍咖啡：咖啡香濃又滑，凍飲只係加$3！2.原隻燒鵝髀飯+送是日靚湯（花生眉豆雞腳湯）$105（9.5/10）呢隻原隻燒鵝髀飯個鵝髀好大隻，皮下脂肪唔會好肥，咬落去好香仲帶有少少煙燻味，肉質嫩滑多汁易入口，唔會好似其他餐廳咁又硬又鞋又乾，大推比大家食！是日靚湯：係花生眉豆雞腳湯，唔油唔咸，好飲！3.燒味雙拼（例牌：叉燒,燒腩仔）$98（9.5/10）燒味雙拼我揀咗叉燒同燒腩仔，傳統燒肉肉質比較鞋，呢間燒腩仔面頭個皮燒得好薄好脆，層次分明，一層油脂同一層瘦肉，口感超豐富，燒腩仔都有12舊！叉燒：呢個叉燒係薄切，肥瘦適中，食落去有少少甜甜地，一共有12舊！4.麻辣手撕雞（半隻）$70

今日去左旺角道嘅棋子燒鵝食飯，super like佢哋嘅燒鵝每日新鮮出爐，皮脆肉嫩，非常美味！--我叫咗燒鵝脾飯（原隻免斬），食燒鵝脾當然要原隻上，燒鵝外皮酥脆，肉質鮮嫩多汁，啖啖肉都充滿油香，撈白飯超一流。燒鵝髀仲好大隻，一個人食都食唔晒。-另外，我仲叫咗燒鵝燒肉飯，鵝肉鮮甜多汁唔洗多講，充滿了煙燻的香味。燒肉皮脆肉香，層層相間，-叉燒例牌叉燒肉質軟嫩，入口即化，肥瘦適中，味道都唔錯。整體嚟講，棋子燒鵝嘅燒鵝真係好正#棋子燒鵝 #旺角道 #燒鵝

今日到旺角同朋友食，去到餐廳剛好不需要等位就可以入座 。我們叫了一個二人套餐，包括有例牌棋子燒鵝，叉燒，油菜，一碗米粉同瀨粉，一杯凍檸茶同一杯凍可立克 。首先是例牌棋子燒鵝和叉燒，鵝皮酥脆還有一隻鵝脾，肉質鮮嫩多汁，帶著濃郁的燒味香氣。叉燒色澤紅亮肥瘦適中，入口即化，肉質細嫩，微甜。配菜方面，油菜鮮綠多汁，經過簡單的炒製，保持了清甜口感，與燒味搭配完美。米粉同瀨粉軟滑，份量偏多，湯汁清甜 。總的來說，味道不錯，而且出餐快速 。

今晚約了朋友行旺角看精品，大家吃一吃晚餐先，就行下附近餐廳看看，見到這間吃燒鵝餐廳，看了門口餐牌食物不錯，就入了去吃，坐下看了一回餐牌叫了精選套餐  2人套餐包括棋子燒鵝  例牌  1碟  肥瘦適中，鵝皮同肉好脆身爽滑，不太油身，特別濃鮮燒鵝香味，豐富味道感單拼燒味例牌  (選1款)  1碟  選了切雞，肉身幼滑嫩口，好軟霖，一咬已嘴嚼到，濃郁雞鮮鮮香味白飯/瀨粉/米粉  選其一 2碗  叫了2碗都是瀨粉，大碗，粉身彈滑煙韌，，好爽口，特別清香粉味郊外油菜  1碟  幼身翠綠，爽口脆滑，鮮甜鮮菜香味老火靚湯或冷熱飲品   2杯  叫了一杯凍檸水同一杯凍檸茶，清新香檸檬味，甜度適中另叫雙拼三文治  (雞蛋/餐肉/火腿)  好厚身三文治，包身軟熟，選了雞蛋同火腿，蛋味同火腿味特別鮮香，同樣滑身嫩口多士  (牛油/ 煉奶/花生醬)   選了花生醬味，有厚度，烘得脆身，花生醬滿滿舖在包上，咬一口有另一番花生香味

棋子燒鵝～呢間真係因為返左新工作～同事介紹去食～一試愛上，堂食最正。燒鵝皮脫肉香，之前都有試過鏞記，但我覺得棋子燒鵝好食好多。鵝皮上有層甜甜地既蜜糖面～🥰🥰真心推介大家去試

棋子燒鵝近年積極擴張, 事實係佢既燒味真係有番一定水準, 而煙燻燒鵝更加係必食!相信冇野滿足得過食燒鵝脾! 大隻肉厚, 最緊要係皮脆肉嫩, 咬落去係脆皮然後咇油個種感覺, 我就係要依D!!肥瘦得宜, 陣鵝油香滲埋落米飯度真係好正。如果外賣番屋企食不需要儀態, 叫師傅唔好砍, 成隻鵝脾咬一定好爽。叉燒燒腩仔瀨粉哩個雙併份量黎講都真係算多! 叉燒腍香有燶邊, 表面既蜜味充足。燒腩仔塊皮脆卜卜係鬆化而唔係硬脆, 肥瘦相間入口冇豬酥味, Very nice!  咸咸香香配瀨粉一流。另外加左碟油菜, D菜心幾嫩冇渣。仲有佢地既例湯係值得一飲, 真係落足料煲出黎, 今日係花生雞腳湯, 冇味精飲完0口渴!食食下見門口一大堆人買外賣, 走個陣見到原來有10蚊雞, 勁抵, 下次都黎買番屋企加料!!

📍棋子燒鵝（旺角）有好多分店的燒鵝專門店，一直都好想食😋二人套餐好豐富，估唔到講就講例牌，但份量都好多🫰🏻兩個人夠唒食😍仲包兩杯冷熱飲品🥤呢個價錢二人餐同時，仲有肥美嘅燒鵝食，真心抵到爛😚🥢棋子燒鵝高質燒鵝，個燒鵝果然一絕，真心好食外皮香脆，肉質又多汁，沾少少酸梅醬更惹味，一解肥膩嘅感覺，食落又真係有少少炭火香味，正🪿🥢叉燒呢碟古早蜜汁腩叉燒•望到去份叉燒肥瘦比例係1比1，個賣相真係不得了。叉燒新鮮熱辣而且燒得表面焦香，加上蜜汁嘅香甜味，所以食落去唔會覺得膩😋🥢油菜 and 白飯 （加一隻鹹蛋，更美味🤤）and瀨粉(勁大碗）嘩一聲🤭🥄老火靚湯十分足料，重點❣️冇味精🥄飲完唔會覺得口渴，仲有雞腳，好豐富既湯料，差唔多每枱都有一碗，必嗌的🥣

棋子燒鵝．香脆誘人高質食燒鵝是一件美事，有要求先有口福最近心儀一間燒鵝店去到旺角本身想食西餐的我結果都走左去食燒鵝咁吸引我的店，就是棋子燒鵝棋子燒鵝 一直都幫襯開其獨特的燒鵝香氣，與別不同不只味道好，價格也算是很大眾化因此店子一直人山人海堂食與外賣都人多多出品的燒鵝是現場即場用爐燒所以味道好有水準！先來一杯凍檸茶開胃解渴此店茶膽好好，是正宗的茶記滋味所以同朋友各來一杯我愛飲湯今次是花生眉豆煲雞腳老火湯一飲，足料又潤喉鹽焗手撕雞醃得入味，撕得大小剛好入口就是麻油香氣，不會過鹹，肉質保持嫩滑，又有香口芝麻點綴味道出色燒味雙拼：燒鵝+燻蹄主角來了！燒鵝燒鵝，好好食的燒鵝一咬就是棋子出品的獨特煙燻香氣食到油脂的香氣，亦有肉質的鮮味皮脆肉嫩有鵝香，卻不感覺有油膩感愈食愈中意燻蹄是高水準的演出！因為是正宗兒時吃的風味與時下一般燒味店出品的不同3個字：Q、彈、爽真心好食！脆皮燒腩仔肥瘦相間剛剛好，皮脆卜卜，肉嫩又多汁，口感非常正主食點了1份米粉和1份賴粉2碗粉都煮得很清爽都是清湯底，這個選擇很好因為更能突出燒味的香氣配合得更好！棋子燒鵝旺角旺角道34號地舖

好耐無食燒味飯🤓今日男神話帶我去食好正的燒味飯，果然😍無令我失望呀，超讚！「燒鵝髀飯」鵝髀果然唔同，夠入味！鵝肉好滑，油汁滲入白飯內😍 真係超可口呀「燒腩仔肥叉燒瀨粉」燒腩仔肥瘦適中，外皮脆口👍🏻 我專登叫了肥叉燒，肉質肥美！「麻辣手撕雞」有辣唔辣可揀，我揀左辣,正呀！剛好雞髀肉🤣😂「燻蹄」見到隔離台食，忍唔住叫左個小食😌正！「例湯-雞腳湯」例湯是跟餐的，好足料呀！而且好夠味，無味精🤗備註：🔺食飯時間人流比較多🔺價錢合理，超抵食🔺店員親切👍🏻

花園街經過琪子，放滿新鮮大大隻燒鵝，見人排隊我又排先點了2人餐半隻琪子燒鵝：自設鵝場，中央醃製。店內即場用爐燒，所以夠新鮮，即燒即賣，外皮燒製後非常光澤，皮帶脆，肉質肥嫩，入口帶有甘香加左碗賴粉配搭一流脆皮燒肉-肥瘦均勻，黃金皮鬆脆，肉同油2層相間有口感。加點介醬，更提升油菜-菜心翠綠，淋甜，份量十足小食-麻辣手撕雞-手撕雞鮮嫩。每口滿滿微辣又刺激感覺，啖啖肉，加罐可樂非常好泊檔店舖需小但食物水準高，等陣位都值得🫰🏻

在附近周圍逛街，難得男朋友想吃燒味飯，見到這間比較乾淨企理，就進去試一試，二人餐兩個例牌燒味，加油菜和例湯都只是$218。例湯有整隻雞腳，沒有太鹹，喝完覺得滋潤又不口渴。燒鵝最緊要外皮夠香和脆，肉汁又多，而且味道帶有微微的甜香，十分滋味，脂肪不會過多，一啖咬落去吃到脆皮又吃到嫩滑的肉。燒腩仔的外皮又是很香脆，咬下去卟卟聲，看到一層層的肉和脂肪，夾著白飯吃好正。瀨粉當然是燒鵝的最佳拍檔。油菜是燒味店必備，用來中和一下肥膩的肉類。

放假訓到自然醒，起身想食燒鵝瀨粉就諗起旺角有一間棋子燒鵝，平時經開都大排長龍，今次就去試吓係咪咁值得排隊先🤭去到都有幾個人排隊，等左一陣就可以入座！見到全場差唔多個個都係食燒鵝瀨粉 ，我點左原隻燒鵝髀瀨粉同桶子豉油雞拼棋子叉燒。燒鵝髀肉質鮮嫩多汁，外皮金黃酥脆，每口都散發出香氣。瀨粉細緻滑嫩，吸收了燒鵝醬汁的美味。另外，桶子豉油雞拼棋子叉燒是一道豐盛的拼盤，豉油雞入口即化，叉燒香甜多汁。我強烈推薦燒鵝，真係一試難忘🤤

出街食飯諗唔到食咩好？燒味飯係個唔錯嘅選擇🌟棋子燒鵝有唔少分店，招牌係煙燻燒鵝，跟隨傳統做法以荔枝柴煙燻，別有風味2人餐有燒鵝例牌、一款燒味、油菜、粉麵飯、湯或飲品，夠晒滿足🥢🔖［ 棋子燒鵝 例牌 ］燒鵝賣相油潤飽滿，皮薄而脆，中間帶點肥肉，入口已經食到陣陣鵝油香😍配上酸梅醬，肥而不膩鵝肉同樣高質，肉質嫩滑細緻，肉汁滿滿，啖啖嫩肉超享受🔖［ 叉燒 例牌 ］叉燒係厚切嘅，口感特別好，8分瘦2分肥，油香肉香並重🥢肉質柔嫩，入口鬆軟，加上蜜汁送飯一流🔖［ 郊外油菜 ］翠綠油菜，新鮮嫩口，平衡一下油膩感🔖［ 主食 ］有白飯/瀨粉/米粉揀，米粉份量相當大碗呢🍜🔖［ 老火靚湯 ］🔖［ 熱奶茶 ］老火湯足料夠味，仲有奶茶咖啡揀，滿足唔同需要🤗

📍 棋子燒鵝 (旺角) Ki'son Roasted Goose (Mong Kok)🌍旺角旺角道34號地舖G/F, 34 Mong Kok Road, Mong Kok📝整體評分：８／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝人氣燒味店，勁多人外賣排隊，爆哂場！ ▸ 二人套餐◂＄２１８✿ 棋子燒鵝（例牌） ✿ 單拼燒味 （例牌） 燒腩仔／叉燒／切雞／豉油雞✿ 瀨粉／米粉／白飯✿ 油菜✿ 飲品／老火靚湯話就話二人套餐，肉嘅份量多到3-4個人食都無問題，2個人食會食到撐。平、靚、正，好抵食，唔怪得咁多人~呢到招燒鵝一定要試，煙燻香味慘入到正到鵝皮鵝肉鵝油，，皮脆肉嫩，味濃油香，好味到吮手指單拼燒味揀左燒腩仔，出面食燒腩仔係貴啲但呢到唔洗加錢！！！皮燒得均勻香脆，半肥瘦肉甘香油脂，肉質爽嫩！如果可以加錢轉雙拼就好，想試埋叉燒~另外加左鹹蛋＄１０，好夠鹹但無咩油，可惜～