港興大飯店

Open Now

Now Closed

行完街食飽飽，再同兩佬食晚飯！半隻霸皇雞（偏咸）梅菜扣肉（有半碟偏肥）羅漢齋上素（一般，帶點微酸）腐乳通菜（有鑊氣）三個白飯六位用餐茶介 + 加一Total $543 （我覺得比較貴）樓面伯伯服務好好，但後生仔嘅就反而一般般....

新年同屋企人開年，近近地係附近食，港興其實都食過好多次，一間老字號飯店，分分鐘過我呢好在6點鐘早去到，否則就冇位喇，好多book哂位霸王大肥雞本身隻雞已經好夠咸同好滑，上面啲薑蔥都好香口但如果連雞食就會好咸，所以我薑蔥送飯，好食蜜汁燒脆鱔好香脆，肉質爽口，好好食金銀蛋豆苗好咸好咸好咸，食左一啖我就冇再食過喇 豉汁蒸鱔鱔肉質都係爽口富油香，但係我覺得個豉汁偏咸，我個人鍾意食燒果款多啲客家豆腐睇落好深色都驚好咸，但係食落又唔會，豆腐釀左啲肉碎去炸，味道都ok銀杏豬肚湯好淡口，唔夠甜，但都算多豬肚，麻麻地店舖只收現金，食飯記得帶定多啲現金喇

大飯店…..聽落己知是老派食店吧, 有時老派才食到傳統手藝的。鹽焗雞 ($248)雞的皮下脂肪唔算厚, 雞肉剛剛熟, 又滑又鹹香, 好食。 咕嚕肉 ($98)酸度比坊間的強勁, I like it 個人覺得咕嚕肉酸度應比甜度強些, 汁才正, 酸中帶少許甜、辣、鹹, 一層薄薄粉漿包住半肥瘦猪肉, 炸完還有肉汁的, 絕不像坊間的硬死實實。八寶鴨 ($288)食過好多間老字號的八寶鴨eg 蓮香樓/蓮香居/吳師父等等, 全部煮法不是焗便是蒸的, 這裡卻是原隻炸的, 鴨內的餡料大至上差不多, 都係糯米、栗子、豆類及花生等, 港興的餡料比較做得乾身, 所以食落感覺無咁油膩, 味道也較清淡些, 少少醬油的鹹香, 好吃網油蠔豉卷 ($148)第一次食的傳統手工菜, 用猪網油包住新鮮猪肉膠, 猪肉膠內再入蠔豉才炸。師父好了得, 猪網油蠔豉卷上檯好乾身, 完全無油淋淋感覺, 鬆香到不得了, 猪肉膠蠔豉餡還有見得到的肉汁, 肉膠相信己調味, 我連沙律醬也沒點, 必試菜式青瓜炒猪肚 ($118)個個以為食緊鮮魷, 我話一入口…口感肯定唔係鮮魷啦, 應該係猪或腰猪心之類的猪內臟, 問完老闆….錯晒,

一行七人吃晚飯，好耐冇食過客家菜，見除夕晚難揾位，經過見到很多空枱，於是便走進醫肚先，叫了5個餸，由於沒帶電話，所以相片欠奉:1. 梅菜扣肉~不是熱辣辣的端上枱，好像是微波爐番叮出來咁，一口咬下感覺肉很乾很〝鞋〞，有冇攪錯，扣肉都乾身 ， 梅菜偏甜要來撈飯食都ok2. 鹽焗雞~雞很肥很滑但沒雞味，要點多ｄ沙薑粉才有味，叫了一隻雞，夠哂大碟，是晚菜式之中已是味道稍好的一道菜  3. 東江豆腐煲~自己在家也能做到的菜色，用煲仔上，湯底淡淡的，好似打邊爐咁將白菜+豆腐用湯滾熟4. 蠔皇腐卷~生菜做底再加一粒一粒的用肉和腐付做成的腐卷，再打個蠔油做的茨汁，腐皮不脆肉冇味，蠔油汁太濃味，個人覺得不合口味  5. 蒜蓉菜芯~普通的家常小炒，最冇機會出錯的菜式

原來呢間嘢喺大圍已經有廿幾年歷史，但住喺大圍嘅我由細到大都未幫襯過，係呢幾年偶然機會下先去試下，一試之下我就加佢入我嘅開飯名單之一，間唔中諗唔到食咩好，就會去呢度，貪佢易搵位，又唔怕迫唔怕吵。雖然我唔係客瓜人，但都幾欣賞客家菜嘅風味，好似鹽焗雞、釀豆腐...呢度嘅客家菜簡簡單單又有，巧手啲好似八寶鴨又有。今次我哋人少少都係食餐家常便飯，喜歡呢度餸菜能保留原汁原味，冇咩味精，碟頭又夠大件，不錯嘅家常菜，但係價錢就貴咗少少。晚上7點幾嚟到，唔駛等位，只有幾張枱有人，其實佢仲有二樓，都係星期六日人多先至要開埋。侍應服務唔錯，仲有個後生嘅男仔好有禮貌，似係揸fit人。其實我覺得呢間嘢幾好食呀，雖然裝修仲保留傳統特式，但環境乾淨企理，唔明點解晚飯時間都咁靜嘅我最愛食鹽焗雞，咸味剛剛好，有點黃油，但雞又唔肥，雞肉咸香軟滑推介菜式酒糟炒油麥菜，甜甜哋又有少少酒香，平凡嘅材料，造出不平凡嘅味道，客家菜嘅精髓椒鹽焗鮮魷，炸得乾身唔油唔過火，又夠香脆鯇魚丸豆腐煲，好傳統嘅菜式，但出面已經好少食到，但唔係咁鍾意鯇魚丸嘅口感,粉粉地咁，唔似鯪魚球嘅彈牙

阿媽想食客家嘅鹹雞，早兩個禮拜想去旺角間好出名嘅客家連鎖店，六點半去到都排哂隊，結果去唔成。今日工人放假，又搵客家菜。汲取經驗，搵一間近又可訂座最好。結果去咗M先生地頭大圍。佢話食過兩次，個人唔鍾意，但伯有係客家人話係傳統味道，咁我梗係博下自己粒食神啦。打去嗰陣有個阿伯聽電話，應該有啲撞聾，要重複講，反應慢啲，但冇炒錯我個饒舌嘅電話號碼👍去到唔夠七點已接近全滿，個個都團團轉好忙，結果我哋上咗樓上自己搵咗張4人枱。原來訂位都冇乜用…純粹憑感覺叫啲有👍嘅，總共4樣。落咗單等咗15分鐘都未上餸，我開始擔心漏單。但阿媽話咁多人梗要耐啲。最後20分鐘嘅時候嚟咗個腐乳通菜，好大碟，而且幾夠鑊氣，腐乳食得出唔會得鹹味或酒味，整體味道好，只係啲芡唔太勻有啲一嚿嚿半透明gel爭啲。然後過多15分鐘，陸續相隔5分鐘就嚟埋啲餸。阿媽就話：“你啲蠔豉卷、蛋角、釀豆腐、鹽焗雞全部要即刻做，梗係耐啦！”－又好似係噃😅阿姐都話個蠔豉卷係即刻包即刻炸。個網油蠔豉卷，原來係將啲豬肉、土魷、蠔豉、馬蹄、蘿蔔切哂粒，跟住包網油炸，極燙口，外皮鬆脆，濃味嘢，好正！仲要有6大件，每人兩嚿好滿足😋😋😋鹽焗雞，胸位都多汁唔嚡，有淡

今日响沙田行完街，諗住去大圍試下新嘢，經過哩間好有老店味道，好似好歷史悠久，應該不錯吧！入到店，我地得兩位，侍應叫左我地上二樓，上到去，叫我地搭枱，佢地大部分都係大枱，ok。算。Menu highlight 自己係自1988年開業，師傅有幾十年經驗.嗰價錢,唔平喎⋯即管試下。點左1）梅菜扣肉 2）煎魚腸 +1飯。嘩！我阿媽仲整得好食過佢! 梅菜扣肉！DRY 又無乜梅菜味；煎魚腸，同煎蛋餅無乜分別，一啲都唔香！埋單連茶錢$218！貴for this quality!! 完全覺得好多大排檔比佢好食好多倍！老字號店，唔該唔好hea做😌。

住咗呢頭咁多年, 一直都無食過呢間歷史食店, 呢日終於捉咗男友仔同我黎試!!推開門果一剎, 哇~ 好懷舊既飯店格局… 黎到既時候人量唔多, 所以隔便搵張細枱坐低~然後, 老闆遞上一張好簡單既餐牌, 同樣係懷舊款雙面手寫, 上面既選擇唔多…我地2粒人, 食量唔大, 所以只係打算叫2個小炒就算:1- 咕嚕肉 併 炸大腸 (呢個原本無雙併既, 不過老闆照做比我地, 只係+$10)因為呢度已經係2個小菜, 所以我地就只係order咗呢樣~等緊上枱既同時, 就係洗碗碟時間, 不過呢度既餐具都好乾淨, 所以隨便洗洗就算!唔使幾耐, 新鮮熱呼呼既美食上枱… 賣相亦相當吸引!!炸大腸酥脆但唔會炸過火而乾, 仍然有軟軟而有咬口既質感, 外脆內軟!!咕嚕肉又即係生炒骨啦, 肉質細嫩彈牙, 完全唔”鞋”而且有肉汁, 外面亦唔會食到一層厚厚既炸粉!!!每樣試咗一舊之後, 真係好想試埋佢地既招牌: 薑蔥霸皇雞!!!一邊食緊枱上美食, 一邊聽到差唔多枱枱都要隻雞, 仲有好多walk-in客仔黎外賣雞飯~所以, 最後決定….. 半隻!!!! 哇哈哈哈…上枱啦!! 上枱啦!! 充滿期待既雞雞上枱啦!!!哇~~~ 半隻

好食既客家菜酒樓而家越黎越少, 今次俾我搵到呢間港興大飯店一行大食肉怪既朋友, 做完全日單車運動之後就BOOK 左一圍台留好食物, 黎得客家菜館梗係叫佢既突式野, １。　薑葱雞　不錯！２。　大腸併生炒骨　超好味，　個大腸好肥味又整得彈牙！３。　紅燒豆腐　客家家常菜４。　冬瓜盅　清甜茖足料，　好香火腿味！５。炸八寶鴨　好特別，　第一次食八寶鴨係炸，　十分香口！６。　梅菜扣肉　肉滑多脂肪，　梅菜汁撈飯正７。　豬什炒菜　一個字　惹味！８。　鹽焗雞　好味！雞滑，　個汁造得不錯９。　蛋角豆腐煲　客家家常菜！１０。　魷魚炒四季豆　ＯＫ！１１。　豬網油蠔士　特式野一定要試！聽講係用邪惡既豬網油不停林落去Ｄ蠔士制成，　好香好好味！１２，　豬網油齋卷　特式野一定要試！仲有幾碟菜冇ＵＰＬＯＡＤ總括而言係十分好味，　以上係大食人仕先可以叫甘多，　一般係吾應該叫甘多味！

今次聚餐選了大圍的飯店，好讓當爸的朋友把小子帶來一起玩。這店不在港鐵站外的大路上卻有招牌，原來就在拐彎處，訂了檯還要等第一輪晚飯的人潮離開才給安排入座。店裏沒甚麼裝修，連電視也接收不清，樓梯底的收銀處還裝上鐵柵很懷舊。我們六人坐了12人的大檯，訂檯時一併訂了蠔豉網油卷和八寶鴨，再點了酒糟油麥菜、在蛋煎魚腸跟三鮮炆骨髓間掙扎良久選了骨髓，還有手剁豬肉釀豆腐蛋餃。蠔豉網油卷先上桌，像經理的店員叮囑我們要趁熱吃，想來是怕豬網油涼掉凝固不好吃，可以蘸附上的沙律醬，不過我認為很怪沒有點。第一次吃豬網油，酥脆膩膩的，然後吃到手剁豬肉餡的咬口，最後嚐到原隻蠔豉的一陣鹹香，是很香口不過太膩了，每人一件已經很足夠。 然後是酒糟油麥菜，剛吃過炸物正好吃一點菜，也是第一次吃酒糟，鹹鹹的帶一點酒香，跟油麥菜很配。看過其他食評，八寶鴨的賣相跟在蓮香居見過的全鴨很不同，像不像炸粽？鴨肉披上脆皮，內藏混和栗子、眉豆、蛋黃和蝦米等的糯米飯，侍應伯伯說我們不用另點白飯了。吃第一口是不錯的，但鴨肉不多，糯米飯和脆皮油亮亮的，越吃越膩，也是最滯銷的一道菜。手剁豬肉釀豆腐和蛋餃煲仔上，紹菜墊底的湯頭值得一讚，我只吃到釀豆腐，

我屋企已經唔係第一次去港興食飯，因為港興嘅客家菜好準高，夠正宗。今次叫咗套餐，唔洗諗蠔豉朱手煲，朱手大大隻，又入味金牌鹽局雞，好似比以前差咗，無咁有雞味粟米魚肚羹，這個真好一般，無味。生蚊斑頭腩同瑤柱豆苗，一般家常菜，不過不失。梅菜扣肉就唔一樣，扣肉肥瘦剛剛好，又入味，又林，食多兩塊都唔怕肥。八寶鴨更係鎮店之寶，鮮鴨肉加上粟子羅米飯，經油炸後，外脆內軟。羅米飯加上鴨肉，簡直是無敵組合。平時更要早一日預定。雖然話係8人餐，其實可以供12人享用，一圍總數$1400埋單，團年飯好抵食。

這個冬天也持續低溫，讓節日的氣氛更加濃厚。除了跟朋友會面外，也想起我們的長輩。於是相約老爺、奶奶與老爸，這三位老人家一同飯聚。飯聚的選址，由老公決定。他幾經思量，決定讓老人家嚐一下風味的客家菜。大家就在大圍港鐵站集合，然後步行至斜對面的港興去。港興最令我念掛的是其傳統手工製作的客家釀豆腐，上次試過了東江豆腐煲，這趟在釀豆腐外，再加入了新嘗試的客家蛋角。手剁豬肉與機械攪碎的豬肉最大之分別，在於前者含有更豐富的層次感。港興的釀豆腐不單止是由人手剁碎，還經過手搓及撻的工序，所以豬肉更富彈性、具嚼感。碎豬肉從豆腐的十字割口釀入，不管您從豆腐的底或面層入手，也可嚐到香氣滿溢及彈牙的豬肉餡，客家菜就是執著於傳統的手工上，所以港興的釀豆腐是我最喜愛的。客家煎蛋角是新的嘗試。豬肉餡料也跟釀豆腐的一樣可口，而蛋皮在吸取了黃豆魚湯的鮮味後，變得軟腍，但仍能嚐到點點焦香。不過略嫌豬肉餡未夠飽滿，否則口感會更加討好。老爺要來了梅菜香扣肉，不過一試後，老爺即表示腩肉不夠鬆化。抬頭細看面前的腩肉，瘦多於肥，怪不得未能做到入口即溶的基本要求。不過甜梅菜帶爽、味道清香甜美，卻構成了美味的醬汁。可是瘦腩肉入味程度之不足

以前香港有不少的客家菜館，例如為人熟悉的醉瓊樓及泉章居，分店遍佈大小街頭，但現在似乎式微了。時有聽聞，客家菜用料平凡，只講求仔細的工夫及繁複的工序，因此賣不起價錢。我想賣不起價錢，唯有降低質量，降低質量後，又達不到食客的要求，如此這般，造成惡性循環，我們便無法嚐到美味的客家菜？港興的陳設與裝修儼如一家街坊飯店，僕素親民。若不是對港興早有認識，或許單從外表，只會認為港興是一家普通的飯店。其實港興主打傳統手工客家菜，老闆本身是客家人，早年也擔當大廚，而兒子亦在店內負責管理工作，父與子凡事也親力親為。記得還未投身社會前，老媽經常與我到泉章居晚膳，東江豆腐煲是老媽必點的菜色，打從那時開始，便對東江豆腐煲有了認知。但不知怎的，在往後的日子裡，再尋不回與老媽共嚐東江豆腐煲的那番滋味了！嚴格來說，東江豆腐煲是一道客家湯水，在清湯內加入客家人富有特色的煎釀豆腐和蔬菜同煮。老公先嚐釀豆腐，跟著便連聲說了兩次好味，並謂很喜歡豆腐的豬肉餡，富有香氣及彈牙的口感，猶如土魷蒸肉餅般美味。 聽了後，我也感雀躍！先呷一口湯頭，味道很鮮，與別不同！再來品嚐一面煎得焦香、另一面則保留潔白色澤的硬豆腐。豬肉確是帶著有如土

早前見到舊同事喺fb讚揚，自己亦家住大圍，無理由唔試吓...我同蝦子餅&仔仔點左半隻鹽焗雞 -- 翻蒸既炸大腸 -- 外皮唔脆，仲有d燶....但勝在有大腸既香味 梅菜扣肉 -- 呢味我地覺得應該叫梅菜瘦肉囉....好"鞋"..唔夠"淋" 伙計又少，我坐樓上得一個亞叔，見佢走上走落都辛苦人手太少喇.......都係深水埗"中x" 好好多......起碼唔使加一啦﹗搭車出去都低

家人選了在這裏做冬，從來都沒留意大圍有這樣的一家飯店，跟着家人帶領，從火車站一邊走到靜悄悄的長街盡頭，轉過彎就見到一家舊式的客家飯店，外表毫不起眼，內面殘殘舊舊，心裏不免疑惑起來：會好吃嗎﹖ 坐下後，家人點了以下的菜式，因第一次來，我們都沒有太多意見，但吃過這頓晚飯後，發覺食物水準也不賴，更有再來的衝動。八寶鴨飯 - - 要預訂才有得吃，份量對我們來說頗大，(老板或是夥記﹖)不斷叮囑我們不要再叫白飯，鴨裏面的飯真的夠我們吃有餘。飯裏面有很多配料，飯粒不會過腍，很入味。菠蘿咕嚕肉 - - 醬汁的酸甜度適中，咕嚕肉外層生粉炸得香脆，不是那些預先炸定翻炒之作。上湯浸菜心- - 菜心大棵兼且很清甜。蒜茸炒油麥菜 - - 這道菜也可以，只是略嫌多油。豬網油釀蠔豉- - 全晚稍為失望的一道菜，用了太多碎肥豬肉做餡，咬第一口已被肥肉的油膩感攻得胃口也掉了，實在沒法啃下去，只挑了蠔豉吃了就算，碟上剩餘的大家都不敢再碰，唯有辛苦點菜的那位包銷了！不愛吃肥的千萬不要叫這道菜。炸鯪魚球拼豬網油春卷- - 鯪魚肉新鮮彈牙，春卷鬆化香口。鹽焗雞- - 我們只叫了半隻，但份量也很足，肉質比想像中嫩滑，記得在泉章居