江南美廚 (Closed)

一家人去咗九龍城開餐！爸爸之前讚過「江南美廚」啲嘢好食，我同老公當然要睇吓係咪真係咁好啦！餐廳環境唔錯，我哋九個大人加一個BB獲安排喺玻璃房內用餐，坐得幾舒服！只係……洗手間太少廁格……唔記得影餐前小食，九個人，有三小碟前菜(每碟$10)，其中兩碟係花生，一碟係菜莆。我一向鍾意食菜莆，呢碟醃得唔錯，唔怕太鹹，我都食咗唔少，如果將其餘兩碟花生換埋做菜莆就好喇，嘻。叫咗以下嘅嘢﹕砂窩雲吞雞 ($108/半隻)﹕碗湯味道普通，飲唔到咩雞味，雲吞亦唔見得好滑……食過合江小鎮嘅雲吞，更覺其他地方做嘅只係一般水準……花彫醉雞 ($50)﹕酒味頗重，但又唔會覺得好苦，算係唔錯，略嫌隻雞唔夠嫩滑。雞絲粉皮 ($48)﹕味道ok，其實呢道菜好難整得難食。鎮江肴肉 ($48)﹕一睇賣相已經扣哂分，啫喱部份完全唔得晶瑩剔透，食落感覺好實……蒜泥白肉 ($48)﹕睇落去好似好多咁，其實下層鋪滿粉皮。至於味道，只屬普通。南翔小籠包 ($28)﹕叫咗兩籠，味道一般，我那一件唔知點解一早已經被刺穿，所以冇乜湯汁可言……但只談餡肉，呢到都只係一般，食唔出有咩出色之處。擔擔麵 ($30)﹕叫咗一碗唔辣同一碗中辣，唔太食

估唔到一心去食上海嘢~~竟然仲有其他中式點心食 原來哩度最近開始07:30-16:00有點心即叫即蒸呀!!酸辣湯拉麵~~ 酸辣湯好味!!野菌素齋餃~~ 餃皮ok & 好夠料(好多菇+木耳)~~正!!素菜包~~ 可能我本人近期鍾意食菜,所以哩個包趁熱食嗰陣.真係覺得特別正^^春風得意腸~~ 哩個腸粉.超得意..起初未食仲以為係一般既炸兩, 點知食咗啖至知.原來裡面係脆既蝦春卷,下次必定再食^^懷舊豬潤燒賣~~ 睇見有少有既"豬潤燒賣",當然要試吓, 兩片爽豬潤+燒賣肉.入口都唔覺膩, ok ok!江南糯米雞~~ 哩個糯米雞.又係好創新, 完全估唔到係唔用荷葉.用咗白糯米+黑糯米.裡面有D雞肉粒+蝦粒.喺糯米上面再加上木魚, 味道都OK!!

為了購買我認為是最美味的糖果，所以專程開車到九龍城廣場，在商場買了我的最愛糖果後，肚子也開始餓了，找到這家算像樣的酒樓就決定在此晚饍，看了餐牌主要是一些上海菜為主，由於要留肚食糖水甜品，所以不能食得太飽，只叫了冷盤燻魚（$48），咸肉百頁津白（$68）及鱔糊湯麵（$50）燻魚做得不錯，甜中帶酸，而且甜味及酸味適中，魚肉咬下去也有魚香~咸肉百頁津白朋友說略微過咸，但我覺得還可以，因為是咸肉的緣故吧~這種咸肉是上海風味那種，咸香得來有肉味，不像廣東那種臘肉偏硬，百頁是豆腐皮，吸了咸肉的咸香，變得不再淡味了，最後就是津白，可能煮久了，略腍，沒甚口感了~鱔糊湯麵的鱔糊不夠多韮王，只得芽菜，而鱔肉除了份量少之外味道也不怎好，肉質偏腍，沒鮮味，至於麵就更加麻麻，湯底淡而無味，麵條也不彈牙，還標磅是自家制拉麵，有點失望~

第一次寫.. 因為這間真係好唔得 訂左枱. 本來話去到仲要等.. 點知去到完全兩回事!! 全場得個幾枱客.. 乜料? 叫左中秋四人餐 $700 + 茶價+NUTS + 10% CHARGE.. $800!!! 超唔抵!!!!份量少味道一般特別係個雲吞雞煲.... 咸到乜咁!!!!!!!!!!!!! 漏單, 仲要唔認同客拗! 絕對唔會再去!!!!!!!!!

這夜我們一行4人去九龍城的九龍城廣場江南美廚做晚飯。地方企理，都幾好坐。奇怪週末晚上也坐不滿。我們吃了﹣醉雞：很香花調酒味，雞肉嫩。生煎飽：好吃，底脆面軟，裡面多汁！蘿蔔絲酥餅：皮鬆，內面有很多鮮甜多汁的蘿蔔絲，好吃！咸肉百葉湯：百葉入味，不過湯過鹹。擔擔麵：麵好食，新鮮拉的；擔擔麵湯底很香，好食！排骨湯麵：新鮮拉的麵不會難吃到哪裡，好食！排骨一般，肉乾了點，兼沒什麼肉味。水煮牛肉：很辣，吃得辣才叫；很香辣，牛肉肉質算嫩。我們都很滿意這餐晚餐，食物好吃，服務也算不錯，價錢又不貴，我們會再來！

很久沒有和未婚妻到九龍城找東西吃，又很久沒有吃過上海餐，看到 OPENRICE 推介這間「江南美廚」，自然要試一試啦！放了工，晚上七點前到達。唔駛等位，正！雖然自己有點不適，但仍點了以下一些大路但十分美味的食物：（一）小籠包：雖然不是太熱，但汁（湯）極豐富。正！（二）醉雞：一貫水準。十分入味。我咳咳都要飲飲那些花雕！一流！（三）干扁四季豆：很大碟，炒得很入味及夠鑊氣。送飯一流（雖然我地沒有叫白飯仔……）（四）生炒糯米蟹：這道菜才是今晚的重點！全碟色彩鮮艷已記一功，糯米飯香而不油膩，蟹足足有八両，蟹肉仍然保持鮮味，十分難得！最得意的是我竟然以這一道菜，教曉了未婚妻怎樣吃蟹腳和蟹鉗內的肉！真是不可多得！總括來說，這一餐十分滿意。希望下次可以帶未來外母來試試！

友人介紹來食 覺得尼到水準都幾穩定 大家約埋開飯是晚好味之選1.肴肉 香醋香味 又夠凍2.煲仔粉絲蝦煲 個汁好惹味 粉絲多 蝦肉爽3.生煎飽 有肉香有肉汁 飽底脆口其他所點既~京醬肉絲夾餅 紅油炒手 上海粗炒 雞絲粉皮 高力豆沙 都OK註:要收茶 芥 同加一 平日晚市出奇靜局 唔想排隊等位 又想坐得舒適 又一處好地方呀

約咗個班老友興祝生日去到九龍城有人話食上海菜,點知行咗幾條D上海鋪執哂粒,行行吓行到九龍城廣場搵到間叫做江南美廚呢間好似喺明星開;去到門口知客姐姐問我哋幾多位,就帶我哋8個人入去座,一座低已經有兩個侍應問飲咩茶,跟住有件類似部長或經理嘅人埋嚟問我哋要唔要試吓招牌菜(生炒糯米蟹)見去咁推介不妨試吓,跟住再寫咗幾樣分別有:糯米蟹果然招牌菜龍井雞清甜有雞味,水煮烏江鯇喜歡食辣嘅朋友一定要試好有四川味,小籠包去話爆汁真喺皮薄多汁.食完D呀姐幫我哋執乾淨張枱,問須唔須要加甜品,去話杏仁茶及腰果露喺自己磨仲話有個黃金流沙球好掂,咁D女仔叫咗杏仁茶,我就試流沙球,果然冇介紹錯,咁我哋好滿足地叫埋單,有個著西裝問我有冇恆生或星展有九折.我覺得呢間嘅服務好細心,上網睇唔知點解有咁多唔好嘅評語??唔知喺唔好似問口標誌江南大革新所以唔同哂

星期日，十二點半，間間茶樓都大把人等位，見倒呢間江南美廚唔洗等位，即管試下啦。叫左小籠包 ，皮都算薄，味道一般啦生煎包，普普通通，無乜特別半隻雞，唔記得叫咩名，好多汁，都OK菜飯，好多油，但幾好食至於服務呢，明明落單時叫左兩個白飯，一個菜飯，都講左兩次。兩個白飯好快上左，等左好耐都菜飯都未來，就問下個黑色西裝友啦：『差個菜飯呀，唔該』咁佢就叫落單個阿姐check，然後又等左一排，半碗白飯都差唔多食完，個阿姐走個來話：『係咪要菜飯？而家同你落單。』漏單就度度都有架啦，都唔緊要，可能我講得唔清楚啦。想走果時問阿姐有冇信用卡有優惠，又答唔知呀。哦，咁就叫西裝友埋單啦，求其一張信用卡。之後走時去到門口見佢寫住DBS 9折，有DBS卡架wor，咁就覺得唔抵啦，係咁問下西裝友：『我地有DBS卡架，做乜埋單唔問我地有冇DBS卡呀？』(通常D餐廳場單都會問架嘛)佢居然啤一啤我地，就黑口黑面完全無應無采我地，差到呢。又唔係要問佢拿錢，無禮貌都極點，果然就係埋左單就唔係客。Black list，以後唔去，大把上海野好食還佢，服務好過佢，裝修靚又有乜用？九龍城大把地方又好食服務又好！.

今日約左個FD去九龍城食飯,係九龍城廣場周圍逛諗緊食咩好,行行下見到有間野個裝修幾OK.睇左一陣,原來係江南美廚,我個FD話想試下,咁就決定左喇~門口個高高地ga女仔帶位果時都幾有禮貌!坐抵左之後有個人行埋黎介紹左幾款餸,不過有d我唔岩食,只係叫左佢介紹ga:健康紅米炒飯d飯唔硬唔軟又無物油,感覺比其他中式炒飯好食我自己叫左幾款: 魚米生菜包 小籠包魚米生菜包:個顏色幾豐富,似花多過似包,睇見就想食小籠包:都OK,起碼真係有湯仲好熱口

在九龍城找上海菜館，有點難道，在 KCP 見到江南美廚，入去一試。晚上七時已經要開始等位了。店子很少，人太多，跟友人被安排坐近後門座位，倒沒所謂。見晚市有孖寶，半隻雲吞雞+松子魚才賣$198，但見鄰桌松子魚的賣相不對辦，不試好了。我們二人點了：香脆素鵝、生煎包、外婆肉燒蛋、炒鱔糊、砂碢咸肉菜飯。上菜速度頗快。生煎包 ($28) 做得底脆有肉汁。香脆素鵝 ($48) 份量略少，外層鬆化，包著菇絲。外婆肉燒蛋 ($58) 上海的家庭菜，醬油炆腩肉和炸蛋，炸蛋未夠入味。炒鱔糊 ($88) 很對味，濃油赤醬，醬汁夠厚身，下飯一流。單尾砂碢咸肉菜飯 ($55) 為全晚推介菜式，菜飯做得乾身不油，菜粒爽脆，配上咸香的咸肉。埋單 $325，送一張小籠包贈券。下次平日再光顧，少d人。

本身諗住同屋企人去試下呢間江南美廚,話晒都係陳妙英開,諗住會ok啦~結果:辣的擔擔麵- 唔辣小籠包- 味道只可以話一般,而且會漏盪麻婆豆腐- 有陣怪味,個部長同我講呢個係特別煮法係用麻辣火鍋個麻去整!!可能本人食唔慣呢個口味的麻辣~reminder: 除左收加一(正常)仲會收微調!!!微調係唔一定要比.雖然只係幾毫子,但係大家亦要注意啊~因為千萬個幾毫子就唔係少錢架喇~

店子的酒牌未續, 所以我們只好自備紅酒. 點了清炒蝦仁, 辣子雞, 酸辣麵, 小籠包. 在商場電梯間有 coupon 派, 食滿 $250 可減 $50.蝦仁個樣吾錯, 但炒得不夠爽. 辣子雞成碟辣椒但一點都吾香. 只是一般的炸雞味. 酸辣麵講明加辣, 可是都只是少辣. 酸辣味不夠, 很淡口. 小籠包個皮算薄, 但個包頂都是厚了一點. 整體來說, 四樣個賣相都吾錯, 但味道則有待改進.

22/6(一) 7:30pm家母牛一前一天,其姊妹花為其賀壽.一行11人到了花木蘭的滬店,"江南美廚"晚膳.咱們坐於置中的大圓桌.店子裝潢滿骨子的,不像傳統中菜館般俗套;唯餐桌空間略有不足.散點了素鵝,油炆筍,鎮江餚肉,小籠包,生煎包,擔擔麵$32,排骨湯麵,水晶雞$188,酸辣魚$88,上湯浸莧菜,腿茸津白,瑤柱蛋白炒飯,炒刀切麵及上海粗炒.由於菜式眾多,不作詳細.概括而論,食物水準賣相得體,食味尚且細緻.大部分菜式乎合應有的本質;如鎮江餚肉入口軟化,生煎包外脆,內在湯汁滿盈,即點即拉的手拉麵著實無從抗拒!除此之外,酸辣魚及招牌水晶雞均值得著墨!酸辣魚以桂花魚油泡切片繼而放以酸辣湯,令其魚味進一步提升!魚肉的嫩滑度可喜地得以保持.而水晶雞肉質嫩,滑,香集於一身,雞皮晶瑩,脂肪量低.然而,瑤柱蛋白炒飯,炒刀切麵及上海粗炒則出了亂子,大概是師傅把鹽遺忘於一旁...以東亞卡結帳可享九折優惠,此頓壽宴盛惠$1220;配合態度竭誠的服務員,令這夜可塑性更高...

呢間野, 一句其實已經講哂, 唔掂..不過, 都要同大家講講食後感, 首先, 食物方面, 落漏單, 個排骨麵無嚟, 算啦, 但係要追到第三次先有得食, 伙記都係發緊夢 小籠包賣相唔係好差, 之但係女便的湯好少, 仲好淡, 唔好食的, 生煎包就叫做最ok的食物了碟上海粗炒都係無味的, 肉絲都只係得三幾條, 落多少少料都可以啦如果都係唔好食, 好快就消失喇, 事頭婆要檢討一下呢