韓流村 (Closed)

一行8人都是第一次食這所餐廳，被安排坐大枱，空間感足夠，很寬敞。訂座時已預訂了3隻醬油蟹$298/2隻價錢算合理。值得一讚附上的紫菜飯團跟醬油蟹很配，把飯團撈落蟹蓋到，好正！前菜:提供的選擇算多，芽菜同薯仔好好食！烤肉:叫了牛排骨$228/2pcs 和牛板腱肉$238/150g, 味道很好，本身已醃製但沒有過咸。但價錢較貴，8人每人只食到一件。辣芝士牛肉看似很漏，但食落卻不是，同行朋友說味道似羅宋湯，但我認為一般，可以不用叫。雞肉炒粉絲沒有辣味，適合不吃辣的朋友。粉絲濕度剛好，不太硬但不太淋，推介。水冷面 & 拌冷面(辣)韓國菜基本菜式，面條很彈牙，但拌冷面的辣是死辣，不是哪種吃完會想繼續吃的辣，我覺得水冷面比較好吃！辣炒年糕(辣)配料很多，味道不錯。薯仔雞十分家常的菜，味道很好，雞很淋，但搵勻成碟只得3舊薯仔，十分失望，但薯仔是很入味，希望能改進薯仔的份量。海鮮煎餅最多的配料是蜆肉，沒有太特別的味道。埋單每人約$340整體是可以再來，想食醬油蟹/蝦/鮑魚記得預訂時講明，餐廳無得即點即有。

有些人一年四季也愛打邊爐, 而我就一年四季也愛燒烤. 任何形式的也喜歡, 當然最得我心是傳統的炭火燒烤, 其次是韓式燒肉, 反而最後才會選日式的爐端燒. 近年韓食店大行其道, 以韓式烤肉為主的店子也在每一區落地生根. 今次只因朋友介紹, 才知原來在尖東地庫有這樣一間充滿工業味道的韓式烤肉店.韓流村位置並不好找, 即使門口在大街, 但因要先乘電梯或走一條長而窄的樓梯才能進入店內, 亦因如此, 當日我們也走過了頭. 原來入口放着大大個發光招牌, 全部人一起眼大睇過龍, 當下二話不說浩浩盪盪沿樓梯下去, 後來才知其實可在大廈裡坐電梯落一層.進入店內, 是灰調子的裝潢, 傳統韓式食店的金屬圓枱, 黑色桶凳, 巨型垂吊式抽油煙機, 工業味道頗濃. 難得是店內方正一望無際, 比之前到訪過的韓式燒肉店更寛敞, 空間感更大. 枱與枱之間的距離亦濶落. 靠邊位置劃起幾張可容納8-10人的大枱, 並有布簾可拉起圍着, 人多時可變身小廂房之用, 頗有私癮. 這天客人不多, 沒有油煙四起的尷尬情況, 但畢竟燒烤難免沾染氣味, 還是把手袋, 外套放到桶椅內暫存. 用上銀色金屬碗, 筷子, 杯等, 傳統韓食風味濃

個人推介指數分7.5(10分為滿分) - 門面不起眼, 要留心往地下的樓梯, 不然會走過頭. 食物質素中上, 建議多點原味(不加調味的), 燒好後沾醬汁或泡菜來吃, 味道更純正. 地方空間大, 枱與枱之間有足夠的空間, 抽氣系統又做得不錯, 畢竟地是韓燒,  如果通風做得不好, 未燒就成身煙味了, 這裡就沒這個問題. 不論兩小口或一家大細來也很合適.和太太小B在尖東參加完活動, 聽友人介紹, 附近有間較隱密但坐得舒服的韓燒, 就過去對面馬路試試看.記住這個入口, 一不小心就走過了.順便一提, 隔離的入口的電梯是可直落地下. 方便像我般需要BB車或傷健人士. 可能是近六點的時間, 多數晚飯客人還沒來, 感覺地方和空間更大.一坐下, 前菜就來了, 如一般的韓食店, 完全是FREE OF CHARGE, 還可以無限REFILL. 特別一提, 中間的生菜沙拉, 有點酸辣, 非常開胃, 太太和我很快就ENCORE了數次. 水冷面 面條十分有咬口, 每條也是長長的, 很富彈性. 最出色是那個芥末和醋, 混和在冷水內, 把面的味道提升了一個層次, 極其開胃, 缺少其一也不可. 結果, 又是不到幾分鐘

朋友介紹說好吃，即管來試試下。這家店很容易找，就係在嘉芙中心地庫里。醬油蟹一向也是很多人來韓國的必吃美食，而醬油蝦近期也逐漸受到大家的愛戴。而這家除了醬油蝦蟹外，還有醬油飽魚又見有半價優惠，所以叫了來試一下。新鲜的鲍鱼鲜嫩多汁，鮑魚超鮮甜食肉的來了韓流村的肉類相當有水準如: 牛板腱肉，紋路相當清晰，燒起來香氣四溢，肉質很鮮甜，口感比較緊實。好推介調味牛排骨，肉質亦較嫩，吃起來甜甜醬油香氣。韓式粉絲份量很大一碟。炒雜蔬相當健康，粉絲亦很彈牙，而且粉絲吸收了麻油味道，香味特別好。雜蔬炒粉絲味道比較清淡，灑下芝麻，陣陣香濃。一口又接著一口，很開胃。人蔘雞湯，雞內全是糯米，雞骨都差不多溶掉。肉質依然嫩滑，而且帶著淡淡的人蔘香味，好補。

朋友介紹尖沙咀嘉芙中心地庫有一間正宗韓國美食 - 韓流村 。在漆咸道南看到這個韓流村燈箱，再下樓梯就可到達。這裡的環境不會很逼，椅子下可以放東西。店員會送上幾道韓式的小菜。醬螃蟹 ($298/2 隻)肥美爆膏，令我想上次在韓國吃醬螃蟹。附上六個紫菜飯糰，醬螃蟹的蟹膏可以配上紫菜飯糰同食，飯糰的紫菜很多，很惹味。蟹肉質地黏糯且鹹香鮮甜。調味牛排骨($238/2件)牛排骨味道感覺很清新。醃過的牛排骨味道更出眾，而且牛味依然濃郁。燒後，入口軟熟，滿口油脂甘香，入口即溶。薄切牛舌，輕輕一燒就可以拿起來吃了。濃郁的油脂口感，入口即溶，加點醬油更提鮮味。還有其他烤肉例如:牛外脊肉、牛板腱肉、調味鮮牛橫膈肌和調味護心肉也是令人讚不絕口的絕品美食，口感極佳。有需要店員會主動幫忙協助燒烤。

剛從韓國回港，已很掛念當地的食物，忍不住在港都要繼續尋找韓國美食。雖然香港有很多韓國餐廳，但質素好壞參差，特別是醬油海鮮，未必每家都做得好。朋友推介這家的醬油海鮮，貪其新鮮味美。醬油蝦調味的醬油不咸，略帶甜味。生蝦肉質結實，吃落彈牙鮮甜。重點是記得吃蝦頭的膏，味道香濃，抵讚。醬油蟹是日另一期待之作當然是醬油蟹。橙黃的蟹膏雖然不是爆滿，但已很吸睛。一入口，蟹的鹹香鮮味令人難忘，而蟹肉質感黏糯。將紫菜飯糰拌入蟹殼，再混和蟹膏一齊食，更加滋味！另外，亦點了海鮮煎餅。煎餅非常足料，麵糊較薄，吃落不會成口粉，亦不算油膩，不錯！

話明大愛醬油蟹就梗係一來到就要食架啦！我覺得係呢度既鎮店之寶囉！未食就已經見到肥大肉厚的蟹膏，濃濃既醬油香氣撲鼻！一試之下，鮮甜無比，但十分之重味，餸酒或餸飯一流！除了蟹外，這裡的醬油蝦也不錯，鮮味之餘，肉質爽口，沒有任何腥味，而且超大隻，啖啖肉，正。食完生野就梗係開始燒烤啦，我地豬，牛，雞都有吃，豬是爽而不油膩，燒到很香口夾塊生菜吃就是清新。牛舌薄薄的一片，快熟而且不會韌或痴牙，十分爽及鮮。最後點了個流心芝士玉子，需然已經吃到8成飽但都要點這個超厚玉子！中間夾心是流心的蛋漿和芝士！香濃幼滑～

以前在韓國試過醬油蟹後，確實令人回味！可惜回港後試過兩間所謂的「正宗」醬油蟹，質素卻令人失望，不是太咸就是太腥，但「韓流村」卻令我找回韓國的味道！ 5款開胃配菜小食！醬油蟹($298)醬油蟹的份量頗大，蟹蓋內盡是橙黃色的蟹膏，直教人流口水！蟹膏鮮美，沒有苦澀味道，而蟹肉飽滿，既嫩且軟。將附送的紫菜飯團混和蟹膏一齊食，正！醬油蝦($168)醬油蝦亦值得一試！蝦肉厚，質感彈牙，同樣鮮甜無比！值得一讚的是醬油調味剛好，不會太濃以致蓋過蟹及蝦的鮮味，同時又有提鮮之效。

韓國菜是我最愛的菜式，所以朋友約我吃韓燒，我一定出席!!今次試試她推介的餐廳，有她最愛的醬蟹，也有我最愛的韓燒牛肉。 Menu圖文並茂，可以看到不同肉類大概的外表。 前菜任吃，有多款選擇。泡菜口味偏酸咬起來脆度十足，單吃或是搭配燒肉都不錯。 先來一碗海鮮大醬湯，配料非常豐富有蜆肉豆腐及蝦肉等，沒有辣味怕辣的朋友也能喝。 朋友預訂了醬螃蟹，附送紫菜飯團六個，我不吃蟹所以沒有試，但同行友人一致人大讚非常美味，沒腥味很鮮甜。 芝士蛋卷，滑蛋皮包著半溶芝士，芝士味非常濃郁，再配上面層的醬汁，很邪惡但實在好好味。 腰裡脊肉，整體吃起來脆彈又多汁，5-7成熟的口感軟嫩有彈性，沒調味能吃出牛肉本身的肉香，配搭生菜和蒜片非常好吃。黑豚豬脖肉，肉質甘香鬆化，口感很夠軟身不會太柴太韌，燒至微焦油脂和肉汁融為一體，很香口。 燒肉主要都以自己動手燒為主，不過店員偶爾也會來幫忙客人烤或跟客人說明要怎麼烤最好吃。 牛舌，以薄切的方式呈現，輕輕燒一燒就可以拿起來吃了，味道帶濃郁的油脂香氣，口感微脆富彈性，可以加點醬油吃提出鮮味。 調味牛排肉，口味上對我來說有點偏甜、較容易膩，肉質腍滑入味，可能是醬油甜味重的關係，肉

時時聽到人講，舊年去首爾工幹無時間食，今晚朋友介紹呢間夠正宗，咁就終於試到啦！兩個人一人一隻，上個禮拜訂位已經訂埋，估唔到真係好鮮甜，而且爆唒膏，肉質嫩滑，膏唔滯，個醬甜味好開胃，果然名不虛傳。食完蟹食烤肉，韓國式牛肋骨係首選，用果汁醃味，帶甜味的牛肉，燒完吃非常嫩滑。然後食海鮮大醬湯拌紫菜飯，唔辣的，有幾款大路海鮮，都好味，最重要飽肚。醬油蟹真係美味，遲些再食，呢道有拼盆，下次試埋蝦及鮑魚。

上年興韓燒，差唔多個個人都搶住去食去打卡，依家多左咁多新潮食，但我依然對韓燒有種放唔低既情懷！我對韓國菜有特別喜愛，韓燒更甚！每過一陣就有種好想食韓燒既衝動，今次終於如願以償可以大快朵頤喇～同朋友黎到依間叫韓流村既韓燒店DINNER，因為見佢開張數月，所以好想黎一試！最佳食韓燒既時間就係新店開張，因為第一人流唔多，唔會好大油煙，第二就係個燒板好新淨！唔怕用甩菁、燒窿野，所以我一見有新韓燒店就即刻約人去喇～我地約得特別早，5點已經入座，因為大家都怕食肉難消化會頂住個肚，食又會食得耐。大家冇乜野做，當然約早比較好，如我所料一個客都未有XD我地係最早果個～地下室既環境寬大，坐位間好寬敞，除左基本四人枱外，仲有多人枱，岩晒一家大細一齊黎。韓式飯豌同筷子，岩岩坐低店員已經上左醬汁比我地，包括有韓式辣醬、蒜蓉醬、豆瓣醬。MEAU上紅肉、白肉、海鮮都有齊，有鮮肉同醬汁醃製既唔同部位，調味過當然要試試，而原味既就揀左比較香脆既黑豚肉。韓燒不少得就係配菜，銀芽、泡菜、洋蔥、生菜等等，通通都可以拎黎送肉食XD無錯！係送肉食HAHA點樣送應該唔洗我教喇掛！調味牛排骨肉，啡紅色已經醃製好既牛排骨肉，脂肪比例均

最近忙完公司的大型活動, 決定要獎勵2個兼職學生, 知道佢地鍾意食韓國野, 決定帶佢地去食 “韓流村”~ 店入面好有韓國燒肉店的風格, 當然唔少得韓式料理必備的配菜小食, 有5款, 而且泡菜仲係免費任食, 味道正宗 <五花肉>  燒肉一定唔少得的五花肉, 厚厚大大塊, 肉質好靚 燒至金黃色, 非常香口 入口軟嫩, 唔會覺得肥膩, 好惹味 店員仲教我地可以炒泡菜配埋五花肉一齊食, 別有一番風味 食燒肉推介---<牛板腱肉(150g)>  油脂分怖非常平均, 好似雪花一樣, 一邊燒, 一邊散發陣陣的肉香 燒左一陣見到表面熟左就差唔多可以食, 唔洗燒太耐 肉質嫩滑, 含香濃牛肉味 非常好味!! <豬皮>  唔係每一間店都有, 自從係韓國旅行食完對它念念不忘 燒的時候要有一d技巧, 好才有店員細心幫手 口感Q彈, 含豐富膠原, 沾埋杏仁粉更正~ 韓國女仔好鍾意食家!! <海鮮泡菜餅>  同事超愛的煎餅, 滿滿的泡菜份量, 岩晒鍾意食泡菜既朋友辣辣地好惹味~ <水冷麵>  食左禁多燒肉要中和下先, 我最愛

愛食韓食的友人, 會不停找未食過的韓食店較早前在愛食韓燒的友人帶路下去了尖沙咀的韓流村食飯. 店內怖置也幾特別, 牆上掛上不同的工具作為點綴. 坐下後, 店員先奉上前菜, 包括泡菜, 芽菜, 洋蔥等… 另外, 也有生菜和蒜粒, 用來夾肉一齊食. 每人有一碟三款醬汁, 用來點食物. 我地先點了人參雞湯. 份量正常, 夠兩至三人飲用. 隨湯附上鹽混合胡椒, 用來帶起湯的味道, 但我就覺得個湯已經夠味, 所以只是單飲, 參味濃一點更好飲. 雞肉幾嫩滑, 不會太乾, 而且雞裡加了不少糯米, 可以一齊食. 點了一款熟食, 就是芝士蛋卷. 切開後, 見到蛋卷中間有芝士. 蛋卷幾滑身, 加上混入了半溶的芝士, 食的時候多了一份芝士的香味, 兩者好夾. 接着就是燒烤, 我地愛食肉, 所以點了數款肉, 包括調味牛排骨, 牛舌, 黑豚脖肉. 調味牛排骨. 由於牛排骨肉經過調味, 顏色較深. 牛肉肉質夠鬆軟, 味道適中, 即使食全熟的我, 完全也不覺得硬和乾. 本身已經調味好, 所以單食已經夠味. 牛舌. 這裡的牛舌是薄切, 食的時候帶點咬口, 不會覺得好硬. 單食就淡口一點, 這個

今晚突然想吃韓燒，路過漆咸道南時剛好接到門口阿姐派傳單介紹，就姑且一試！這餐廳位於地庫，原本以為通風不會太好，燒烤油煙味會不散，可是出乎意料地算是頗通爽，座位空間亦足夠。 入座不久即來數碟韓式小食，主要是蔬菜類，新鮮而清淡。店主推介調味牛排骨，點了一份，另外再點一鍋辣豆腐湯。辣豆腐海鮮湯，個人不好太辣的湯，所以叫了少辣。豆腐很滑，海鮮及蔬菜亦足料，味道香濃。調味牛排骨，是今晚比較失色的一道菜，味道一般而肉質稍靱，價錢$268，不太值。總括來說，雖然價錢不平，但是食物質素出色，尤其是醬油蟹，有令人驚喜的水準。 Share: 

去左公司附近間韓燒食飯聯誼,  一貫韓式地道韓燒格局，每人一碟醬料, 非常讚有款蒜蓉汁, 清新好惹味, 其他韓式鋪好似未試過有. 其餘就有麵豉醬同辣醬, 兩樣都正常. 前菜有5大碟, 最鍾意係生菜果碟, 以為個汁紅色係辣, 原來祗係酸酸甜甜, 所以食左好開胃.有款牛叫牛板腱肉, 寫住"HOT"既字樣, 唔知係咩位置既肉, 好奇心驅使下叫左黎食. 生既已經見到油脂分怖非常平均, 好似雪花一樣.侍應急不及待幫忙燒, 侍應既手勢係好D, 燒左一陣個表面已經熟左, 一路聞到肉香, 而且唔伯過燶.過多一陣侍應話食得, 一睇片肉好似一層油脂, 一層肉, 紋理分明. 一咬肉質細緻嫩滑, 入口即溶, 非常有濃郁既肉味, 肉味響口腔久久不散, 未食過呢個板腱肉位, 原來咁好味.燒肉又點少得五花肉, 真係一層一層, 好靚, 燒完應該會好香.侍應幫手燒左一輪已經變左金黃色, 店內既人越黎越多, 所以之後自己繼續燒.五花肉入口軟嫩, 雖然有層脂肪, 但完全唔覺得肥膩, 好香好惹味. 另侍應比左碟有鹽既調味, 佢話食五花肉點呢個會更加引出肉香.呢間韓燒店雖然地點唔起眼, 但食材真係非常有驚喜.