軍記海鮮菜館 (Closed)

今日又去開佐敦做野所以又例牌去咗軍記食飯今次我早左去 所以好快入咗去坐平時五六日好旺場個陣 要等15分鐘到雖然老闆娘平時都好快安排到位比我哋會不停同你更新進度 話有人埋緊單果d今次我哋4個人去到食咗4個餸一入到去阿姐就拎好茶嚟俾我哋洗嘢笑著問我哋有咩想食我哋梗係話 平靚正 啦跟手就叫我哋食 A餐 （$198/ 3 送）我哋心諗198都有海鮮食?當然有例牌 風沙雞 啦佢d風沙雞真係一流架d皮又脆 但肉就舊舊都好嫩口呢個真係食咗咁多年都係咁正 我見有d後生仔一入到去乜都未睇就點咗風沙雞先第二道蒜蓉蒸元貝4 隻啱啱好1人1隻其實今日好多海鮮食 我見到有好大隻瀨尿蝦第三道係 蒜蓉炒時蔬我本身好鍾意食白菜仔所以我同阿姐講 問佢可唔可以要白菜佢話冇問題 仲唔駛加錢添由於我哋無叫飯所以就加多個餸 － 魚香茄子煲嘩 呢個今次第一次試點知完來好正佢上菜個陣個煲仲 chacha 聲睇落好吸引 味道更加一流通常食魚香茄子煲會好咸點知呢個一d都唔咸d鹹魚份量啱啱好 連埋d茄子入晒味真係一流架 下次去記得試呢個每人都係$80埋單Jordan嚟講真係平我試過去一間 食唔飽明明都冇食過d乜都收你$250 

我都不是第一次去軍記, 每隔個月陪女友去完澳門回來順道去軍記食飯, 次次都激氣都爆 .... 發誓絕不再去... 改去對面新開星悅好過....食飯拍車抄左牌都算, 出去睇完自己部車, 返入軍記諗住繼續食完餐飯, 點知大台搬左去細台, 仲要係一張我連點送都放唔晒的方台仔... 都算... 因為我地只係兩個人... 問 D 符侍應點解要我搬位, 個女仔態度 <<<勁串>>>, 食就食, 係咁啦.... 仲要見到佢掟台布.... 咩態度... 次次去親軍記都成肚氣, 全場人只係都得兩個<<<正常人>>>, 一個我聽其他人叫佢老板娘珍姐, 另一個係識講流利英文寫單 --->>> 兩個都好 <<< 正常 >>> 好好招款, 但嗰晚勁黑仔囉, 兩個<<<正常人>>>都放假.... 吓當黑以前係軍記經驗:我記得次次 D 著背心就來寫單, 好似迫人九秒九叫送,

沒有目標地在佐敦街頭覓食，欲嚐小菜的老公，走到軍記門前，從玻璃門看到裡頭人聲鼎沸，頗為熱鬧。對於不認識的食肆，我們經常以人潮去判斷食市的質素，屢次實驗證明所得，這個方式大抵有七成的準繩度，效果算是令人滿意！因此我們再沒走遠，直接步進軍記，嘗試總是令人有著驚喜！鋪著白檯布的大、小餐桌，配以紅色座椅，軍記就是一副老式街坊飯店的模樣。事前沒有就軍記 "做功課"，究竟軍記有什麼撚手小菜？唯有向侍應打聽，結果得出風沙雞，與及抵吃的二人超值套餐的推介來。此結果可謂並無新意，事關對首次到軍記的我們來說，一早已留意到獨立於主餐牌外的超值套餐餐牌；而風沙雞更仿似是套餐必備，早知答案就這般簡單，便無需多此一問。不過既來之、則安之，我們就選了超值套餐 B，試試菜式如何，再作定調。首先送上的是風沙雞。風沙雞表面灑上金黃炸蒜，予人風塵濮濮之感，還披上一身閃爍發亮深古銅的色調，正與炎炎夏日非常匹配。風沙雞不單皮脆肉滑，每口盡是濃濃的蒜香，豐厚的調味更深深灌注每一層雞肉內，證明醃製功夫足。香口與濃郁的味道，成功地攻佔了每顆味蕾，加上風沙雞的油份不多，不喜好雞的我，也被引得多嚐了幾件，不愧為名符其實的推介菜式。老公突

我同同事成日都會黎呢間食，呢間真係真係估佢唔到d食物咁好食燒雞啖啖肉雖然不是好重雞味，但是雞肉嫩滑，總算對喜歡吃雞的人客來說是有其美味的水準豉油皇炒中蝦，加椒鹽十分香口，蝦肉爽實够哂彈牙豉油王炒麵，這炒麵很有水準，夠鑊氣，係條條麵都沾了香甜的豉油爽彈有嚼勁，份量又是超多上湯雜菜煲呢個菜式看似簡單,除左草菇,大量蝦米,粉絲,魷魚有幾種唔同蔬菜因此味道相當鮮甜我相信一D味精都冇,因為我飲埋個湯都完全唔覺口渴,真係好味

阿媽一向好鐘意食嘢, 所以我同阿媽就放工帶埋阿媽去食海鮮因這間舖行過好多次都有人等位, 所以早幾日打去訂位, 果然到步見到好多人等緊, 好彩有打嚟訂位啫^^不過舖頭好細, 枱就無得揀邊張嫁啦! 因之前睇網都知好多人, 所以一坐低就快快叫人落單, 梗係叫招牌菜啦...................碟碟都好味, 價錢都合理, 我諗都要再去幫襯 ^^

琴晚係第3次食呢間舖, 但琴晚真係不知所謂!!!招鹽解魷 ~ 無招鹽味!o者o者唐生菜 ~ 一係香味都無, 但已經係全晚最好! 黑椒牛肉粒 ~ 牛肉粒都ok既, 但d洋聰overcook! 唔辣! 唔爽口! 干燒E面 ~ 最差真係呢個, 佢可以係將D E面, 煮熟加上豉油就上碟! 真係離晒大譜!!! 個杯dirty左, 叫個staff去換, 但佢完全無反應, 好似聽唔到咁, 我要再同佢講先勉強去換比我, 唉!!!頭2次仲好好食,對上一次係1月中, 仲係好好食!唔知咩事會咁, 差左好多, 唔會再會去幫襯!

勞碌命的我有時每逢星期六或星期日都要工作, 可幸的是工作都會遇上一批朋友, 工作過後愛吃愛飲的朋友一塊兒的去吃飯, 多麽的輕鬆自在。 就在公司的不遠處, 佐敦一帶多有食店, 林林總總的給你選擇。近年, 火鍋店開多了, 而且收費不便宜;西餐蠔吧亦有, 簡單的則過橋米線, 韓式快餐等都可滿你口舌之慾。不過, 要提到老字號, 始終少不得這家。正值朋友是常客, 聞說常客味道與walk-in的味道有差異, 所以一馬當先舉腳讚成。坐下見到牆上寫上油浸筍殼, 猶記得當年在銅鑼灣吃泥鯭粥時嘗過的輕拉油的浸炸油泡筍殼, 腦海正值回味之際, 不由分說地點上了這菜。結果效果如圖顯示的不如理想。筍殼拉油太重, 疑似是重油鑊炸起, 魚身肉質厚重, 但無肉汁, 乾口寡味, 失敗!咕嚕肉汁醬調味平衡, 尚算突出。肉排如麻煩大小, 半肥瘦而可口, 不過炸漿成形後少了一份脆口感覺, 是唯一的美中不足。炸鑊炒鑊都雙繼出過手, 小菜店又怎可少得蒸格呢? 來一個土魷蒸肉餅! 一上菜, 大家都被叫白飯的熱情掩蓋了理智, 結果只剩下一口才恍然大悟。雖然肉餅是結實了一點, 但很有家庭味道, 不錯!小炒王是全晚最好的。小炒王原身似由

好重咸蛋味, 好正, 但係超 heavy, 不能多吃呢味聖子就普普通通咁啦. 可以一試.呢味就超正, 咸魚仔香,好夾介蘭. 餸飯最岩.

16人擠在一大枱, 確實有點不便, 但晚飯時段人多沒法了. 叫了十多碟小菜, 計有蒸蝦, 炸墨魚咀, 魚香茄子煲, 蠔烙, 雜菇, 招牌小炒, 節瓜炒菇, wasabi 牛柳粒, 豬頸肉, 蒸水蛋, 皮蛋烚菜, 芝麻白雲鳳爪, 炸蝦餅, 豉油雞 ...大概由於肚餓, 大部份早上的小菜總能吃完, 最後來的招牌小炒和wasabi牛柳粒雖然味道不差, 卻未能吃光. 雖然白雲鳳爪最早上, 個人卻覺它太硬又少肉, 調味也不怎麼特別. 蠔烙的蠔太小, 似炸蛋塊多點. 炸墨魚咀和蝦餅較出色. 各款瓜菜菇的小菜也做得幾好, 做到清淡而不味寡, 相對其他小菜較不油膩. 豬頸肉有點乾硬, 但仍可接受. 友人們認為wasabi配牛的味道合不來.

尖沙咀雖然食肆林立，選擇很多，然而有點也吃悶了，會想起佐敦。佐敦沒有大商場，沒有戲院，吸引小妹的，就是各式各樣的美食。小妹經過軍記這間海鮮館無數次，卻是第一次光顧。"軍"這個字給我的感覺是很豪邁粗獷，大概是因為與"軍人"、"軍隊"、"軍艦"等連上關係，事實上，我們在這裡的確見識到它粗豪的一面，但又不失溫柔。兩位來吃大排擋其實很蝕底，總是不能點太多菜，唯一好處是等位快，我倆稍等一會就可以入座。店內環境很嘈雜但熱鬧，主要都是大伙兒來吃，當然也有像我倆來撐枱腳的情侶們，所以店方也有二人餐供應。捨棄了二人餐，我們還是喜歡散點！天氣太熱，先來一支啤酒消暑一番，然後就可以開始order！得知這裡的名菜包括風沙雞、黃金鮮魷、炸筍殼魚等，其他小菜看起來也夠鑊氣，可惜二人只有兩個胃，一次容不下所有招牌，唯有留待下次。事前已想好必吃黃金鮮魷，是次黃金蝦的變奏。以鮮魷代替蝦的做法是小妹第一次嘗試，魷魚要做到易嘴饞但又有口感，還要都沾滿了鹹鹹香香的鹹蛋黃醬，少一點功夫都做不到。是晚我們幸運地吃到一碟炒得恰到好處的黃金鮮魷，鹹蛋黃醬份量剛好，每一塊魷魚都剛剛沾滿了，而且炸漿很薄。明知這碟魷魚無論卡路里還是膽固醇

朋友帶我黎呢度食晚飯, 皆因又平又好食~~去到我朋友已經發板叫左炸筍殼魚 – 賣相唔多掂, 點知好好味, 好得…. 有時真係不能以貌取餸, 表面炸到好脆, 但又好薄, 落左好少粉炸, 反而食到條魚好滑, 原汁原味….再點少少豉油更加惹味呀, 全餐飯最掂….金沙鮮魷 – 只食過黃金蝦, 用相同方法做落鮮魷度, 又好夾喎, 比蝦有一個好處係啖啖肉, 唔駛吐殼…. 嗜嗜雞豬潤煲 – 個茨汁甜左少少, 可能落左麵豉既關係, 雞ok但豬潤唔好食, 早知唔叫呢個牛肉炒九菜花 – 好有獲氣, 九菜花無渣, 牛肉又淋, 好食豉椒炒花甲蜆 – 花甲過熟, 所以d肉好實, 個豉椒汁又一般, 唔太掂3個人嗌左5樣餸加一支啤酒, 每人埋單都係140, 抵!!!!!!!!!!!!!!!!!!!!!!!!!!!!!

因為每個星期都嚮佐敦上堂, 所以次次都要諗地方開餐, 呢間軍記有次經過開見到, 上openrice見到食評都唔差, 就即管試下啦. 未夠七點去到既話都仲有大把位, 坐低左, 我地三個人嗌左3餸一湯, 兩個白飯, 基本上唔駛十分鐘所有野都黎哂(快得有點驚人...). 風沙雞($68半隻): 基本上眼見差不多檯檯都有叫, 咪試下囉, 有d似去飲時食既當紅炸子雞, 個皮好脆, 雞脾位都幾滑, 好味.豉椒炒花甲($68): 本來想食炒蜆咁岩無蜆所以改做花甲, 隻隻花甲都唔係得個殼, 又幾大隻, 唔錯.翠肉瓜炒雜菌($58): 清清地嗌多個菜類, 食左兩樣比較濃味既餸呢樣就比較淡口勒. 不過不失啦.酸菜胡椒豬肚湯($58): 個湯好足料bor, 每人都食到幾舊豬肚, 不過酸菜味就無乜, 但都好好飲, 有胡椒既辣辣感覺. 整體黎講呢餐都好滿意, 下次可以再試下其他野食呢.

4月23號晚上係達明一派o既last show. 我地一班fans早就買哂飛, 相當期待! 去紅館睇show之前, 我地一行人其中三個約好o左o係佐敦附近先食晚飯. 有朋友o係呢區工作, 佢話呢間「軍記」o既小菜好好味, 又就我地腳, 於是二話不說, 由佐敦地鐵站快步o黎呢度開餐.呢度地方舖位唔算大, 要開埋隔離近後巷o既路天空間至可以擺多幾張檯俾食客. 我地三個人揀o左露天位, 務求係一個鐘之內食飽兼趕得切去紅館會合其他老友記睇show. 朋友話呢度以小菜同煲仔菜馳名, 我地亦唔諗咁多, 快快哎o左4個小菜加飯同飲品醫肚. 食o左的乜? 立即去片:第一味上檯o既係呢度o既招牌菜 “風沙雞” (半隻, 見上圖). 見到係雞髀部份, 油水同蒜蓉都足夠, 應該無問題啦. 食落口, 覺得只係o岩o左一大半 - 佢皮脆, 肉嫩, 外面冇炸過龍, 鹹道適中, 蒜蓉亦炸得金黃剔透好好味 - 唯獨係食到o的雞髀肉有o的乾身. 油泡o既原意係要做到外皮酥脆又鎖住肉汁, 而呢隻風沙雞, 做好o左外面而裡面做過o左火, 冇o左應有o既濕潤. 頗為失望. 10分為滿分, 佢囉到7分.“腐乳通菜炒肉片” (

今天有朋友生日,我們一行六人便到佐敦揾食,行至白加士街軍記門口,見舗內已有八成客人,大家便决定在這裡吃. 首先,我們六個人拿着餐牌看了一會,有位廣東話半咸不淡的待應走過來替我們落單,。她介紹我們吃風沙雞,真如她所說皮脆多汁,跟著因朋友生日,說明要吃海鮮,我便找回那位待應替我介紹,先來羗葱肉蟹,我最怕吃葱 也吃不停口,蟹肉炒得嫩滑 ,隻蟹成兩斤重,也只不過 是二百三十八蚊。再來一碟蒜茸粉絲蒸元貝,雖然得四隻但非常大粒-也是超值,果個待應話豉汁蒸黃立蒼是平價魚之選,七十八元一條重要係游水嘅。最後我們還點了椒盐骨、蒜茸炒芥蘭。埋單也只不過五百多元,下次叫埋屋企人一齊嚟!

一行七人大年初一晚上到軍記吃飯, 當晚很多人由於店內不是太大很快便爆滿了. 有不少人都要冒著寒冷天氣在室外, 幸好我們一早已訂位但店內的枱都放得很密, 有點點迫的感覺~~炒蜆不太熱還是天氣實在太凍呢最明顯的一樣是不夠鑊氣.我對這款菜式一向都不太感興趣, 但今次不同酸甜味適中, 排骨又不會太肥. 聽說是這裏的招牌菜式, 肉質還不錯但味道實在太鹹了~~~~~~~~~普普通通的一道菜, 梅菜浸過時太淡了.有不少豬肚和雞件, 但胡椒味不夠重, 否則這煲湯會更出色.失望..非常失望.....跟一般點心餐廳還要差十倍有多..蝦有點不新鮮, 飯竟然是炒飯, 最大問題是在於飯裏沒有蝦味, 感覺就像蝦還蝦蒸, 當飯炒好後放入籠仔再放上蒸好的蝦..這只是我的想法, 但實在跟一般的籠仔蝦飯差太遠了~~~~~~~墨魚肉不夠多, 味道只是一般.涼瓜很甘苦實在是我喜歡的, 魚塊炸粉太厚身了. 火腩肥瘦適中. 味道可以.又一失敗之作, 只是非常普通的一道小菜, 失敗在於有一陣陣的燶味, 不知是否炒得過火了.齋煲賣相很差色水不夠肯定南乳不足, 但原來不是, 味道不錯份量亦不少.小炒王比較出色, 九菜份量頗多又鮮甜,