軍記海鮮菜館 (Closed)

極之難食，叫了蒜蓉油麥菜，風沙雞半隻，炒飯，油鹽焗奄仔蟹，全單$680兩個人放工食晚飯，見評論都幾好就試一試，結果風沙雞冇味，炒飯濕的，油鹽奄仔極之難食，唔識做就話唔識，咁我就唔叫改啲你識得做的餸，又冇洗好污糟邋遢，又焗到窿，味道苦的，把兩隻蟹攪到看似垃圾，最重要食完返到家中重要反了幾次胃，真係好像食地獄焗奄仔。

打風前夕，午飯沒有著落，跟大隊叫軍記海鮮菜館外賣。此排檔菜式選擇很多，蒸炒煮炸樣樣有。下單後飯盒很快送達。魚香茄子炆米，菜乾豬骨湯(例湯) 飯盒大，細食者可兩人分享。米粉微辣，鑊氣十足。例湯附有湯渣，很滋味。值得一試。

佐敦有大排檔風味的食店，好近九龍公園！每次經過，都有好多人食！今日又唔駛等位，4條友就入黎食食佢！先叫左個套餐B（$208）包括有風沙雞（半隻）、豉汁蒸黃立䱽、上涉浸時疏。先有豉汁蒸黃立䱽！蒸得岩岩好，個肉好嫩滑！加埋豉汁蒸，好香！呢個風沙雞，即係炸子雞咁，呢個係最推介好鬼香！炸到個皮超級脆！而肉係好滑，一d都唔鞋！食落仲有雞油，真係好正！呢到右邊就係上湯波娃娃菜！用個湯浸到好甜，個湯又好飲。而左邊係我地另外再叫的椒鹽豬扒，呢個就一般因為好多舊都係得肥膏多。雖然係好香，不過冇咩肉可以食到！最後加多一個啫啫豬膶滑雞煲（$80)呢個都係好香！好夠味，熱辣辣！用黎撈飯，真係一流！

這天幫朋友手搬屋, 完事後到上址大擦一頓, 一行四人, 這晚感覺是每碟份量都明顯細份量咗, 不過價錢就無乜變更, 阿姐都係以前熟口熟面那幾個,先上友人A這晚特別想吃的豉椒炒蜆$98, 這個未算中伏不過係強差人意囉,獻汁太杰身,濃味蓋過蜆本來的鮮味(如果還有的話) 所以我會抱同Kan Lee同一想法,這堆蜆本來的存活率有多高?而價錢跟這菜來得有點不對稱, 第二個上來的是西蘭花炒鮮魷$88, 鮮魷係新鮮貨口感同味道甚好但西蘭花就好大朵, 基本上沒幾朵有破開的, 要知道客人唔係個個都喜歡自己咬開才吃吧?!第三個韮菜花大馬站煲$72係似一個用蝦醬煮的豆腐火腩煲, 蝦醬用得少, 火腩比例較多, 最好食的居然係放在頂的幾條韮菜花, 配角變主角!第四個係椒鹽九肚魚$88, 果然到油炸的菜式就似樣好多了, 外側乾身內裡仍然保持肉汁, 雖然呢隻魚本身無乜味只能依賴碎蒜,椒鹽,五香粉之類帶出味道來, 但這道炸魚確實貨真價實,絕無欺場!第五個係蒜茸炒白菜, 家庭式炒菜一碟唯獨是跟西蘭花一樣大部份沒有怎樣切過,第六個係豉油皇炒麵$78, 估唔到佢都攞到d幾唔錯嘅幼身蛋麵返來炒喎,所以只係好簡單嘅材料效果同食味

軍記 大大間舖位 用容易搵見到佢有2人套餐 有三個餸 $198好似幾抵食 就入咗去試下佢個風沙雞好好食 都有半隻份量有酒樓質素 層皮脆卜卜 肉好滑身 好好食蒜蓉粉絲蒸元貝 元貝肉比較細粒 但肉質新鮮 都唔錯 有粉絲係底 不過男人食 唔夠飽個餐無包香飯 要另外叫 正常價 無特別 但最後碟菜係食唔晒 因為都幾多野食

難得約了十幾個朋友吃團年飯，但卻忘了訂位吃飯，花了大半個小時才找到這裡有位子就來了。朋友說招牌菜和其他小菜都不錯，就點了所有招牌菜和一些小菜。除了風沙雞和黑椒牛柳外，其他的質素真係很一般，調味真的不太好。黃金炸豆腐的咸蛋黃味不夠，只是吃到是剛剛炸出來的。中式牛柳只有三成熟，咬下去有血水流出來。蒜蓉蒸元貝的食材不新鮮，完全沒有鮮味。椒鹽九肚魚的椒鹽味不足，炸得不夠乾脆，吃下去滿口都是油。連最基本的炒飯很夠火候，但米飯都黏成一團，要找到一顆粒粒分明的都很難。慶幸每碟的份量都不算多，要不然全都吃光真的是一件難事。整體價錢算是正常，但CP值真的頗低。而且服務態度都不太好，上完所有的菜，還沒吃完就不停的趕你去結賬。光是這一點，已經不會再來吃！

原本跟友人約定的家聚，因時間關係變成了「麻甩」飯局， 於是找來佐敦的「軍記」，那裡有港式小炒配合地道的用餐環境，當晚誓不「麻甩」不罷休！ 「麻甩」當然離不開酒, 也不一定是啤酒。自攜半瓶威士忌、兩支白酒，還帶備私家杯同來，證明我們這幾個「麻甩」是非一般的「麻甩」也! 至於開瓶費，「軍記」收取二十大元ㄧ支，九時後入座可獲豁免，也算是合理！ 椒鹽鮮魷 人未齊, 先要來ㄧ碟椒鹽鮮魷邊飮邊等! 椒鹽鮮魷的炸漿很特別，厚身、脆口的同時亦帶㸃乾硬，炸漿與鮮魷對比下，仿似在吃炸漿多於鮮魷，而椒鹽並不算不得惹味，唯有以威士忌搭夠! 炸豬手 喜歡炸豬手炸得半溶帶膠質的皮層，若然南乳味再提昇ㄧ點，便告精彩了! 風沙雞 記得 N 年前跟老公來過「軍記」，風沙雞是我最印象深刻的! 當晚的風沙雞的肉質保持嫩滑，味道濃厚，不失為「麻甩」的佐酒妙品，不過半脆半腍的雞皮，卻略與香脆尚差ㄧ線，有待改進! 椒鹽墨魚嘴 人到齊後進行第二回的㸃菜, 白酒又多來了一支。 佐酒的椒盬菜式換來了墨魚嘴，感覺炸漿没那麽乾硬，墨魚嘴香氣亦更易透出, 要比鮮魷出色多了! 小炒王 小炒王也是「麻甩」佐酒之熱選，當中的韮菜花、蝦乾、花生和菜

想食中菜，路過見人多就攻入去試下。菜式有好多無價錢，時價。對熟客招呼好，生客就…。蟹箝無拍開，要問兩次才從厨房取個小工具出來夾開！小炒鑊氣是足的，只是我們點了燒鴨就勁唔得。隔鄰点的椒鹽菜式都炸得好掂！整體菜式偏貴，份量少，要收茶錢。大排檔入舖格局，座位空間窄，背對背，不會再光顧。

坐左係比較入嘅位，可能近後門？定唔知乜門啦....簡中會傳出一陣陣垃圾味！好Q臭！檯與檯之間超迫，椅貼椅咁食！先黎個必叫嘅椒鹽鮮魷！炸得好鬆化！唔會食到好多粉醬嘅感覺，火候夠曬好，魷魚夠淋，唔好咬唔開果隻！$168薑蔥蠔煲，有d貴，蠔唔夠多！一般大隻only! 味夠曬濃！唔「聲」胡椒介菜豬骨湯！超好飲，胡椒味好重！豬骨d肉勁淋！唔鍾意食煲湯肉嘅我都掙住黎食！好普通嘅生炒骨！多骨少肉最最最平嘅煎蛋魚腸！未食過煎蛋，勁香口！魚腸超香！一定會再食佢！

看完花車巡遊已很晚了，於是帶著一家老小隨便找間大排檔大快朵頤一頓，沒想到水準還是可以的！(●°u°●)​ 」 雖然我們有六個人，但當時都不想吃得撐腸拄肚。於是只點了一個A套餐、一份茄子斑斕煲和豉油皇炒麵。 A套餐包含的風沙雞賣完了給換成了沙薑雞，肉超級滑嫩，不一會兒就被搶完啦。 扇貝非常厚甜好味！連不愛吃海鮮的我都吃得津津有味。 豉油炒麵是點給外公的，沒嘗味不作評價。 茄子斑斕煲和娃娃菜就挺普通的。 人均大約100左右，若想吃到八分飽可遠遠不止這價錢，偏貴。 但還是值得一試！ 另外，服務很nice(´･Д･)」

天氣凍凍地最啱就係打邊爐～而羊腩煲shabu shabu就係最佳嘅選擇喇！呢啲時候，想食羊腩煲絕對係一件好容易嘅事！因為隨時落到樓下一間中餐廳都可以食到！但！問題係～好食嘅羊腩煲就堅係可遇不可求喇！位於佐敦白加士街嘅軍記海鮮菜館，話明係菜館，當然係以小菜為主啦！目標非常清晰下點了一個大羊腩煲，再加多一碟小炒椒鹽田雞～羊腩煲有大同細份量供應，但大羊腩煲並唔算好大，唔使擔心食唔晒！材料塞滿整個煲，有羊肉啦、白蘿蔔、枝竹、馬蹄、筍片，仲有鋪面的大青蔥～隨住愈煲愈滾嘅羊腩湯底，飄出陣陣濃郁嘅香氣，直撲鼻蕾～未開始食已經感覺非常良好！羊腩切得唔會太大件，一件分兩啖食就啱啱好！肉質好鬆軟，好腍，一啲都唔覺得韌同難嚼，羊肉吸收左湯底濃郁嘅精華，超正！仲食得出屬於羊專屬嘅騷味！唔使擔心會太騷，只係好輕微～有羊騷先至叫食緊羊肉呀嘛！店家事前功夫真係處理得很好，先有咁好嘅水準！而且羊肉應該係屬於新鮮嘅，因為如果係雪藏嘅，就唔係呢種質感同味道喇！當然係有比較之下先咁講啦～除左主角羊肉好好味之外，配菜都一樣唔馬虎！白蘿蔔好入味，好腍，仲好甜！馬蹄好爽，筍都係一樣！支竹更加唔使講，索晒啲湯汁，正啦！！隨羊腩煲仲

去完佐敦買完野，搵個地方醫肚。原來百加士街有不少的食店，都幾花多眼亂，行過澳牛勁多人，又唔想排隊，見街尾近尖沙咀九龍公園的軍記有午飯SET LUNCH，價錢唔貴，可以一試。套餐送例湯，十分足料，D 花生煲得好棉，但應該有落味精，飲完有D口渴。蔥菜蒸鯇魚，魚係新鮮的，但蔥菜勁少，基本上唔講，以為清蒸鯇魚，個甜豉油汁搭夠，送食一流。咸蛋肉餅雖然係即蒸的，但D 肉質一睇就唔太新鮮，個味亦麻麻地，唔建議大家選來吃。D 阿姐招呼都幾好，睇得出軍記係做街坊生意為主，午市套餐係呢區來講都算平。可能佢地的海鮮小菜先係佢地的強項，午市就麻麻地。

今期又輪到女神呢邊搞生日飯局 ，搞手靚仔輝提議去佐敦《軍記》食生日飯，聽講呢間菜館啲小炒好地道 ，燃手小菜仲堅正斗添 ！靚仔輝book定兩張大枱，再由為食狼發辦點菜，咁我哋就un un腳，坐定定等食lu ……1.風沙雞(半隻)  : 雞皮香脆，落咗好多蒜蓉，雞肉入味又嫩滑 ，滿口風沙巧特別啊 ！2.芥菜鹹豬骨煲 : 芥菜帶少少甘苦味，加入咗少少胡椒，再配合豬骨嘅鹹濃，成個湯水好醒胃 ！3.蒜香炸南乳豬手 : 南乳香入晒味 ，濃郁惹味，豬手皮油潤Q彈，女仕大愛 蠻有骨膠的 ！4.粟米魚肚羹 : 有蛋花、粟米、魚肚等等。魚肚似豬皮 ，成個罐頭湯咁款！5.沙拉骨 : 加咗沙律醬嘅排骨甜甜地，肉質又香又軟熟。6.椒鹽豆腐 : 皮唔夠香脆 ，豆腐唔夠軟滑 ！7.菜膽雞(半隻) : 雞肉嫩滑。8.漁林小炒王 : 韮菜花、蝦米、魚仔乾、腰果、花生等等炒埋一碟。腰果花生夠脆，韮菜花又香，不過爭少少鑊氣！9.蒜蓉雜菜: 普通炒雜菜一碟。10.魷魚炒麵: 極普通嘅鼓油皇炒麵 ，魷魚仲極少 添！11.枝竹魚腩煲 : 枝竹入晒味 ，魚腩啖啖肉又唔腥，送飯一流 ！12.

今日朋友介紹去左幫襯，叫左賴尿蝦 石班 豆腐 菜 咕嚕肉之類7個菜我只記得石班是400元左右，其他不記得，也沒有看餐牌，朋友決定的付好錢居然是$1570！？為時已晚，甚麼回事？1100 食6個小菜？咩料？平均一碟要200！

聽人講呢間小炒不錯，所以11月尾打完波就同埋波友去試味。店舖走平民化，有室內及室外。伙計都幾nice 及快手!我地4位女子叫了5碟野 :1. 風沙雞 : 不愧為軍記招牌菜，雞夠滑又好味!2. 咕嚕肉 : 一上枱就傳來濃濃酸甜味，炸粉不厚，肉5乾硬，正~~3. 油浸筍殼魚 : 係伙計推介。外脆內滑，無介紹錯!4. 蒜茸炒西蘭花 : ok5. 豉油皇炒麵 : 呢個就失望啦。。。5夠乾身，麵條5夠幼。總括來講，品質不錯，我會再來~~~