郭錦記餅店

Open Now

Now Closed

多謝我的朋友...送了一個平安包給我...其實和一個普通的包沒有太大分別...只是多了個印...印(平安)...我的是豆沙味...朋友話係有幾種味...因那幾天太忙.....沒有得選擇..只是店員順手亂拿的..(還有蓮蓉..其他口味)....麵包皮不是好軟的...好有食饅頭FEEL第一次食.唔知本身是否係咁,...D豆沙OK好味.唔會太甜.也多謝餅師日夜不斷做!!!!由於是朋友送的我唔知$..佢話都排了十幾分鐘!!!

今年都係第一次食平安包。上兩個星期日，阿爸帶學生去長洲field trip，回程當天佢就買咗平安包番黎。我地一家只得3口，但佢竟然買咗9個！O 咀，點食得晒呀！個個仲要成塊面咁多。有3個口味，蓮蓉、豆沙及麻蓉。印上「平安」二字，幾特別。麵包尚算鬆軟，微甜。搣開一半，只見少量餡，大約只有$5咁大嘅餡。蓮蓉、豆沙都正常，不過麻蓉真係好搞笑，同一般食開嘅麻蓉唔同，而係老婆餅嘅冬瓜茸餡，感覺上有點古怪，但又不會難吃。印上「平安」二字嘅平安包，雖然同普通嘅包無分別，但就帶住一點傳統嘅味道~

三月下旬‧雨來長州跑步，適逄天后誕搶包山的日子，周街都是平安包，當然要來買個吃一吃。大大個平安字樣，餡料分蓮蓉、豆沙及麻蓉三款。耍了豆沙，幾香甜又不太多，包的外層幾厚，不太鬆軟。不過想著「平安」二宇，就會吃得很安樂。「平安是福」嘛！味道其次，意頭最緊要。

今日學校去長洲旅行,,去到長洲,,又點小得買有名既平安包牙xD我同朋友幾經辛苦先搵到哩間店,,之後買左個紅豆餡既平安包$7 1個,,,都幾貴下,,不過人一世物一世乜都試下牙嘛其實個味道都係普通,,同啲紅豆包冇乜分別,,只係多左2隻'平安'字-u-吾知食完係咪真係會平安啲既呢xb

黎到長洲梗係要食下平安包啦,,我選了最傳統的呢個,,芝蓉餡,,個平安包好大個,,,裏面真係有一粒粒芝麻的….不過買的時侯,,個包不是新鮮出爐,,應該係出左爐好耐,,所以個皮好硬,,但係佢裏面真係幾多餡. 味道一般,,可以試下

離開長洲買番D手信出去, 番屋企慢慢食 麻蓉平安包平安包的filling有3個choice: 蓮蓉.豆沙.麻蓉麻蓉filling的平安包才是正宗的平安包, 加上平時好少地方有麻蓉包食, 所以最後揀左麻蓉這平安包是隔了一夜, 翌日早上我係屋企蒸番雖然隔左成日, 但包身依然鬆軟, 包可以一層一層的撕開內裡的組織緊密, 唔會粉粉的, 而且有中式包點淡淡的甜味麻蓉filling並非平時係舊戌茶樓食到的者芝麻蓉, 而是冬瓜蓉加上白芝麻粒單單只吃filling會過甜, 配埋包就剛剛好粒粒白芝麻增添了口感, 實在難得食到如此美味的中式包 細芝麻餅愛吃芝麻的我當然唔放過這滿佈芝麻的小圓餅一剪開包裝袋, 郁香的芝麻味湧出, 我一口就吞下一塊這芝麻餅基本上是不用嘴嚼, 佢入口即溶, 酥化到不得了繈而粒粒芝麻就好似係口中爆開, 十分出人意表下次再去長洲時, 兩者都要多買幾個

久聞平安包之名~~可惜已經多年無入長洲~大時大節又怕多人而放棄~結果一路都無機會食平安包~其實諗深一層只是一個平凡不過的中式蒸包~但意義就在包面的紅印~一個紅印~就可帶來無限商品商機~往年只在太平清醮有售~~可能受歡迎程度有增無減~~依家就算平日都有機會採一採意頭在後街的郭錦記餅店默默地在做既有的工序~斜對面有舖位是專作工場之用~~走到舖前~呀姨問要甚麼~其實任由面前的餅櫃和架上有多少款~~眼裡只望著平安包和背後的壽包~~有豆沙~蓮蓉和白芝麻冬瓜蓉~~要了後兩者~~每個大大平安包索價$6~以size來計不貴了~!平安包雖然已經在大氣中放涼了~但仍然軟綿綿~不會像平時在Mr.包點實骨骨的~~把玩完一輪就大口吃吧!!!包身夠軟夠細密~~但餡料就單單偏重於中心位置~份量不多~蓮蓉夠油潤但不太香~~中規中矩~~~再試自家的白芝麻冬瓜餡~餡料呈長方體~有如童年前吃的那種粗鞋面喱糖~~半透明的冬瓜餡與老婆餅的那種有別~可能放涼了~質感都是偏向喱糖那種放進口才有點蓉蓉感覺~甜度頗高~但至少較為特別~走畢小島一周~回頭買了些餅食回家~~除了平安包~還有雞仔餅與芝麻餅~~芝麻餅與一般薄片裝的不同~~

買既時候得一種味-->麻蓉$6一個好大個, 從外面睇其實我覺得係一個好一般既中式包~我以為係平時酒樓食開ge麻蓉包, 點知佢入面係冬瓜蓉(老婆餅個d)加左d芝麻粒粒好甜.......唔太鐘意食.....

入嚟長洲點可以唔買平安包呢~舊年去過買平安包~ 覺得OK呀~雖然無乜特別~但係有意思丫MA個包鬆軟,但饀就比去年少咗... 我最愛紅豆饀KA LA~Anyway~ 買個意頭..平平安安~

臨走前去買平安包帶反香港食男朋友見到佢有盒於是問佢羅點知佢吾比我地都有買4個嫁..收$0.5我都會比點解佢吾比豆沙n蓮蓉平安包 :普普通通既包同香港果d豆沙包冇分別仲要比hk貴..

聽聞在北社街的郭錦記,是賣平安飽而出名,但是日的眼光,對著貌似大磨菇個蛋包.哈哈,見到都幾好笑,拿上手,好像孖寶兄弟,吃了紅色磨菇,即係變大,吃了綠色菇,獎多一隻,吃了毒菇,即時死亡.我不是Mario或Luigi,亦過了為任天堂流淚的時光.當咬住個充滿蛋味,包身鬆軟的雞蛋包,簡簡單單,樸實無華,正是童年吃過的味道,所以,思想又自然回帶到童年時.

長洲一日遊一開始, 朋友介紹之下就買左個蕃薯餅醫一醫肚先個蕃薯餅有d似光酥餅, 唔講既話真係唔知, 同埋唔覺有蕃薯味咁, 乾乾地, 食完都幾口渴~好想試新鮮出爐的平安包 下次有機會再試!

很喜歡吃芝麻醬+蓮蓉製成的麻蓉，所以一直會錯意買了一個麻蓉來試，原來是冬瓜蓉(類似老婆餅入面的)加一粒粒的芝麻有點小失望，雖然味道仍然不錯包很大個，一個就很夠飽

前兩次來長洲,都是在太平清譙前後的日子來. 而當然, 於當日入得黎長洲, 梗會排隊買個平安包, 攞過意頭保平安, 同回家蒸返熱佢享用. 現在的平安包, 絕對不限於節日才有, 只是長洲限定, 得果兩三間餅店所製. 平日, 應該都有平安包買. 行到去, 果然有, 而且味道選擇方面. 比打譙時, 仲多了兩個味道. 麻蓉是原味, 而豆沙同蓮蓉是今次買才聽到的.今次買兩隻敬老, 一給女方外婆, 另一留給自己老爸. 唔同味道既包好易分, 傳統的麻蓉口味, 是一個大平安印, 而我要的另一口味 (豆沙), 是一個細平安印. 非打譙日, 相信真係要就啱時間, 才能食到新鮮兇爐既平安包, 今日買的包仔, 都要回到家, 蒸返熱先食得.包就大, 其實內餡很少, 不過包皮夠甜, 蒸出來夠軟. 不失為一個好包子. 而且因為是長洲限定, 出面雖有同類既包賣但始終感覺上, 食法, 同埋個意義不同. 麻蓉, 不算大甜, 有少少起沙, 包肉又厚又大隻, 食了平安嘛, 傳說中, 係求個心安姐. 平日的平安包一樣是$6一隻, 打譙當日既平安包一樣都係$6. 證明"郭錦記" 夠哂老實.

12點多我們只是途經這店,因為太座已經開始話餓,咁梗要搵d嘢比佢塞落肚先架,經過這店門口見這些沙翁好似幾好樣而且砂糖熱量高,可以頂得下肚餓於是買一個$6.50好像比較貴,但一咬落去就知道貴有貴的道理,雖然是比較甜但蛋味充滿口腔內而且口感十足小學時期那些街頭巷尾麵包店的味道,真估唔到居然在長洲能找到腦海中的味道回憶，TKS “郭錦記”但回來返看OR食評才知道那店是平安飽專門店!某些日子還要排大隊才買得到平安飽，不過那天亦看到類似平安飽物體在店內發售，其實何必執着要在那天吃哪個飽呢?