國記

Open Now

Now Closed

國記 (元朗)元朗炮仗坊28號地下位置：3 / 5餐廳位於元朗炮仗坊入面輕鐵康樂路站 向小巴站方向行入去會見到個大公園 環境：4 / 5餐廳好多位 好有傳統既味道一入到去會比佢滾緊既粥吸引味道：4.5 / 5粥呢 我本人就好小食 所以就叫左最傳統既皮蛋瘦肉粥 一上枱 配埋葱粒 薑絲 帶岀碗粥既香味好滾起 好似好熱 但食落 其實入到口 瘦肉好滑 下次會試下其他粥叫多碟炸兩腸 食得岀唔係即整既不過都保留到油炸鬼既脆 價錢：4.5 / 5價錢方面 我覺得幾平 當食個下午茶夾埋都$40都唔洗 好底食啊

元朗嘅傳統食店買少見少所以國記粥店都係元朗好寶貴嘅小店😊元朗以前有一條叫為食街現在都好少人提及粥店就在這處！👍🏻門口已經有好多小食好方便即刻買走特別好受歡迎嘅砵仔糕因為有馬蹄味道！🤭今日三四點去搵位都容易啲小店好有懷舊味道👍🏻食物都多樣化特別有勁多小食俾你揀我最鍾意就係有大中小size 好適合1 人食或想食多啲嘅街坊另外，價錢真係好抵好抵好抵👍🏻👍🏻👍🏻😊☝🏻艇仔粥（小）夠晒熱辣辣，餡料都多，$16一碗🤣☝🏻炸兩腸勁鍾意食，因為有花生及甜醬👍🏻✨

元朗國記係舊式粥店，粥品油器但其實佢門口售買的砵仔糕更好。今日行過便買了三個黃糖味砵仔糕。佢日日鮮制，有四種味道，今日只有黃糖、白糖、綠茶，我最愛其中的黃糖味，三個只售$10，佢唔算太甜，質感好香軟而且煙韌，有大大粒又粉又腍的紅豆，好味其實砵仔糕的紅豆份量也有三個選擇，有多，很多，滿滿的三個份量，不過就要自己目測後再挑選，因為我相信你也不想口中的砵仔糕曾經有多人摸過吧！不過，每個糕魡表面也會加上保鮮紙才會售買的。

慕名而来這家老店。吃了豬紅鲜牛粥，箩白糕，虾米腸粉。粥底同萝白糕已經有味,不用加鹽或豉油. 食得清淡的可能覺得味道較重. 蝦米腸粉不如酒樓的咽龈，可能只用一般大米做，比較碎濕濕.總體而言与傳统的油器粥品店出品不太一樣.應該是一直以來的做法.會是附近元朗居民集體回憶。

今早去到元朗炮仗坊附近見到有間粥店叫國記，見到舖頭門口的裝修和食物的擺設好有兒時的感覺，好似呢間非常傳統的老店越來越少，於是就入去幫襯，感受一下童年的回憶。見到舖頭門口獨特的懷舊裝修和食物擺設，即刻返回童年時和爸爸媽媽一起的感覺。👫👶二十多款粥品任君選擇，真是有點花多眼亂。於是我叫左一碗猪膶魚片粥($24)、一碟炸両($13)、一個鮮蛋黄咸肉粽($25)和一碟蘿蔔糕($15)，只是等了大約5分鐘所以食物都已經全部送上。猪膶魚片粥的粥底軟綿綿好滑溜，豬膶好新鮮爽口彈牙，薄薄的魚片配上薑絲完全帶出魚片的鮮味。炸両用上新鮮即炸的油炸鬼再包上自家製的傳統手拉腸粉做面，脆口的油炸鬼配上薄薄的腸粉口感一流，另外再加上香口的芝蔴和甜醬、辣醬，香口得來又甜甜地辣辣地，越食越停唔得口。鮮蛋黃咸肉粽用料豐富，流住油的咸蛋黃加上綠豆，並配上五香粉醃製過的肥豬肉作配料，完全食返兒時的傳統味道。蘿蔔糕材料十足，厚切的蘿蔔絲配上香口的臘肉，味道一流。總結，今天個早餐合共$77，好似有點多，但是食得很飽。另外，可以食返童年回憶又可以支持老店是非常值得。

 呢日一行二人嚟到元朗炮仗坊嘅國記食粥麵。舖頭裝修傳統，牆上貼有之前某飲食雜誌訪問呢間舖嘅內容，原來呢度已經有起馬40年歷史，以做街坊生意為主，夠晒傳統。我叫左碗豬紅魚片粥($24), 朋友就叫左碗豬膶魚片粥($24)，另外再加左隻蛋黃咸肉粽($25)、炸両($13)及蘿蔔糕($15)。所以食物都係熱辣辣上枱，豬紅魚片粥粥底綿滑，豬紅爽口滑溜，好欣賞魚片切得夠薄，滾粥熝熟之後唔會嚡口，鮮甜味美。蛋黃咸肉粽用料豐富，大大隻流油咸蛋黃加上綠豆、及五香粉醃過嘅肥豬肉作材料，口味傳統味道出色！炸両用左自家製手拉腸粉做面，腸粉厚身幼滑，入面嘅油炸鬼香口！蘿蔔糕有好多材料，本身已經調好味根本唔洗點嘢都好好味！隨住城市變化呢類傳統粥麵舖真係買少見少 ，多得老闆幾十年堅持等我可以回味兒時嘅味道！

之前有人介紹尼間粥鋪，試下先！我最喜歡食豬潤粥$23，豬潤重豬潤味，較細件，不是爽脆那種，還可以。老公又係食魚片粥$23，佢話好好食！不過蝦米腸下次可以不叫是預先整的，本人不喜歡。下次可試下即拉牛肉腸，要即拉的。見人地叫隻糉好大隻，下次要試下！臨走又買了砵仔糕$4，好食，不太甜，又多豆，不太實！

滑牛豬紅粥：好足料！牛肉厚身又多，雖然牛味唔重，但感覺好新鮮！豬血都幾多，食落唔會有臭 唔新鮮嘅味道，唔錯個粥嘅米香好重，一粒一粒咁，而且本身有調味，好食又足料又足味！食完又唔會口乾，冇味精

記得以前細個冇咁多好野食，由麥芽糖餅將慢慢被沒落，幸好今日既我仲食到砵仔糕。仲記得細個下午茶就會整番個😋有豆、無豆、黃色、白色、多豆🙋大個先知道白色係白糖，黃色係黃糖，反正就是愛❤️白色既味道～國記好多年歷史了，細個會去食粥今日經過買番個白色有豆食下，$10蚊3個大大個好抵食👍有時最簡單既味道最令人回味💓好耐冇食，甜甜地又唔算太甜，紅豆粒粒都好多，淡淡都食得到紅豆落肚架。作為下午茶的確係個唔錯既選擇😋

是日老公要親自下廚宴請從英國來的友人，早早便來到大橋街市買新鮮海鮮。這一帶都是街坊食店，都是茶餐廳、燒味店、粥麵店一類的選擇。炮仗坊有數家粥店，這家國記有多年歷史，一貫舊式粥店的格局，看來生意也不賴，不斷有食客進進出出的。馳名及第粥($22)粥底有淡淡米香，但不算綿滑。生滾粥的關係，豬潤的熟度剛好，軟淋嫩滑。這及第粥好處是配料多，有豬心、豬肚、豬腰、肉片，感覺更像一碗豬雜粥，但除了豬潤稍好外，整體味道只屬一般而已，而豬腰更有腥騷之氣。  荔灣艇仔粥($15)粥料當中有豬皮、魷魚、花生，卻沒有粉仔牛肉碎，粥底偏稀身，簡單點說，就是一碗很「削」的粥。  蛋黃咸肉粽($20)大大隻肉粽，比粥品、炒麵要飽肚得多。糯米夠綿、綠豆塞得滿滿的，咸香的蛋黃加上五香紛陳的肥腩肉，是水準之上的肉粽。炒麵($8)麵上有零星蘿蔔絲、蔥絲，份量偏少，豉油味可以再強一點，又一平庸之作。豆漿($6)大大杯的份量慷慨，豆味不算濃，甜度適中。雖說是傳統老店，風味是有的，味道卻不怎麼樣。難得的是價錢經濟實惠，作為街坊粥店絕對是合格有餘。附餐牌給大家參考：

今天難得媽咪照顧对仔女， 於是便跟老婆到元朗 回味一番 舊式 的味道， 雖然本人不太清楚 這 店的實際開業時間 但肯定在元朗區 有非常悠久的歷史 而我跟老婆 想起吃粥 便會到這里.今天叫了豬紅碎牛粥，皮蛋瘦肉粥 ，炸兩及炒麵.老實講這里的豬紅粥絕對保留到豬紅獨有的味道 碎牛肉仍有效口 D粥亦煲得好綿.而皮蛋瘦肉粥 就有一點失望 原因是 我喜愛的是一絲絲的瘦肉,而這類的瘦肉是用生滾粥一片片的，所以這里我會扣一點分數.而一般喜愛食粥的人大部份都一定會點炸兩及炒面，點解？冇得解,由我懂性以來就知道去舊式粥舖是必定要點這些食品的.炒麵好失望,第1吾夠熱,第2咬落去面條是粉粉的 我跟老婆食了一口 便停手！😢慶幸炸兩 仍可保持一貫水準 甜醬辣醬 雙管齊下 絕對能把你帶回童年時的感覺！最後,以往來這店是有叫做“炸壹”的，代表用一條油炸鬼 做炸兩 但今次去到發覺餐牌上 以除去“炸壹”整体嚟講這店的裝修由餐牌到檯椅甚至伙記😊 絕對古老，但味道绝对遠勝市面上其他集团經營的大舖，而這里正是保留到舊式粥舖的情懷及味道。

星期六去玩睇樓行過嚟睇下週邊環境、見到呢間粥舖見到十個有七八個都叫D有豬紅嘅嘢。可惜我唔好. 所以冇叫!碎牛皮蛋：粥底正, 食完冇口乾，皮蛋有差唔多一隻,大大粒,真材實料蛋黃糭 ： 廿蚊大大隻, 仲想點!炸兩: 大碟到分2餐食! 應該係3-4人份量!糯米、綠豆分量ok 半肥肉加原隻蛋黃, 冇呃人!去開元朗真係要去一去試! 呢D老舖始終有敵不過社會轉變嘅一日!

清晰可見國記 門外放置不少油器餐牌清晰，價格平宜醬料放置檯面悉隨專便炸兩$13腸粉炸兩粥品都好平， 艇仔粥15元， 炸兩13元，燒賣4元。 舊時炸兩腸腸粉或炸兩又大又鬆脆，加甜醬辣醬豉油令腸粉更好吃。不過而沒有了以前的好味，有人說國記既粥係味精粥，但以前真係滑啲同綿身啲。炸兩凍左唔太美味。依家係差左啲，但我食粥都係鐘意食國記。評分:6.5/10燒賣煮得太淋了，痴牙！評分6/10

一群瘋子在友人家玩到半夜，第二朝幾乎10：00才起身，每個人都睡眼惺忪的望著屋主，醒來的第一句是：說!去哪吃？!╮(╯_╰)╭然後屋主就只能無奈的爬出被窩，順帶詛咒咱們食粥沒落鹽(啥？!(￣∇￣))，就帶著一班喪屍去食粥去了~~~~~~元朗食肆區真的離住宅區很遠呢！走了二十分鐘才到，抬眼就見到兩間顯眼的粥店，店門外不斷有客人出出入入，本來聽說要來老式粥店已夠興奮了，還見到有這麽多人光顧，那就是真的好吃lol？店舖細細間，倒是店員有很多，大多都是公公婆婆級，見到咱們就頗熱情地為咱們留了一張枱，有許多人都是搭枱的，枱與枱之間很狹窄，所以坐通道外的友人都不時要換坐姿躲避，令她們哭笑不得(￣∇￣)見到menu真的有點點驚喜，吃慣連鎖粥店的咱們這代人，見到廿蚊樓下一碗粥真的挺開心的!這裡的阿姨都是直接大叫下單，而不是用手寫的，效率亦非常顯著，所有食物都超快就上枱了!(≧∇≦)俺吃的是皮蛋瘦肉粥，皮蛋四五塊，彈牙但不是俺愛的那種軟稔質感，所以俺都剩下了幾塊。而粥則軟綿香口，瘦肉碎頗多，讓俺大快朵頤，早晨空虛的胃部得以填充，真想再來一碗!友人叫了的蛋黃糭超大個，兩巴掌合埋捧著那麽大，味道俺不清楚，但

食店光顧後簡短報告食店寶號: 國記 ~ 元朗炮仗坊28號地下光顧日期時間:20 July 2014; 11:00am1. 食店地點及交通:-地點方面：適合附近居民。交通方面：港鐵與步行或乘巴士2. 食店環境:-環境方面：座位密，燈光，裝修，冷氣，噪音合格及整潔程度不是有大問題，但有改善空間。3. 食店食物:-食品方面：艇仔粥 (粥底好味加了腐竹一起煲，艇仔粥保持原味是加無碎牛肉 ，真難得) 。淨腸粉 (粉底調教適度，味度要幾十年工夫才能做到，加豉油後實在好味) 。蒸蘿蔔糕亦是值得推介的食品，不是經常有機會品嚐，因出爐後很快估清 。 另外豉油炒淨油麵份量太小，配料不足，有空間改善，整體食物質素合格。飲品方面：~4. 食店服務:-輪候入座方面：安排及等待入座位時間合格。店員方面：員工禮貌及態度合格。等待食物方面：由確認食物至食物到顧客枱前，等待時間合格。付款方面：大至合格，但有八達通付款會更好。5. 整體價格:價格方面：早餐 $50共2人; 價格合理。6. 整體評價:-合格，會再光顧。7. 建議改善:-食店環境：整潔程度不是有大問題，但特別是弄腸粉的廚房有改善空間。用另一角度看這是老店的特