La Casa Bistro (Closed)

一個漢堡包要$60-$70，一定有佢嘅原因今次我就膽粗粗去叫一個漢堡包.很有酒吧西式風格，很多外國人在這裏吃午餐叫了一個雞扒漢堡同事也叫了一個炸魚漢堡.感覺很清新他們有細心去調味例如炸魚柳漢堡入面有牛油果等等的成份就是加上這一點點的味道，令到漢堡扒變得很不一樣

中午去左上環食飯，見到呢間漢堡餐廳有幾多選擇，我就見到呢度有$58嘅墨西哥炸魚漢堡。有Guacamole 又有salsa， 超有墨西哥風味，不得來食番個。炸魚熱辣辣，salsa則有啲凍，感覺係冰火之間哈哈

真係好耐冇出街食飯, 悶到發慌了,  今日終於忍唔住獨自出上環搵食, 政府叫唔好gathering, 孤獨食不會口沫橫飛, 可以喇啩, 久仰大名的La Casa, 真正牛肉漢堡包!!美式漢堡包小店, 格局簡約光猛, 播著輕鬆節奏的英文歌曲, 好有holiday feel!!La Casa主打包漢堡包, 手工意粉及美式小食, 今日特登黎食呢個HEROES COMBO $188套餐。Heroes craft beer 手工生啤Heroes craft beer 可選light或重口味, Heroes係一個結集香港啤酒愛好者平台, 與其合作創造出獨特而具啟發性的啤酒出品。 手工生啤泡沫幼細豐富, 色澤金黃, 入口順滑, 清爽帶花香, 生啤首要條件就系要夠冰凍, 它很切合這個標準, 涼透心, 對我而言, light的麥味已夠了。 香脆薯角連皮炸, 炸得脆卜卜, 薯角內是軟軟綿綿綿的, 送酒一流.殿堂級美國西冷(200g)漢堡即叫即做, 份量十足, 大得雙手也抓不住, 圓大又高挑, 要有兩個口先可以一口咬到底, 本應要用附送的木刀切開才吃, 我就性格比較豪邁, 好冇儀態咁.......把口張到最

之前提過呢個Burger🍔反應熱烈👏🏻大家都問係邊到食🇺🇸殿堂級美國西冷漢堡🇺🇸呢個漢堡外形巨大😍而且唔係用平日食開嘅免治漢堡扒🤪取而代之係薄切西冷牛🥩份量有200g咁多架🤩食落肉汁多到流哂落手到😜仲要牛味突出🐮小妹係孕婦🤰🏻所以要求牛全熟估唔到肉質都咁軟腍😚加上蕃茄🍅蔬菜🥬酸瓜🥒不能缺少嘅芝士🧀芝士係西冷牛上溶化哂🥳極其吸引簡直係非一般嘅漢堡包喔👍🏻超級滿足🈵

周五晚上黎到上環la casa bistro嘆反個burger~ 從外面感覺都幾有外國風店內座位不多，大概容納10-12人餐廳主售漢堡、意粉同沙律。所有漢堡包選項都可以飛包變沙律。唔洗驚剩食速食無益揀岩食物就直接去收銀櫃位先付款，野食就會送上。採用即棄一次性餐具, 雖然浪費左d, 但相對衛生得多。每日都有兩款super combo set, 今次叫左一個不良牛套餐包八搭汽水。一個漢堡，芝味薯條、汽水就選左雀檸。經典芝士漢堡：採用麥包，外皮咬落比外面鬆化柔軟。牛肉漢堡都幾juicy!La casa bistro 另一特色就係所有漢堡包都可以走包變沙律，貪得意就叫左個殿堂級西冷（200gm) 沙律 $128上層舖滿芝士醬，下層沙律菜用左檻欖油、黑醋拌勻。食落啖啖肉，肉仲多過菜真爽。

La Casa Bistro probably has the best bang for your buck burger in the area, where a typical dinner has cost an upwards of $400. We tried the classic beef burger and a ‘bunless’ bbq chicken. The service was friendly and quick. The quality was fresh! We also ordered a truffle mushroom fettuccine, the sauce was creamy and rich and the noodles were amazing. We found out they make their pasta in-house, and again it was very good quality for the prices. They have a great selection of beers too. Next t

Casa Burger走到上環的各個橫街，中橫交錯，係呢一個充滿歷史既區域，每個轉角都有唔同既特色鋪頭，彷彿正等待我既發掘。本人筆名Burger Expert，自然係漢堡既忠粉，見到呢一間裝修精緻既漢堡店，當然要入去食下啦! -由於漢堡係一種要用手拎住食既食物，呢間餐廳值得讚賞既一點係入面有提供酒精搓手液比客人消毒，幾貼心~-經典牛肉芝士漢堡($68)經典漢堡係用一個包裝包住，感覺上會衛生d，打開個包裝，見到漢堡個份量都幾足夠，芝士有溶化既感覺，望落好邪惡~牛肉都幾厚身，食落都唔錯，唯一不足之處係個包皮因為包裝包住既原因淋左少少，但整體幾好食!-芝士薯條(+$20)呢到既芝士薯條價錢好經濟，平時其他餐廳既芝士薯條陏d都要$40起，呢到竟然只係需要$20就有。味道出乎意料地覺得唔錯，芝士同薯條個味道好夾，唔會一味得個咸字，值得一讚~-香脆薯角(+$20)香脆薯角即叫即炸，外層非常香脆而內層係軟綿綿既薯溶，唔錯唔錯~-Movenpick雲尼拿奶昔 & 朱古力奶昔(+$48)食美式漢堡點可以唔配奶昔呀~呢間餐廳既奶昔講明係用左Movenpick既雪糕黎整，Movenpick雪糕幾高質相信大家

兩個人想食小小嘢傾下，見冇乜人，可以座下。佢有個主打西冷牛漢堡包，因為唔太餓，下次先食。佢主打漢堡包，仲有啲意粉同埋炸嘅小食唔係太肚餓，個細隻啲嘅燒烤醬雞漢堡，件雞都幾厚肉唔柴，講燒烤醬甜甜地咁幾好食另外點左個意大利肉丸手工意粉，可能因為放喺個外賣碗度感覺上唔係太多，但係食落去都其實幾夠嘅。傾傾吓又口痕，點多個炸雞件，啖啖肉仲有啲芝麻同埋紫菜，都幾香口。依度嘅食品質素唔錯，唔似出邊啲快餐咁，個包其實仲可以轉做沙律添，下次可以試吓。

近呢排疫情嚴重，我都少咗好多機會出街食飯啊，每日都留係屋企食一樣野外賣，真係正宗口都掛。但係冇關係，最後為食嘅我都係忍唔住沖左去上環搜購物資資源又去搵好嘢食。呢間店舖喺無限極廣場嘅附近，地理位置方便，外面裝修乾淨可觀。入邊比我嘅感覺有一種美式快餐，非常有特色。今次我就叫咗兩個套餐：經典芝士漢堡 完全唔講得笑，芝士量簡直係爆燈，配合埋蕃茄青瓜等等一定要存在嘅配料，嗰種濃稠嘅口感不容忽視。咬落口之後，麵包鬆軟可口，牛肉有肉汁並不乾身，配合埋芝士洋蔥等等嘅配料，唔止有口感，亦都令成個口腔唔止充滿着牛肉嘅香氣，更加有一種清新嘅感覺。香脆薯角套餐配合嘅話其實非常便宜，只需要再加$20就可以食到好味嘅薯角，我可以好肯定呢一個薯角一定係新鮮炸俾我哋，當我擺入口嘅時候都仲係熱辣辣，薯角用料充足並且新鮮，脆口得黎薯香十足。日式汁燒豬腩片漢堡認真而言，豬肉嘅漢堡真係好少見，今次難得一食果然有驚喜。豬腩片分明而不鬆散，配合日式醬汁，充分將豬腩片本身嘅肉味散發出嚟，再加埋本身麵包鬆軟嘅口感再加埋內裏嘅蔬菜配合，幾樣加埋一齊口感十足，新鮮感一流。芝士薯條本人對芝士要求極高，一定要夠濃味先至擺得入口㗎。呢間鋪頭嘅

去文咸街做完嘢，成條街有好多嘢食。見到呢一間有個好可愛嘅漢堡包霓虹燈標誌，就決定食漢堡包啦。好肚餓，唔想諗就決定要佢個英雄套餐估唔到竟然非常大有200克西冷切成薄片，仲有豐富嘅芝士同埋配菜，絕對係一啖咬落去係咬唔晒嘅佢嗰餐原本跟薯角但係我就轉咗做芝士薯條仲配咗杯IPA手工啤酒佢好香又大帶甘苦，配咁多肉就啱晒啦肉嘅份量夠，質素都好唔錯，只係食起嚟會有少少麻煩，雙手會污糟食完之後係飽到上喉嚨，好滿足嘅。

記得以前去過一次La Casa ，還是賣意大利菜的La Casa價位已是比較親民，現在選擇少了，價位也更低。以幾款burger跟意大利粉為主打，身為漢堡迷，當然選了漢堡殿堂級美國西國西冷漢堡$128以200克西冷牛排為內餡，另配以炒洋蔥跑番茄，生菜等基本漢堡料份量算是頗大的，不過跟外間的漢堡專門店還是差了一點，牛扒不吝嗇地給了幾大塊，厚度有如一般西餐廳的牛排一樣。牛的肥瘦約五五開，熟度大概落在medium rare西冷的味道本來不錯的，不過由於是原塊上，漢堡皮跟其他配料都咬碎之際，牛排還是要嚼，漢堡配料不能合而為一，吞了包包，牛排還在不過。麵包有烘過，生菜跟蕃茄水份充足，用料不失禮，只是牛排好像分開上一樣，口感格格不入+48Movenpick 奶昔濃郁而不過甜，帶一些朱古力碎口感，又沒有冰，不會越飲越淡話說落重本使用Movenpick，本來就不會輸吧不過，杯子不是很大就是+$20香脆雞翼飽滿 外脆內嫩 肉汁多 配上泰式辣醬，值了店主非常友善，又說La Casa 是新開業的小店，所以一切尚待改進，希望下次見面能更出色吧～

商業區小店雖然唔似得大商場咁五光十色，但相對租平，用較平價錢食到好嘢的機會相對較大。今晚呢間西餐就係一個好例子。殿堂級美國西冷(200gm)漢堡 $128呢個漢堡包同我地一般食開嘅漢堡包有好大分別。唔係用一般免治牛肉、加入調味、混入配料做漢堡扒。取而代之係用西冷牛扒燒熟，再刨成薄片做漢堡餡料。配合番茄、生菜、溶透嘅車打芝士及即烘麵包。西冷牛肉肉味非常突出，並非一般供應商普通漢堡肉可媲美。炸魚牛油果醬漢堡 $58魚柳係即叫即炸，非常香脆。配合牛油果醬、紅洋蔥、香脆麵包… 簡單好食! 

呢間漢堡包小店價錢親民, 上環搵到抵食既餐廳都唔易～ 佢地亦提供無肉漢堡包, 素食者都啱食~ 各款漢堡包仲可以飛包變沙律 🥗。Combo Step 1: Pick Your Burger燒烤醬雞扒漢堡包🍔Step 2: Sides芝士薯條🍟Step 3: Drinks汽水🥤燒烤醬雞扒漢堡包裡面有烤雞扒、菠蘿 🍍、洋蔥 🧅、青瓜、生菜 🥬。漢堡包質感幾軟熟, 裡面既醬汁令個包食落更Juicy, 我建議點套餐, 加埋小食, 會更飽肚同滿足。

今日情人節男朋友為我安排了一連串活動，出發前當然要醫飽肚。男友帶我去位於上環一間小店食漢堡。餐廳面積不大，裝修充滿著美式風格，感覺好似置身於美國的酒吧，舒適自在。這裡大部份漢堡價格六七十蚊左右，價格合理。除左漢堡仲有幾款意粉同小食可選。適逢今日是情人節，店舖推出了情人節限定優惠。購買指定漢堡只要七十幾蚊就有埋小食加汽水，超級抵食。點了兩款漢堡分別是殿堂級美國西冷漢堡同經典芝士漢堡。漢堡相賣吸引，漢堡份量大，非常足料。特別是西冷漢堡，因為太大關係所以不知從何入手，店員好熱心主動同我哋介紹兩種食法，最普遍是壓扁漢堡一啖咬下，如果想食得斯文或者同人開心share可以用固定在漢堡上的木刀把漢堡切開。雖然食得有些少狠狽，不過不得不讚漢堡的味道出色。西冷牛味重，而且夠淋，這款漢堡不需要太多醬汁味道已經好出，貴得有價值。另外芝士漢堡一點也不失色。漢堡扒有水準，肉汁夠，不乾身，芝士再夾秘製醬汁，令人食指大動。小食選了香脆雞翼同薯角。炸物新鮮炸起，外皮夠脆夠乾身，雞翼肉嫩，不過表面偏咸加些少甜酸醬可以中和返味道。薯角份量比想像中大份，厚厚的薯角，熱辣辣，食完又飽又滿足。

今晚黎到呢間上環小店開餐, 室內地方唔大, 以高身座位為主餐廳主打係食 Burger, 而且仲有本地手工啤酒添殿堂級美國西冷漢堡將西冷肉切成一塊塊薄片, 份量足足有成 200gm, 配料有生菜、番茄、青瓜、芝士 … Size 大大個, 用西冷片替代漢堡肉, 食起上黎減少左唔少油膩感, 大愛煙三文魚手工幼蛋麵麵底唔會煮到過淋, 食落去有咬口, 用上大量煙三文魚同翠玉瓜, 加入忌廉汁煮成, 味道帶點煙三文魚嘅咸香味, 唔錯唔錯意式肉丸口感唔會實的的, 配上特製番茄醬汁, 非常開胃