La Casa Bistro (Closed)

今天只返半天工，下午跟同事到上環這間充滿文青色彩的cafe食個悠閒的午餐，外面下著毛毛細雨，而cafe內則播著悠閒的音樂，邊看雨景邊食午餐，十分悠然自得(笑)點了一個蘑菇煙肉奄列，前菜揀了螺肉沙律及凍檸檬茶... 沙律很特別，他並沒有平常用的沙律醬或千島醬，反而用了日式螺肉的醬汁，很有鮮甜的感覺。另外螺肉大粒彈口，配合新鮮蔬菜一起食，感覺清新！至於蘑菇煙肉庵列的分量大，裏邊亦有少許蛋汁流出，煙肉及蘑菇分量又香又多，鹹香味道很配合雞蛋一起吃，唯一美中不足的是奄列的外層煎得稍為有點過熟...不過亦無損這份午餐的美味！下次有機會再試其他菜式！

上環放工，經過見到呢間La Casa Bistro 見裝修不錯就入去試吓啦餐牌clams多士脆口得兩塊唔夠喉根本！Clams份量雖然不多，但好好食！又唔腥 必推Four cheese pizza口感豐富得黎芝士多到滿瀉，pizza邊都香脆既！減緊肥既朋友要小心啦！Chicken eggplant雞肉茄子芝士幼蛋麵！配合得好正茄子又甜又淋 雞肉亦不錯 幼蛋麵其實同闊條麵差不多 仲有小小芝士作點綴總結，經過此地食個簡單的晚餐是個不錯的選擇

今日約左兩位小學食飯，機緣巧合之下嚟左La Casa Bistro。La Casa Bistro係一間以手工意粉為賣點既餐廳。地方的確唔大，但坐得都算舒服，同朋友食晚飯最緊要坐得舒服。我座位後面擺滿一排紅酒白酒，不過聽日返工，所以冇叫酒，叫左Wild Strawberry Lemonade，清爽之餘甜甜地，入面真係有士多啤梨肉。前菜叫左香蒜白酒汁煮大蜆配多士。汁比較稀，多士浸落汁之後加添一份辛辣味。大蜆幾鮮甜彈牙，充滿白酒香味。意粉總共叫左兩款。以下呢款係黑松露野菌闊條麵。我個人非常鍾意手工意粉嘅質感，蛋香更加濃郁。野菌同意粉份量足夠。平時食嫌呢款意粉，但la casa bistro俾到新鮮感我。另一款意粉係意大利風乾火腿流心蛋煙肉忌廉坑紋通心粉。風乾火腿既鹹香加上香脆既口感令人一試難忘，醬汁非常香滑同creamy，仲有少少芝士味。火箭菜為菜式加添顏色，令賣相更靚。至於通心粉口感偏硬。最後仲叫咗個pizza，係迷你四色芝士比薩，芝士包括Mozzarella，Fontina，gorgonzola同Parmensen，口感非常豐富，簿餅皮仍然保持香脆，兩個字形容：邪惡！😈個人幾鐘意La C

嗰日經過上環 見有啲時間 就同個朋友食埋野先番屋企 經過見到呢間餐廳好似幾chill 雖然唔係好大 但感覺幾舒服 同埋店員幾友善 所以就入去試吓！😂餐廳入面裝修幾精緻 坐得都舒服另外佢哋原來主打嘅係手工製造嘅意大利粉都有好多唔同種類嘅意大利粉揀👍🏻呢度嘅食物種類都幾多我哋首先頭盤就嗌個香蒜白汁大蜆配多士呢個頭盤份量都算幾多兩個人食都夠另外佢哋嘅大蜆都好新鮮！食得出好鮮味同埋都幾大隻🤤另外嘅湯用嚟沾多士都好正👍🏻之後我哋就每人叫咗個意粉首先係黑松露野菌闊條麵個意粉嘅醬汁充滿着黑松露嘅味 醬汁分量都好多！另外佢哋主打嘅意粉的而且確係比平時嘅彈牙好多 同埋充滿鮮蛋味🙈兩者配合得好好🤤另外朋友就叫咗呢個意大利風乾火腿流心蛋煙肉忌廉坑紋通心粉呢個通心粉都一樣係手工製作 亦都彈牙好多！另外啲意大利火腿都好香肉味 加埋流心蛋嘅蛋汁 令到成個通粉好creamy🙈最後我仲叫咗杯Matcha Latte抺茶味好香濃 但稍為淡味左少少 如果甜少小少會更好！🙈另外亦都好有奶香味 唔會太多抺茶味變好澀👍🏻整體來講呢度嘅手工製品的確好出色 而且落嘅份量同配料都唔孤寒 下次再食Tea都得!!!!!🤤

上環不嬲都多一啲Cafe小店啊，今日喺永樂街附近行吓行吓去到文咸東街，見到一間幾別緻嘅餐廳，我揀咗佢Weekly brunch menu嘅嘢食，叫咗三樣，兩樣主食、兩杯嘢飲、一個甜品🍮牛油果班尼蛋配意大利風乾火腿 $128其實呢樣嘢食都有誠意嘅，因為佢牛油果都算幾多，蛋有少少鹹，但佢配搭埋其他嘢嘅話口感都唔錯。😁另外叫咗個all day breakfast : 水牛芝士車厘茄、煙肉、炒蛋、牛仔腸、藜麥橙沙律、多士$158菜式好豐富，我尤其鍾意佢嘅沙律同蛋，啲蛋好creamy.💕👏🏻Tiramisu$68呢個甜品🍮推介👍👍👍正呀⋯⋯嚟到一定要叫呀🥰🥰跟餐仲可以叫多杯嘢飲，我叫咗Mocha☕️其他相片：

上環有好多有特色嘅Cafe，今日又嚟咗呢度搵下午茶食，揀左:1️⃣牛油果🥑班尼蛋配意大利風乾火腿 $128一切d蛋漿流曬出黎，好療癒啊😍蛋係鹹嘅，配包食啱曬，同埋牛油果真係好新鮮啊❤️個沙律份量唔少，夠新鮮，仲有意大利風乾火腿，夠鹹香😚2️⃣All day breakfast ☺️水牛芝士車厘茄，煙肉，炒蛋，牛仔腸，藜麥橙沙律🥗，多士$158個炒蛋正！好重牛奶味，好濃郁☺️煙肉脆卜卜😚腸仔表層有咬口，味道都唔錯😌超級鍾意個沙律，有驚喜！👍🏻👍🏻👍🏻估唔到藜麥可以咁好食，個醬汁酸酸甜甜，水牛芝士車厘茄都幾好😝3️⃣tiramisu $68超級推介😍😍😍😍下次嚟食都會食❤️❤️❤️入口質感柔軟，唔會好水，濃郁香滑，配埋個手指餅食真係好match😋冧酒味出❤️❤️❤️4️⃣飲品: 凍奶茶少冰，熱matcha latte

平時我喜歡四出去吃各式各樣的下午茶 能夠慢慢吃著小點心, 談天, 休息的假期真的很寫意喔！早前去了中環的活動後便去找吃的 走著走著找到了上環一間意大利菜的小餐廳 看到有下午茶三層架便入去試試 (其實我不是跟吃大酒店的, 小店也有很出色的菜色喔!!) 小店的位置不大, 不過裝修也很獨特 其實有很多不同的Brunch可以選, 不過我點了三層架的下午茶 原因...? 等我慢慢跟大家介紹吧 (笑) 三層架要來了, 大家看到有沒有想到為什麼我會選這個? 說真的是因為我已經吃過午餐了 只是想找點輕食 看到這個下午茶, 裡面有3分之2的食物也是咸點!!!!!!! 真的是很對我胃口吧 (因為我不太愛甜食XD) 第一層有芝士漢堡和雞翼 芝士漢堡很不錯, 小小的但是也很有肉汁 雞翼十分之入味 第二層的是蟹肉撻跟鵪鶉蛋車厘茄串 這層好像是給你吃完上面那層休息一下, 再轉吃甜的 第三層是甜品, 話說不愛吃甜的我全部吃完 因為他們家的Tiramisu真的超超超超好吃 真想吃整個 XD 飲品我選了普通的熱奶茶 貓貓的匙很可愛, 很治癒 吃著這個下午茶休息一下的時間令我很舒服

難得今日請左半日假，於是走至朋友公司附近同佢食個lunch 呢間餐廳係一間好細既餐廳，基本上得大概八到十個位倒。小店設有set lunch , 價錢大概一百蚊一個人。今次叫佢個雞肉意粉。佢既食材都好新鮮，而擺碟都好有心思。味度係好食，不過唔算有咩驚喜。但係佢既手工意粉做得幾好，有自己既特色。佢既軟硬度係偏硬身，但我鐘意硬身既麵，所以都幾鐘意佢既質感。配合佢既creamy sauce，係好好味既配搭。餐廳因為細，所以要好好甘坐好耐就無可能，但係個邊番工既不妨一試呀！

今日係端午假期尾聲，適逢老公生日週就下午拍下拖後返屋企附近食餐意大利爲生日興祝及長週末畫上句號今晚去左位於中上環，屋企過去只需要8分鐘既餐廳食個興祝飯，需要話食咩唔緊要，最緊要係同邊個食，但如果食物又好既就錦上添花啦今次點了個白酒煮蜆配多士，片多士真係好鬆軟脆口，但又唔硬唔碎，唔會食到成枱都係配埋太太粒蜆肉，清甜，個湯都清清地配麵包都好夾平時我食薯條係真係晤會點茄汁，但呢個配搭食係好特別，我每一啖都想食茄汁，但並唔係因爲薯條無味呀，仲好鬆軟呀，明明食緊炸野都唔會覺得好熱氣呀蛋麵有彈性，有咬口，配上好多單同種類菌類同蛋白，食落都好滿足，仲人生第一次食蕃茄仔，無錯係第一次（我個人其實好偏食🤦🏼‍♀️）今次坐左餐飲的角落，可以同老公傾下計食下野，每次都好有拍拖感架P.S餐廳好配合用菲林相機影相咁🤣P.PS店員都好親和同係有經驗的，比起尋日去的餐廳感覺好好多，又係少店的另一令人愛上既感覺

在上環站附近搵到間唔少人讚好的cafe, 見佢有我鍾愛的Egg Benedict 就決定去試一試。12點幾去到都幾Full, 唔使等位，不過要搭枱。小店一眼望去，大約20零個座位，距離幾近，聽到隔離枱講呢間店有樓上雅座，但我已經入座就沒有去探究。Avocado Egg Benedict & Cappuccino杯咖啡正正常常，無咩特別。Egg Benedict 底層個多士好脆，醬汁既份量同味道都ok，切開流心蛋那一刻感覺最治癒，橙黃色的蛋汁緩緩流淌，配牛油果清清地。如果將Parma ham夾在其中，而非獨立放於碟邊，豐富個味道，唔知會唔會好味d呢？

今天是佛誕假期，打算到上環與另一半影影相，散散步。約了下午的時間，打算先吃個下午菜，然後再開始我們的行程。點知，一出上環地鐵站，幾乎十間餐廳食肆有九間都落閘關門，公眾假期下的上環顯得特別冷清。我們不想食連鎖快餐店，於是一路行一路行，竟然比我們發現到一間非常之寧靜、休閒的 Cafe - La Casa Bistro 。由於處於假日的中下午時段，餐廳暫時只有Brunch Menu。反正我倆都打算食Tea，那就不如看看有什麼選擇吧。我們看到餐牌，馬上可以作出決定，點一份High Tea Set for Two，二人歎一下世界。• High Tea Set for Two, $198High Tea 的小食非常貼近大眾口味，有迷你漢堡包、雞翼、水牛芝士車厘茄串、蟹肉酥皮盒、甜品。值得一讚的是食物造得十分的骰，尢其是迷你牛肉漢堡包，面包配上綠和黑的顏色，在整個High Tea中十分突出。味道方面，我個人認為甜點比鹹點做得更為吸引。特別是朱古力脆脆蛋糕，和Cup Cake，味道十分香甜。最後，我們特意點了一杯 Mocha 和一壼Earl Grey Tea，雖然每人要另加$20，但我覺得這杯 Moc

平時做野忙到食個飯都趕頭趕命星期日去cafe食野都係想悠閒地享受一下假日時光點知service差、結果仲趕過去茶記事緣下午兩點入坐當時完全冇人同我地講過有關門時間落單、一片混亂下又被漏單都唔緊要咪傾下計坐下lor2:30先開始出菜俾我地2:40出齊d野食剛剛諗住好野食得個陣個staff走黎同我地講：唔好意思呀我地3點要關門了我話：吓？你意思唔係last order only而係要清埸呀？Staff: 係呀。。。我：我都唔想、但係我都因為你地漏單我等左半粒鐘先有野食Staff: 我知道你地好多野食，係有d難嘅，不過你地盡量啦。。。我：。。。（無言）唉、俾佢咁講乜holiday mood都冇曬la結果我地用less than15 minutes倒d野入口之後走起身走個陣佢地可能都覺得唔好意思走黎講唔好意思sorry ar 你地其實唔駛咁趕既你宜家先講呢d野拎個尾彩有乜用我聽到佢地d staff 圍內講3點係員工食飯時間呢間店嘅老細、如果你睇到呢個食評好明顯你地d員工覺得自己食飯時間至上不惜一切趕客走野食有幾用心幾好食都冇用啦Service 係咁真心唔會再回頭了不談論拉花效果味道實在令人失望

公司好近La Casa，經常去食lunch，因為好抵食，around $100就食到高質既手工意粉，而且仲有沙律/湯or飲品，喺呢區黎講都好難搵到。上星期OT收工咁岩屋企冇煮飯，OT完辛苦又想善待自己就去左La Casa食晚餐。我order左個意大利風乾火腿流心蛋煙肉忌廉闊條麵Set，原本呢個汁係配坑紋通心粉，好欣賞呢度可以俾食客免費轉想食既意粉，好flexible！流心蛋煙肉忌廉是一個邪惡的combo，佢個汁煮得好creamy同smooth，奶香十足微帶芝士味，風乾火腿略咸但好crispy，撈埋個汁食中和返，闊條麵重蛋香彈牙口感十足，成個combination都好夾。我仲加左$30 upgrade 左前菜做白酒煮蜆。蜆是新鮮既外國貨，沒有沙而家隻隻漲卜卜鮮甜帶酒香，再配上脆口既多士，好好食。其實食完前菜同主菜已經好夠飽，最後仲有個甜品同餐菜。甜品方面是芒果千層蛋糕，伴碟精緻，生果鮮甜，蛋糕的質地略硬，但味道也是不錯。埋單around $230，呢度其實已經差唔多去到中環，以呢個價錢係呢個位置食到唔錯水準既意大利菜，實在推介，尤其係lunch set真係好抵，而且5:00pm前都有，去

店舖比較細小，座位貼近，不過十一點半左右去到，都未算係好多人既😌貌似係老闆既人為我地送上餐牌，態度都幾友善，見隔離檯有孕婦，肯幫佢轉用料，睇得出係有心做既☺️▪️ 雞肉蘆筍黑松露忌廉闊條麵 💲102 (Set Lunch)是日餐湯係蕃茄湯，質地係偏向洁身既蓉狀，味道濃郁頗為唔錯🥣至於闊條麵整體就偏清淡，汁係稀身，食落係有黑松露味既，但係比較薄弱，仲有唔少芝士片，雞肉有輕輕調過下味，蘆筍間唔中有啲渣，不過手工製麵條夠滑身同掛汁🤗🔎 整體評分（7/10）

一句說話總結《La Casa Bistro》La Casa Bistro是上環一家讓人每隔一段時間就想再三回味的西餐廳午膳時提供多款菜式試過幾款之後都發覺水準甚高猶其是特別喜歡野菌煙肉忌廉燴雞酸甜開胃令人一試難忘的還有即磨咖啡香味四溢充斥整個小店原以為只有地下數張桌椅幾檯客誰知原來別有洞天可以在店內經過螺旋樓梯攀上閣樓享用一頓精緻且寧靜的佳餚彷佛置身歐洲意大利令人十分懷念當年渡蜜月時與老婆進餐的醉人時光。