La Fleur Too

Open Now

Now Closed

抵食法國菜🇫🇷前酒店扒房經理主理海鮮拼盤- 法國生蠔🦪、法國凍蝦、法國凍螺海鮮拼盤所有海鮮都好鮮甜，特別推介佢嘅法國凍蝦，唔係平時可以食到，佢嘅肉質比平時嘅蝦乾身少少，雖然細細隻但蝦味好濃！西班牙黑毛豬火腿配哈蜜瓜火腿好夠年份，就咁食都唔會覺得好咸或者好油！配埋超甜嘅橙肉哈密瓜🍈一流西班牙乳豬乳豬外皮好脆肉質好嫩滑，食落唔會有豬蘇味大蝦蒜片茄汁意大利粉茄汁甜酸度適中，大蝦肉質爽牙👍🏻

一黎到覺得環境係唔錯. 但愈坐愈嘈. 兩個人傾計都有難度🙈前菜有沙律/餐湯/法國鵝肝醬主菜選左西冷牛扒配燒汁. 個扒5成熟黎講係控制得幾好. 但佢個扒有筋又難咬😥最後飲埋杯野飲就走人了

第一次同朋友食呢間法國菜，位置係後巷上去，門口唔大，不過原來都幾多位，裝修好有法式感覺。豬嘅份量最多，牛都煎得唔錯。天使麵幾有驚喜，酸酸甜甜好重味。咖啡就比較淡味。

餐廳位於唐樓的一樓，要上去就要好似去人地屋企咁先按門鐘，開左閘先可以上去。環境好逼，每張枱都貼得好近，差啲連拉椅子的空間都無，同隔離枱係背貼背呢到有餐前包供應，前菜可以揀沙律或者湯，主菜係三文魚或牛或豬鞍我叫左三文魚，擺得都乾淨精緻，三文魚扒下面墊左薯蓉同紅菜頭，三文魚扒煎到全熟，不過我接受到，唔腥，配埋下面類似忌廉汁的汁都幾好味，不過份量就比較少，女仔食都唔太飽朋友叫左medium rare 牛，碟上更顯空虛，下面只有一粒車厘茄，兩塊意大利青瓜，仲有少少菜，真係唔係好夠食煎得少少韌過頭重點係呢到極不適合聚餐，可能唐樓設計樓底好高，所有人講野的聲量喺室內放大好多，好難傾計

在不起眼位置的大廈入口，上樓的一間法國餐廳 - La Fleur Too. 法國餐俾人感覺是需要用好耐時間，慢慢享受的不同多款式的菜色。但在繁忙嘅灣仔，午餐時段好短大家都要出嚟「搵食」，呢間法國餐廳午餐時間早早已高朋滿堂，想坐耐些食都不可以，因為大家趕返工。餐廳細，不是太多枱，距離近，所以坐滿人便很嘈。其實同西餐廳差不多，午餐都係有前菜，主菜及餐飲，不需要喺度花時間等候食。前菜有：蘑菇忌廉湯，蟹肉粟米沙律，法國鵝肝醬選擇。我選了沙律，沙律菜新鮮，配最愛粟米及芝麻醬，加上小量鮮味蟹肉，啖啖清爽味道。主菜西冷牛排配燒汁，五成熟，煮到剛好，配菜有瓜菜，可以平衡一下。由於太多人「搵食」， 時間是金錢，所以上菜特別快（應該說食得慢者會覺得急）。所以軟綿綿的麵包我留待配香滑嘅咖啡時才食，需凍了少許，但仍好匹配飲咖啡時間。

Went there for lunch (I’m indeed sitting here as I type), booked a table for 12:30pm. They served us the main course when we are still having our soup. Put the bill on our table at 12:50pm when we just started our drinks.Food was ok, not great not bad. It’s more of Hong Kong style western dishes, I can’t even call it French. It’s a rather small place so all the noise was trapped, it’s hard to hear your dinning partner across the table Honestly, probably McDonald’s would have given us a better di

終於又到Happy Friday 喇，之後又有３日連假，難得咁開心，就同同事食餐好嘅。揀咗間法國餐廳，門面就唔係好顯眼，係橫巷入邊一棟舊樓嘅一樓，入邊都唔算好大，但估唔到lunchtime 都full 哂喎。Lunch set 嘅款式唔算多，今日有４款，價錢就包左前茶﹑主菜同飲品。是日餐湯係蘑菇忌廉湯，首先要讚嘅係個湯好夠熱，入邊蘑菇都好多，好creamy 好香滑，唔係行貨嘅餐湯。主菜就揀咗三文魚，上到枱都幾大份，男仔食都一定夠飽。先講三文魚，外皮唔會煎得太燶，一入口油香好夠，完全唔會過咗火，一啲都唔乾身，切開亦唔會碎開哂，配埋忌廉汁balance 得好好。伴碟嘅薯蓉屬於幼滑冇粒粒果種，調味相對咸少少，但夾埋三文魚食就perfect 喇!最後再用杯咖啡做總結，大家一齊有講有笑，咁就成就咗呢餐happy Friday 嘅午餐~

好耐冇光顧此店，今日重臨，我哋一行四人一上到去就俾現場密密麻麻嘅枱同埋嘈雜人聲嚇親，枱與枱之間距離..… 算啦快D食完快啲走😅食物方面，首先上咗面包熱嘅幾好味，跟住蟹肉沙律，頭盤嚟講份量都算多，菜新鮮，蟹肉都👌🏻唔會雪味，我叫左豬扒，厚切但肉偏乾，好一般，反而薯蓉幾滑不錯👍🏻，同事叫牛扒7成，嚟到係熟晒，另外天使麵就正常啦，午餐包飲品，同事叫奶茶，嚟到杯奶茶似多奶嘅咖啡咁色，問清楚確實係奶茶，同事要求少奶，侍應不耐煩回應，少奶?…自己落啦！我哋四人不約而同呆左，嘩…咩態度？其實成餐飯我哋都唔想傾計，因為實在太嘈。我哋食完一出餐廳，就覺得舒服晒🤗最後，我哋走咗先醒起，餐廳典解無幫我哋量體溫嘅?!

餐廳係一樓，一入門口就見到枱與枱很近，接待的人唔知係未太忙，冇量體溫就叫我地坐某張枱。張枱其實係二人枱，不過我地要四人坐。衣度價錢其實唔貴，主菜都有幾樣揀，所以比較多人。前菜大家都要蟹肉沙律，味道唔錯，份量正常。麵包都鬆軟。我叫牛，七成熟，但來到係全熟。同事叫豬同天使麵。天使麵正常，豬就有D鞋。餐飲咖啡可以，奶茶就麻麻。服務就有待改善。

呢個時勢，食好嘢都不用訂枱，食法國餐，想起這裏，又平又抵。不出所料，但估唔到，廚師唔帶口罩，都算，侍應，經理都唔帶，上年驚帶口罩，現在驚唔帶。消毒雙手，除口罩，才揀餐，點餐要抵頭，保持與侍應距離，送餐，有些避忌，戚戚然。南瓜湯香滑，不是多忌廉滑，而是南瓜磨到幼滑。三文魚扒，熟而滑有汁，馥郁魚味， 厚身，薯蓉一流又係軟而幼滑，又不是加牛油的滑，配蜜糖介末汁，介末味淡，又係滑，貓咪食魚， 舐舐脷。烤豬柳，比第一次食薄咗的的，但同樣有汁有肉味但又熟，煎香焦邊，對住厚切豬豬，似狼、老虎獅子， 嘩嘩！現在豬肉那麼貴的時候食佢更係抵，街市買$50排骨，都冇咁多肉。侍應每次行過來，心驚驚！

最近好多時都食外賣，呢個武肺真係好麻煩！終於忍唔住要book返間餐廳出去食餐好小小既lunch,食完快快手返公司！平時lunch好旺場，今日都算多人但無平時咁爆！但d員工係無帶口罩，可能避免引起恐慌掛。同有d鬼佬餐廳一樣都係唔帶口罩。但今時今日唔帶口罩唔多唔少都會令人擔心，安全指數麻麻，但好彩台同台之後都唔迫，環境餐具衛生！野食真係唔錯，個南瓜湯又香又滑又濃！牛排味道同份量都岩岩好，暑仔同暑蓉都好夠味！暑蓉仲好滑食唔停口！總結：都會再黎食，但唔會係呢排疫症淡d先！

好久，好久以前來過，印象深刻，水準不差，價錢唔貴，比其他法國餐廳，簡值係低，但有些嘢講緣份，實在太多選擇，貪新忘舊的我，雖然明知佢對我曾經好過，都未曾回頭！今次精靈生日月，同佢再來，懷念厚切香煎豬扒，今次無，點蕃茄蟹肉意粉，闊少少意粉，最爽爽滑滑，意粉有質感，滲入蕃茄肉汁，蟹肉鲜味，黃椒甜味，口感豐富，不咸不淡。香煎鱸魚，皮香咸脆，賣相挺直，但魚滑度，魚味撐的的，黃色汁以為芥辣，但不是，不知味。西餐的價值要加埋環境，這裏白牆，雪白枱布，木窗框，玻璃窗邊有切割，西洋油畫，古式吊燈，皮櫈，凝做歐式小店，整體package總分超值。

絕少留言你叫做係第一間之前打嚟問係唔係免開瓶費你哋話係我朋友再打嚟你哋都話係買單嘅時候當然唔係啦然後收咗我哋$200開瓶費你哋嘅解釋係就係冇解釋我哋結果都有比$200但係永遠都唔會再幫襯呢個係誠信嘅問題你一早講咗話收我哋冇問題然後個經理仲要嘻皮笑臉講話唔好意思啊我今日經理放假當我地傻仔冇所謂但係永遠都唔會再幫襯

餐廳位於2樓。唔係咁易被發現。有法式私房菜感覺。被帶到窗邊2人枱。隔離有好大個酒架。不過帶左酒去。叫左個seafood platter配酒。$580 for 2。望落價錢抵食。侍應話french crab同chery clams唔靚。轉左lobster 同oysters。就係鍾意小店有呢種flexibility。令食客真係食到最新鮮嘅食材。lobster好新鮮。肉爽鮮甜。膏足香甜。3種蠔配搭唔錯。有creamy有海水味有爽有甜。rose shrimps細細隻。不過細嚼兩口香甜爆發。有驚喜。sea snails就普普通通。正常貨色。食完個seafood platter感覺已經好滿足。仲叫左馬賽魚湯($80)。洋蔥湯($65)。同iberico harm($220)+melon($200)。不過掛住食冇影到相。馬賽魚湯唔多餐廳會做。因為要做得好的確唔易。餐廳做到非常高質。味道咸鮮唔腥。用料十足。食到好多一絲絲魚肉。相比之下洋蔥湯較普通。比較失色。iberico harm係手切。melon係飛機貨。不過性價比麻麻。可以唔試。最後叫埋甜品為一餐畫上完美句號。chocolate夠rich亦都唔會

之前經過見到灣仔有一間樓上嘅法國餐廳，適逢結婚周年紀念日，所以預早訂定位一試，訂位時已叫老闆幫我們寫菜式，有頭盤、湯、主菜、紅酒、甜品.......，質素相當不錯，值得一試麵包好軟，好好味👍🏻頭盤係生蠔及辣酒煮蜆，生蠔有兩款，好新鮮，蜆肉好厚身，好食😋法國鰻魚都係第一次食，感覺好特別，同一般的鰻魚不同法國黑毛豬火腿，唔會太肥，正😋馬賽魚湯，湯很濃郁，味道不錯主菜係慢煮羊膝同香煎龍利魚柳甜品係自家製雪糕