La Maison

Open Now

Now Closed

灣仔搵靜靜地又價錢實惠的餐廳食飯、有點難度！終於找到好友帶路！找到環境舒適可以傾吓偈、或者見客的好地方！我選了燒春雞,好友吃魚！味道不錯,可以再來試試其他食品！大家可以看看廳牌👇🏻

男朋友喺灣仔返工，成日都話灣仔lunch好貴又唔抵食，難得佢有間好餐廳介紹，就一於去試吓啦🤤呢度嘅lunch set會包湯、餐包同飲品，主菜方面，我叫咗招牌乳豬配燒烤汁配薯菜 ($135)😍今次嘅乳豬咁啱係髀位，外皮非常香脆，肉汁好豐富，肉質亦都好嫩，配埋個燒烤汁令乳豬更加突顯肉味👍🏻餐廳喺大廈一樓，所以唔太容易察覺，我諗大部分客人都係附近返工嘅打工仔🤣餐廳環境都算幾整潔，有地中海感覺嘅裝修，喺灣仔呢個食lunch唔平嘅地區，都係一個唔錯嘅午餐體驗😚

睇個名以為係法國菜嘅葡國菜餐廳環境好好哦，令人感覺很舒服，枱與枱之間沒有很近的距離，方便聊天！老闆亦會與客人聊天，又會介紹菜式。食咗個豬仔髀，價錢合理，但冇乜驚喜。之後食咗個必食嘅燒乳豬，好Juice，燒得好香。果然係招牌菜，份量亦非常之多！不過唔記得影相！老細再推介埋有燒乳鴿，同樣燒得好香，我唔食皮嘅我都忍唔住食埋啲皮！令我最深刻印象嘅係…深海魷魚，非常鮮甜，厚身，只係半隻已經食到非常之飽。呢個我認為係必試之選！都係唔記得影相！

有日食完飯行過汕頭街，見到有個餐牌放喺大廈門口，價錢睇落OK, 所以就訂左第日去食個午餐。與同事一行四人準時十二點出現，專登點左吾同既午餐：包括鷄扒配蜜糖燒汁，青衣柳配牛油忌廉汁，羊架併羊西冷配百里香汁，同素食餐番茄意大利粉。套餐配餐飲約一百元左右。個人認為食味同價錢OK, 環境清靜，雖然服務似茶餐廳feel, 但整體黎講可以Encore下。

在灣仔住左成年，日日都等巴士返工，已留意左呢間餐廳很久，現晚市回復，終於可以一試。 兩人，叫左兩個 appetiser ， 一個 main，已夠飽了！ 乳豬真的值得推介。 服務很好，姐姐很貼心。

星期五晚上放工後，由舊同事推介到這家餐廳晚飯聚舊。現場環境昏暗，窗台和牆身有地中海特色的擺設及風景畫等，別具風味。食物分前菜（約十多款）、主菜（約十多款）和甜品（共三款）三類。我們點了以下美食:炸馬介休球著名的葡萄牙美食，剛剛炸起，內裡熱呼呼的，蒸氣直冒。鱈魚乾的鹹香，混了薯蓉，外表的金黃香脆和內裡綿滑的薯蓉互相配合，有外脆內綿的感覺。蟹肉沙律外型是圓柱體，蟹肉底下是一層厚厚的牛油果，把它們拌得均勻便開始品嘗了。吃到一絲絲蟹肉的清甜味，亦可感受到牛油果的清新。這道菜口感細嫰，味道鮮美。羊架配薯條羊架共有三件，煎至熟透但入口不會感到堅韌，肉質仍保持細嫰，而肉汁仍濃郁，配了薄荷和芥末，令味道提升。薯條份量亦多，值得一提的是，薯條調味不算濃，不會像連鎖快餐店的薯條般過鹹。梳乎厘晚餐又怎少得甜品呢！它製作時間約15至20分鐘，所以我們吃主菜時，已經點了。梳乎厘外表呈啡色，內裡有大大顆的提子乾，亦配了香滑忌廉。質感方面，稍為結實，而甜味適中。剛好今天是星期五晚上，餐廳安排了樂隊在現場唱歌表演助興，更令人放鬆心情，忘卻煩惱。服務亦親切，使我們稱心滿意。

在汕頭街的長龍店排隊，15分鐘後依然毫無動靜；幸有食神眷顧，抬頭望見街尾一個樓上鋪招牌：La Maison! (啱啱睇完木村套摘星廚神，La Grand Maison Tokyo!咁橋！）。走去看看他們放在樓下的餐牌，嘩！有燒乳豬！（即時勾起饞蟲，久違的澳門葡式美食！）馬上轉軚。個set lunch 的燒乳豬絶不欺埸，大大份豬髀，外皮脆脆、肉質嫩滑多汁、配乳豬的醬汁也不錯（可以另上更佳）。$120連餐湯及咖啡（即磨咖啡，如果可以叫起則更佳）！午餐性價比高，推介！

My sister-in-law and brother-in-law was so kind to celebrate belated birthday of my spouse in the very first day of HK Government’s relaxation of social gathering to 4 pax. Joseph the restaurant owner gave us a private VIP room with 4 tables of 4 and our whole family comfortably seated inside still observing 1.5 metres between each table !We pre-ordered the food with a set menu of 10 courses which left us more than full. I missed out on taking photos of the 4 fried quail legs. Pretty good but a

好耐無食過e間，今日經過見佢有抗疫午餐$68起，免加一，於是決定食佢，上到去環境依舊優雅，可能時間尚早，得我一個，所以我可以放肆地影下個環境，叫了個西冷牛扒要意粉$108，好耐之前食過幾好味的，先上餐包及粟米湯，餐包外脆內軟，粟米湯鮮甜，好creamy，夠熱，主菜上枱了，牛扒比以前的薄同細塊，意粉好少，牛扒細塊了薄了也算，仲要韌。。有部份咬唔開。。要吐返出來，我同個職員講，佢話西冷係咁😅，anyway，下次唔會再叫牛扒，叫其他嘢算.

係灣仔翻左咁耐工 呢度D西餐真係數一數二既唔好食😂😂呢間算係我食過入面唯二個幾間對得住佢價錢既餐廳🤦‍♀·三文魚配刁草忌廉汁 $130呢個lunch set係跟餐湯 沙律 一個main同埋甜品 少少貴但係呢度間間都咁貴🤦‍♀佢個三文魚唔錯 我試過雞扒同埋豬扒都係高質既 大家可以一試 而且佢超級attentive 係真係會你每食完一個佢先上下一個 唔錯😎😎·#rbyeat#rby灣仔·📍灣仔汕頭街2號廣泰樓1樓B室

有一晚跟一班朋友來到這間位於灣仔汕頭街的樓上葡國餐廳，由於訂了房的關係，所以特別有私隱，吃飯大聲說話大聲笑都可以放盡。先開了兩支紅白酒，餐廳員工奉上了令人吃不停的餐前新鮮焗製麪包，加上牛油，真的害怕就此把吃飽了胃子。待所有朋友都到齊後，餐廳員工陸陸續續上菜，本人最喜歡的菜有紅酒燴羊膝（超入味！），非洲雞（有點辣）, 招牌葡式燒乳豬（不得了！）,法式洋蔥湯（若然有層在法國喝過它們真正的洋蔥湯，你會覺得是9成相似） 和甜品紅酒燴梨和心太軟（朋友還寫了生日快樂字在碟上給我，真幸福）, 紅酒燴梨必定要試，雖然不難弄，但烹調和漬的時間都很巧技巧唷。

the portion of this crab meat avocado salad is quite small that’s why I ate it all to myself we ordered a four persons seafood platter the Thai assorted appetisers produced by their L16 chef was so authentic the suckling pig was so tenderbaked portugese duck 🦆 rice amazing soufflé in terms of taste and presentation! great desserts always got another stomach for these!! loved the Thai addition in this restaurant after L16 spice & herbs joined this venue!

🇭🇰#香港捐窿捐罅記 instagram: foodkiller_dk之前聖誕返香港 請返以前既補習老師食飯 咁就揀間唔收開瓶費既 樓上餐廳去食飯 由於係請食飯我就唔寫價格 我發現我近排既post 都好公式化 寫到我都悶 等我講下其他無聊野先 我做gym都做左一排 雖然都仲係一個肥仔 不過我發現最辛苦既部位係腹肌同肩頭 特別係肩頭 要做晒果三組肌肉 真係攞命😭-🐷招牌萄式燒乳豬🐷（半隻）乳豬一路都係我好中意既食物 本page唯一一個9分都係同乳豬有關 佢個乳豬雖然冇得比 但都外皮脆 而且肉嫩 幾高質 可以話係必叫🥰🦞凍海鮮拼盆🦞全部海鮮都好新鮮 爽口彈牙 冇任何一隻係梅左 所以都幾正 同我係英國食果d差唔多🐮慢煮牛面肉🐮牛面肉好淋 不過肉味唔太重 靠個汁去比味🐌法式香草焗田螺🐌不過不失啦 味道方便又唔太特別 而且唔係個田螺入面 少左d風味 同焗唔入個味🥧法式焗梳夫里🥧蛋香重 好似食緊舊雲咁😂 唔過甜 幾好🍮心太軟伴雲尼拿電糕🍮冰火既配合 心太軟有流心 朱古力味唔太重啱晒我 因為我唔太中意食朱古力總結來說 幾適合拍拖 重要約會去-🎈灣仔汕頭街2號廣泰樓1樓B室平均傷害：$？？？好味值：7

在灣仔搵食，話易唔易話難唔難；想坐得舒服些、食得好些，都要花時間去試，trial and error。約了友人在灣仔lunch，選了幾間，最後來到這裡。在一條食街樓上餐廳，沒有大招牌，樓上舖好處係少了地舖的嘈雜，食飯傾談一流。來到時已見差不多滿座，好在有book枱。餐廳環境幾好，裝修有些懷舊feel，又有些家庭feel好warm的感覺，不像一些西餐廳冷冰冰。（冇錯，我係睇環境先，坐得舒服，食物就更好味啦）餐係好普遍的西餐，有沙律、包、湯、主食、餐飲，估唔到有甜品喎，睇相介紹返。沙律呢，其實我冇食，因為話蟹肉沙律。餐包係法包，表皮脆脆口感幾好；湯係忌廉湯都幾濃。到主食，點了牛扒配意粉、雞扒配飯。看樣子好普通餐廳的午餐ABC feel，但食落牛扒同雞扒都整得好好，牛唔會太靭，雞唔”鞋”。這裡的餐都算大碟，男士們肯定夠食。談談說說，lunch hour好快就完啦，我想坐耐d架。結尾的甜品是朱古力，細細件好好味。食野，除了環境食物，另一樣重要的是同乜人食。友好飯聚，傾下講下，就係一餐wonderful meal。期待同珍惜每一次飯局。

今日約咗人喺公司附近食午飯談點事，想找一間比較安靜的餐廳，所以走定了在這間葡法小餐廳吃飯去。餐廳環境非常小資，有些像歐洲小酒館的感覺，坐得非常舒適，很適合商業活動。午餐方面主要係幾個套餐的選擇，牛豬雞魚羊樣樣都有。我選了個牛柳，朋友選了個羊排，顯然羊架做得比較好，一點腥道都沒有都沒有。蘑菇松露湯做得不錯，還有薯仔沙律、麵包、甜點及咖啡。已經決定約其他朋友改天晚上再去造訪這間餐廳,試試它的主打葡國菜及法國菜。