La. Tomokuo Japanese & Western Cuisine (Closed)

同事生日餐，想找個好餐廳慶祝一下，不想去茶餐廳，所以想了在中海日升那邊吃 MOE，可惜 MOE 倒閉了，只剩下 La Tomokuo，感覺外觀也不錯，所以就試試看咯！我們很早就到所以還沒到 peak hour 所以沒人，進去看了一看 menu，價格很貴，但是是餐廳所以我們都 expect 一定有這個價格有一定的質量。 Lunch set menu around $80 - $150，menu 上的都超貴，所以還是選 set menu 好了。 我跟同事就選了最貴的 set lunch 肉眼配燒薯及時菜，另外同事不吃牛所以她點了日式咖哩吉列豬扒飯。原來他們的 set lunch 是沒有 餐湯，甜品，或沙律.....只有飲品...... 我們都點了咖啡 每人加 8元。 服務也不算怎麼好，但是肯定比茶餐廳好一點點咯在服務的方面。 吉列豬扒先上，感覺沒什特別，同事試完就覺得雞肉很普通，跟外面茶餐廳差不多。咖哩汁是咸的不是甜的？！ 不是日本餐廳嗎？為什麼咖哩是咸的呢？？？我和另外同事的肉眼還沒到，他們就先上咖啡，咖啡上來簡直是大開眼界 完完全全是茶餐廳的杯子，其實他們的餐具都很茶餐廳，憑什麼收那麼

第一次寫食評，不是快樂的分享！因為感慨有heart既食肆確實難找！！很久沒在觀塘找地方食lunch, 今日才發現food court沒有了！見到這間餐廳，感覺頗良好便決定一試無訪！結果真的只可以一試！何解1cm x 1cm既劍魚粒會被稱為劍魚柳？一碗價值港幣88元正既劍魚柳直通粉配薄荷汁及松子，除左蕃茄，直通粉同油，其他要好小心食先感覺到佢地既存在！劍魚"粒"有大約8粒 (隱約記得)！其實，系西式茶餐廳可以用50幾就埋到單！個 "日式咖哩" 吉列豬扒飯，好肯定用日式咖哩磚，不過，好難得調到得色但吾見左咖哩味！甚至朋友仔話有怪味！兩個 "午餐"包多冰可樂及室溫熱檸水承為了港幣160元正！前菜有冇其實吾緊要，可吾可以用心多一點？

其實，事缘收到佢地在日升中心派的傳單，想試下新鮮嘢就上去八卦下。我12:10pm 入座，只有4,5個客人，我order 了portobello cheese penne, 飲品包在餐内。想唔到，餐飲同意粉在5 分鍾内送上。很喜歡個意粉的sauce, 夠味夠creamy，但portobello 真係得好少，大食一點就會4pm 開始肚餓。賣相也不算吸引。檸檬茶細细杯，standard, 與期望没有很大出入。12:30pm 埋單有七折！原本$82就太貴了,現在只收$57,我覺得可以。

用OpenRice訂咗，要我自己打去confirm , 話收唔到資料，即刻電話幫我訂，我去到再提佢一次，都唔記得咗用openrice的，仲要OpenRice話我缺席！真係唔幫佢寫食評都唔得！食咗千幾蚊，埋單嘅時候先俾我聽只收現金，話因為未申請到，以我所知呢一間餐廳開咗都一段時間。餐廳比較細，環境迫，要夾埋自己係張枱度。上餐湯的時候，有兩塊麵包是燒焦的，店長肯幫我換。然後到上主菜的時候，配菜蘆筍一上菜便被店員倒到枱上，也是店長幫我補上的。餐湯沒有拍照，味道有冇什麼特別，還特地點了酥皮周打魚湯，我懷疑飲緊的只是罐頭忌廉薯仔湯。係朋友介紹嘅，話生𧐢好抵食。可能我星期日去，廿幾蚊只，話係法國Gillardeau. 但係一啲都唔甜，所以我有啲懷疑。不過可能係因為佢啲生蠔上得太遲，佢話開唔切，叫我食住其他野先，我的味覺都已經比其他更加刺激嘅味道充滿晒，所以覺得啲生𧐢冇味。呢個係他們推薦嘅檸檬橄欖油帶子，本來想叫刺身的，他們說這樣抵食啲，百幾蚊一碟，但係唔係我諗嘅帶子刺身一樣又甜又爽，而係有其他味道調味蓋嗰啲帶子味，啲帶子亦都唔特別爽。燒雞方面一般，中規中矩。可能因為食過觀塘區另一間出名食燒雞又多肉

打開open rice發覺觀塘區開了很多新店，於是隨便找了一間試試。這間餐廳位置偏僻，地鐵落車後仲要行一段距離。老闆很好人，🙌原本只有星期一至五的優惠，今天是星期六，也給我們，使我們在12:30前離開可以享用七折優惠，多謝！所以這一餐吃得有點趕，七折相差很遠🏃🏻‍♀️太太吃了鰻魚飯，他說很難吃他說飯一舊舊，像冷飯豉油很咸、多不像其他鋪頭用鰻魚汁，鰻魚質感淋、散我叫了一個牛扒，好吃😋火候剛剛好！

之前同事午市帶左我黎呢間餐廳試下, 環境ok, 都係偏黑偏暗既情調, 都比較細間. 我叫左"鮮茄辣肉腸意粉" lunch set, $78淨係得一客意粉連熱飲, 餐湯或者沙律都冇跟, 要另外加$10先有餐湯或者沙律, lunch set黎講價錢都算貴! 好彩lunch唔洗加一咋...後尾黎到見到個意粉賣相都唔錯, 見到配料有蕃茄粒, 蘑菇同埋辣肉腸, 仲有d芝士碎同埋香草灑面~ 味道亦都唔錯, 辣肉腸唔算好辣, 配料都算豐富, 意粉烹煮時間剛剛好, 質地爽彈, 醬汁幾香濃. 如果價錢平d 都值得試多幾次.

我上班都是這座商業大廈，從未到過這間食肆午膳。每天我遇見派傳單的員工，這是必經之路，每次見他對很禮貌地派發單張，我對他點點打個招呼，他亦很禮貌地與我打聲呼。我於是從openrice訂了今天12點30分午膳。我從入座到離座時忘記了拍攝留下美食，因為我覺得這裡有高質素食物；從他由下單至埋單的員工，他們對每位客人都親切地招呼及細心；環境令人很舒適。當他們捧出來的湯，食物和飲品，全部都是熱騰騰，又再次令人暖在心窩。我相信會再來光臨。

最近學人用某手機app屎預訂唔同嘅餐廳試下，因應唔同時段會有唔同折扣優惠，見過有啲最低可以做到半價，如果遇著啱食嘅餐廳都抵嘅。首次使用，睇過唔同評語後，預約左呢間餐廳試下，我揀嘅時段係6點鐘入座，可以有半價優惠。喺apm行到夠鐘過去，6-7分鐘左右去到中海日升中心，呢棟野以食肆為主，冇乜其他鋪頭，比較靜。我地準時6點鐘入座，本來以為咁靜局嘅商埸，餐廳應該冇乜人，哈哈，估錯，唔洗半個鐘已經坐滿人，9成客人都有預約，有唔少仲係一家幾口，有大有細。於是我心諗應該唔錯啦。餐廳位置唔多，裝潢同一般西餐廳無異，枱與枱之間空間感足，唔會好逼狹，環境都算唔錯店員清一色男生，但都幾細心、有禮，簡單介紹餐牌，全晚都好頻密換碟、換餐具，感覺想走比較高檔嘅路線。晚市供應套餐，包括前菜、餐湯、主菜、甜品、咖啡/茶，定價 $208-$238，可以接受。週日會特別提供8款套餐(sunday menu set)，包括主菜、咖啡/茶，定價 $78-$498，豐儉由人。每日亦有新鮮生蠔、刺身等(daily special)，另有沙律、燒物、小食等。以下係我地用優惠價點餐，最終埋單係600蚊左右。Gillardeau $4

在公司開完OT，晚上跟同事在附近吃個晚餐決定去平日常常經過，但午餐又沒時間一吃的西日餐廳香梨合桃沙律大大一盤沙律，蔬菜蕃茄又清新香梨合桃很甜脆，配塔得很不錯口感也豐富冷盤我們也點了一個daily special吞拿魚他他微咸，他他上的芝麻很香帶出魚鮮冷盤後吃熱的雜菌餐湯配法式多士多士烤得非常脆又香雜菌餐湯味道不算濃，可以再更濃一點小吃點了秘製招牌雞翼及香脆芝心牛肉波非常香口香脆芝士牛肉波咬開有點點流心芝士芝士味香，肉汁Juicy秘製雞翼做成雞鎚模樣，夠特別吃上去啖啖肉又夠惹味主食我要了香煎海鱸魚柳配南瓜蓉魚皮煎得非常香脆，魚柳夠厚肉魚皮與肉之間的魚油很香味道很rich魚肉嫩滑，但味道比較淡，再加少少鹽會更好旁邊的南瓜蓉也很滑夠香甜Daily dessert是奶凍奶味濃，非常好吃

今日LUNCH揀咗呢間試食, 前一日打電話訂位, 臨收線時侍應話呢到收現金, 所以都預定咗錢埋單, 餐廳樓下扶手電梯位都有人派傳單, 6:00PM前埋單有85折, 雖然話訂咗位, 但我地1:15去到都未滿座, 午巿餐牌種類都算多價錢亦大眾化, 上菜時間都算快, 可能冇乜人啦, 所以好快就有得食, 最耐都係個意大利飯蒲燒鰻魚滑蛋飯 - 賣相激似吉野家, 全枱人既感覺, 賣相不錯, 鰻魚汁都好多, 味道不錯是日精選意粉 - 白汁磨菇長通粉, 味道濃郁, 磨菇都算多鮮茄辣肉腸意粉 - 味道都係偏濃, 肉腸唔算太辣, 茄味唔算太濃酥炸鮮蝦南瓜意大利飯 - 賣相可以同高級餐應比, 味道方面, 唔覺有南瓜既味道, 反而芝士味好濃, 意大利飯飯好軟熟而且有濃芝士味, 炸鮮外層炸粉一啲都唔厚又唔多, 好鬆化, 裡面既蝦又爽口, 真係不錯凍檸茶 - 茶底偏濃就算加埋糖漿, 口感都係痲麻*** 呢餐最吸引我既係個意大利飯, 其他午餐都係一般, 而且呢到午餐唔駛加一, 如果有廣告紙仲有85折, 都算抵既

早前係街上收到張cash coupon , 見到上面的價錢咁抵, 當然要放工後同朋友仔一齊過去試探下啦. 餐廳內地方不太, 但四四正正. 一坐抵睇完菜單後, 大家決定一人一個set dinner, 簡單又快捷. 香梨合桃沙律 新鮮爽脆沙律菜, 配上熟透的香甜香梨 和 脆口合桃粒, 口感層次豐富. 撈埋黑醋, 開胃又醒神. 鮮蝦雞尾酒杯 鮮蝦大粒彈牙, 沙律菜新鮮爽脆. 配上千島醬 與 檸檬汁, 十分之開胃. 磨菇濃湯 配 蒜蓉法包 湯熱辣辣有濃郁的磨菇香味, 有厚度而不會感覺太稀. 法包搽上蒜蓉和牛油後, 烤焗得十分之脆, 香口又惹味. 香燒海鱸魚柳配南瓜蓉 海鱸扒都算厚身, 而魚皮燒得很香脆, 食落脆卜卜. 裡面魚肉雪白嫰滑. 值得一讚係配角南瓜蓉, 非常軟綿香甜. 魚肉沾上南瓜蓉, 味道更為鮮甜. 燒美國肉眼配黑椒汁 五成熟的肉眼扒火喉掌握的都ok, 切開仲可以見到粉紅色且同少少血水. 牛扒肉質非常軟腍易咬, 而且肉汁豐富. 配角炸薯角亦都非常香脆可口. 奶凍 - 有濃郁奶香, 口感香甜又滑嘟嘟 再追加但兩個小食, 分別係: Tuna TarTar TarTar賣相十分

喱間位於觀塘工廈區嘅西餐廳，主打日式+西式嘅fusion料理，聽起黎感覺已經幾新鮮。秘製招牌雞翼+香脆芝心牛肉波:雞翼烤到個外皮好香，咬落去啲雞肉仲係好嫩好juicy，香料味好重，配埋個辣汁，唔錯喎。牛肉波嘅芝士味唔算好重，不過牛肉味就幾濃，加上入口香脆，喱兩樣作為餐前小食真係幾開胃。蔥燒雞卷配照燒汁:外皮煎到微焦，所以會帶點甘香嘅味道。照燒汁香甜惹味，加上芝麻嘅點聚，整體調味出色。燒美國肉眼配黑椒汁:肉眼扒叫左medium，烹調嘅火喉掌控得幾好，入口依然保持住好juicy，好鮮嫩嘅肉感。牛味濃郁，整體水準幾高。旁邊伴碟嘅蔬菜吸收哂牛油同汁液嘅精華，味道好好。

難得可以去食西餐，係觀塘揀咗一間好有格調嘅餐廳，果然冇令我失望喎！前菜有吞拿魚他他，吞拿魚十分之鮮味，輕輕一啖已經食晒嚕！餐湯方面亦都有驚喜，蘑菇湯加上黑松露油，令到成碗湯更香，而且蘑菇湯煮得岩岩好，飲落好唔錯除咗有吞拿魚他他之外，仲有沙律作為前菜，沙律除咗有蔬菜之外仲有生果，加上少少沙律醋，令到成個沙律好香好吸引，食完之後都覺得十分之開胃！除咗沙律之外，仲有一個鮮蝦杯，除咗有一隻十分之鮮甜嘅大蝦係入面之外，仲有少少沙律菜加上千島醬，又係另一個開胃之作！主菜方面叫咗牛扒，牛扒五成熟煎得啱啱好！一切開肉汁流晒出嚟，而且牛扒汁味道十分之香濃，用嚟點薯條就啱啱好，茄汁都可以慳返而朋友食呢一個魚，亦都有驚喜喎！魚皮煎得十分之香，食落一啲油膩感都冇。除此之外魚肉香滑，旁邊嘅南瓜蓉亦都同佢好夾。

吞拿魚他他($98)叫左個他他做前菜，賣相好靚，食落口好滑，配埋調配好既醬，正！蔥燒雞卷配照燒汁set dinner($188)Set dinner包前菜、餐湯、主食、甜品，前菜司令揀左鮮蝦雞尾酒杯，沙律用杯上，賣相好靚仔，裡面隻蝦咬落彈牙，幾鮮甜，沙律簡簡單單落左千島醬已經唔錯。餐湯係蘑菇湯，加左松露油，超香喎，配埋焗到脆卜卜既蒜蓉包，飲落好滿足！講返主菜，雞卷中間卷起左啲蔥，食落唔會有好濃既蔥味，反而幾香，加上雞卷外圍係卷左雞皮，有夠一份油香，略嫌份量少左啲，男仔未必夠。甜品係奶凍一個，好香濃，好有奶味，比一般糖水舖更出色！

最近忙於籌備婚禮，經常要來觀塘，頻撲得多有時都想食返餐好少少既，晚上到觀塘食飯好處就係比日間容易搵位得多，尤其工廠區！不想四處尋找就係試衫附近的西餐廳食飯,晚上真的非常靜，大概只有一兩檯客。聽說食白肉對皮膚比較好，一於食魚啦!先上頭盤鮮蝦雞尾酒杯的蝦好爽呢！食得出幾新鮮，而且三隻都幾大隻下，可以加少少檸檬汁提鮮餐湯- 蘑菇湯值得一讚係塊包，非常香脆而且蒜蓉牛油好香。蘑菇湯中加入幾滴松露油增加香氣主菜來了香燒海鱸魚柳配南瓜蓉用燒的方法做，皮會更香脆，魚本身幾新鮮所以簡單鹽、胡椒調味都好足夠，但願有多少少南瓜蓉就好了最後送上甜品忌廉奶凍好傳統的意大利甜品，我好怕甜品過甜，呢個奶凍做得剛剛好，食完都沒有膩感一個餐加一後約$220, 約朋友傾下計食飯不錯的，環境清靜而且不會趕你走