La. Tomokuo Japanese & Western Cuisine (Closed)

咁岩黎到觀塘呢頭做嘢，有見到個環境好似幾舒服，就走咗入嚟坐吓。Dinner set 岩哂諗唔到食乜既我地，開頭見到人點呢個，好似好得意咁，就叫左呢個黎食，原來係吞拿魚他他。本身唔係太好吞拿魚既我，竟然會接受到呢隻味，加左他他醬就好似重生左咁，吊返哂啲味出黎，掂食完個entry ，就開始食個dinner set menu 香梨合桃沙津同平啲既沙津一樣，再加左合桃，食落有更多口感女朋友就食呢個雞尾酒蝦杯蝦都係用新鮮既，爽口彈牙做一個好開胃既前菜呢個奶油蘑菇湯，飲落好滑身每一啖都好香奶油味，但係又唔會覺得heavy呢個蔥燒雞卷由佢拎出黎個下已經知道唔少野，好香蔥味，食落去出面層皮又脆，肉嫩，再加埋個燒汁五分鐘就無哂肉眼扒配黑椒汁我叫左個五成熟，唔會太生之餘，又會保留左足夠既肉汁。好juicy 到最後加返一個牛奶奶凍，咁就劃上一個完美句號

上次黎過呢頭食飯，發現呢間西餐都唔錯，於是朋友就約左我係度聚會了。夜晚有Set Dinner, 環境間調氣氛，服務都很好。Menu 都有不同選擇，有牛肉，魚，豬肉等等。Drink Menu 叫左杯strawberry果茶清新一下,幾重茶香!餐湯係磨菇湯，非常入味濃郁，食到磨菇蓉，仲有蒜香多士點湯食,即叫即整。前菜係健康沙律。沙律加左蜜桃粒，合桃，少少沙律醬，所以口感不錯,份量亦夠。我個Main 就叫左香燒鱸魚柳配南瓜蓉$198鱸魚係燒既關係，冇咁熱氣。外皮脆身，入面既魚肉仲幾幼滑。伴淡淡南瓜蓉，甜甜的口感作為汁好特別。仲有少量磨菇，蔬菜伴碟。甜品係生果奶凍，甜左少少，但好濃郁奶香味。食埋甜品食飽晒~滿足的一夜~

放工後在公司附近和未婚妻逛逛觀塘的家品店，看看未來新居的擺設，走著覺得餓了，見La Tomokuo 好像也不錯便進了去。觀塘午市熱鬧得很，晚市卻靜得可憐，樓上鋪的晚市生意更是難做。雖然餐廳不大，不過也只有兩三檯客人，顯得有點冷清，不過換來寧靜的用餐環境，舒舒服服，對食客來說也可算是bonus吧。餐廳提供set dinner, 拯救了有選擇困難的朋友，話雖如此，頭盤和主菜還是要選的，最終我選了沙律和烤豬扒。香梨合桃沙律蔬菜新鮮，蕃茄和梨切角，吃下去較有滿足感，梨的熟成程度剛巧是我最愛的那一種，梨香撲鼻、口感軟綿。水果的甜配上合桃的果仁香和蕃茄的鮮是不錯的組合。餐湯蘑菇湯加上丁點松露油，特別一提旁邊的蒜蓉包（雖然沒有拍照lol)，香脆可口，牛油蒜香特出。烤加拿大豬扒配芥末汁豬扒非常大塊，厚度十足，烤起上來更就手，不易過火。豬的肉質鬆化亦無腥味，來貨想必不錯，外圍的肉連帶點脂肪，入口溶化，添點油脂的甘甜，如肉的調味再重手一點會更合口味。芥末汁沒有著重芥末的辛辣（我卻最喜歡芥末的辣），只保留香氣，配上肉後為菜式帶來變奏，肉香依舊但膩感稍減。底下伴碟的炒菇和豆角調味不錯，而薯角都金黃可口，內身溶

舊同事轉新工，但又係觀塘區，放工相約見見面，交流下近況，揀左間未試過嘅西餐聚聚。 餐廳係中海日升中心，門面唔算起眼，店裏走暗調路線，有幾幅日本風情畫，牆上亦有一整排酒樽。 我地點左Set dinner，餐湯，沙律，主菜，甜品都不過二百零蚊，好抵食。 點多左3個小食，先黎呑拿魚他他，用湯羹上，賣相得意。每一羹都堆埋吞拿魚蓉，魚蓉帶少許日本醋酸及灑上芝麻，開胃之選。 招牌雞翼令人驚喜，皮脆肉嫩，雞翼一分為二，但切法貼心，拎上手好似拎緊隻小型雞槌，好方便，配個微辣的番茄醬，夠晒惹味。 牛肉波又係令人驚喜，因為炸得香口的牛肉入面係流心芝士，而且伴有薯蓉增加口感，好食！ 餐湯質感濃稠，有淡淡松露味，蒜蓉包偏乾，但點湯黎食，剛好。 來到前菜凍蝦，又大隻又鮮甜，最重要夠凍又夠爽，水準以上的跟餐品。 主菜葱燒雞卷，必食之選！雞肉應是以脾位，包裹住香葱，灑上芝麻，配上自家特調燒汁。一件一口，，雞肉的嫩和葱香，還有燒汁的味道，整體令人驚喜！！！ 主菜之二加拿大豬扒配芥末汁，豬扒肉厚，似個小斧頭。切開裏頭，白肉中帶點粉紅，啖啖肉。其伴碟炸薯波，香脆又帶點癡牙，好食！

我向來鐘意去工業區搵食，因為呢度永遠係臥虎藏龍既地方今次同朋友黎食呢間西日菜crossover既餐廳，環境唔錯，氣氛浪漫Dinner set 都幾吸引重有oyster食添香梨合桃沙律Pear & Walnut Salad香梨同合桃既配搭都幾新鮮，香梨香甜爽口，而且係健康之選，加左橄欖油更開胃鮮蝦雞尾酒杯 Shrimp Cocktail三隻大大既鮮蝦好爽口鮮甜，沙律菜幾新鮮，重落左唔少千島醬調味添吞拿魚他他Tuna Tata $128吞拿魚入口即融，完全冇腥味，加左他他汁唔單止突顯左吞拿魚既鮮香味，重加強濕潤既口感添日式炸雞炸雞外脆內軟，肉質嫰滑又juicyDaily soup係蘑菇湯，幾creamy，味道濃郁，加左香草更好味蒜容包香氣突出，都唔錯香燒海鱸魚柳配南瓜蓉Roasted Seabass Fillet with Pumpkin Puree $198鱸魚煎得香脆又不失嫰滑少少鹹香配上南瓜蓉既香甜好特別重有青豆角做配菜，可以幫助減膩烤加拿大豬扒配芥末汁Roasted Canadian Pork Chop with Mustard Sauce $218豬扒雖然係厚切但一d都唔un，輕

終於攞返部手機喇。無手機用嘅日子真係同與世隔絕一樣連朋友都當自己係陌生人咁。所以一放工就過黎攞機。唔知係咪錯覺，覺得部機好似快左啲咁。ANYWAY，有得用返就得了。之後即刻打返俾老同學攞返張喜帖同埋食個飯恭賀一下佢做老襯，所以近近地揾左呢間餐廰敍下舊。入到黎唔知食咩好，橫掂大家都無咩頭緒所以都係跟網上嘅人點菜（實無死嘛）。吞拿魚他他。用黎擺盤嘅係塊石板，幾鐘意個造型。魚肉切得好細，食落酸酸地好開胃，調味醬唔多可以食清楚魚嘅鮮味。鮮蝦雞尾酒杯。份量雖少，但味道十足。蝦肉爽口彈牙一啲雪藏腥味都無，沙律都新鮮爽脆。蘑菇湯。菇蓉打得好滑之餘做留左啲蘑菇碎係湯入面，所以口感無咁單調而且夠香。但塊蒜茸包就覺得油左啲雖然夠脆。加拿大豬扒配芥末汁。豬扒超級厚身，但完全唔＂鞋口＂煎得啱啱熟。旁邊三粒以為係普通炸薯波，但食落先知原來係薯蓉加飯搓成，入面混入芥末醬，所以外表完全睇唔出。但可能啱啱飲完湯，所以覺得呢道菜偏咸左啲。蔥燒雞卷。一入口真係眼前一亮。雞肉細嫩無過火，捲住嘅青蔥提供一點點嘅甘甜和辛辣，令雞肉嘅肉香更突出。而且雞皮嘅油脂額外提供左一分焦香，所以真係食唔停口。併盤小食：炸雞翼及牛肉波。雞翼好

新開無耐嘅中海日升大廈，有呢間食日本嘢嘅餐廳，但實情Lunch好似唔係全部都係日本嘢。今日食個Lunch Set鰻魚飯， 鰻魚夠肥美，而且有好多鰻魚汁。雖然有點咸，但味道係好食。 煮得最好就係佢嘅飯，唔係珍珠米，但煮到軟軟哋，似壽司嘅飯嘅感覺！至於份量方面，就好大份，係吉野家嘅特盛份量，男士一定食到飽肚呀！我就點咗杯薑汁柑桔蜜，諗唔到佢地嘅薑味好濃，辣辣地，好醒胃。不過，柑桔蜜就沉曬落底，唔太入味，可能攪得唔好吧 xDBlogger: 香港愛玩生

想在觀塘找間感覺較chic的餐廳，於是到中海日升中心的>>>La. Tomokuo Japanese & Western Cuisine<<<用膳。可能位置有點偏僻，當晚入座人數不多，無需輪候，也勝在清靜。小小的一間餐廳，燈光昏暗，猶如置身酒吧。由於不想用閃光燈影響鄰座食客，下列照片均只靠商場走廊透進的燈光，料不到是另一番感覺啊。 先來前菜Tuna tartar (HKD98/五件)。鮮味吞拿魚滿滿一大口，頓時充滿大飽口福之感，也是用美食洗滌心靈的第一步，簡單一口已能從一整天沉重壓力中釋放出來。 嚐過鮮甜，再來貪口爽，吃一些熱氣的食物吧。秘制招牌雞翼 (HKD75)外脆內軟，肉汁豐富但不肥膩，只有單邊骨，容易享用不狼狽。 香脆芝心牛肉波 (HKD98)的牛肉質感實在，配以拉絲芝士，味道不濃沒有搶走牛肉美味，保留了牛肉香。 如果想加倍滋味，可蘸茄汁。 上述前菜來自a la carte menu；當晚正餐是set dinner，頭盤二選一，冰揀了鮮蝦雞尾酒杯。以千島醬調配的沙律很開胃；三隻鮮蝦極具份量，爽口香甜。 是日餐湯為濃郁可口的蘑菇湯，

四個鐘意食蠔嘅好友，都約咗一段時間終於可以一齊出嚟啦一個星期天的晚上，我們選擇了東九龍的一家餐廳，原因是我們有一半人是住官塘區的白葡萄酒配蠔當然頂瓜瓜我個人要求先來一客凱撒沙律，這個炮製得唔錯， 羅馬生菜新鮮爽口夠脆，配上適量的芝士粒，脆脆的麵包糠及煙肉粒， 感覺清新舒服La Reine 清甜略帶果香、口感飽滿Speciale 先鹹後甜、帶磨菇味Gillardeau 隻隻都有防偽標記``G``海水味重，好清甜Memaid 肉質豐腴、味道鮮甜、 蠔味濃郁，要Encore的多種燒物巧巧味，鰻魚皮脆肉滑， 有焦香， 配秘製燒汁 ，很特別牛舌，香滑軟腍， 鮮甜味美茄子， 軟熟香腍， 有焦香很惹味蘆筍， 清清地又大又鮮甜味道， 不錯芝心牛丸， 外皮夠熱夠脆 ，牛肉味濃郁， 熱滑的芝士從中間流出來， 可口味美羶香羊肋骨，肉嫩滑滑， 羶味不太濃烈， 能夠調出烹調秘製香料的味道，很吸引香煎鱈魚，皮脆肉鬆軟，香氣撲鼻，鮮甜肉眼牛扒 牛的味道非常濃郁 ， 外脆內軟腍， 内汁夠, 不錯黑松露長通粉上等長通粉軟滑又帶煙韌配上我至愛的黑松露， 看似簡單，炮製時間及火侯其實並不容易，好味

第一次係openrice寫食評就係送比呢間態度咁差既餐廳 l我地一行6人觀塘返工，見有傳單派加午市85折就試下。食當日忘記帶coupon 但去到門口時 侍應話午市85折叫我地入去食如是者，我地坐低點餐，話程中我地搞亂左d餐，我同事要改一改order 豈料侍應定唔知店長另轉背細細聲講左句麻煩！仲要同行一位同事都未點完餐佢都走左去最後埋單時張單係冇計85折,要我地再叫佢改單，佢當下問我地有冇coupon,但我地一入黎既時候你地侍應講成個午市做緊折唔洗coupon都可以。老老實實成個時段都係做85折 張單比我地感覺就係想收返我地原價除左食物做得好 服務態度都好重要，間餐廳個裝修都唔似比茶記服務我地啦 真係比茶記呀哥鬧都冇咁嬲！

依家位於觀塘工廠區嘅西餐廳，結合左日式同西式嘅煮法，味道較為輕口味，最為食到原材料嘅鮮味，今次就order 左個tuna tartar同埋豬扒嘅set dinner 。Tuna tartar ($98)作為一道開胃菜，口味唔會太重，tuna 嘅味道好新鮮，有魚嘅鮮甜味。烤加拿大豬扒配芥末汁（$218）香梨合桃沙律沙律用左橄欖油去調味，味道好輕盈，而作採用嘅香梨質素都好好，咬落好juicy，味道香甜。黑松露野菌湯上面加左少許黑松露油，聞落已經好香，質感好creamy ，飲落野菌味好突出，咸度適中，旁邊仲配埋一塊好香濃嘅多士，沾埋個湯一齊食，簡直一流呀！烤加拿大豬扒配芥末汁豬扒嘅份量好大好厚切，但係又好易將佢切開，肉呈粉紅色，咬落好嫩口，都幾多肉汁，而佢嘅醬汁就比較淡口味，食哂成碟都唔覺漏。

今天下午去左觀塘APM，順便約左朋友dinner，朋友熟觀塘，帶我去左這間La.Tomokuo，APM行過去也就幾分鐘。6點幾到，鋪頭所在的商場好靜，入到鋪頭最搶眼是牆邊的一長排紅酒，座位都好舒服。吞拿他他：吞拿魚粒新鮮美味，入口軟身，一點腥味都沒有，他他醬汁令吞拿更濕潤，口感豐富，唔錯。要了個set：烤加拿大豬扒配芥末汁  218元香梨合桃沙律：都幾大份，用料新鮮，相當甜的香梨令沙律更好味道。南瓜湯：南瓜味濃郁，不過本人覺得如能加多少少忌廉，可能湯能更香更滑，口味可能會更好點。烤加拿大豬扒：豬扒是厚切的那種，外面烤至少少的金黃色，切開已是看的到的多汁飽滿，豬味濃郁香口，肉質嫩滑有口感，配上芥末汁味道更出色。芝士蛋糕甜品總是讓人嚮往，好濃郁的芝士味，比較軟身濕潤，口感香滑。

觀塘有好多高質素的餐廳但一到晚餐時間間都要排隊，今次行遠少少搵左間唔錯嘅餐廳。餐廳環境很有情調，兩個人撐台腳最好。晚餐有的套餐選擇豬、牛、雞、魚都有。套餐有沙律、餐湯、主菜都好豐富。鮮蝦雞尾酒杯蝦好大只爽口彈牙。沙律菜很新鮮，咬落爽口。我就落左的鮮檸檬汁，少少酸酸的更突出蝦的鮮甜味。南瓜湯南瓜味十分濃郁，少少香草味更突出南瓜的鮮甜。燒美國肉眼配黑椒汁叫左七成熟，牛肉味十足，牛排煎得剛剛好很juicy，咬落又軟又香，唔會太腍有咬口。黑椒汁的味就唔多夠。見到的小食都唔錯所以叫左兩款吞拿魚他他吞拿魚十分鮮味，配上他他汁少少酸更突出魚的味道。日式炸雞雞件炸到外脆內軟，雞肉又滑又多汁。香脆芝心牛肉波牛肉丸包住的芝士炸到十分香口，如果多的芝士就更好了。芝士蛋糕食落好濃郁的芝士味，入口又香又滑，唔會太甜好好味。估唔到觀塘會有這麼好的一間餐廳。

晚上約左朋友，搵左呢間La.Tomokuo，朋友之前幫襯過，話新開左幾個月，晚上又唔多客，食物卻相當有水準。觀塘地鐵行過去唔使十分鐘，7點零上到去，個商場靜英英，鋪頭位於商場一樓，位置麻麻地，唔有心搵可能都唔覺。地方都好整齊乾淨，桌位之間頗闊落，燈光偏暗，環境唔錯。日式炸雞：雞皮炸得鬆脆，裏邊的雞肉滑嫰，一點都唔覺得油膩，唔錯。香脆芝心牛肉波：頗香的牛肉味，香脆的口感，中間的芝士令味道更豐富，感覺好像幹身了點。叫了個dinner set蔥燒雞卷配照燒汁  188元南瓜湯：幾香濃的南瓜味，稀薄適中。香梨合桃沙律；新鮮已經好足夠，香梨合桃的配搭令沙律又清甜又爽口，健康又好味。蔥燒雞卷配照燒汁：肉質嫩滑，要贊一贊旁邊圍住雞肉的雞皮，少少脆，香口又惹味，難得的是基本沒有肥脂肪，只有一層薄薄的表皮，中間包了點香蔥，少少甜味的照燒汁，配上幼身的鮮蘆筍，十分出色。芝士蛋糕：是我喜歡的軟身芝士，芝士味相當濃郁，入口飽滿，提一提甜品是經常轉換的。

約咗 agent 傾保險，每次見面佢都會帶我試新餐廳，今次係正佢公司附近，觀塘果然變成近年嘅飲食重鎮。一入門口已經見到好多紅酒靚樽，店家應該好多客人鍾意摸下杯底話說我哋幾個千杯不醉一坐低，都叫杯白酒㗳下先睇個餐牌，發覺 set dinner 內容幾豐富又抵食，最先上場嘅大蝦 cocktail ，沙律賣相靚到不得了。清新又健康我哋仲要左一個吞拿魚他他， tartar 味道調得好先，是個很棒的開胃冷盤。為咗貫徹今晚健康嘅主題，我就一於要咗個魚食。Seabass 一向都係我喜歡嘅 main配合埋南瓜蓉，清甜到不得了。大大件好厚肉，魚皮煎得好香脆。切開魚嘅肉汁仍在，而且嫩滑到不得了。雖然有時要食得健康，但甜品是我一生中不能缺少的最後的 Oreo cheese cake 用料特別又好味，我一個人食咗一件還有很多推介留待下次再來