辣吧 (Closed)

全港首創銅爐香鍋食過先知點食法！四層食又得，一層食都得，份量足，一大班朋友又食又飲，最好不過！ 今晚兩個人一人一層，緊係食唔哂！第一層$288，第二層開始$200層，可以揀雞、牛、豬、田雞、白鱔、鮑魚、海中蝦、花甲王，每層的煮法都要揀一揀，老干媽爆炒、香濃麻辣、滋味蒜香、惹味京燒、懷舊紅燒～～～無肉不歡的我，底層食老乾媽爆炒牛魔王，有肥牛、牛腩、牛雜，叫了少辣，微辣都好惹味，大蒜炒得好香，仲有花椒八角，配料豐富，牛柏葉好爽，牛腩好冧，肥牛塊多又唔膩，放底的配菜入哂味，好正！第二層食惹味京燒白鱔，有足半條，好肥味，啖啖肉，醬汁甜甜地，配白鱔似日式感的，係好配搭。洛神花茶好開胃，賣相好靚，好飲又好睇！9:30pm入座的朋友，仲可以120分鐘任飲超過40款飲品鍋中間放左D大舊炭，一路食一路㷫住食，唔會凍哂！

今次試呢間，係新菜式叫銅爐香鍋，全港首創！我梗係吾會錯過啦😬😬😬呢個可以叫最多四層（不過當然要夠多人食先好叫），最少叫一層都可以！我初初以為唔係好大個鍋，我兩個人所以叫咗兩層，因為啲食材又好吸引，好多野都想食！點知原來份量都多，係好多😥😥最後要打包拎走！🤪🤪講下個價錢先，第一層係最大層$288可以㨂一種味道，之後再加層係$200又可以㨂另一種味道！俾大家睇下～再睇個環境～好有feel的～今次我叫左第一層牛魔王配老乾媽爆炒(少辣）好惹味！第二層白鱔魚配惹味京燒，酸酸甜甜，好開胃！佢哋會放d炭響爐中間，好有風味吧！另叫左杯洛神花水果茶，簡直大滿足啊！🥰🥰🥰大家記住試試～

個晚四條友行完街 想飲酒又想食晚餐 於是來到酒吧街。剛啱大家都鍾意食辣嘢 梗係要來試下。點咗一鍋 肥牛係主打 仲有豚肉 大腸 蝦 金菇大白菜⋯我最鍾意嘅係 真係好有四川個種辣味 超級無敵正。之後加咗烏冬後 再攪拌下 等烏冬同d辣味融為一體 更加好味～但係我地最後係食唔曬 因為個份量實在太多了～ 我覺得五六個人一鍋都ok 個晚六點幾 未係咁多客。裝修好中國風 係度食下辣嘢 飲下酒 同fds吹下水都幾chill～ Btw 呢個濕紙巾令人有d遐想🙊🙈

同好朋友慶祝生日，就揀左呢間bookmark左好耐嘅海鮮餐！- 八款海鮮大咖 $328/1 現場見到真係好震撼嫁！四人份量真係好多好多，四個女仔根本就食唔哂，我覺得加多兩個女仔都仲得。入面有：蟹、蝦、扇貝、聖子王、鮑魚、蜆、貴妃蚌、魷魚筒底仲有四款配料，我地就揀生菜、金菇、豆卜、土豆粉（跟本就係烏冬，好似比佢呃左）海鮮都幾新鮮，全部都大大隻又彈牙，啲蟹仲要有好多蟹膏同行朋友唔食得辣，我地叫左蒜蓉汁，都好惹味！佢依家做緊優惠，叫佢個八款海鮮大咖可以任食串燒，串燒有兩款，一款就一碗麻辣汁侵住上，另一款就真係燒嘅。我地兩款都有試，都好好食，佢個麻辣汁認真做得唔錯但我地掛住食唔記得左影相朋友話佢覺得串燒仲好食過海鮮😂我諗係因為麻辣汁太出色總結：呢間野嘅海鮮串燒其實都幾好食，但係份量實在太多喇，我覺得所有海鮮都同一個味有小小dry，同埋食得多會有啲樓。但無疑真係好吸睛震撼，影相呃like一流，都值得去食一次！

今日係尖沙咀行街順便係到食埋飯，book左呢間辣吧食海鮮大咖，我同fd都好鍾意食海鮮又鍾意食辣，黎呢間真係啱晒～佢依家一週年有一個優惠，叫8款海鮮既海鮮大咖就可以任食串串同燒烤好抵！但因為我地得2個人食，所以就叫6款海鮮就算啦～味道方面有麻辣（可選辣度）、冬陰功同蒜味～我地叫左辣味～6款海鮮有蟹、鮑魚、蝦、扇貝，魷魚筒、花甲。除左海鮮之後仲可以揀4款配料，我地叫左蘿蔔、冬瓜、金菇同土豆粉～海鮮同配料份量好多，完全唔洗驚食唔飽。食海鮮最緊要新鮮，呢到提供既海鮮都好新鮮，而且處理好乾淨，食得好放心湯底都好正，下次要帶屋企人再去食過

我老闆班fd子今日突然即興叫出黎食飯，咁食咩好呢？就share左呢個一大盤海鮮圖大家都話好呀好呀，咁就訂檯，本來係打算響旺角食，間餐廳話旺角冇位，佢就開我地尖沙咀好唔好？我地想食就話是但啦，分店就響美麗華隔離諾士佛臺。其實上到去我地覺得乜咁ga，咁冷清ga？食8點幾但係全間野都係得兩檯，得兩檯都唔係重點，咁大場個要我地坐到勁迫同另外果檯要背對背坐，落單問野又冇人介紹下，張餐單飲品好多選擇落完單又等左好耐又好耐，另外在叫左小食已經唔記得叫咩名喇，秒速食完再等左勁耐。。。。。終於有d野睇下，比個火黎。經過漫長等到終於都出現喇，扇貝，貴婦蚌，聖子，蝦，蟹，魷魚。湯就係上左檯之後先加，有一個好ga地方就係蝦係已經去殼呢點值得一讚！！然後食到差唔多係會愈食愈咸，底鋪左好多白蘿蔔吸味都係覺得一般般。後記：講真一大班人食係開心ga，但係如果你問我會唔會再食多一次我唔會喇。食食下期間重見到員工響我地隔離好似響度開大食會咁，我都驚我阻住佢地。

放假同女朋友去尖沙咀行街食飯買野，經開諾士佛臺即刻上openrice睇下食咩醫肚。見到有麻辣海鮮大咖，就即刻踩上位於諾士佛臺1號1樓嘅辣吧一打開𨋢門已經見到大大個招牌，櫃檯前面更貼滿明星光顧嘅合照，相信質素有保證睇睇餐牌，呢排做緊七點前同九點半後入座都有85折，可惜我地係8點半入座XD餐廳設計偏中國風，而食海鮮必備嘅濕紙巾同紙巾都有提供，而且經過精心設計，一睇就知係咩夠曬鬼馬haha重點來了，同女朋友叫咗個六款海鮮嘅海鮮大咖， 湯底揀咗小麻辣。海鮮會因應當日嘅時令海鮮作出調整，今日我地有蟹～魷魚～帶子～鮑魚～蜆～蝦同蟹柳，海鮮配上麻辣湯底，食出鮮味之餘，辣得夠開胃！海鮮都非常之新鮮，蜆肉同帶子大大粒，而蟹就爆哂膏～而我哋嘅套餐除咗有六款海鮮之外，重配上自選四款配菜，我哋揀咗薯條～蘿蔔～油麥菜同金菇最後兩個人埋單六百蚊鬆啲～呢個價錢食到六款海鮮加四款配菜，仲有色香味俱全既麻辣湯底絕對超值

同朋友一共4個麻甩佬食，就好豪爽咁叫左個八款海鮮既鍋，送埋串串燒同熱鍋任食。一上菜，非常浮誇既大鍋，上面放住各色各樣既食材，鮑魚，聖子，蜆，帆立貝，蟹等等，仲有烏冬底，蘿蔔又入味，正呀。因為太心急，我食既時候d野未熱晒就放左入口，浪費左，大家去食既時候記得滾起先好食。最後叫左個hogarden tower, 埋單每人$450到，對窮j黎講係貴，但係食海鮮，飲啤酒，我覺得差唔多價，係一個唔錯既體驗。會推介比大家,亦會再返去食，不過應該唔會食咁貴啦~

上星期好朋友生日成班女仔friend心思思想去chill下經過諾士佛臺 見到竟然有間食辣嘢既餐廳原來酒吧街都有辣嘢食！一上去門口已經有好多店家同明星既相👍🏻.一坐低 眼球被濕紙巾吸引左 造型好搞笑！有酒牌架呢度 可以點啤酒飲 同辣嘢都配啊我地點左個2-3人份量既四川香鍋仲有成4款味道可以選擇我地個個都中意食辣 一於試下個混椒麻辣味少少麻 少辣 好正！配料係自選 有海鮮有肉有菜有麵上枱時大盤到嚇親店員會係你面前幫手mix好全部食材味道都好平均 花膠件好淋身膠質好重 女士必備啊！就算係雞軟骨都唔會話好硬 仲好入味！不過我地4個女仔係食唔曬成盤🤣可能因為有叫嘢飲 慢慢食同傾計 會易啲飽😬我點左蕃茄汁 好濃啊 好少地方有得飲～出奇地有啲解辣添吖。.下次會再同多啲朋友黎食！

今晚约朋友去尖沙咀辣吧食四川霸氣海鲜大咖。在大厦—楼全層，裝修红色為主好有中國風，地方寬敞和舒適。烤茄子简直太好吃了烧烤味很地道，面上撒了蒜蓉跟折耳根段，加上辣椒跟鱿鱼丝，又鲜美又入味！香煎蛋餃薄薄的蛋皮，包裹著豬肉餡料，入口嫩滑，蛋香十足。雪花牛柳粒及雞脆骨，好入味兼好重香草味，一串脆另一串則肉味重，非常惹味。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

星期五同同事gathering 發現原來諾士佛臺唔止得bar仲有呢間辣嘢食！俾啲麻辣串串吸引左！一於試下先～.價錢方面相當平 128已經有成30串了可以自選10款配料！必食莫過於香菜牛肉 黑牛肚 雞脆骨我地揀左秘製麻辣 大約係小辣咁上下小小麻 好正！非常惹味！就算係雞軟骨都唔會好硬 好易入口。.另外點左一個四川香鍋點了2-3人份但真係好大個 好抵食上枱時仲以為係5-6人份如果女生食 點小份就ok了！同樣係自選配料 有粉麵 海鮮 肉類 蔬菜海蝦係已脫殼 只有頭同尾有 好方便食用我地揀左混椒麻辣味 成個鍋既味係好正唔同配料炒埋一大碟 所有食材都索曬汁仲好均勻 必選肥腸 肥牛肥腸非常肥美 肥牛薄得黎好有牛味 量都幾多.配返杯蔓越梅汁/啤酒 一流之選！

諾士佛台除咗飲嘢之外仲有好多唔同餐廳，今次去咗一間樓上嘅餐廳係食四川菜嘅。上到去見到佢仲做緊一個優惠，叫八款海鮮大咖就可以免費任食熱鍋串串同埋重慶燒烤😍😍 但因為我同朋友得兩個人，擔心食唔晒，所以最後都係選咗六款海鮮大咖，每位$288。餐廳嘅裝修同埋擺設都好特別！紙巾同濕紙巾包裝經過特別設計，擺放海鮮大咖嘅款都好有特色，令到食落去別有一番風味！😍六款海鮮有廚師精心挑選，我哋今次有膏蟹、魷魚筒、鮑魚、花甲、元貝同埋海蝦🦞🤤 除咗海鮮可以另外揀4款配料，我哋就揀咗薯條、冬瓜、土豆粉同埋食麻辣必點嘅豆卜。口味可以揀蒜蓉、麻辣或者冬陰公。食川菜緊係叫麻辣🤪盤野擺上台嘅時候真係有啲驚喜，好大盤分量好多，最令人驚喜係啲海蝦，除咗蝦頭同埋蝦尾已經幫我地預先剝咗啲殻，唔會食得好論盡好狼狽！所有海鮮都好鮮甜，唔會比麻辣味蓋過咗佢嘅鮮味！鮮中帶辣既味蕾衝擊，真係好滿足👍🏻最印象深刻既膏蟹都有每人一隻！蟹嘅蟹膏好多好實，浸住湯都唔會散晒出嚟！鮑魚亦都好彈牙！唔洗擔心食唔飽，海鮮底層有土豆粉架👍🏻食辣野配海鮮鍋唔算周圍有，所以我係會回頭架😍😍

食得多日韓野 都想食返啲香辣中國野平時好容易就諗到返大陸食干鍋朋友話不如試下辣吧 所以reu 就揀左呢到一開始其實都好驚太辣頂唔順我地一行4人叫左2-3人嘅麻辣干鍋 其實份量好足 夠晒飽 一開始仲驚唔夠 叫左堆串燒haha麻辣干鍋可以揀2海鮮 3樣肉 4樣素菜 仲有一個面 選擇都幾多一黎到 聞到都勁香 超想快啲夾黎野黎食 但本住相機食先 唯有影完相再繼續 我地叫左小辣 個辣度係舒服嘅 我覺得香港人食係無乜問題 當然食唔到辣嘅朋友就無謂黎食干鍋啦！ 成盤野一上枱好澎湃 份量足夠！ 小麻辣令到成件事超香 我個人幾鐘意香口野 所以覺得好滋味素菜其中揀左金針菇 佢索到啲汁 食落口超香 唔係死辣 而係香嘅麻辣海鮮黎講 蝦有驚喜 因為佢冇乜殼 得蝦尾個個位 食落方便好多 而且啲肉直接索到啲汁 食落彈牙 好食！牛肉豚肉都係必叫 因為配合個醬真係好好食 我地咁樣食法 每人有嗌野飲 人均都係2百鬆小小 性價比唔錯！個人幾鐘意 遲啲有機會都應該會再黎食

「辣吧」位於TST位置好方便，餐廳主打「海鮮大咖」但我今次同朋友一行二人order左個四川香鍋類。🤓四川香鍋 （小）＄488 83分😋四川香鍋有4種口味可以選擇，而我就揀左個吾辣既孜然燒烤味，配料有得自由配搭但有限固定數量，今次揀既size系最小，固定左一款粉麵、兩款海鮮、三款肉類同四款蔬菜。揀左以下🦞海鮮類：鮑魚＆炸桶蠔🥩肉類：肥牛、牛舌＆牛柏葉🥦蔬菜類：娃娃菜、 蓮藕、千頁豆腐＆萵筍雖然香鍋揀左最小個size，但其實兩個人都會食吾哂，份量上比預期中多好多，尤其是肉類🍗🥩。牛柏葉爽口而且無煮到縮哂水，肥牛入到孜然個味，好適合系香鍋到加上，可惜既系個人認為香鍋都系有辣既會出色D。滑溜溜鴨血 ＄56 78分😋鴨血個辣好出色，正宗四川味，店家系menu上表示鴨血有兩個辣椒程度既辣，食完可以撈埋個香鍋一拼食。🐝味道：😋😋😋😋😋😋😋🕷服務：👍🏿👍🏿👍🏿👍🏿👍🏿👍🏿👍🏿🐳環境：✔️✔️✔️✔️✔️✔️✔️✔️💰性價比：💸💸💸💸💸💸💸🤤推薦菜式：香鍋同麻辣鴨血都好推薦，但建議香鍋口味揀麻辣或有辣既會重味啲🤤

黎過諾士佛台咁多次，都唔知有間四川菜餐廳，我同朋友都係無辣不歡，愈辣愈刺激！樓上餐廳環境幾舒服，比較安靜，同朋友傾計慢慢食就最岩。我地嗌左個四川香鍋，本身以為係火鍋，其實偏向似雞煲個種 黎得辣吧一定要試下四川麻辣味，配料可vo自選！粉面：紫薯寬粉海鮮： 鮑魚同貴妃蚌蔬菜： 魔芋，金菇，娃娃菜，萵荀肉類：雞件，牛舌，豬頸肉鮑魚按人頭一人一隻，蚌係已經剪碎，個人比較喜歡原隻本來以為魔芋係芋頭，原來有啲似啫喱果凍，第一次食已經愛上左，哈哈三款肉類都唔少，如果女個黎食要三個share 細煲就差唔多啦酒類都唔少，有fusion,我地嗌左兩杯cocktail,中式既係中神通，比較甜少少，粉紅色，岩哂女士。