Lamlam脷 (Moved) New Location

太子呢間千層蛋糕我已經bookmark左好耐~一直都冇機會去試🥺今次終於得閒去買左兩件現貨翻屋企試🤤大家留意翻佢堂食嘅位只有3-4個所以可能大多數要外賣~😉🍴曲奇忌廉千層蛋糕($35)蛋糕每一層都煎都好薄~一切就可以cut開曬層層分明😉曲奇忌廉夾左好多oreo粒粒係裏面好香~而且個cream打得好綿滑好正❤️較得啱啱好唔會太甜👍🏻🍴伯爵茶千層蛋糕($35)比較建議先食左呢個味先~因為相比伯爵茶嘅味比較清~食完曲奇再食就有啲搶咗個味🤔食落有好清新嘅伯爵茶味~啲cream依舊綿滑❤️👍🏻

早前有朋友介紹間IG SHOP俾我，見係賣甜品糕點既，一向嗜甜既我決定要試下！鋪頭係太子，出地鐵站行幾分鐘就到，鋪頭雖然細間但好精緻，而且已經有唔少人排緊隊拎蛋糕，就知幾受歡迎！雖然係第一次訂，但為左試多幾隻味，於是要８件唔同款既，店員好好咁砌到好似生日蛋糕咁，又美觀又好食！講返Ｄ口味先，我分別要左抹茶流心、朱古力流心、伯爵茶、焦糖牛乳、抹茶奶蓋、藍莓芝士、玫瑰及焙茶，全部都係千層餅皮，一層層薄皮可見手工既精巧，食落去既質感無與倫比！我最推介既係抹茶流心，抹茶有少少苦澀味有種獨特既香甜，中間既流心CREAM又濃又滑，真係一試難忘！每件試一啖，八種唔同口味妯膩過的確正！下次要試其他口味！

由開業到而家 一直都有幫襯佢見正佢由IG shop 做到有門市 蛋糕既味道愈黎愈多選擇 質素不但冇轉差 反而愈做愈好比起知名大牌子我更鐘意呢間既千層蛋糕 餅皮做得好薄同平均  配上滑而不膩既cream 整體比例做得好好 個人推介綠茶奶蓋流心芝士蛋糕  甘苦既綠茶味配上帶有少少咸味既芝士奶蓋 中和到綠茶既苦 成個組合好夾 超好食! 就咁綠茶味都好食 但會比較膩 第二推介係伯爵茶千層蛋糕 帶有淡淡既茶香 比綠茶冇咁重口味 食完都唔會覺得膩 

我一向都知道呢間千層蛋糕店好出名，千層蛋糕好快就會售罄。今晚過開黎太子食晚飯，碰下運氣睇下有冇機會食到。估唔到居然仲有千層蛋糕剩，但只有藍莓芝士味，我二話不說就買左一件，想食好耐終於被我食到啦!藍莓芝士千層蛋糕一件$37，我覺得唔貴。買完即刻開黎食，驚為天人~佢有好多層餅皮，每塊都唔厚又軟熟，最厲害係佢既忌廉，輕盈，幼滑又唔油膩，配合每層餅皮真係勁好食!我下次一定要試埋其它味，佢榮登我心目中第一位既千層蛋糕!

今日同事last day請食甜品，請左我地食呢間我都想試好耐嘅甜品餅鋪。佢一開個盒，真係好靚呀，已經忍唔住影哂佢地，hahaha!其實佢買左幾種口味，每件都好精緻，仲有個蛋糕紙托方便攞，真係好好。我食左美綠味，真係好突出，cream都有美綠嘅味真係好濃好正，但又唔會太甜。而且我覺得佢個cream唔會太厚，層層分明嘅口感好好，食一整塊都唔會太膩。仲有其他口味都唔錯架，好似呢件咁，個蛋糕嘅橫切面真係好靚。值得試嘅千層蛋糕！

係一間本身好紅嘅網店然後成功轉型為實店。千層蛋糕非常出名好食，尤其係招牌流心蛋糕，經常有雜誌食評介紹👻成日大排長龍好快賣晒添，重點係價錢經濟😋雖然lady M係千層蛋糕界嘅代表，但價錢唔平又要大排長龍，反而依間CP值超高！店舖唔算好大不過側邊有張長枱同幾個位可以比大家坐喺度品嚐蛋糕💁🏻‍♀️👓 抹茶流心 $34蛋糕堅流心，一切啲醬會湧晒出嚟，但仲會有醬掛喺蛋糕。非常多層數、皮薄又軟熟、忌廉香滑到好似雪糕咁，每層搽得平均食落好有口感。抹茶忌廉帶甜但唔會太甜剛好，始終都係甜品嘅感覺未去到品茶飲抹茶咁甘苦。蛋糕面灑滿抹茶粉略有苦澀但充滿着濃郁嘅抹茶味！本身抗拒忌廉嘅小編都覺得好食唔漏，自己一個食晒一件蛋糕完全冇難度😋評分：8.5/10👓朱古力流心 $34同樣蛋糕面灑滿朱古力粉係濃郁嘅朱古力味😍皮層之間舖滿了香滑的朱古力忌廉，係甜朱古力味而唔係苦澀味。評分：8/10

抺茶流心千層超好食！抺茶🍵帶回甘，甜度唔高，啱啱好！千層面頭撒左高質抺茶粉，令甘苦味更為突出！Cream🍼質地輕盈軟滑👍🏻自私食都唔會驚漏~ 朱古力流心千層味道唔會過甜；朱古力🍫食得出唔係平價既果種，流心朱古力醬好澎湃，爆曬出黎！就算朱古力味唔算勁濃，但係都幾好食👌🏻 伯爵茶千層伯爵茶味既cream係咁多款味道當中最幼滑既💯做到入口即溶！伯爵茶味道好突出❗️ 焙茶千層同抺茶既回甘唔同，有茶葉烘烤後獨特既焙茶香氣！焙茶味道亦十分濃郁🥰Oreo曲奇千層甜度最高！食落比較易漏，哩款就要同開心share啦👭 整體而言，千層都做得好出色👏🏻餅皮薄，Cream幼滑輕盈、唔易漏🤤千層真係好好味，價錢又唔貴，性價比極高！當中茶味千層全部都夠曬濃郁，絕對可以滿足唔太嗜甜既茶控而咁多款口味之中，我最愛抺茶流心🍵🍰

呢間千層蛋糕性價比真係極高 戟皮好薄好濕潤之外 啲忌廉都好滑甜度適中💓講真口感味道真係好似Lady M!戟皮同忌廉完美地mix埋一齊 又做到嗰種入口即融嘅感覺🥰仲多左流心款添😍但係價錢差一半 有咁嘅質素真係抵到爛🤩-牛乳千層mix芝士蛋糕🧀上層係牛奶味好濃🥛下層再配埋軟身嘅焗芝士蛋糕🤤又有牛奶味～又有淡淡嘅芝士味😋仲有兩重口感 呢個配搭幾特別😝-伯爵茶千層蛋糕☕️呢款無論賣相同埋味道都真係做得好似🤤伯爵茶味好濃 食完之後個口仲有陣陣嘅茶香味🤎真心高質🤩-玫瑰千層蛋糕🌹抺茶流心千層蛋糕🍵呢兩件我就冇食到🤣係喺間店到借人地黎影相📸️不過真係整得好靚😍件抹茶千層蛋糕 流心效果好澎湃！！面頭仲有好多抹茶粉🍵一定好好食😋

唔想食黎食去都係大集團既蛋糕男人生日梗係要買個特別d有新意少少既去試下啦果日買左抹茶芝士奶蓋個芝士流心好濃 好香抹茶又唔會太甜 唔會太漏好好食 2個人一次過食左半個又唔算貴 不過聽講要預早1至2個月先至book到蛋糕架佢仲有好多唔同既味添每日都有件裝蛋糕發售 如果大家想要就要早d去買啦我果日5點去拎蛋糕已經賣晒lu不過食過一次真係Lam Lam li架真係好想試晒佢唔同味 由其是伯爵茶味同埋佢係界限街 都好方便去買仲有少少位 可以比我地係出面食添

本豬係千層蛋糕的粉絲，很多餅店酒店（包括外國）連豬都食過，講真，很多都幾令人失望....沒有下次....LamLam脷我肯定是最好的千層蛋糕之一，同城中某名店同grade果種！今次買返公司，所有同事都問我拎contact, 因為實在太出色！雖然$210的平民價，但你吃得出他們選材用心，有無理由咁抵呀！蛋糕係真流心，又不會太誇張漏哂出來，切出來每一件都有抹茶醬掛在蛋糕！如果同LadyM比較，抹茶味更濃郁突出，但就無LadyM咁多層鬆軟，可算各有千秋。可能香港租金太貴，店主唔想益業主，所以慳返租金，以平民價賣俾香港人帶走，但就無得舒舒服服坐低食了。開心果都好好味，小店加油！我一定會成日來幫襯！

近年千層蛋糕興起，表表者當然係lady M啦！但係因為價錢唔太平又要排長龍，我呢...就未捨得花錢花時間去食。早就聽過有啲價錢大眾化啲既千層蛋糕，但係都係要排長龍，所以始終都未試食呢個迷到萬千少女既千層蛋糕。估唔到有日，同事lunch hour排隊買了幾件lamlamli 既千層蛋糕來做下午茶，忙裡偷閒一下。同事話佢哋十二點十去到，已經有幾個人排隊，準時一點開賣，後面已經有條長龍，太瘋狂吧！四款不同口味，全部都有一層又一層軟熟既餅皮加上香滑忌廉，每啖都好似食緊有蛋香既雪糕一樣！不甜不膩，真材實料，味道天然。特別系香芋牛乳味，竟然食到芋頭粒粒，正呀！

又幾年前已經有聽講過LamLamLi呢間千層蛋糕店，知道佢係由一位年輕女孩主理，由IG生意開始，發展成為有自己一間實體舖，除咗有運氣，當然唔少得實力！很欣賞店主年紀輕輕就有着追夢嘅勇氣，相信一路走來也不是簡單的，支持年輕的追夢女孩👧🏻💜我哋於開店10分鐘後到達，想不到店外已排著一條人龍。鋪頭店面不大，堂食只有三個位置，幸運地我們一行三人啱啱好有位置可以堂食，但是因為位置較少，環境未算舒適，坐下來身後邊是排隊的人龍，所以大多數客人都只是外賣拿走。💚抹茶芝士奶蓋千層蛋糕抹茶控的我和朋友們首選是人氣之選的抹茶芝士奶蓋，味道甘香不澀，面頭灑滿抹茶粉，再配上中間的芝士奶蓋，鹹香奶味混合抹茶的甘香十分特別，賣相早已俘虜抹茶控的心。💜香芋牛乳千層蛋糕除咗係抹茶控，我哋都係芋頭控，香芋牛乳千層蛋糕味道濃郁, 而且還有著一粒粒的香芋粒, 吃起來是味道、口感俱備！

到左下午茶時段, 想搵D甜品食下諗起一直都想食既呢間千層糕店事前連IG都無望過, 順粹有次見到FB有推介廣告記得個名諗住碰下運氣結果見到門口售罄既牌.. 原本諗住失望而回點知有 (老闆娘!?) 係出面同我地講咁岩有最後一件係朱古力味,我地緊係即刻入去食啦!! ** 食甜野既心太強烈 堂食既機會真係好難得, 舖頭入面既凍櫃都存放左好多個既千層糕應該都係客人訂落 ((多數都係綠茶味既款式咁))坐低無幾耐就有得食 .. 同時收到張MENU可能堂食關係, 個溫度岩岩好, 唔會太室溫, 都唔會太凍朱古力味好濃郁, 仲係流心添架 一邊研究個MENU款式, 真係好多選擇!! 隻隻都好想試啊!!但係點解無芒果既...!!!!!!!!!!!!!!!事後發現原來食到真係好好彩, 見到大家都話要訂, 仲要睇運氣唔知幾時有貨真係覺得自己無啦啦既狗屎運先食到  希望快D出芒果味!! 呢間絕對用心製作!! 會再支持支持

今日我既小寶貝生日 ， 加上自己私心想食， 就訂左抹茶流心千層蛋糕🎂同小寶貝慶祝生日❤️❤️🥳我早2星期預訂， 於WS時預訂， 回覆又快👍🏻真係好多層丫而且抹茶粉好多好濃， 唔會太甜， 甜度剛好， 喜歡抹茶味既一定會喜歡到不得了每層好平均， cream好滑

終於終於可以取餅喇~~~大家都期待以久的LAMLAMLI千層蛋糕由訂到取餅足足要排半年.果然人氣!!!有一次跟朋友打算直接去店買, 只剩下最後一件.當時只是下午1點30分.  下點1點才開舖....好誇張.我諗應該好好食, 所以決定訂一個試下.由於店的規模太少, 蛋糕是人手整作. 店主需要很多時間整餅, 所以回覆Message的時間比較慢.幾經辛苦, 終於到我喇！！！！既然咁辛苦先訂到，當然訂個好d... 要最大最多層既朱古力千層蛋糕雖說7寸好細，但實際比我想像的大賣相當然不及坊間有名的名店手工制的當然會有瑕疵，人都唔會完美，有缺陷美才真實蛋糕面舖上濃厚的朱古力粉一不小心鼻孔吸左朱古力而咳中間舖滿了朱古力cream, 好滑淡淡的忌廉味再加上層的朱古力粉，中和了飽滯感，真係真係好好味屋企人全部都話好味，比連鎖店的生日蛋糕更特別！！當日仲比我買到最後一件切餅，是伯爵茶味。Size比較細件，我估係6寸蛋糕切出來的伯爵茶味濃，有些少苦澀，整體感覺比朱古力的厚，唔夠smooth. 如果有機會都想試其他味道！！就算等好耐我都會返轉頭架。請繼續努力，大家要支持小店