Lamlam脷 (Moved) New Location

好耐之前已經想訂呢度既蛋糕 但之前試過訂極都訂唔到 成日full booking 突登早成4個月訂😂母親大人之前生日 買左朱古力流心千層蛋糕🎂賀賀佢夏天去門市真係有d攞命 熱辣辣去到 冇理由唔食翻件cake先走 要慰勞下自己食左件芒果流心千層蛋糕🥭🍰芒果超甜 好多芒果 仲會流出黎😆每層皮都好薄 d cream又唔會過甜 好岩夏天食😻朱古力流心都好好食 中間有朱古力醬流出 不過d醬就略甜•💸單件~$35 💸原個蛋糕$160-270

好多人都推介呢間嘅千層蛋糕，店鋪有單件切餅賣，但如果要一整個就需要半年前預頂，因為真係好多人預訂，人手製作，所以要咁長時間，但真係值得等!我預訂左一個「抹茶芝士千層蛋糕」，芝士同抹茶都好濃郁，而且兩個味好夾，芝士嘅少少咸味剛剛中和了抹茶帶嘅少少澀味，perfect!另外，個皮好似紙咁薄，用叉切落去嘅時候係Feel 到一層層的，好利落。忌廉份量都調較得好好，好適中。真心好鍾意呢個cake，屋企人都十分滿意，亦都好欣賞餅師對蛋糕執著同熱誠。

/抹茶流心千層蛋糕🍵🍰 $34哇哇哇 佢嘅千層蛋糕真係有好多層🥳啲皮都幾薄🤓而且啲抹茶cream好滑 仲有好香抹茶味仲唔會話好苦澀或者甜到失左抹茶味😋中間嘅抹茶流心會更濃抹茶味🍵但唔知係太晏去買 蛋糕雪得耐左定點呢個流心已經流得唔太靚 已經開始變稠☹️另外 個人覺得蛋糕面頭嗰層抹茶粉厚左啲所以一食到面嗰浸就痴到一嘴抹茶粉😂而且太厚粉就真係有少少苦澀但總結黎講 呢個價有呢個質素幾抵🤤下次仲想試其他味～好多款都想試🤩

抹茶流心千層🍵 $34朱古力流心千層 🍫 $34-呢間ig小店由網店殺入地鋪一直想試好耐🤤，靠賣唔同口味嘅千層蛋糕打出名堂，好多時開舖無耐就買晒，原個王牌芒果🥭都要早幾個月前預訂定，產量唔多所以想買都真係靠彩數😳-今次就試左最Hit嘅抹茶流心同朱古力流心千層蛋糕🍰，數一數真係足14層夠薄皮😱，抺茶夠甘香，忌廉同流心醬都混合左抹茶粉食落唔澀口，抹茶控實收貨！另一款朱古力流心都係呢到皇牌產品，經常賣曬，朱古力忌廉同流心醬夠晒濃味，啖啖朱古力一個人食一件都唔會膩😛！-王牌芒果忌廉裏面夾雜咗大量呂宋芒果肉🥭，口感豐富，下次決定試埋佢隻流心芒果🤤，重點呢度價錢比某間名牌千層蛋糕店平一大半，質素一定同佢有得揮，性價比嘅話呢度實在超值！絕對可以回頭😋

為咗食呢個蛋糕起碼等左一年咁上下中間因為時間唔夾嘅關係又再等下一輪👀•好鍾意食綠茶抹茶甜品嘅我🍵😋❤️對呢個唔太甜又等左咁耐既抹茶千層流心蛋糕係值得㗎💯💯💯•🏃🏻‍♀️放工趕住七點前去拎 🕧好在起油麻地地鐵站附近 路痴嘅我一路行都要一路睇住Google Map🤣終於到手啦🍰🎂🍵全家坐定定等住食呢個蛋糕 萬眾期待👨‍👩‍👧‍👦千層 同 cream 好有層次感 口感豐富👅$200咁大個又好味 好抵食呀～～唔係講笑全家都俾個like哩個抹茶流心蛋糕👍🏻•全家都話要試埋其他味嘅蛋糕希望今次可以快啲有得食啦🥰😛😋

The crepe cake is perhaps one of the most time consuming cakes to create. Each layer is made by a single crepe, separated by a layer of cream. Though this cake has been here forever, Lady M is what Bon Appetit magazine calls the Gold Standard. And that is a goal that many try to achieve.So, enter into the arena Lamlamli Bakery. A play on the Cantonese slang to so good, you lick your lips. Started as an Instagram shop, the owner gained such popularity that she opened an actual shop in Prince Edwa

萬眾期待嘅舔舔脷終於訂到記得前前後後大約訂左半年先有拎今次唔係為咗慶祝邊個邊個生日而買嘅，你係佢邊個日子有得訂造我就揀邊個日子！ 為咗食呢一個傳說中嘅蛋糕，我自己百分百遷就的！ 雖然佢個舖位就喺佐敦地鐵站附近，對於路痴來講個，舖位都有少少偏僻㗎，因為我一路行一路睇住Google Maps。由出地鐵站，行幾條街就搵到，附近嘅街道比較小人，所以一個女仔去都小心啲！ 今次我食嘅就係原個綠茶芝士千層蛋糕$190對比起Laxx M真係平好多!! 因為款式實在太多啦我又鍾意芝士又鍾意綠茶，所以揀咗呢個MIx and match。芝士味好濃郁但系食得多有少少流，正好綠茶味嘅苦，可以完全中和。我鍾意佢啲綠茶粉好多，亦都好鍾意綠茶嘅苦澀味。成個蛋糕唔太甜，我覺得老人家都啱！ 食完之後個個都舔舔脷已經即刻再預約多兩個，下半年有得食啦！

呢間經常去食，但因為有時懶得去排隊😂😂最正都係買一個去攞！！😂😂永遠好食 終於等到👍🏿👍🏿👍🏿四個月 前 預訂的 earl grey crepe cake好食就一定 cream 依舊好滑 仲要每啖都好似飲梗earl grey 咁 好開心呀！！！🥰🥰比起lady m 佢既cream 厚好多 皮好似差唔多 但佢啲皮無咁乾 👍🏿👍🏿係值得等咁耐的 而且唔貴 絕對值得一試一次過訂咗兩隻味再訂過啦😌😌😌🥰🥰🥰

由於最出名的流心綠茶千層蛋糕在我抵店時已售罄，我便買了流心朱古力味。流心朱古力千層蛋糕的賣相滿分，因為流心效果恰到好處。朱古力醬不會一瀉而出流到滿碟都是，剛剛好在半流與不流之間，卡在蛋糕外面。加上朱古力味道濃郁，完全滿足到我這個朱古力控。Cream也好吃，口感豐盈。不過千層蛋糕的特色，是薄餅皮把cream隔開，咬吃去時便不會一大口cream。薄餅皮和cream層層相間，愈多層，味道和口感愈均勻。而這個千層蛋糕的cream，份量慷慨，啖啖cream，讓我有種錯覺自己在吃包著薄餅皮的cream，不是在吃夾了cream的千層薄餅。雖然這cream不會膩（不像Lady M的，吃三份一至半個便不想再吃），但製作千層蛋糕的程序繁複需時，讓cream淹蓋了千層的層次感，豈不浪費了師傅的一番心機？

依間人氣蛋糕店開左幾年，一直都唔敢試因為不斷聽都係話就算平日一開門都要排隊同埋好快賣哂唔想特登去到又買唔到，所以見到依家人潮少左先特登過去太子一試佢地最特別係流心款，所以都叫左個朱古力流心， 同埋一款焙茶朱古力流心朱古力味好濃，千層蛋糕口感唔錯，皮同cream 比例剛好，但皮都係比lady m 差少少，但依度係lady m 半價價錢，所以我非常收貨啦另一款焙茶味都好重，但有驚喜既都係流心款多d~~店面好細，得3,4 個位到，多數人都係賣6件以上外賣，支持小店

已經食過依一間嘅千層蛋糕好多次 包括伯爵茶 流心抹茶 流心芒果 同朱古力😋佢嘅千層蛋糕的確係好好食！尤其係流心抹茶 芒果 同伯爵茶👍中間真係爆餡！抹茶有甘甘甜甜既味 唔會好溜😌芒果都有好多果肉 份量覺得都好足夠👍 朱古力千層蛋糕就比較普通 有啲比下去🙈所以好多時都會去幫襯 芒果流心唔係經常有 要留意住佢IG 所以我一見到就即刻走去買😂因為見佢蛋糕都整得好好 所以決定母親節嘅蛋糕都繼續幫襯佢 ！佢推出既母親節嘅蛋糕 係伯爵茶威風蛋糕🍰 睇IG嘅相感覺都好吸引賣相都幾靚...結果...帶返黎極度失望😞首先圖文不符！佢ig 影出嚟嘅相係有五朵花 但整出嚟係得三朵花！ 重點係冇咗成塊happy Mother’s Day 既牌！！ 蛋糕亦非常之細 幾乎一人份量 味道亦都一般！可能佢整千層蛋糕先比較叻🙈但從依幾點睇得出 佢非常唔細心 感覺有啲求其 真心極度失望！因為依件事 我應該唔會再幫襯.....

已經幫襯左呢間蛋糕店好多好多次啦，今次係第一次訂到原個蛋糕。平時去買切件， 1:00開門， 2:00就已經賣晒超誇張。我呢一個六吋嘅朱古力流心蛋糕喺一月已經訂左，咁大個蛋糕先係$170超級抵。蛋糕有好多層，啲cream超級滑，而且朱古力味一啲都唔假，好香又好濃。個流心都好好食，一切開好滑嘅朱古力醬會流出來。各位朋友仔食完都覺得可以媲美lady M，而且價錢仲要平勁多。之前仲食過其他唔同味道嘅切件，雖然冇影相但係都可以講下。檸檬芝士真係值得一試，檸檬味一啲都唔假，唔係嗰啲香精味，而且個cream都係好滑，食落好清新唔會覺得好膩。香蕉朱古力味都幾特別架，中間夾層真係有原粒香蕉，冇朱古力味咁單調，如果鍾意食香蕉味嘅都應該要試一試。聽聞依家切件嘅數量增加左，所以遲咗去買都可能買到切件。

其實好耐好耐之前已經上網見到呢一間小店，佢由網店做起，聽過朋友食過都話好好食，仲話果想訂佢哋嘅蛋糕要早半年訂，咁岩俾我知道佢地有門店喺太子，所以我一直都心思思想去門店食！問過好多朋友嘅經驗，佢地話門店其實都唔洗排好耐！我星期六1:30去到 前面有幾個人，但唔算等好耐！店內有4個堂食位都冇人坐，所以我就坐低左啦！堂食試左泰茶味、抹茶流心味、芒果流心味！抹茶流心好驚喜！大家一定要食呀！而芒果流心味就比較似pancake(haha) 正正常常咁！泰茶就可能因為我期望太高 覺得一般。另外，我買左兩個外賣返屋企食，係牛乳味同埋伯爵茶味！牛乳外表係彩虹色幾靚，而伯爵茶就同ladym外表差唔多！重點係呢兩個都好好食！由其係伯爵茶，大家要試！

本來半年前訂綠茶奶蓋佢話4月訂單已滿🈵️，但臨生日🎂一日有人取消左訂單，我可以執雞了😬。店主好細心咁send 埋地圖黎，如果5係真係估5到係太子有間咁別緻的白色小店。另外，亦提我帶冰袋。找了平日來，並未有朋友所講話要排長龍的境況，不過所有full cake 都賣光，單件就剩返幾件。回到家急不及待切餅🍰，一切就feel 到好多層的感覺，好酥化。本來以為奶蓋係好似飲珍珠奶茶咁係面，但原來佢係擺左做流心。食落真係立刻心心眼😍好香濃嘅綠茶🍵味同埋個皮真係皮薄陷靚！（因為佢係有綠茶cream 係每一層之間）。至於流心嘅奶蓋我個人就覺得有點太甜了。但個千層效果真係做得很好👍🏻 而且7吋都係$210，比lady m $6xx 多一個蛋糕🎂真係性價比高很多呀！ 下次想試百香果芝士！

一間ig shop開成實體鋪真係一啲都唔容易！一直好想支持！不過大家都應該知呢間蛋糕店好痴線勁受歡迎！！🤯預訂原個蛋糕都要等至少半年後，見今日係附近，特登行過去買散件試下。為左令多啲客人買到切件千層蛋糕，佢限每人最多只可以買兩件，呢個安排幾好，減低令到客人特意黎到但運吉而回。不過食落真係覺得好好食好香濃，真係皮薄，唔溜，一人食一件剛剛好！$34一件，每日新鮮製造，價錢都算合理，比起lady m平得多tim！如果真係鍾意食千層蛋糕，呢間真係要一試，支持一下香港小店！🥰