Video
Telephone
29828338
Opening Hours
Today
11:00 - 22:00
Mon - Tue
11:00 - 22:00
Wed
Closed
Thu - Sun
11:00 - 22:00
Above information is for reference only. Please check details with the restaurant.
第一次在南丫島辦圍菜活動，選址在南丫公館，就在中環船到索罟灣碼頭，下船後第一座獨棟酒家，5月天氣開始熱，就預約了2樓的私人房間，活動由黃昏至晚上，可以邊吃飯邊看海景和日落🥹天公做美，下了一星期的雨，今天天氣還不錯。整層應該可以容納20人左右，另一邊還有長沙發。酒杯的種類也很全，除了幾款紅白酒杯，連威士忌丶烈酒小杯丶清酒杯都有。而且全程2個員工很主動幫忙大小事，輕鬆友善。下面是自訂的9道餐點：冰鎮南非鮑魚 Chilled South African abalone必點菜式🥹🤌好鮮，平常消化不了鮑魚的我也吃完了。鼓油皇爆炒蝦 Fried prawns with soy sauce脆炸春卷王 Signature deep-fried spring rolls蒜蓉粉絲蒸扇貝 Steamed scallops with garlic and vermicelli必點菜式🥹🤌扇貝肉好大，加上蒜蓉基本上不另外加醬油都夠味了。清蒸海上鮮-馬友 Steamed fish 兩條本地新鮮馬友，聽說每天都有不同即日魚鮮材料😚酥香椒鹽鮮魷 Salt and pepper squid調味有點重，配啤酒可能剛好，魷魚脆嫩。馳名酸甜咕嚕肉 Sweet and Sour Pork新鮮郊外油菜 Chef’s choice veggie dish of the day 招牌漁夫蒸飯 Signature seafood steamed rice必點菜式🥹🤌比其他圍菜以炒飯結尾好太多了，葉墊底的蒸籠焗飯，用料放上各種海味並有五花肉片增添油香，完滿結尾。
continue reading
餐廳位於南丫島海邊，除了用餐時可以欣賞索罟灣的海景，餐廳的裝潢也使整個用餐體驗更上一層樓。餐廳負責人本身也是漁民出身，對於海產採購有豐富經驗。如果您對海鮮有特別要求，可以預先與負責人溝通，以便他們為您特別製作食材。索罟灣魚湯（$50/碗）以新鮮白肉魚熬製而成，配上蘿蔔豆腐粒作混合，鮮魚味突出而且濃郁，豆腐的軟滑和蘿蔔的清爽，為這道魚湯帶來了不同的口感。每次用不同的魚熬製而成，分別有梭羅魚、九份魚、重拍魚，每次都有不同的驚喜。花雕雞油蒸馬友（$680/條）採用南丫島本地新鮮馬友製作，食材新鮮無可挑剔，最大特色是把馬友魚的鮮味與花雕酒的甜味融合在一起，整體搭配新鮮有趣，非常值得一試。負責人表示，他們還能提供梅菜蒸馬友魚，有興趣的朋友可以來試一試。椒鹽鮮魷（$148/碟）以新鮮的魷魚炸製而成，外脆內嫩，調味適中，辣味和鹹味不會太重，魷魚的粉漿夠薄夠脆，味道濃郁時也不會掩蓋魷魚的鮮味，這使魷魚的鮮味得以保留。招牌漁夫蒸飯（$180/例）由五花肉、魷魚乾、蝦米仔、蔥花等材料組成，雖然材料簡單，但每種材料都有其特別的鮮味，整體搭配在一起，是一碗精緻的漁夫蒸飯。鮮鳳梨咕嚕肉與一般的咕嚕肉不同，師傅採用豬頸肉，口感煙韌爽甜，再配上薄粉漿，外脆內軟，跟一般的咕嚕肉不同，是另一道小編推薦的菜式。這家位於南丫島海邊的餐廳，提供多款以新鮮海鮮及當地食材製作的美食。餐廳負責人是一位漁民，對於海產採購有豐富經驗，如果客人有特別要求，可預先與負責人溝通。
continue reading
一直以為南丫島得呀婆豆腐花同大排檔，原來南丫島都有高質食府！😍😋今日來南丫島搵美食！一落船右邊第一間屋仔就睇到大大個招牌寫住「南丫公館」！餐廳環境好chill，以植物同東南亞風做主題，好似去左外國旅行咁，好有渡假feel💗如果怕熱佢仲有室內部份係有冷氣開放💗😋「南丫島罟仔鮮魚湯」$50先來個鮮魚湯，餐廳負責人講佢地係土身土長嘅水上人，喺南丫島長大，每日出海捕魚，捉到新鮮美味嘅魚就用嚟煲呢個鮮魚湯，可以話係就地取材，非常新鮮！魚湯係由大量鮮魚熬製而成，加上白魚肉，豆腐，白蘿蔔粒等等嘅食材，令味道同口感都更添層次，每一啖都鮮味十足！💗😋 「花雕雞油蒸本地馬友」 $690馬友本身都係貴價嘅魚，加上特別嘅烹調煮法，令呢一道餸更加吸引，呢間餐廳都算新穎，會玩fusion，好適合鍾意創意嘅年輕人去試。廚師用咗花雕酒同埋雞油去蒸呢條馬友，有別於傳統做法。花雕酒香撲鼻，再加上雞油嘅香味，令到魚嘅鮮味更加昇華，亦都係養生健康之選。魚肉肉質嫩滑，非常新鮮，大大條，啖啖肉好美味。💗😋「招牌漁夫蒸飯」$168呢一道餸係我全晚最鍾意嘅，蒸飯大大碟，足夠四至六人食用，材料有蝦乾，五花腩，油魚乾，櫻花蝦等等，加上豉油同豬油，味道及口質多層次。再加埋底部嘅荷葉一齊蒸，荷葉淡淡的香氣浸入飯入面，一道原本簡單嘅菜式，但廚師花上好多心機同埋創意，令佢變成好特別嘅蒸飯，一試難忘，停唔到口，令我食咗好多😂廚師仲話魚乾，蝦乾都係自己捉同埋自己曬，就地取材好有feel，其實香港都有好多本土特色💗😋「椒鹽鮮魷 」 $148好新鮮，不會太油膩，乾身剛剛好💗😋 「咕嚕肉」用豬頸肉整嘅咕嚕肉，非常爽口，係一個新嘅食法💗總結：估唔到南丫島有咁優質嘅餐廳，玩完一日南丫島再以美味嘅高質晚餐作結，令全日旅程更加完滿更加開心同難忘🥳
continue reading
來到南丫島索罟灣遊覽，一出碼頭就見到有一間新餐廳 - 南丫公館。有別於傳統大排檔或中菜廳風格，餐廳環境優美，面對無敵大海景，裝修精緻走休閒風格，屬於Bar Restaurant類別，本以為價錢都會較貴，誰不知價格相宜合理，整頓晚餐的菜式都高質，食材優質，烹調技巧高超，質素能媲美高格調的中菜廳。加上服務質素好，店員都面帶笑容，老闆更會與客人聊天，交流南丫島本地食材及海鮮等資訊。整體而言絕對是一家高質而性價比高的餐廳。❤️南丫島罟仔鮮魚湯魚湯上枱時熱騰騰，味道鮮甜，湯底用上梭羅、九棍等幾款魚淆製而成，再加上白蘿蔔粒及豆腐粒，令魚湯鮮味濃郁，卻不帶半點魚腥味，很適合怕吃魚的朋友。另外食得出湯底真材實料，不用加多餘調味或味精就已經非常好食。❤️花雕雞油蒸馬友馬友本身出名做貴價霉香鹹魚，而新鮮馬友本身的肉質嫩滑，魚油極多又香濃，因此價格較昂貴，通常會用作煎或者豉汁蒸等做法。而南丫公館就選用了花雕雞油蒸的方法，之前都未試過，感覺特別。花雕醉雞就食得多，但用在馬友上原來亦非常匹配，菜式一上枱時，花雕香味芬香撲鼻，至於雞油就能夠令魚肉的嫩滑更加突出，提升至另一層次，加上蒸煮時間剛剛好，魚肉離骨容易拆肉，吃起來很方便，看似一道簡單的蒸魚但非常高質素。❤️椒鹽鮮魷魷魚新鮮，用上本地罟仔捉鮮魷，肉質爽口彈牙，炸漿薄身，炸得又脆又香口。至於調味方面，除了椒鹽味外，另外亦有不少炸蒜及炸青椒紅椒粒，感覺上更有少許避風塘炒鮮魷的感覺，把這兩者風味混合在一起令到味道更有特色。至於份量方面，一份例牌的椒鹽鮮魷份量頗多，三四人分享亦足夠。❤️招牌漁夫蒸飯此蒸飯味道令人深刻難忘，是近期吃過的蒸飯類別中數一數二好食。蒸飯用上竹籠蒸，底部鋪上荷葉，風味十足。而上面的配料亦絕不遜色：豬腩肉、豬油、蝦乾、魷魚乾、櫻花蝦及香蔥等，配料滿滿的鋪在飯粒上，飯粒粒粒分明，與蒸飯均勻攪拌後，每一口都食到各款食材的味道，而每款味道又出奇地互相配合。蒸飯內沒有另加調味，所以整體味道偏淡口，但味道層次非常豐富，食得到每款材料的原味道。另外亦配有秘製醬油，裏面加有梅蝦蝦膏，與蒸飯攪拌後更添滋味。此蒸飯絕對是必食菜式，大推介。❤️菠蘿咕嚕肉咕嚕肉通常都是小朋友最愛，味道酸酸甜甜，加上菠蘿及三色椒，顏色豐富，賣相就更好看。而此款咕嚕肉的口感豐富，外面脆口，而裏面就軟熟腍身，因為用上豬頸肉，肉質爽口就不在話，另外豬香香味十足，加上菠蘿的酸甜，令人胃口大增。
continue reading
難得偷閒去南丫島，見到有新餐廳一試，有驚喜~首先係環境好別緻，不同於傳統海鮮大排檔，是異國風情的度假風，下次試晚餐，睇日落一定好正。菜品幾好，幾樣值得一提：-花椒蟹好惹味，唔係好辣但香口，蟹肉實而爽口，餐廳配食蟹的工具都齊全-椒鹽鮮魷係香口的，外層裹的粉唔厚，魷魚唔會切大大塊唔入味，剛剛好，係目前食過的餐廳中最佳-漁夫蒸飯係特色，海味和豬肉搭配，尤其加秘製豉油會特別鮮甜-蒸馬友選了花雕雞油蒸，呢個味第一次食，好特別，反而帶出魚的鮮味！其他海鮮都係好味新鮮的，元貝、龍蝦都幾好，下次再試下其他
continue reading