燈籠滷味 (登龍街) (Closed)

諗住冇人排隊 做gym前快快食填下肚因為一個人食只係叫左芋泥蔥抓餅 （ 自己再加左芝士同玉米）叫之前仲要睇過哂d食評諗住快食，點知等左25分鐘個餅先到…首先個外表係過關既 好大份好足料滿心期待食既時候…個外皮okay 香脆而q彈既感覺再食落去 個芋泥凍既 有種啱啱雪櫃攞出嚟既感覺 個芋泥仲要好大舊 所以成份野都好似食未煮過既芋泥再望下d芝士仲係一粒粒又係凍既 完全冇溶咗既跡象成個餅得個餅皮同肉鬆係正常…如果唔係趕時間（因為等左差唔多半個鐘）一定會叫佢再煮過…

潮州滷水膽強調陳年，鹵水汁要經過重複使用，越耐越好。台灣滷水卻相反，要夠新鮮。燈籠滷水本店在台北師大，相信不少香港人都曾光顧。在銅鑼灣開設香港首家店，開業一段時間，人流未減。不喜歡排隊的我今次竟破例，在門外等候約30分鐘。在輪候期間，在門外取了點菜單，可以有足夠時間挑選。入座前直接交給服務員。店內佈滿台灣懷舊物品做裝飾，座位狹窄。滷水部分與港式車仔麵一樣，從不同麵類及食物中自行挑選。 我點了冬粉（粉絲）、百頁豆腐，以及推介的豬耳、杏鮑菇、彈牙貢丸。飲品要了凍冬瓜仙草檸檬。湯汁不多，推介的豬耳未見特別，冬粉吸滿滷水汁，非常美味，總體味道不錯。冬瓜仙草檸檬調教得甚好，很地道的台灣飲料。香港有不少台式餐館，台式滷水只此一家，價格不便宜，排隊的人龍沒停過。

👅 自由是個好東西材料有粉絲，白蘿蔔，高麗菜同埋甜不辣🙂好有師大夜市嘅感覺呀🤤雖然味道當然無人地咁濃，但都食都個陣滷水味😍啲粉絲吸晒啲汁，夠飽肚😂同場加映兩粒香炸花枝丸🦑我覺得味道還好，不過成6蚊粒，就真係有啲貴啦😛右上杯珍珠奶茶不過不失，珍珠有𡁻口，唔會太甜，但下次去會留肚飲木衛二😛

2021年第一日就搏盡，喺銅鑼灣擺咗三日市集🤢不過擺市集真係忙到傻咗，冇胃口又冇時間食嘢，人流太多連除口罩食嘢都驚驚地，坐埋一邊食又怕多客要快快手倒晒啲嘢入口😥🍜豬耳朵貢丸冬粉 少麵 $35想試燈籠滷味好耐，但知道成日都好長龍所以冇乜機會去，既然要買外賣就去試下啦😤冬粉即係粉絲，索晒滷水汁好入味，豬耳朵同貢丸係店家推薦，豬耳切成條狀，真係好爽口，而貢丸就有兩粒，每粒切開一半，好鍾意貢丸個香菇味😍酸菜撈埋冬粉食好開胃，就算擺市集都要善待自己啊，最重要係外賣唔駛排咁耐隊🙈

每次經過店家都大排長龍的隊伍如果不早點排隊就要等到下次才能回味一下自己家鄉的美食🥲話說已經不是第一次吃燈籠滷味了🏮每次來都會有新的菜色可以選擇滷味最經典就是台灣人才懂得的王子麵🤴總是要加個底才夠滿足我心中的掛念💕尤其是辣椒醬🌶️吃起來不是很辣卻有種說不出來的香味搭配著自配滷水一級棒👍🏼✨超級推薦吃不到太辣的老饕們不妨可以嘗試一下唷😋P.S店家不會主動給辣椒醬的部分，畢竟不是每個都像我一樣喜歡吃辣，就需要自己很店員索取，他們都會很熱心的拿給你唷♥️

名過於實，我諗大家都係為左揾番去旅行既味道。今日用openrice外賣自取，叫左shark shark 雞同埋冬粉（加底）配鴨血、大豆皮、豬耳同埋高麗菜埋單$103⋯⋯一去到都有條小龍排緊，好彩一早落左，去到有得拎。車程大約一小時，冬粉索曬啲汁好鹹……鴨血少得可憐，又鞋….高麗菜加埋既量應該係由一片菜剪碎…大豆皮，一塊要$10 …..雞都好鹹，繼光香香雞好味啲…總括而言，食一次夠皮。其實食車仔面都唔錯丫

終於有機會試呢間台灣過江龍啦！叫咗招牌燈籠滷味王子麵、Shake Shake海苔鹽酥雞、甘梅香脆地瓜條同清新冬瓜仙草檸檬。滷水麵可以車仔麵式咁嗌餸，既然食緊台灣嘢，梗係要揀啲特別啲嘅餸啦！今次揀咗台灣直送水蓮菜同百頁豆腐。水蓮菜香港人比較少機會食，口感爽脆，味道好清新，大推薦！百頁豆腐非常軟嫩。雖然滷水底較鹹，但加埋啲餸就OK。另外仲嗌咗台式地道小食鹽酥雞同脆地瓜條。鹽酥雞酥脆可口，一啲都唔油。但可能因為唔油，佢比嘅海苔shake shake粉唔係好痴到上去😂。地瓜條粗身、外脆內軟，番薯肉味道香濃，梅子粉有啲太甜、梅味唔算香，個人認為唔點梅子粉仲好食。會再返嚟食止台灣癮！下次試吓叫抗疫二人套餐。

🍴燈籠滷味台灣菜，反正就是很合我的口味❣️燈籠滷味做的是古早風味的台灣美食，銅鑼灣店更是人氣熱店，長期大排長龍。店內裝潢就像台灣夜市般，餐廳簡潔舒適。📍清新冬瓜仙草檸檬 （冷） $26這裡用的是台灣的青檸檬，筆者特意挑半糖，味道微甜帶酸，下火又解渴。📍招牌燈籠滷味🐷豬耳朵 $12 滷得入味，豬皮部分又淋又滑，軟骨部分帶爽脆口感。🐷大腸 $12大腸洗得事淨，不會帶有肥膏，滷得味道剛好。⚪️百頁豆腐 $12百頁豆腐本身沒有味道，所以要靠蘸滷汁吃才會有味道，百頁豆腐滑身可口。🥕白蘿蔔$10蘿蔔吸收了滷汁的精華，又淋又甜， 十分好吃。🤴🏻王子麵$12王子麵是台灣的即食麵之一，排汁力高，不像香港人平時吃慣的出前一丁麵的圓身幼麵，而是較扁身的乾幼面，掛上滷汁後，特別好吃。📍滷汁會有一點偏咸，所以建議大家要點選一至兩款本身沒有帶味道的食物，那便會味道剛剛好了。喜歡吃辣的朋友，不妨請店員提供一碟辣椒油給你吧！這裡的辣椒油真的是一流，香得不得了，把滷味蘸一點辣油吃，更香口。餐廳出餐快，侍應服務態度良好，好客有禮。食物味道好，會再回頭光顧。🇭🇰香港良心推介💛👅 味道：4.8/5💰CP值：4/5🕴🏻服務：5/5

最近好想食台灣野 真係太耐冇飛啦經過呢間燈籠滷味 好似話係台灣過江龍咁應該夠地道。所以就決定食佢首先點左shank shank海苔鹽酥雞會比個紙袋你 自己shank shank 搖勻佢有錯覺去左m記味道不錯 但雞肉有點乾 滷肉飯 都係果句 比多d滷肉我撈飯得唔得😂😂😂冬粉三餸有d似車仔麵其中點左蘿蔔好入味整體有台灣既味道係價錢貴左少少始終香港😌😌另外大家如果鍾意食滷味嘅話可以試吓佢啲豬腸、豬嘴邊、肉麻辣豬耳、鴨血等等都係地道台灣小食

台灣過江龍，好耐之前已經想試喇！今次早黎到大概6點鬆啲唔使點排隊。我地叫左滷肉飯，shake shake海苔鹽酥雞同埋叫左碗滷味Share食。我地揀左冬粉，佢吸盡滷水汁既精華，非常濃郁。而滷水汁唔會過鹹，滷味既份量都算正常同埋味道唔錯既。但滷肉飯我覺得唔好食，除左好多肥肉之外味道都好一般。而鹽酥雞啲炸粉都幾厚同唔酥脆。我覺得有啲名過於實，一心諗住過江龍應該會好有台灣夜市既感覺，可能太有期望所以有啲失望，所以試過一次就夠了！

完左個appointment 見肚餓，醒起附近有燈籠滷味，12點鬆d啱啱開門冇耐又冇乜人等，即刻幫襯。睇極午市ABC餐都唔夠吸引 所以揀左D.自由是個好東西 😁好貪心叫左5個餸 大腸 白蘿蔔 花干 甜不辣同麻吉燒，配王子麵。佢個滷汁偏咸，但又有少少獨特嘅草本味。王子麵質地唔算特別優秀，但勁索汁，所以非常好食。大腸夠入味，唔算太肥同乾淨。白蘿蔔冇乜渣同夠甜同入味。花干係類似豆卜油揚嗰d, 都係想索吓d滷汁同食落口有少少豆腐味。甜不辣正常，有d魚味又有少少煙韌。麻吉燒嘅外面類似魚腐，入面包住甜甜地又Q嘅年糕，我鍾意😋整體黎講王子麵同個滷汁係絕配，配料都入味同恰如其分。我喺台灣食親滷味都叫豆干，但呢度冇，有d可惜。同埋配5個餸要$68算偏貴。但而家去唔到台灣，呢d止癮錢都冇得唔俾🤣

早幾個星期日我同老公去咗銅鑼灣登龍街嘅燈籠滷味尋找台灣嘅味道。我哋大概兩點半去到，唔洗等位☺️店入面嘅佈置都好有台灣feel，例如台灣常見嘅牆上菜單，令人仿似置身喺台灣咁☺️ 我揀咗啲平時比較少見嘅配料，揀咗蹄膀、肝連、百頁豆腐同甜不辣配冬粉。老公就揀大腸、米血糕、鴨血、花枝丸配王子麵。滷水嘅味道有少少香料味，都幾香😋啲配料正正常常，無乜特別。碗滷味加冬料係用滷水汁撈麵咁，食到尾就有啲太鹹，幾啱我呢啲重口味嘅人🤪另外，我哋仲叫咗shake shake海苔鹽酥雞，可以加啲海苔落去個紙袋度shake shake，都幾得意😎鹽酥雞炸得幾香口，滿足食炸物嘅癮😍由於啲食物比較重口味，所以要叫返啲嘢飲。冬瓜仙草檸檬加珍珠酸酸甜甜，幾解渴。不過可能佢本身個茶底係熱嘅，我揀咗半冰，會覺得杯野飲唔夠凍。就算老公嗰杯係正常冰，飲落都唔凍，啲冰好快融哂🙈

之前星期六12:00 諗住黎食，已經要排長龍，放棄左，今日星期四12:15 黎到唔使排隊，即刻衝入去😂但係到12:20 出面已經排緊10個人，真係誇張。坐底左，自己填紙落車，基本上台面得筷子、匙羹、落單紙，冇水冇紙巾，不過問侍應佢會俾你，等左大約5-10分鐘就有野食啦。我今次叫左油麵，連滷水湯底幾好食，唔會太乾或太鹹，不過餸既份量偏少，豬耳都有4-5條，花枝丸佢剪開半粒俾俾，夾埋應該2粒，鴨血就明顯地薄，應該又係一舊切開幾片，但麵既份量就足。成個麵既精粹係個滷水湯底，成間店都係個隻味，又唔太鹹，埋單$46，又幾抵，份量再多少少就好，下次再幫襯。

抗疫二人餐 $178想食好耐嘅師大夜市過江龍，今次見到唔係好大條隊終於可以食到！招牌燈籠滷味（自選麵：冬粉）二人餐嘅滷味已定，有蹄䠙、豬耳朵、甜不辣、麻吉燒、百頁豆腐、白蘿蔔、空心菜、杏鮑菇首先不得不大讚自己麵底揀得好，冬粉（即係粉絲）吸湯力高所以有濃濃嘅滷湯味，但亦都因為吸力高，啲湯好快就所剩無多🥲咁多種滷味中，所長大推蘿蔔、豬耳同甜不辣。蘿蔔同豬耳都係極之入味，蘿蔔切成細細粒，容易入味得嚟又方便食，豬耳係入面得嚟保持爽脆，抵讚👍🏻另外私心推甜不辣，因為所長未食過唔係炸嘅甜不辣，原來都好味㗎，可以有同樣QQ嘅口感得嚟又唔怕熱氣。整體嚟講十分滿意呢碗滷味，味道好之餘份量其實都比想像中多😍Shake shake 海苔鹽酥雞上碟時會有一碟雞同一個紙袋入面有海苔粉畀食客自己shake，搞掂先倒返落隻碟度（相中為已shake狀態），即刻諗起細個食shake shake薯條嘅感覺。熱辣辣上碟，雞肉夠嫩唔柴，海苔粉亦足夠，shake完可以包裹晒所有雞肉都仲有剩少少喺碟底。燈籠古早滷肉飯細細碗，味道正常，肉飯比例都ok，入去時間尚早唔係好餓，主要交畀友人ko碗飯。自選手搖飲：茉香奶綠、古早冬瓜茶偶爾

台灣人氣既🏮燈籠滷味開左好耐都未去過 次次經過都有長長人龍🙈今日終於有機會到訪下見到佢有個銅鑼灣店特有既二人抗疫套餐 就叫左呢個試下～🥢招牌燈籠滷味麵 - 麵底可以自選 今次揀左冬粉 比較吸湯 都唔錯！另外配料方面 就有8款 個人好鐘意個白蘿蔔同百頁豆腐 好吸湯汁☺️其他都ok 但又唔係好特別 滷水都偏甜少少 台灣既味道 不過比想像中淡味左d🥢Shake shake海苔鹽酥雞 - 炸得好酥脆 唔會太咸 都唔錯🥢燈籠古早滷肉飯 - 細細碗但都鋪滿左滷肉 不過d飯就偏軟🍚仲有兩杯飲品 都係大路既台式飲品🧋🥤 叫左珍珠奶茶 同荔枝紅茶另外仲叫左個九份芋圓 反而呢個對我泥講又覺得台味十足😋雖然都係個d配料 芋圓黑糖珍珠紅豆 但係個種黑糖既既甜度同濃度又真係唔係甘容易搵到👍🏻 不過總括泥講唔係好明點解甘多人排隊 個人覺得不過不失⭐️⭐️⭐️✨ (✨=0.5粒⭐️)