老掌櫃東北菜館 (利奧坊)

Open Now

Now Closed

這店發揮了東北菜特質，份量大，價錢亦都大眾化，所以十分多人光顧。除了涼菜較為特色之外， 其他的東北菜都是一般般， 如果你只求一大班人喝啤酒吃大塊肉 這裏不失為 一個好的選擇。

星期日和家人們一齊去咗大角咀嘅老掌櫃東北菜館食晚飯，雖然早已book位，但門口有好多人排隊，所以都要等一等先可以入座！我哋叫咗：北京填鴨（全隻）跟24塊面皮，鴨片切得很薄，皮脆內嫩，有90分！好抵食啊！鴨兩食-茄子炒鴨架，炒出來很大碟，茄子炒得夠淋，鴨件亦很入味。乾煸四季豆，炒得好夠鑊氣，有少少豬肉碎。蝦蛋炒飯，蝦好大隻，正常味道，飯粒粒分明。雞絲粉皮，有蘿蔔絲、青瓜絲、麻醬撈埋一齊。高力豆沙，必食甜點，炸得趣卜卜，內餡係紅豆，上邊有啲白糖點來一起吃。

由於無留座， 可以walk in, 但我地一到6點就黎排定隊， 幸好都有位。一直好想食片皮鴨， 兩個人係呢度食就岩岩好， 一份半隻12塊皮都係百幾蚊， 勁抵食。 但必須同時間比賽， 個皮 由於無蒸籠， 的確好快會變凍， 一凍就無咁好食， 所以要襯熱食。食中式菜我最愛都係乾煸豆， 好大份，味道不錯但食到最底好多油。炸饅頭都好食， 表面唔算好多油，外脆內熱， 係朋友既至愛。 想食餃子， 於是試了東北酸菜餃， 其實呢個唔算好出色，唔會好酸，但味道剛剛好， 正常發揮。呢間餐廳真係好多餸都大大份， 見到啲炒飯都係4-5個人份量， 所以好抵食

話說有次去荃灣同一班朋友食飯，去咗海之戀商場嘅分店，好多人之餘，印象麻麻哋，味道普普通通而已，今次去到大角咀，朋友話食呢間，我本來都有啲保留，但係朋友就話呢間唔同，係本店，以前呢度未有新商場，仲係舊樓唐樓舊舖哋時候，已經好出名，好有水準，於是就俾多次機會佢試吓，真係唔同喎！感覺比荃灣分店係真係有水準好多，食得出廚師真係有心機做菜。今次叫咗唔係好多嘅，北京填鴨、高力豆沙係招牌菜，好多人叫，另外我哋又叫咗東北醬骨架，呢個味道就淡咗啲但係肉質都幾好，另外叫咗紅油抄手、秋葵、肉凍等等，本店同分店原來真係有分別架。

老掌櫃，我都已經食咗佢好多年，由佢一開頭得一間大角咀兜踎小舖食到而家搬咗利奧坊，同埋荃灣西都有分店。首先每次去到都一定要食嘅，就一定係口水雞，佢果醬整得好好食，可以掛得住d 肉，調味亦都非常之恰當，我一定會將所有汁攞晒去撈飯食，口水雞其實就唔算好辣，不過真係好惹味平時都係食乾煸四季豆，今次食嘅係黃金四季豆，直頭當佢係送酒小食，咁都非常之正。豬肘花真係非常之平平無奇，另外豬耳亦都比較普通。是日最伏既係水煮牛魚，佢用龍利柳嚟整水煮魚，今次好奇怪地啲龍利柳係非常之霉，口感極度差。啲牛就正常發揮。高力豆沙就真係覺得好好食，本身甜度控制得唔錯，仲要新鮮滾熱辣咁樣拎出嚟真係好難忍口

我在网上刷到这家店，就带着家人一起来吃，结果中伏！点了一个松鼠鱼、一个辣子鸡、一个酸菜排骨、还有一份高力豆沙。高力豆沙味道不错！但也只有这个味道不错！辣子鸡太油腻！酸菜排骨只有三块迷你软骨不知道什么部位的不是一根骨的排骨。松鼠鱼全是面糊！太难吃了！！！不会再来的一家店…最关键的是环境太逼仄了！！！跟隔壁紧紧挨在一起！太难受了😣然后整个房间里全是厨房的油烟！乌烟瘴气…服务就是没有，上菜巨慢无比…只能等

相隔一段時間再回來食午餐，仍然那麼多人去等位，我們一行人來到這裡食午餐，因為平日有中午套餐，有麵、飯、餃子等⋯⋯我們決定每樣叫啲可以分享一下😉不過呢間店餃子真係出色，咁多年都保持水準，每樣小菜都好出色又有風味，尤其佢嘅水煮牛每次都食得好滿足！所以佢哋短短幾年都開咗兩間分店👍🏻

老掌櫃東北菜館✨相信好多人都聽過💁🏻‍♀️小妹係盤古初開個時已幫襯姐係大角咀店個時莫名奇妙好多唔同區既朋友都不約而同話想試呢間個時覺得好好食 價錢又唔貴🌝到之後愈做愈大舖位都搬左後面好大間同時都開左幾間分店不過再食就覺得質數下降左😔但北京填鴨畀黎講性價比仍然高👍🏻北京填鴨半隻$168

好鬼多人，中午打去book已經得翻6點！ (去到真係好多人)雞絲粉皮上臺賣相麻麻地😂😂😂超級多麻醬嚇親，原來下面有雞絲嘅！撈左好好正常好多！建議佢一下可以雞絲放係面好d😛😛烤羊好香脆 好多件 又多肉，冇咩膻味！上次食過辣子雞丁所以今次叫咗一個脆椒雞粒。好鬼抵食！辣椒同雞都食得！從叫咗兩份餃子，一份煎餃，一份酸菜餃子。酸菜餃子真係好有大陸特色。好鐘意！最後甜品要早必須嗌嘅高力豆沙！ happy ending！3個人超級飽！

三人聚會，由於網上訂咗枱所以無需等候，叫咗片皮鴨半隻、東北亂燉、清炒蝦仁、豆豉鯪魚油麥菜及炸饅頭，餐廳上菜速度超快，份量大。片皮鴨唔肥膩肉質唔鞋，東北亂燉味道濃、肋骨淋、粉條入味，清炒蝦仁失色、蝦仁粉厚、嗱蝦味未洗清、小小嗆口，豆豉鯪魚油麥菜超多油，不得不贊炸饅頭炸得剛好、外脆內軟。整體評分，滿意一定會再嚟食，期待下次多D人可以叫多幾款菜試。

午餐叫咗酸菜魚配白飯，再加熱豆漿，$59真係好抵！ 酸菜魚我諗大大話話有20片！好似唔駛錢咁 😂 我一路食一路諗唔好俾我再夾到魚！ 但係味道呢我覺得只係剛合格，同埋唔夠熱，不過呢個價錢真係超級抵囉 😜

平時食開晏晝食老掌櫃嘅午市套餐餸又多份量又多 價錢都係$70內今次星期六諗住同屋企人去食原來晏晝冇咗午市套餐咁唯有叫返正價🥲我問店員同平時一至五嘅午市套餐有咩分別店員好Nice咁解答 原來份量係會比平時嘅午市套餐多大概1倍😅我同屋企人兩個人食 鍾意食酸菜魚就叫咗一個酸菜魚$118再加兩個飯點知嚟到酸菜魚比想像中大😍同埋好多魚好多酸菜同面比平時一至五多好多🙈😍兩個人食都食唔晒比起出邊好多專門食酸菜嘅舖頭好食🤙🏼

奇葩冇一樣好食，唔明點解咁多人排隊，仲要有咁多人話好食。片皮鴨，D皮un 的，D肉梅嘅，大家樂燒鴨瀨都好佢九啊幾皮，其他餸上枱賣相OK，不過一擺落口一係冇味，一係得個咸字，叫咗個椿炒蛋喊到腎虧。

⊶北京填鴨（半隻）$168👍🏻皮夠香脆 肉質夠嫩滑 香得黎唔會蘇 餡料皮薄得黎唔會穿 醬汁好夾 絕對超出呢個價嘅質素 必食⊶紅油抄手（10隻）$48唔夠香辣 好似普通水餃 白烚完加少少辣椒油 啲皮完全吸收唔到啲香辣味⊶ 脆椒香雞 $47勁熱氣 食咗兩舊已經喉嚨唔舒服 唔敢再食 但佢唔算好辣 正常好食 冇咩鑊香⊶ 雞絲粉皮 $62皮唔夠煙靭 雞肉唔夠嫩 啲醬汁夠就夠多夠濃稠 但係唔夠芝麻味 比個樣呃咗⊶ 高力豆沙 $12（每個）即叫即整熱辣辣 正 不過唔夠甜 冇咩紅豆味 適合鍾意唔甜嘅人 （仲係唔明點解啲人食甜品鍾意唔甜lol)總結黎講得主角北京填鴨好食 其他菜式都唔得 但會再去食 北京填鴨+點過唒其他野食😹 希望下次點啲餸菜好食啲啦 ⬧︎⧫︎ 老掌櫃東北菜館 (利奧坊) ⧫︎⬧︎大角咀嘉善街18號利奧坊.凱岸地下G708-G709號舖味道 （唔知點比 太極端）環境🌕🌕🌗🌑🌑服務🌕🌕🌗🌑🌑

今次勇者們🦸🏻🦸🏼‍♀️為大家介紹既係位於大角嘴每日都多人到爆勁東北菜館，想食前記得一定要訂位呀😆好味指數：⭐️⭐️⭐️⭐️1️⃣ 北京填鴨🐤（半隻 $168）半隻填鴨份量超多～兩個人食絕對係食唔哂😆味道方面，填鴨既皮十分脆 ， 鴨肉厚而嫩 ， 食落唔會好油，配上青瓜同京葱啱啱好🤤 但餅皮略嫌有少少厚，可以薄返D就一流。2️⃣ 水煮牛肉 （$168）牛肉份量都算多，而且入面仲有薯粉😃但味道就完全唔係嗰回事😣唔夠辣 唔夠麻 唔夠咸 食落比較油 牛肉亦唔入味🥲3️⃣ 大蔥羊肉餡餅/韭菜豬肉餡餅 （$22/$20）前者嘅羊蘇味唔重反而大葱味好大，似係食緊大葱餅咁🧐反而後者個豬肉味香好多 豬肉食落調味都不錯 同韭菜非常夾~總括而言，老掌櫃嘅填鴨係最出色，性價比又高，絕對係大部分人黎嘅目的😚其他小菜質素都不錯，所以都好多人排隊！要食就要早少少黎攞位啦~