深宵食堂 (Closed)

早幾日有兩個朋友係snapchat不約而同地post左深宵玉子燒，搞到我都心郁郁，所以今日就搵咗個朋友一齊去試試佢我地一入到去就有位坐啦！燈光比較陰暗，餐廳亦會不斷播放韓國音樂，真係啱晒我同朋友暢談。好快就嚟咗第一道菜-煙肉芝士玉子燒。職員幫我地分件前仲好好，問我地洗唔洗拍照留念先。職員一切完細件我哋用9秒9嘅時間食晒啦，因為流心芝士真係太吸引啦，加埋蛋同茄汁呢嗰絕佳嘅配撘，一啖食唒真係好邪惡。炸雞軟骨都值得一讚，雞軟骨唔係太粉，炸得幾脆，個醬同雞軟骨亦好夾。一個字，正！ 帆立貝燒得啱啱好唔會太韌，size唔會太細隻，加埋一大羹黑松露係帆立貝上面，又香又好食！一睇個顔色同外皮就知道炸得好脆，芝麻令雞翼更加香口，肉嫩皮脆無得彈。安格斯牛肉煎得唔錯，冇咩軟骨係入面，多汁但唔肥膩，一口就啱啱好。芝士年糕係我哋叫既最後一道食物啦！一咬舊年糕，啲芝士就流晒出黎，煙韌嘅口感都幾特別。雖然每一份食物分量唔多，但價錢係同區唔算貴，我食完以上咁多款小食都夠飽。最後我要講返句：玉子燒、芝麻雞翼同帆立貝真係好好味呀！

家陣放工下下都係晚上十點半，真係超難約到朋友出黎見個面食個飯....再加上，那麼晚，哪有餐廳開到咁夜呀一係就飲酒，一係就食甜品，咁即係無野揀啦!!!平時睇TVB節目就知深宵食堂，點知現實竟然都有個深宵食堂，仲真係開得好夜，真係岩曬我啦雖然已經十一點，店內還是有一班班放左工出黎食野既人，耳邊更是播著韓國熱播歌曲，不會太冷清清吧>>>>><<<<<有張特惠深宵推介.....同埋一本深宵食堂既餐牌先來潤潤喉，叫上巨峰提子、荔枝梳打 ($28)巨峰提子、荔枝會比梳打混合過，變得淡一點不會過甜....店裡最多人點的玉子燒，用蕃茄醬寫住自己的招牌名喎~~~緊係要打下卡、呃下LIKE啦~~~~我地就叫左個芝士野菌玉子燒($78)，熱騰騰的上台，當然要盡快享用考手藝的玉子燒切開後是濃濃的芝士絲牽扯住刀面，然後看到裡面的芝士混雜住野菌吃上後的滋味更甚，熱騰騰的擺入口中，外層蛋皮，內層半熟的蛋漿再有芝士混雜住野菌，非常和諧!!!滑得黎又有野菌可以慢慢啃，否則就很快起口中消失了芝士蝦球 $38看似好油脆的吉列面被沙律醬打敗後，變

係尖沙咀行完街,唔知食咩好,走左入去厚福街搵食之前已經食過銅鑼灣分店,發現原來尖沙咀都有分店,咁就唔諗啦,上去食啦!芝麻雞翼呢度既雞翼係最好食既,一上枱就已經聞到好香炸得好香口,外皮炸到金黃色,食落好脆身入面既肉仲係好Juicy金菇肥牛卷都係最愛之一,肥牛好嫩,入面包住超多金菇,金菇好多汁加上上面有好多醬汁,令到成個金菇肥牛卷都好惹味!燒蟶子蟶子好鮮味,而且好爽口更重要既係佢用左好多蒜蓉鋪面,勁香蒜蓉味食完好回味炸雞軟骨呢度既雞軟骨分量超多,粒粒有咬口又夠香脆上面有啲七味粉,食落更惹味!若用黎送酒,感覺一流,好味到停唔到口呀!

想試好耐，但見到OpenRice 兩極化的 comments ，有點卻步。不過這一晚walkin 都有位，就即管試下啦。餐廳不大，坐位都幾擠迫。bar 枱坐得唔太舒服。150cm 小矮人有點吊腳呀入座又唔出聲，坐低咗一陣先話要1.5 小時還枱，有點扣分。食物速度上得太快，強烈建議分幾次叫野食。一次過上哂好狼吞虎嚥feel ，食物又快涼，食得不暢。金菇肥牛卷係驚喜。我一向都很怕食這個，因為好黐牙。不過這裏的一點都沒有黐，很久都沒遇過，係今晚最出色的燒大啡菇。size 適中，仲juicy ，有人話貴但我覺得ok燒雞軟骨。夠味，脆，唔錯。黑松露牛油帆立貝。好香！不過牛油咁樣上有點奇怪芝士蟹肉玉子燒。無乜蟹肉味，整體一般啦。芝麻凍豆腐，中規中矩。深宵薄餅。有點像大阪燒但又唔完全係，都幾好食，兩個人食份量有點多。汁燒醃𪂹蛋，唔夠熱，無乜特別，唔推介。兩個人食到捧住個肚走，好飽，埋單400+大廈等𨋢等好耐，比d 耐性。另外餐廳有一半座位在戶外的。

要成功複製出日式居酒屋的味道在香港不易找到深宵食堂主打居酒屋小吃見到他們價格相宜今晚就和你相聚於此燒扇貝的調味料香濃一口吞下享受那舌尖上的快感燒蟶子鮮味無比一口安格斯的牛肉味極濃口感佳不會乾柴份量雖有點少但足以留下深刻印象龍蝦沙津小食的龍蝦肉十分足料配上蔬菜感覺很清新黑松露牛油帆立貝味道濃郁配上牛油食用令味道更加豐富芝士和薯角是最佳拍檔薯角內完全被薯蓉填滿吃罷飽肚感十足日式炒手打豬軟骨烏冬的肉量較少豬軟骨肉也略嫌過瘦奶油飯在日劇深夜食堂出現過略帶鹹味的奶油配上白飯有著神奇化學作用帶點creamy口感的白飯前所未有過荔枝特飲有啖啖荔枝果肉喜歡荔枝的朋友不容錯過

星期六係尖沙咀等男朋友放工，因好肚餓，行去厚福街搵食，平時只會留意地鋪，原來大廈樓上都有好多選擇，我地就揀左呢間個名幾特別既。上到去一打開門，好多人，我見檯檯都有叫玉子燒，咁我地一坐低就即刻搵下咩名堂，原來有三隻玉子燒，我地叫左芝士蚧肉玉子燒、芝士年糕、黑松露鵝肝野菌石鍋飯、香草黑豚肉飯、芝麻雞翼、日式炒野菜、汁燒帆立貝、汁燒金菇肥牛卷！等左一陣，就即上左芝士蚧肉玉子燒，店員好貼心咁問要唔要幫手切定要影相先，我梗係話要影相先啦，因我好肚餓，影完自己切左，啲芝士流曬出來，即刻夾左黎食，味道好juicy，配埋上面既茄汁好夾。好快我地一人三件就清曬啦。跟住炒野菜都上埋，哇！好大碟啊！我以為好細碟，上面仲有好多木魚。之後再黎左芝麻雞翼，一上就已經聞到好香，睇埋個顏色就知道炸得好香口！男朋友唔理仲冒緊燒，就即刻放落口，我都唔執輸，我都即刻食，咬果下好脆啊，炸到好好味，呢個變成我大愛，下次一定必叫！依家諗返起都流口水！呢個係香草黑豚肉飯，啲豚肉燒到好juicy，一啲都唔乾，可能因為佢有少少肥，但因為有香草係上面，所以一啲都唔膩。好快就食曬成碗！再黎左個黑松露鵝肝野菌石鍋飯，呢個一放低就聞到黑松露，

深宵食堂在電視聽得完多終於一試, 不用深宵 晚餐就有得食環境又幾舒服, 有台灣小店的風格仲有電視播緊KTV 📺先來個前菜 芥辣八瓜魚🐙雖然細細粒 但愈食愈滋味Wasabi味道剛好 唔會太攻鼻 推薦👍🏻吉列廣島蠔睇個樣就個炸得過火左少少但蠔都幾新鮮 個醬汁唔夾用返普通沙律醬會更好日式炒手打豬軟骨烏冬有睇過食評推介豬軟骨點都要食d粉麵先飽🙋🏻所以點個豬軟骨烏冬試下的確 非常美味 👍🏻👍🏻日式醬汁較甜, 烏冬煙韌度適中（好怕太韌既麵）豬軟骨好入味好淋, 肉同軟骨比例剛好下星期再來試下小食 👍🏻

同小胖男友最愛去尖沙咀厚福街尋覓新食店 每次試新店都總有驚喜 最近又係厚福街試左間樓上居酒屋叫深宵食堂一打開個餐牌勁多種類 應有盡有樣樣都想食諗起深宵 當然要食串燒點左雞腎,雞翼,一口牛,粟米幾款串燒其中一口牛最有質素一人一串都唔夠喉燒粟米有別平日 落左小量蜜糖 甜甜的燒大啡菇就當然唔會輸蝕啦 juicy juicy芝士煙肉燒玉子單單個賣相已經好吸引 厚厚既玉子 入面有流心芝士加小妹喜愛既煙肉服務員亦細心地 叫我地先影相再幫我地切開天氣凍凍地叫多個辣既石鍋牛肉烏冬 包保食完暖笠笠

深宵食堂沒有看過，不過來到這家店就不需淩晨後，環境幽暗，嘈而不雜，是居酒屋的氣氛，10點前更有露天位選擇，實在頗為適合三五知己，一口串燒一啖暖酒聊天。室內有大電視播多國MTV，有種想哼歌的感覺，特別一提這裡是沒有刺身壽司，剛好朋友想吃，晚上不吃生冷食物比較健康吧，主打串燒和酒吧，食客亦相對比較年青。食物方面也order了很多種類，雖然選擇不多，但居酒屋有的都齊了，亦有深宵推介，價格亦都很合理，如果店員能夠再熱情一點會更好，喜歡聊天朋友可以一聚。

深宵食堂聽就聽得多，今日上堂之前呢間餐廳喺尖沙咀有分店，就即刻會一會佢佢有個好靚嘅霓虹燈牌喺收銀枱下面，真係好靚！而且個環境好有深宵食堂嘅感覺因為突然之間好想食鵝肝，就要左上面個石鍋飯，雖然個價錢真係唔平🙈除咗個飯，我仲帶咗個蘆筍串燒，好似會健康啲咁xD不過食落真係有驚喜，佢用有醬汁嘅豬肉包住啲蘆筍，醬汁嘅甜味同豬肉味加埋蘆筍獨有嘅氣味配搭得好香👍🏻👍🏻👍🏻跟住係個主角，鵝肝什菌飯！當我一撈起嘅時候個什菌既汁真係好香 ，跟住望下兩塊鵝肝，又大塊又好食！食完咁膩既鵝再食啖飯，真係好正！而且個口腔仲停留係陣陣鵝肝味。友人就要左個沙律，佢話都幾新鮮。我就偷食左少少，我覺得無咩特別

Menu尚算討好 可惜食物令人失望名物：芝子蟹肉玉子賣相：像淋紅油追債的「深宵」味道：翻盡夾層先揾到蟹碎 蛋也不夠滑溜川式茄子賣相：扁平無切口 差味道：好多蒜 但無川味 仲要極甜當日推介- 蒲汁鰻魚飯份量：少得可憐味道：鰻魚一點也不肥美 吉列廣島蠔賣相：乾水的⋯⋯⋯味道：好似俄羅斯娃娃咁 拆除重重攻癌外皮後 先見到 無味既蠔粒在最內層 燒雞軟骨 不過不失 不香口但起碼唔難食生燒牛脷芯 硬到咬唔郁燒雞腎 細粒到想喊芝士年糕 店聲稱的名物 但味道一般食品名：原隻燒巨菌惠康百佳是旦買大啡菇都巨過佢⋯味道：0菇香是日唯一合格 因為唔駛間野製作

受到日食文化的影響近期香港好像多了許多餐廳在菜式或店名上加入深宵二字作噱頭雖然沒有看過電影或電視劇集但我也被這股風氣「燒到」畢竟評語不俗 試試無妨聽說這裡很難預約所以我和朋友選了個早一點的用膳時間果不其然 輕易地被我們約到了頗有風味的招牌可愛的招牌吊燈六點半準時入座 已經有幾桌食客了原來外面還有露天的座位 應該是只開放給會員辦PARTY的不過天氣太熱 今天晚上想必不會有人BOOK啦如果一大班朋友來 再撘配電視的ktv 真的會非常盡興！看畢餐牌 選擇貴精不貴多除了一些基本款式 還有些甚具創意的就好像煙肉荔枝卷star 這道菜就教人好奇不過我和這位朋友中伏次數太多 今天就點些安全款 湯手打烏冬  28烏龍麵質地彈牙 配料以這個價錢來講相當豐富還有兩大片叉燒 雖說不上是拉麵店的水準但也很入味 半瘦肥的口感越嚼越香芝麻雞翼（4隻）   48雞翼較小隻可能方便女生咬 但對於男生來說這份量遠遠不夠炸得非常夠火喉 幾乎皮肉分離連外皮都酥脆無比可惜雞翅部位不夠厚度 變焦了  芝士蟹肉玉子燒   78 這應該是它們的招牌菜吧每一桌幾乎都點了一份 我們也來吃看看招牌菜當然有招牌在裡面啦mad用蕃茄醬寫上的

我真係未食過一間咁難食既餐廳 芝士蟹籽玉子 本身諗頭唔錯 可惜中間夾住太多芝士完全搶佐玉子蛋既味道 加上 我完全食唔到有蟹籽係度囉仲要食到有蛋殻 芝士翠玉瓜 又係一樣 芝士搶佐翠玉瓜既風頭 之後就 軟殻蟹沙律 d軟殻蟹 我好似食緊舊粉咁 粉多過肉 燒羊架 比骨人食肉仔得幾件 汁燒帆立貝 都可接受既 唔算得係好食 最離譜杯野飲 叫佐杯熱既柑吉檸檬 甜到死 我覺得最好食都係燒白膳同金菇肥牛卷 白膳都叫佐佢3碟 真心好食 其他真係唔點 完全浪費我金錢 冇下次！！

我推介以下:芥辣八爪魚 - 呢個野真係有中毒性, 次次食都愈食愈想食, 愈辣愈過癮芥辣香辣 / 八爪魚夠新鮮芝士蟹肉玉子燒 - 見到差唔多每一台都有既就知佢唔少野... 而點解佢會咁多人叫就係做到蛋中間有芝士蟹肉既香味..夠哂MATCH之餘... 芝士唔會太流而蓋過蛋本身既味道生燒牛舌芯 - 大家不嬲都知牛舌要做得好食, 一定要夠爽唔韌..而呢度就係正正做到呢點而值得推介芝士翠肉瓜 - 如芝士蛋一樣有芝士夠哂香... 而呢樣野有一個重點就係佢地可以燒到翠肉瓜唔乾身..有返蔬菜既水份鹽燒油甘魚鮫 - 燒得夠香脆之餘, 而不會太濃. 當中肉質夠香嫩而有奧米加3  而我本人覺得佢既配醬已經唔需要去點,,, 因為已經夠哂味食咁多燒物同肉, 一定要叫返D蔬菜菌類原隻燒巨菌 - 好有菌香而鎖返D蘑汁, 唔會DRY到入唔到口..香草黑豚肉飯 - 無理由食哂燒物唔整返個主食既.... 我地今次就食左香草黑豚肉飯, 黑豚肉真的報滿很多香草, 本人夠得整得好香很有豬肉味... 但女朋友就說太多香草而蓋過左豬的香味

終於黎到啦！！價錢都一般水平黎到緊係食主打，深宵蛋整得恰到好處，半生熟，加埋隻汁，好到味！！如果太熟就冇晒口感lu!!豬軟骨，依個正，入口即溶，仲要連骨都溶埋！！個汁都好match!!兩者相輔相承！！雞軟骨，燒得好，飲下野，傾下計，食下串燒，不知幾寫意。個菇燒得到位，好香，但如果可以加d孜然粉丫，再加隻味仲香，再正d！！大阪燒，好少見大阪燒有拉絲感覺，可惜冇影到，幾過癮，但味道就冇太大既吸引力。整體都好好味，隨住音樂，沾幾杯野食，傾下傾下好易就醉