深宵食堂 (Closed)

放工太晏，到尖咀已經10點，人小小食唔到多野，就諗超起不如食串燒！呢度方便又就腳，真係唔錯嘅選擇！食物選擇算多！要大碟飽肚嘅又有，要香口過口癮嘅都有！先黎個蛋，見到呢度好多篇食評都話唔錯就試下，可能期望過高，個人認為好一般，唔夠滑又唔夠蛋味。。。不過雞翼加返唔少分，鹽燒雞翼皮脆肉嫩，咸香咸香不錯！黑松露帶子，肉厚，入口有大陣黑松露香氣燒蕃薯用上日本小蕃薯，一定好食啦！但荔枝煙肉串就一般，荔枝都預左係罐頭，但個煙肉唔夠香，又韌，有小小失望！鵝肝石窩飯就好好食，燒得好香，有飯焦，鵝肝入口即溶！好juicy好味！最後食埋粟米！又大又甜好飽滿！小小燒焦好香！我一個人食左3件！兩個人食完，樣樣食小小，種類多！啱哂心多多又為食嘅我地！好滿足！

係尖沙咀返工呢位朋友成日都要OT, 今晚話10點先走得, OK, 我為有先食個魚旦粉醫一醫肚先, 之後黎宵夜聚腳地深宵食堂食宵夜~~呢度除左有室內還有室外既位置迎合一班吸煙者, 室內同室外位置數量差不多, 夏天熱到死加上我同朋友都係非吸煙者, 當然選擇坐室內啦~~坐低先揀下食乜先, 其實已經黎過幾次, 太約都有d 心水食乜, 不過話時話呢張餐牌都係時候退役吧!! 哈哈~~~芝士蟹肉玉子燒 HK$78黎深宵食堂必點之選, 係玉子上用茄汁寫上深宵兩字份外搶眼, 而且份量十足, 切開玉子後即時流出香濃既芝士漿, 玉子口感好滑, 伴以芝士同食就更加滋味~~牛舌 HK$38串牛舌好爽脆, 肉質好嫩, 配埋調味粉燒份外香口又惹味~~燒白鱔 HK$68串極度喜歡食燒白鱔, 肉質結實又爽, 食落啖啖肉, 燒汁沒有蓋過鱔肉鮮味, 反而更惹味~~芥辣八爪魚 HK$48喜歡那滑身既口感, 而且芥末味又不會太辣, 越食越上癮, 一陣就KO晒~~吉列廣島蠔 HK$48呢個堅低食, $48蚊有四粒吉列廣島蠔, 本身都

特意黎試試以串燒聞名既深夜食堂😆😆 唔好以為串燒淨係得炸、煎、炒好熱氣, 有d串燒係好清新好特別 😄😄 首先推介係“煙肉荔枝卷”, 新鮮既荔枝減低左煙肉既油膩, 咬落去唔係又咸又甜既感覺, 而係清新爽口既口感!! 另外都點左唔少蔬菜類. “芝士翠玉瓜”既芝士燒香過, 半溶既芝士完全溶入口中! “鹽燒秋葵”外面既鹽好幼細, 輕輕為味道較寡既秋葵吊味! 另外“燒金菇”、“蘆筍”, 調味唔錯!新鮮小食仲有“凡立貝”同“芝麻雞翼”, 炸得非常香口, 食完想再食! 主食則有豬扒飯, 豬扒飯比較油膩, 令白飯都沾滿左油份, 換成吉列會適合D~ 招牌菜薄餅好香脆, 醬汁適量剛剛覆蓋住薄餅, 唔會太乾身, 但份量少唔過癮埋單時店員仲俾左折扣卡我地下次可以用😍😍 閒日晚上人流算多, 大家記住要book位喇!!!

有朋友係尖沙咀番工，帶我去食佢收工經常幫襯嘅呢間 深宵食堂。我地六點半仲未算好多人，睇左一陣食咩好，就慢慢開始多人啦，好多人收工黎食係度傾計但又唔覺得嘈吵，好似日本居酒屋咁好熱鬧而且氣氛好好。朋友話呢度d芝麻雞翼好好食，必食之選! 店員同我地講燒餅都好多人食架，除左叫呢兩樣我地仲叫左一口牛，雞軟骨，蘑菇，奄春蛋。飲品就嗌左提子梳打同紅豆抹茶。芝麻雞翼完全冇失望，超好味呀。外層香脆，而且係食到d粉同層雞皮係非常薄，輕輕一咬就爆左d肉汁係口中，裡面嘅雞肉好嫩同埋味道都好正呀! 連埋隻雞翼尖都可以食到架，隻雞翼大大隻漲卜卜咁，食到停唔到口，朋友怕熱氣於是我仲一口氣食左三隻tim! 一定要嗌黎食!燒餅都好大份! 切左八塊，上面有好多魚絲同埋淋上滿滿的燒汁沙律醬，睇落去已經好吸引。食落個餅表面好脆，入面麵粉夾住d蔬菜又甜甜地咁，都係好好食! 會忍唔到口係咁食。唔知係咪我地掛住食前面個d，等太耐先食一口牛，都等到凍左，不過都幾重牛味同埋肉質都幾腍，起碼唔係趙勁耐先吞到。雞軟骨都不錯不錯，好香口。蘑菇都燒到岩岩好，完全冇燶，我個人好鍾意食茹所以覺得好好食呀。奄春蛋搽左d密糖燒到外皮有小小微焦，所以變

由於部分朋友下班的時間比較晚，所以聚餐時間往往比正常晚飯時間遲一點，好處是即使是旺區，客人也比較少，無需等候就能入座，但另一方面，食物選擇也會較少每當朋友因工作關係而把晚飯時間押後了的時候，最後還是會想起深宵食堂，這間開對到凌晨的串燒店，因為即使是10時去到，仍有多款串燒小吃或飯麵供選擇。而且時間晚一點反而人流較少，感覺相對舒適食物方面除了有大量燒物外，還有炸物、一品料理、主食、小食及沙律等多款食品芝士蟹肉玉子燒 $78芝士蟹肉玉子燒是每次必點之選，所以還在等候朋友時，已急不及待地先要了一客。玉子上同樣用茄汁寫上了深宵二字。而切開玉子燒後，內裡的芝士瞬間流出，入口除了蛋味及芝士味香濃外，細嚼下還能感受到一絲絲的蟹肉，提鮮之餘又能增加口感，而且感覺芝士的份量比以前增多了燒白鱔 $68燒白鱔同樣是我的最愛，白鱔夠厚夠大件，入口口感豐盛，除了鱔味香濃外，皮層之間還帶點脂香，不過有點不足的是略嫌鱔皮燒得不夠香脆，影響口感煙肉荔枝卷 $38每串煙肉荔枝卷均有3件，煙肉比一般的厚切，所以吃下去時較有口感，而脂肪亦不算太多，怕肥膩的我就直接挑開了脂肪再吃。不過最誘人的，其實題煙肉內所包裹著的荔枝肉，

貓飯@深宵食堂尖沙咀厚福街12號藍馬商業大廈5樓5/F, The Lamma Tower, 12 Hau Fook Street, Tsim Sha Tsui有時會一個人去食串燒, 貪其細細份一個人都可以點多幾款,相隔了大半年, 又再來到深宵食堂。怕自己吃得太放肆, 都以一客沙律打底,蕃茄蟹肉沙律$58蕃茄雪得夠涼快, 咬下是充滿水份多汁清甜,伴上了止蟹肉有點鹹甘, 又有沙律雜菜,成碟吃完暢快。豚肉露筍卷 $28 是吃過便喜歡上,露筍青蔥又爽身,薄身豚肉片燒出沒油份,有點脆身,掃上了蜜汁調味已是出眾,百吃不厭。日式炒野菜 $48 用來同貓飯一起吃, 炒得比較油同多水貓飯 $28 白飯上淋上淡醬油, 上面再灑上大量木魚碎, 很多動感,貓飯不是比貓食, 是日本人想簡單解決一餐的衍生品,方便快捷弄好又吃到白米飯的芳香軟熟。飲品要點日式風格, 抹茶紅豆$28, 是側重了奶味, 抹茶味未算好突出,紅豆就又甜煮到好腍身。貓飯我回家會自己弄弄看,一個人自家煮不再是西式的意粉或沙律了。

食物質素參差，酒水選擇不多，勝在夠夜及有戶外位。宵夜其中一個選擇。Open till late with al fresco area.Some hits & misses with the food.Not a bad place for late night snack.7/10我非常喜歡「深夜食堂」這套日劇。這店名應受這劇影響吧。這裡原本是「川醇」。裝修和格局基本上差不多。我們選了吧檯位置，除了有點熱之外，尚算舒適。The name of the restaurant was obviously inspired by the famous Japanese drama "Shinya Shokudo". Literally, late night dining hall/canteen. In the drama, that dining hall opens till 6 in the morning. The main selling point of this restaurant is also its late closing hours. It is located

咁夜放工做得咁辛苦，當然要食餐好補償下啦！今次揀左呢間係大廈入面既燒烤點！細細地，岩哂三五知己飲下酒，食下小食，傾下計啦！煙肉荔枝卷，熱既生果之中好似第一次食荔枝，諗住試下新野，食落出奇既夾呀，荔枝令到煙肉無咁咸，二者互相幫助！芝士蟹肉玉子燒，招牌菜，深宵二個字代表住佢地既餐廳，濃濃既芝士，啖啖蟹肉，加上嫩滑既玉子，太夾啦！軟殼蟹沙律，大大件炸到岩岩好既軟殼蟹，佢唔係炸到好熱氣既炸粉，有啲似油炸鬼包住佢咁！但佢唔係好油，夠乾身，但蟹又夠水入份！處理得好好！黑松露牛油帆立貝，有黑松露既香，有牛油既香，帆立貝表面有煎香既口感，唔好彼此搶左大家既味道！燒羊架，好細心，燒完幫你整開一小件一小件，方便大家食，佢味道都香口，加上二款醬汁，唔同配合，我個人喜歡薄荷汁，有少少甜甜地！更好味！青蘋果梳打，好香青蘋果味道，唔會太甜，好美好既一餐！

今日同男朋友去左行街街， 行下行下去左厚福街。 加上又到晚餐時間， 就决定在這食肆林立的街道找吃的。記得上次來呢度食過，食物質素不錯，就帶男友來試下。上次來是冬天，可以坐室外景觀更佳的地方食，氣氛呀情調好好，可惜上次是同妹妹來。今次同男友來，可惜是熱到抽筋的盛夏，還是留在室內嘆住冷氣食揾陣些。反正如果熱到個妝都溶曬，也沒舍情調可言吧！這裡食物以日式為主，又以串燒為主食，予人有種平價板居酒屋的感覺。食物選擇款式也不少，大路的豬牛雞等都有，想食海鮮也可以考慮燒蠔魷魚咁，蔬菜類也有如秋葵茄子等。而且收費公道，可以點得好暢快也不用太顧慮價錢。唔多喎酒的，可以好似我們咁叫番杯抹茶紅豆冰來消暑消暑，淡淡的抹茶味不會太誇張，和少少甜的紅豆一向是好搭檔，無得輸！紅豆煮得好腍，起曬沙。食物方面，我們點了吉列炸蠔來試下。個炸蠔好似一個爆炸中的爆炸品般，好有動感！😂見佢咁厚粉，以為會好像食粉餅般，誰知非常香脆！每一條好像海胆刺的都有薯片般鬆化的質感，而且咸香和蠔香融為一體，食落好大享受！ 而且 生蠔味道濃厚， 一咬開還有 juice 噴出嚟， 愛蠔人士不能錯過！ 就咁食已經好好食 ，點咗汁我覺得好似仲鹹咗少

終於考完試，當然要去輕下！食餐好啦！食宵夜當然要試下呢間啦！平時好難等位家！我地今次咁夜，好快就有位可以食啦！推介食品，當然要一試啦！芝士蟹肉玉子燒，有招牌名，仲唔係招牌菜，玉子中間有濃濃既芝士，好多蟹肉，二者唔會蓋過大家既味道！芝士即唔會太溜！煙肉荔枝卷，呢個膽粗粗試下！熱菠蘿食我多，荔枝直係第一次！食落有驚喜，荔枝中和返煙肉既咸，表面有少少脆，唔會太多油脂！豚肉露筍卷，表面燒到香脆，有甜甜既蜜糖，露筍仲保留脆口！燒川式茄子，送黎時已經好香，滿滿既蒜，七味粉！燒到岩岩好，水份剛剛好，唔會太淋！讚！最後當然唔少得飲品啦，巨蜂提子梳打，唔太好！好有提子味，配搭岩岩好，考完試食一餐好既太完滿啦！

以日本菜為提既食店 主要係燒烤蒲汁鰻魚飯 88 蚊鰻魚大大片 食落軟熟 每咬一啖都有鰻魚既油份必出黎， 而且醬汁整得甜度適中 連埋軟軟既白飯食 幾好味燒油甘魚鮫 70 蚊用油甘魚既鯺位 燒烤 , 魚肉比想像中厚實 同夠濃味 咬落煙韌彈牙 配埋甜醬汁 口感唔錯芝麻雞翼 48 蚊炸得好香脆既芝麻雞翼 , 雞翼肉質嫰滑 出面個皮夠脆 雖不特別好多地方都有 但炸既火喉都啱啱好。汁燒凡立貝 44 蚊凡立貝都算大舊，都係用甜醬汁汁燒 口感 比較林， 呢d凡立貝一定係用雪藏貨 都燒到甘林身冇雪味同有貝既味道 算係甘！燒羊架 78 蚊羊肉切片上 本身羊肉燒得夠juicy再加以 薄荷醬同介辣醬 十分match煙三文魚沙律 58 蚊作為前菜既沙律 簡簡單單 菜夠新鮮 . 煙三文魚夠入味 再配以醋汁 其實已經好開胃唔錯鐵板香草黑豚肉 48 蚊黑豚肉以菜碎墊底 配以甜酸醬 上面鋪上燒好左既豬肉 豬肉肥膏佔3 成 入口有油花 而肉質方面夠韌 點以甜醬汁 都係推介之選深宵薄餅 88 蚊燒得比較厚粉飽肚既薄餅 餅既下面偏脆 而中間偏林 上面有沙律醬 煙肉 同洋葱 . 以我所知特別，鍾意食殿粉質既朋友可以試下荔枝疏打

唔記得咗有幾耐嘅時間，無夜晚出嚟同朋友食吓飯，傾吓計，摸下酒杯底，談下心！巧遇呢一日有空檔嚟到啲一間十分之多人推薦嘅深夜食堂，同朋友來個深夜談心！呢度嘅食物品種不真係太多，但係呢絕對足夠你同朋友飲下啤酒傾吓計！有手飲有嘢咬下正正就係談心必備啦！我同朋友講，雖然我係做酒行，但係我唔係經常飲酒，一來酒量淺，二來我好害怕飲醉酒之後講嘅都係真話。。。我從來都相信飲醉酒嘅人講嘅說話係最真實！所以我同朋友都決定今晚呢個深宵唔飲酒，叫咗杯荔枝梳打同埋提子梳打！冰涼美味！點左呢個介辣八爪魚，估唔到有咁大盤，十分抵食而且冰凍，芥辣味夠重，正！仲有呢個魚干，即叫即做，上枱熱辣辣，帶點點燶，配上沙律醬絕對係送酒必備美食！雞皮一客兩寸，價格實惠而且十分之脆口！只係呢個雞神真好好食, 首先呢佢裏便夠爽啦, 外面嘅汁夠惹味！唔會燒到太乾！仲有呢個真係好多人食幾乎台台都叫嘅黑松露鵝肝什菌石鍋飯！有二大片超級大片，煎得外脆內軟又夠份量嘅鵝肝，仲有黑松露醬同埋炒得很香嘅雜菇！撈埋一齊食，每一啖飯都可以食得到鵝肝嘅香味！好正！不過油份比較多，要減肥嘅美眉們就要注意下啦！最後點少得一定要點呢個必叫深宵芝士蟹肉卷蛋呢！即叫即

晚上九時多還未吃晚飯，肌腸轆轆地走到厚福街。想起朋友推介的日式小食店就在左近，二話不說立刻去馬。深宵食堂的佈局很有和食小店的感覺，店內均以木色作主調，設計簡約。燈光探用了黃燈，很切合「深宵」的主題。室外位置設有座位，適合跟知己深宵談心。食物以燒物和炸物為主，有多款甚為特別的，似是自家創作。目測所見，幾乎每桌都點了一碟厚厚長方黃色磚狀，上面以茄汁寫上「深宵」二字的食物。這款似乎是必點的，我都跟風要了一份。這款人氣料理是芝士蟹肉玉子燒，一切開玉子燒，蛋汁和半溶芝士彷彿要傾潟而出。軟綿綿的厚厚玉子燒蛋汁豐腴，內裡藏的啖啖蟹肉和半溶芝士，非常滋味。七味魷魚圈炸得鬆脆惹味，魷魚肉質彈牙。再配上我最愛的蛋黃沙律醬，綿上添花。軟殼蟹沙律有四件大大件的軟殼蟹，炸得外面脆卜卜，內裡juicy。沙律菜和車厘茄新鮮，開胃醒神。最後來的是日式炒牛肉手打烏冬，填補胃部最後的空間。炒烏冬的汁料本身較濃味，廚師加入了不少椰菜同炒，正好平衡了整體的味道。主角手打烏冬好滑，咬感富彈性。天時暑熱又怎會缺了凍飲？酸酸甜甜的巨峰提子梳打，清爽醒神，又可平衡食物的油膩感。原本還點了燒雞翼和燒多春魚，但實在高估了二人的食量，吃了

今日係我同sweetheart既紀念"日"。 之前我check到有間叫"深宵食堂"既餐廳好似唔錯，果晚行完街後行去厚福街搭lift上去，到達後見門口大大既餐廳名字木牌，以及貼有廣告單張。進去見到店內佈置充滿日本風味 ，幽暗的燈光給人遠離煩囂，安靜既感覺。眼見電視播放著ktv，給人置身K房既感覺 嚟到依度當然要點"深宵食堂既招牌菜"芝士蚧肉玉子"，店員奉上時問要唔要拍照，之後將之切分成幾件，可見店員既細心 。 切開時流出芝士溶醬，香濃既芝士醬加上鮮甜既蚧肉，再配以外層充滿蛋香既玉子，上面用茄汁寫有"深宵"兩字，味道十分之match 對於喜愛鰻魚既我地，點個深宵推介既 "蒲汁鰻魚飯"就最好不過。鰻魚size望落夠份量，d汁不太甜，入口嫩滑。汁燒金菇肥牛卷，賣相看落已經唔錯，食落去d金菇好爽同肥牛好juicy入味，有驚喜   鐵板香草黑豚肉放下來已經濃香樸鼻，食落口肉質不錯，夠嫩。食野不得不沒有香口既炸物"七味魷魚圈"睇落炸得恰到好處，不會過火 ，入口香脆，有少許辣，再配上沙津醬，更加惹味。果晚食完後， 那份味道在我心裡仍然燃燒著， 可以的話，之後經過尖沙咀再次來回味一番

我記得男人睇個套日劇個名又係差唔多叫做深宵食堂大致講社會唔同職業唔同階層嘅人坐埋一齊食嘢討論一下唔同嘅課題今晚嚟到尖沙咀嘅深宵食堂同朋友慶祝生日只限招呼會員當然一定要記得訂咗啦只要幫襯過一次登記電話就可以做會員一坐低急不及待叫嘢食軟殼蟹沙律 一上桌已飄來陣陣的軟殼蟹香味炸得金黃～～調味得宜肉質尚算爽口彈牙沙律菜新鮮爽脆再拌入自家醬汁清新非常開胃豚肉蘆筍卷 呢個蘆筍卷真係好香好嫩口大家都encore再encore燒雞骨腸 芝士蝦球 芝麻雞翼 芝士蟹肉玉子燒 呢個可以話係必要之選因為玉子燒上邊用茄汁寫住深宵兩個字店員仲好識做問我地需唔需要影張相先然後幫我地切開幾份日式煎餃子 蒜片牛柳 深宵推介蒲燒鰻魚飯 當然同我喺名古屋蓬萊食嘅確實係爭啲但係香港食到呢個味道都算OK鹽燒鯖魚 鯖魚好厚肉喜歡食魚嘅朋友表示好滿意香草黑豚肉飯 燒白鱔 真材實料 燒白鱔周圍都咁貴呢度嘅燒白鱔肉夠厚實肉汁豐盈啖啖肉皮脆肉多汁燒羊架 羊架羊肉味道唔會太羶肉質本身Texture質素都好好冰燒菠蘿 用來當甜品真係消暑極品把菠蘿急凍變菠蘿冰再用焦糖冰燒果然夠特別一啲都唔會交行貨食咁多 一串串嘅串燒真係好 dry一定要嗌兩杯