羅麥記 (V City) (Closed)

這個價錢可以食得更好，連小冰都做唔到，四杯雪糕豆冰全部有大半杯冰，建議重印棋盤餐墊。冷氣凍過雪房，已經坐水吧旁，叫職員關我地個邊，説唔得😔最后講多兩句又可以關，無言

近日愛上港式情懷，連日光顧不同的冰室同茶記，感覺親切貼地。然而今曰路過V City, 發現一家頗有老香港feel的特色餐廳，加上價錢唔貴，今晚同honey一起懷舊一下。餐廳都幾大間，裝修沿用香港地六七十年代的設計原素作主題。牆上有舊式手繪廣告，還有收音機、電風扇同黑白電視，懷舊風十足餐點方面既有舊冰室的蝦多士、炸雞比薯條，也有創新的磚頭焗豬扒飯。仲有世界fusion的各種撈丁同懷舊鐵板餐，真的包羅萬有夠地道。避風塘炒麵$68這個炒麵風味十足，有魷魚、鮮蝦、炸魚柳，材料都幾豐富。炒麵炒得好香，辣辣地，味道咸香又惹味，仲有洋蔥、辣椒同青蔥增添爽爽口感。炸雞髀拚薯條$42這炸雞脾和小時候吃的雞髀一樣。雞肶大大隻，醃得入味，雞皮脆卜卜，雞肉嫩滑。豪爽的拿著雞肶吃，很爽快。薯條薯味十足，炸得香脆又唔油膩，沾上茄汁，味道唔錯蔥油撈丁$53拼雞扒這個撈丁好吃！雞扒煎得香脆焦香，外脆內嫩又幾有肉汁。而撈丁是甜豉油風味，味道甜香，拌勻蔥油，更為香口，十分滋味！港式風味十足。利賓納和杏霜在一般餐廳比較少見，但不難在冰室尋見踪影。凍利賓納$10利賓納口感冰涼，味道酸酸甜甜的，配炸物一流。熱杏霜$8這杏霜杏仁

平時好鍾意幫襯懷舊茶餐廳，即使係偽懷舊茶餐廳，我都會好想試。唯獨是呢一間，開咗五年，一次都冇幫襯過，因為老公對呢間餐廳冇好感，朋友食過話難食⋯⋯但見OpenRice 一直都多過，又得自己一個人，所以姑且一試！火腿多士炒蛋：火腿偏鹹，多士唔熱又唔脆，炒蛋唔滑奶茶：幾好，有茶味，夠滑豬扒通粉：豬扒，有驚喜，有香茅味，唔係得個鹹字，通粉正常，個湯冇乜味呢個早餐$40，其實值$26，附近有一間平民茶餐廳，食同樣嘅嘢，好食程度差不多，收$26，咁即係個店鋪環境值$14。

今日早左少少到屯門，可以趕得切叫下午茶餐當晚餐yeahyeah，tea set 埋單仲要係不需加一，埋單唔洗一舊水，真係超級抵食丫 輕量級餐肉炒蛋飯餐肉煎得好香口 炒蛋亦都炒得好嫩滑， 淋上醬油後食落成件事好完美啊 炸雞脾配厚薯條大大隻雞脾，有d似生炸，拎出黎熱辣辣，肉質juicy超嫩滑，好好味 厚薯條唔需多講，都係岩岩炸起，熱辣辣外脆內軟。 紅豆冰粒粒奶茶 (跟餐+$18)先將紅豆雪到變冰粒，再加入奶茶內，靈魂所在，呢杯野亦係呢度既王牌。 不過無得少甜，因為紅豆冰粒一早要整定 甜味出於紅豆內。

冰室熱潮沒有停下來的跡象今天來到我地頭屯門來到這家以懷舊作主題的餐廳店內裝潢充滿老香港氛圍打開餐牌果然精彩絕倫大量懷舊小吃新派菜式選擇羅麥記當然要嚐嚐羅麥汁先點了一碟羅麥汁牛河說穿了就是甜甜的瑞士汁河粉炒得略嫌不夠火喉幸有美味的羅麥汁搭夠牛肉份量不多但幾嫩滑繼續是羅麥汁系列點了羅麥雞翼五隻要辣味辛辣味濃烈絕不能小看建議點原味豉油味會更突出哈哈哈炒飯就是蝦醬炒飯配料有蝦仁蝦乾等喜歡鹹鮮味的朋友不可錯過

有否發覺近來有很多食店，無論裝潢以致食物，都走懷舊風呢？這天進餐的她，也是其中一員。 .門口的接待處附近，放了老掉牙的家電，用餐區內，是古早味甚濃的各式各樣招牌，很遺憾地，忘記拍下照片，皆因只想著吃嘛。.不過，懷舊物品，又豈止是門外及牆壁上的呢？餐檯上的紙質餐墊，是兒時的棋類遊戲，名為康樂棋。。。真懷念呢！( 請以日劇腔讀出XD). 餐廳的商標非常像校徽啊！.黑汁墨魚鬚在帶甜，像日式燒汁的黑汁內，鬚子份量非常多，非常具嚼勁。大蝦骰仔西多士呈正方型的微脆西多士上放了什果沙律，沙律上放上原隻爽身鮮蝦，再淋上沙律醬及茄汁，惹味清新兼而有之。.芝味牛肉蔥油餅卷蔥油餅捲起來也不會太厚身，芝士味香濃，配上牛肉，嗯。。。如果配飯的話也會好吃啊！.拿破崙撈丁茄汁是代表拿破崙(Napolitan Sauce)嗎?(笑)，配料是切片珍寶腸及羅橄欖，丁麵太淋了啊！.蠔油時蔬補充纖維的菜蔬，蠔油另上真好，喜歡吃全走的，只是在下很怕吃那麼粗條的菜心或芥蘭，因為沒牙嘛(喂!)。

打開openrice按屯門甚麼也不選,第一位是羅麥記,其實我都想試佢好耐,但住了屯門幾年都好少去v city嗰邊,今日咁啱嚟到,七點去到不用等位,內裏裝飾幾特別,充滿懷舊氣息,影相打卡一流,二人點了:油菜$32基於出去食飯少食菜先叫,普普通通蜜糖雞翼$38味道不錯,炸得香脆,一碟有五隻,只是蜜糖味不足避風塘海鮮炒飯$68我覺得好似快餐咁逐樣逐樣材料放上去,唔係一齊炒,因為每一樣食材的熱度不一,炒飯整炒的,味道一般,椒鹽鮮魷都係即炸但放了一段時間,味道不錯,其餘有蝦同鮮魷,但好明顯係慶住,飯都幾辣,有椒鹽鋪喺面,真的不叫也罷羅麥汁牛河$68其實即係濕炒牛河,只是加上鹵水汁,但係要自己「兜亂」 味道唔錯,賣相一般,話哂羅麥記名物嗌咗杯特飲紅豆冰粒粒奶茶,要散叫$38,無得跟餐, 但圖片只供參考,紅豆是一粒粒不是冰狀,味道都是一般, 我記得剛開業的時候好多報紙都有介紹過,但食落好普通,看來他們要加把勁了, 二人吃了288

我們一行三人，今日去到屯門的Vcity，於是去了羅麥記，在這之前我們已經食過羅麥記康怡分店，覺得食物和價錢都過得去的，於是今次再來，我們三個人，叫了一個抄飯，一個乾牛河，和一個雞翼撈丁，三碟都係份量比較少，但味道都可以的，牛河都夠獲氣，太太食的雞翼撈丁，味道都叫做ok好味，但都覺得太細碟，叫埋飲野，平均便要$90/位，但這裡茶餐廳以茶餐廳的裝修和服務水平，但收費卻是收餐廳的價錢，個人覺得性價比偏低。

我終於等到團購到，所以買咗幾張同屋企人食，所以星期五晚上，我同我屋企人去食。我叫咗幾樣嘢食。燒乳鴿，蜜糖豬頸肉，星洲炒米，焗豬扒飯，炸蝦芝士卷，公司三文治，豬羅包。先來公治熱辣辣，即整。之後星洲米好香，叫師傅少油，就好似少咗油。乳鴿叫咗2隻，一隻一開四，好好味，皮好脆，多肉，屋企人好鍾意食。芝士卷無咩芝士味，我下次唔再叫。豬羅包幾好味，但豬扒炸耐咗，肉鞋口。豬頸肉有8件，肥咗少少。焗豬扒飯鹹咗少少。因為我用團購無得分開上，廚房一出就即上枱，我哋食唔切，所以好多嘢都無咁熱。

入到去，環境十分有特色，讚既。門口哥哥侍應都好醒目好態度。叫左個口水雞撈丁，係好食惹味既。但叫左個咖哩磚飯，等左25-25分鐘都未到！🤢之後跟左好耐單終於到⋯賣相唔錯，即刻食一啖⋯⋯⋯味道很失望，仲話係皇牌⋯⋯飯偏乾，皇點咖喱汁很很很很很死鹹。食落都冇咖哩味。最後真係鹹到渴喉，同佢講都廢時😩。真係唔想浪費既，但鹹到食唔落地剩左大半。臨走聽倒隔離台客都有呢個咖哩好鹹既問題，跟住換左碟雞亦俾佢地。

好差，千祈唔好嚟！第一，侍應落錯單。第二，杯紅豆冰好似溝咗水咁，好淡好奇怪。第三，叫咗個波菜吞拿魚焗飯，唔熱又冇吞拿魚味...... 我冇嘢可以推薦。如果想食茶餐廳，不如真係出面搵間茶餐廳食，呢間嘢好有問題。V City最差佢。

適逢呢日早收工還掂呢晚無野搞一於同成班同事入屯門覓食醫下肚先呢度裝修好有格調好有懷舊冰室既感覺另外門外亦擺設左唔同既懷舊物品有種正宗既香港味道呢度有唔少特色小食我地5個人叫左6款野食有磚頭焗豬扒飯、磚頭咖哩軟殻蟹飯、磚頭焗白汁芝士海鮮飯、蝦多士、羅麥辣味雞翼同埋千層朱古力西多士磚頭系列只可以用足料大份黎形容3款磚差啲KO左我地5丁友！焗豬扒好有蕃茄香豬扒夠大件而且有4大塊唔吝嗇咖哩軟殻蟹唔會因爲拌左汁而唔夠脆淋哂而蟹都夠肥美亦炸得剛剛好唔會過燶乾哂身而白汁芝士海鮮幾足料有唔同既海鮮入味之餘食唔出雪味配上白汁芝士亦係幾好配搭炒飯底配合3款唔用味道亦係幾夾而且大大個焗脆左既包俾你點下汁食夠哂飽！蝦多士係呢度既招牌產物之一醃好既蝦肉配上蔥花過鍋炸都仲有蝦既鮮味食落唔會太油炸得剛剛好之餘唔會過燶同有油溢味羅麥辣味瑞士雞翼中規中矩雖然辣味係以現成辣椒粉粒灑上雞翼但So far配上瑞士汁既雞翼都幾入味千層朱古力西多士千層感覺唔突出但西多士炸得剛剛好唔會過燶配上朱古力醬亦出奇地夾雖然甜左啲 XD好好彩我地忍手淨係叫左3個磚叫埋其他小食5丁友真係飽到差啲食唔哂1個磚2-3人食再加一兩款小食已經夠哂飽

十年先黎一次既屯門 今日黎到傳說中既v city時間係3點半 仲未食lunch 覺得都要食下野先得心水餐廳落場冇開 次選羅麥記以前康怡果間人山人海 呢間去到有卡位食下午茶我叫左個五香肉到公仔麵加6蚊有凍檸茶 老公叫左個抄麵我個麵唔好食 個麵煮太林 同加左好重既口味 但冇五香肉丁既味。五香肉丁係用罐頭 呢個好正常 份量係正常份量 有加洋蔥 等配料 老公個抄麵都係黑黑地 我冇問佢 唔知味道如何坐得好舒適 侍應都係helpful 既其實下午茶都係成50蚊係比較貴 但我地志在有個地方坐 傾下計咁囉

好少嚟呢區到搵食，由於太早關係，商場好多冇開，電梯冇開，幾經辛苦先搵到呢餐廳係邊到，由於時間緊湊，快快快！！！餐廳主打懷舊餐廳Feel，快閃早餐，有腿蛋多士，蛋夠嫰滑，肉丁麵，肉丁欠味道，麵身不錯，香濃奶茶👍🏻

行山前要食豐富早餐，入到屯門V city搵食。店內環境幾有風味，裝置藝術、擺設營造中國舊式懷舊感。食物質素合格，沙嗲牛肉份量比一般茶記多，加埋炒蛋火腿多士都足夠飽肚！準備行山前要將水樽加滿水，店員都會小心幫我們加水，哩點欣賞！