羅麥記 (V City) (Closed)

今天一人食早餐，行經vcity只有羅麥記在營業，看似是唯一的選擇。今天天氣寒冷，剛坐下侍應就奉上一杯熱水，十分細心。早餐只有八款，看似選擇不多，能早餐而言都算足夠。云云早餐當中首選五香肉丁最為保險，再配上炒蛋多士，份量十足，加上一杯香滑奶茶，實在滿足。在百物騰貴的今日，只需38元就可享用一個如此豐富的早餐，實在是難能可貴。

有時候食得太多日本野、韓國野、西餐，都想回歸本質，食返一d香港本土既食物。有時候，可以治愈心靈既，都可能係一碗通粉、西多或者一杯港式奶茶。途徑屯門，見到呢間羅麥記，主打懷舊復古，都幾有意思，就想試下啦。餐廳入面燈光比較暗，周圍既擺設都好有時代感，好適合影相打卡。周圍都滲透住一種香港情懷，主打茶餐廳食，亦有1 d fusion創意菜式。雞翼撈丁，丁麵鋪底，上面有4隻瑞士雞翼，調味調得岩岩好，甜甜地，雞翼俾濃濃既醬汁包住。丁麵痴到d瑞士汁，都變得甜甜地。抵讚既係，丁麵煮既時間岩岩好，唔會過腍，仲係好爽口。避風塘炒麵，麵比較乾身但又唔會乾到好Kun，有d炸蒜蓉灑面，都幾香，麵有d微辣。入面有好幾種海鮮，其中蝦仁都幾大隻同鮮甜，可惜軟殼蟹就有d缺陷，可能係因為提早炸定，所以已經有d腍左。麵包磚咖哩軟殼蟹飯好特別，將一磚方包挖左個窿之後填d飯入去，飯上面淋左層咖哩汁後再鋪上兩隻炸過既軟殼蟹，經過油炸後既軟殼蟹非常香口，香脆惹味。雖然飯上面有咖哩汁，但唔係特別多，依然食到飯既粒粒口感。而且份量好足，食完個飯都根本冇肚食個包。呢度d菜式確實幾有新意，但如果話味道呢，就真係so far so good

下班接了寶貝，寶貝說肚子餓，想先吃過飯才回家。寶貝想吃羅麥記。其實之前都食過幾次，感覺一般般。就個衰仔，冇計。平日晚市，人客不多。侍應態度只能說是一般甚至差，侍應比MENU我時好像還是用拋到桌上的，超讓人火大。叫了個芝士焗咖喱雞扒飯和一個芝士炸雲吞，埋單連加一好像一百元多些吧。所見即所得。焗飯份量不算大，咖喱味偏淡，芝士部份只是做到牽絲效果，飯的熱度不足。至於芝士炸雲吞剛炸起很難會難吃，不過蝦肉饀料內的芝士相對之前完全沒有的情況好像好了些，但是同樣味道偏淡。可能真的要BLACKLIST它了。

呢度嘅裝修好有懷舊風格嘅感覺，好似以前啲茶餐廳咁😣近近地今次又嚟食啦😆#磚頭焗咖哩軟殼蟹飯 ($95)😋好味指數：(7.5/10)上次嚟食覺得呢個焗飯幾正，今次又再食過😆面頭有兩隻軟殼蟹，炸到脆卜卜咁，而且啲粉一啲都唔厚😛食落去啖啖肉而且有蟹膏，不過就咸咗小小😢另外個麵包入面係挖空咗嘅，裝咗啲飯喺度🍚食完飯覺得唔夠仲可以食埋個包添🍞🤣咖哩嘅味道都ok，唔會話好辣，不過可以再濃味啲。另外如果再多啲咖哩汁就更加好🤔#避風塘牛肉炒河 ($68)😋好味指數：(7/10)呢個乾炒牛河唔算好油， 河粉同牛肉嘅份量都幾多😚牛肉都唔會話韌。上面有啲平時食避風塘炒蟹會有嘅辣炸蒜粒粒🌶更添惹味😋#大蝦骰仔沙律西多士 ($45)😋好味指數：(6.5/10)見到好吸引所以叫咗喇😆下面係一粒粒好似骰仔嘅西多士，而每一個西多上面都放咗一隻大蝦🍤仲有沙律醬同生果😚食落去脆卜卜咁，一啖西多一啖沙律，口感都幾得意😍#紅豆冰粒粒奶茶 (+$28)😋好味指數：(6.5/10)呢個係一杯奶茶，上面有啲冰粒😚冰粒係有啲奶茶溝埋紅豆😛都幾得意咖😣#菠蘿粒粒冰 ($18)😋好味指數：(6.5/10)菠蘿冰甜甜地咁，入面仲有幾粒雪到

焗豬扒飯食得多，麵包磚芝士焗豬扒飯你又食過未？被磚頭芝士焗豬扒飯吸引而來🥘幾年前只有屯門才有羅麥記，於是就特登由旺角入屯門食呢間裝修好有懷舊特色既茶餐廳😂磚頭焗豬扒飯份量十足，豬扒鬆軟入味，茄汁係傳統焗豬飯既味道，好味道！略嫌汁嘅份量唔夠多，食到最尾唔夠汁點麵包食🍞所以最後都係放棄左d麵包😥蝦多士有5件🍤香脆好味，但太油膩了。滷水雞翼好入味👍🏻👍🏻相反滷水魷魚就好似冇乜味🙄黎呢度都係食磚頭豬扒飯好了😂😂

今日下午食飯，有對母女一人霸4人台仲唔夠，仲要抱住bb搭台坐我對面！搭台都算，最後仲要抱住bb係我面前換屎片，忍無可忍，最後叫左店員處理，點知佢哋店員回復我話客人隱私，不方便插手！你這樣的服務態度真係好差，難道你要客人俾錢你間野，去對住換片食野？太離譜了，呢間野以後都唔會再來！

近年，香港除咗流行韓風之外，還有一陣懷舊風……就連餐廳既路線都會主打地道菜同埋老香港情懷。今次小編走入屯門，就畀呢間餐廳既裝潢吸引。餐廳設計參考舊式茶餐廳的風格，牆上油上昔日香港具代表性既標誌同景點，好似係英殖時期既郵筒、荔園、雍雅山房等。食物方面，餐廳提供了多個地道美食選擇，包括: 蝦多士、烤乳鴿、香蕉船等。然而，當日最失望的一道菜是蝦多士。店裡製作蝦多士的風格跟以往熟悉的做法不太一樣，但這並不構成大問題。店中蝦多士最大敗筆是用料不新鮮、味道過於複雜，油太多，口味太重，完成遮蓋了蝦肉與麵包之間最原始的交流。參考fusion菜的概念，餐廳亦加入了創業菜式，例子包括不同口味的磚頭焗飯，製作方法採用厚多士做外圍，並於多士內加入飯餸，絕對是飽肚之選，適合2人以上享用。

其實我一直都係屯門住，好多時都想羅麥記試吓，不過成日都諗住下一次先試，因為始終係茶餐廳晚餐唔係好想食！今晚終於有機會試，因為唔係好肚餓所以諗住食下啲小食，入咗去之後先發覺佢哋個餐牌好吸引好多嘢食想嗌！我嗌左個蔥油雞扒公撈仔麵，好多蔥油，非常惹味！塊雞扒好大大過我塊面，而且炸得好脆，雞扒好多汁，係炸雞扒嘅最高境界！我仲嗌左個芝士牛肉蔥油餅，其他茶餐都未見過，好奇心驅使之下膽粗粗嗌左黎試！芝士份量好多能夠做到拉絲效果，牛肉同埋蔥油餅嘅味好夾，熱辣辣好好食！蔥油餅索晒啲牛肉汁，一食就停唔到口🙂

今日去咗屯門接女朋友收工， V city又唔知食咩好，行行吓見到一間懷舊風格的餐廳！裏面的裝修好特別很多都是香港70、80年代懷舊的街景！由於時間都不早，咁夜食咁多會好肥，但係眼見餐牌上好多好野食！餐牌內竟然有乳鴿，很少茶餐廳會有乳鴿食的！一般只有酒樓、小菜館才會有！於是我就叫左試下，乳鴿的表皮炸得好脆，肉質非常有彈性，而且非常juicy !之後仲食左一客炸雞翼，有點似避風塘個隻，有炸蒜係表面，炸既火候啱啱好，如果揸得太耐會有苦澀味，但係呢個完全冇火候啱啱好，雞翼依然好多汁，表皮好脆！

平時羅麥記是不用排隊等位的, 不過星期六,日就要等一等我間中都會去食, 貪佢炒菜夠鍋氣蝦多士新鮮熱辣, 好食~ 份量很多, 一個蝦多士都好大粒下紅豆冰粒粒奶茶差了!!!!好似一早整定放係到咁= =.....本身入面有2粒朱古力冰已經融了D= =" 奶茶又啖味, 紅豆又少, 比之前差了好多.....避風塘軟殼蟹炒麵好有鍋氣, 一睇就知夠晒熱氣~ 加埋炸蒜食好正~推薦辣雞翼撈丁辣得剛剛好~有4隻雞翼, 入晒味~ 撈丁一向都好食~食物保持水準, 不過奶茶咁差點扮茶記?

啱啱碰上一田購物日，雖然屯門一田唔算大間，但放工時間去到都勁多人，買完野走左去羅麥記食飯，見唔係太肚餓兩個人order左2樣嘢食磚頭焗咖哩軟殼蟹飯黑松露卡邦尼撈丁黑松露卡邦尼撈丁一到就俾果陣香味所吸引，哩個撈丁撈幾下已經香氣四溢，覺得配搭上幾乎絕配。最後的磚頭焗咖哩軟殼蟹飯上檯，平時食咖哩軟殼蟹食得多，哩個磚頭中間挖空放入咖哩飯，食完咖哩飯不斷挖挖磚頭入面沾滿咖哩的麵包，絕對係飽肚之作。下次如果再嚟可以encore一次黑松露撈丁及試試其他款式。

之前睇影評話「解憂雜貨店」幾好睇，難得同個frd放早，緊係趁套戲未落畫之前捉佢睇啦可以唔洗好似平時咁趕住去睇戲而食唔切飯要哽熱狗，最慘係個熱狗腸係好食呀，不過個包翻叮翻叮再翻叮到好似張紙咁韌呢！所以今次見時間有少少充裕，走去食少少野先睇戲。搭西鐵返去V city搵野食但都唔知食乜好，時間尚早又唔係太肚餓見到啲食肆全部到係好heavy,驚食得太飽陣間會訓著，哩個時候見到羅麥記就二話不說就衝咗入去。可能我地早，店裡面都冇食客侍應好快咁安排咗我地坐卡位我地得2個女仔，佢俾咗張可以坐到6個人既枱超級闊落哩間餐廳既裝修走懷舊風我幾中意佢本menu,顏色配搭好正食物呢就係茶餐廳fusion ，都幾得意佢有個百變撈丁係列好得意我地唔同國家既菜式撈丁，全部都想試下，不過穩陣起見都係叫咗個黑松露卡邦尼秋冬天氣乾燥，佢又岩岩出咗個真蜜系列，可以滋潤一下諗住叫蜜糖雞翼，但好似好普通咁所以都係轉咗豬腳個卡邦尼一上枱已經有好濃郁既黑松露香味平時食撈丁好多時都唔夠汁食食下會乾晒哩個卡邦尼汁creamy 得黎又夠晒汁，仲加咗少少橄欖油等啲麵唔好痴埋一舊，都幾貼心佢有卡邦尼意粉既味道但係麵質非常煙韌好食蜜糖豬手個買相

在懷舊風餐廳品嚐新派多士在久違的假期約左朋友係vcity行街，血拼到6點幾終於累累地要搵間餐廳叉叉電，於是佢就介紹左間懷舊餐廳 -羅麥記裏面既裝修好有八九十年代風格，除左唔同既懷舊擺設，仲有好多舊陣時既廣告壁畫，感覺上好似時光穿越左返去幾十年前咁。食物方面，我地叫左個鐵板牛排同埋職員誠意推薦既阿華田多士。鐵板牛排大大份，兩個人share都好夠，同埋佢落左勁多汁，唔怕會好似平時茶記咁食食下唔夠，墊底既薯條都係懷舊波浪薯條，可見佢地懷舊特色係細節上都有。之後就係呢個阿華田多士啦，六舊大大舊既多士烘得香脆，而且好邪惡地落左好多煉奶同埋阿華田粉，食落去好香阿華田味，果然無介紹錯，呢舊野係必食！最後我地為左中和下油膩感叫左個菜菜黎講略嫌蠔油不夠，但係無煮得太老，而且比較健康，食落去係少油既，當係消除頭先食牛排同多士既罪咎感啦。

通常開係商場入面既懷舊野都會比人一種會中伏既感覺，一黎無個種街坊味，唔夠貼地，但係有時候有d野又唔可以蓋棺定論，好似今日9fing fing入呢間羅麥記食，就比到我真係有種懷舊冰室感覺。講個裝修先，其實個裝修全部行懷舊風，好多以前八、九十年代d懷舊燈牌、卡位、舊式霓虹燈跟曬以前既風格，剩係呢d位可以一讚，不過開得係商場就點都會少咁個叫你縮腳既掃地阿姐（搏投訴咩），咁唔怪得人既，始終商場舖係商場舖，裝修都肯比誠意仲想點。其次要講下我最欣賞既野食啦，拿由於個日我單拖去，所以我剩係叫左個瑞士汁雞翼撈面同埋阿華田多士。夠啦，再食又比人話肥。呢個瑞士汁撈面，你以為開係大場一定係味道欠奉，食裝修姐，但又比到驚喜我wo，佢個汁應該唔止就咁落瑞士汁落去，撈落去係有好重雞汁香味同埋有少少麻油吊味，雞翼就炆到入曬味ga啦，平時係茶餐廳食都可能話要加汁先夠味，但呢個真係唔洗，個麵吸收曬瑞士汁同雞汁好開胃，三兩下手勢我就食曬d麵，剩底四隻雞翼慢慢嘆（幾時都話好味既野留到最後）阿華田多士一上檯係有少少比佢嚇親，一黎我無諗過佢咁大份，二黎我無諗過佢咁重粉，本身諗住一定又乾又鞋啦，但原來個多士本身落牛油烘過（有適量

平時去商場食都唔會太大期望，但今次真係喜出望外。特別要推介呢間羅麥記。本身以為唔太好，點知雖然係港式，但一啲都唔hea！首推呢個多士盒。出面食到嘅通常都係擺啲茄汁芝士就算，但呢度加左好多新意口味。例如呢度個葡汁非常好味。多事亦唔會因為焗耐左軟奶奶。呢個亦非常特別，肉放落麵包入面很香口同有口感。可惜太少哈哈。最後呢未瑞士雞翼，唔知佢啲味點樣調，但同出面茶餐廳食到嘅事但加啲滷水汁攞啲雪藏雞翼都完全唔同。雞翼好入味，滷水汁唔會過鹹過甜。如果有返可以食十碗！不過見佢同分店位置都唔係咁近市區，下次入到屯門先再食啦。