吞POT 雞煲火鍋.住家菜 (山林道) (Closed)

愈來愈多人食雞煲，因為食完仲有得打邊爐。今日嚟到山林道嘅吞pot雞煲，係山林道較新嘅銀座 38 入面。店面不大但係環境乾淨舒適，枱與枱之間有一定距離，唔會好逼。雞煲選擇眾多，決定都係食返重慶雞煲。辣度揀咗 BB 辣。今次記得叫埋支竹，仲叫店家幫我哋加咗落去先，佢哋都ok雞煲上枱後要再等一分鐘。雞嘅份量都唔少，啲雞好滑，味道好啱我。食哂啲雞同支竹就開始打邊爐。店員好貼心咁係加湯之後先上肥牛，讚。火鍋配料點咗美國肥牛之外，仲有油麥菜，蝦丸，同鮮淮山。肥牛同菜都幾大份，最後仲食剩小小，下次可以少一個配料

諗起自己都有一段時間冇食雞煲，近排見到IG嗰度有好多人post雞煲同邊爐，搞到我都心血來潮好想食，於是就約咗一齊去尖沙咀食雞煲。滋補螺片花膠雞煲 $208雞湯味相當濃郁，飲落去都係鮮甜，當係湯飲都覺得好好味唔會太鹹。雞肉應該係新鮮雞，食落去好滑嫩同鮮甜。另外螺片份量頗多，咬落去都幾彈牙，而且花膠完全對得起個價錢，相當大塊，對貪靚嘅女士來講真係唔點唔得。西班牙頂級黑豚豬梅肉 $118呢度嘅豬肉切得好薄，而且瘦肉偏多，唔會有好多肥膏，點為芝麻醬或者豉油，食得又健康又美味。豬頸肉片 $85呢度嘅豬頸肉片都有好幾片，飽到食唔落，每一舊都好有彈性同滑嫩，加埋落去打邊爐真係好正！

好耐冇打邊爐同食雞煲，夏天都冇阻我食一啲熱辣辣嘅嘢！今日同朋友嚟尖沙咀一間火鍋店食晚飯。我哋都嗌左唔少嘢食。滋補螺片花膠雞煲（半隻）$208我哋嗌左依度嘅招牌菜——花膠雞煲。個煲一嚟到，即刻飲咗一啖湯，湯底清清地，係好滋潤嘅感覺。半隻雞對兩個人嚟講都好足夠。雞件隻隻都有肉，好滑，好新鮮。當然裏面都有好大件嘅花膠。花膠好有質感，厚厚地，可以補充骨膠原。最後，裏面仲有啲菇。西班牙頂級黑豚豬梅肉 $188豬梅肉幾大碟，擺盤好靚，豬肉嘅色澤都唔錯。豬梅肉唔韌，肉味濃，唔會有騷味。豬頸肉片 $85豬頸肉片厚切，食落爽口彈牙，都係一個唔錯嘅選擇。可樂 $18可樂好夠氣，打邊爐飲汽水簡直一流！醬料（每人$12 ）除咗豉油，仲會有八款配料可以添加。例如有炸蒜、生蒜、辣椒、蔥等等，選擇都夠多。

今日同朋友去尖沙咀“吞Pot”試下雞煲。餐廳感覺寬敞，最適合三五知己邊吃喝邊暢談。我地叫左個藥膳雞煲(半隻雞)，希望經過辛勞一天後補一補。 藥膳雞煲一到，已經聞到濃濃的藥材。煲裡面有鮮淮山、杞子等補身食材，真材實料。湯底起初味道唔算濃，但跟食材越煲越濃，湯變得甘甜。而雞肉本身好滑，再滲入藥膳湯底，可謂補上補。最後我地叫多左個公仔麵，好好吸收藥膳精華。兩個人唔算好大食，份量剛剛好，同時補一補。 這裡係同朋友一起“吞Pot"聚腳既唔錯選擇，亦同時可以補補身。

與好久不見的朋友在尖沙咀區吃晚飯，選了山林道的吞pot, 吃雞煲火鍋，環境寬敞舒適，可以慢慢談天說地了。職員先送上九格調味料給火鍋用，分量一小瓶的裝著，用完再添，令調味料更衛生。點了藥膳雞煲半隻$178,可以飲藥材湯，又有半隻雞，雞很大隻，只吃雞煲都很夠份量！煮2分鐘讓藥材湯更出味，先飲湯，喜歡中藥材味很香， 湯的材料有紅棗、杞子、桂圓、玉竹、淮山等等，味道香甜， 撇除雞油，煲出的湯算很清，有雞煮在湯裏，湯味更甜，朋友都很喜歡，把湯完全喝完，要加湯繼續火鍋。半隻雞吃了一小時才吃完，是新鮮雞，肉質結實也很滑，吃雞肉也吃得很飽，醮醬油吃，調出雞的鮮味更好吃。還點了出前一丁麵，在藥材湯裏煮，沒有下調味包，有點像媽媽煲的湯撈麵吃，很有住家味道！出前一丁是完整包裝的，不會把麵拆散，覺得餐廳有心思，考慮到衛生問題，吃得安心。還要讚一下職員服務很有禮，招呼周到，雞煲也很滿意呢！醬料費每位$12,埋單加一共$249,已經吃得捧著肚子走了。

突然間想食雞煲，所以就去咗食啦😂上到去無幾耐，職員已經好快俾咗一盤調味料我地先，個調味盤仲好乾淨。疫情下，乾淨真係好重要!👍🏻滋補螺片花膠雞煲 (半隻雞) 🐤$208上檯的時候，個雞煲已經可以即刻食。雖然我叫咗半隻雞，但D雞都超多，雞肉好嫩滑，花膠同螺片都好多，個湯底都好鮮甜好飲。😍😍😋如果你係一個湯精，我都好建議你點依個! 個湯底好好飲同好鮮甜。十全大寶丸 $158分別有五款:1.手打生拆蟹粉墨魚丸 ~ 超多蟹粉係中間😍2.手打黑松露墨魚丸 ~ 好看黑松露味，如果鐘意黑松露的人，一家要試!😎3.手打黃金海膽黑墨丸 ~ 真係有一層海膽係裡面嫁😜4.手打香煎鵝肝蝦丸 ~ 裡面的鵝肝可能因為煎過的關係，個鵝肝好香🤩5.手打芝心牛丸 ~ 個芝士會流出黎，食的時候要小心😂上碟的時候，七彩的碟，又係打卡照相好靚🤩🤩自創爆芝響鈴 $45我好鐘意食響鈴，加埋另一個致愛~芝士，真係不得了。依個響鈴又真係好特別! 因為其他地方都食唔到! 👍🏻頂級安格斯牛小排 $258😍😍個牛小排好夠肉味同好新鮮好靚，一D血水都冇，同佢擺盤好靚，好岩相機食先的港女📸📸大檸茶 $45真係好大杯🤣🤣另外，值得一提，餐廳

很久沒吃雞煲，OPENRICE 見到這家位於尖沙咀山林道 (比較近佐敦地鐵站)的吞POT，主打雞煲和火鍋，地點方便，另外旺角，油麻地也有分店，今次決定試一下尖沙咀店。山林道一帶有不少食肆，自己很少探索這裡，今次終於來看看。看看餐牌，火鍋湯底幾十元而已，比很多火鍋店平很多，不過今次比較想吃雞煲，所以或許留待下次才試這家火鍋湯底吧。首先叫了重慶麻辣雞煲 (BB 辣，半隻，HKD178) ，白飯和兩杯凍飲，分別是西柚特飲和大檸茶，兩杯也大大杯可以解辣。雞煲一上枱，店員已說可以吃，但第一下吃到不怎麼好吃，因為未夠熱和辣，建議等它5至10分鐘才吃，會比較惹味，雞大約有十二，三件左右配上蔥和洋蔥吃，很下飯。之後加湯吃火鍋，點了羊肉和自創芝士響鈴，羊肉大大塊比較厚身和瘦，如果薄和多點油脂感肉會較軟身和嫩口。第一次吃芝士響鈴，比較推介這一款給芝士迷，放入湯5秒再吃，芝士融化，和外面的腐皮一起吃十分搭。

店舖位置已經唔近地鐵站，大熱天要行十几分鐘先到，如果係隱世美食都值，講真只係比200以內任食火鍋唔好得幾多，今次叫左個花膠雞，雞唔係新鮮都算，花膠係低級野，個湯仲要勁咸。叫左招牌十全大寶丸同芝爆響鈴，完全垃圾，先講丸，全部有餡丸餡少到誇張，連佳宝芝心丸都好過佢，如果有人話唔係食餡，食佢手打，仲算吧啦，做定已經唔預好，D膠完全冇撻醒（識食就明我講乜），唔合格。個響鈴只係grimmik腐皮巻芝士片去炸，新鮮炸係好，但你唔用大火逼油，一食入口全部油，又係唔合格。個青瓜特飲完全糖水，無樣得。兩個人盛惠六百，真係失望，依家先知完來香港大部份人唔識食😔

去到望到餐牌有雞煲同打邊爐簡，見佢雞煲出名又係王牌，最後都係叫左雞煲，2個人叫左半隻，呢日好想食好辣所以叫左中辣，不過落單時店員提醒佢哋辣度都幾辣，驚朋友食唔到轉咗小辣，好在店員有提我地，自問食得辣嘅我，越食越辣越煲越辣！！不過真係好食😋啲雞好入味，個醬好好食。我地叫左一碟牛，一碟萵筍，蟹子墨魚滑，爆芝響鈴。因為個雞煲好濃味所以我哋就無到特別貴嘅牛，覺得會浪費咗個牛。不過就算係最平嗰隻都已經好好食😋不過最後都冇食到必食嘅爆芝響鈴，可能因為即叫即炸時間比較耐，我哋食到最後先至上菜，但係嗰陣大家都已經好飽唔想浪費，所以最後都冇要到，下次再嚟一定一定要試到爆芝響鈴，因為本身我自己都好鍾意食。建議大家下次來頭一次落單就叫，因為我哋本身驚食唔落所以係中間嘅時候追加嘅。

臨急臨忙約朋友唔知食咩好，朋友提議嚟呢度食雞煲😊啲座位都幾闊落首先有調味醬汁俾我哋揀，有蓋嵌着夠晒衛生！叫咗個半隻雞嘅香辣雞煲，因為唔食得辣就叫咗走辣，但係都超級濃味同滑而且半隻雞嘅份量都好多，如果係兩個女仔都差唔多食唔晒咁滯！食完雞煲打邊爐啦！叫咗個自創爆芝響鈴，入面啲芝士幾多而且流心！響鈴索晒打邊爐湯底加埋芝士好夾！既然呢間餐廳嘅芝士唔錯就叫埋手打芝士牛丸，牛丸唔會太多粉！都食到有牛味，芝士就係似頭先芝士響鈴果一款！芝士味重而且可以拉到少少芝士絲，芝士唔會好似橡筋咁咬唔開豬頸肉份量都多，而且非常厚切，口感好好而且夠晒爽口！豬頸肉冇經過調味，但係點埋豉油、炸蒜，麻醬汁就啱啱好！打邊爐又點少得叫公仔麵，因為個湯底唔係好多味精，所以飲埋啲湯食埋個公仔麵都唔會口渴，好抵讚啦🤪

重慶麻辣雞煲兩個人叫咗半隻雞中辣，夠辣（平時食開某連鎖米線中辣）。雞本身熟，一上即刻食得。雞嫩皮滑，平時唔食雞皮的人記住都要試少少雞皮呀，因為佢吸收晒雞汁嘅精華。自創爆芝響鈴黃金響鈴就食得多，芝士響鈴都係第一次，食過返唔到轉頭，佢呢度嘅芝士響鈴真係要推介，新鮮即叫即炸，鬆脆，芝士味濃，未食已經見到有少少流左出嚟。如果你問我點樣去形容果種脆法，就係當你一咬嘅時候，就會跌到成枱都係響鈴碎，真心冇得輸！原本諗住叫個羊肉，但係見到佢有手打丸系列，所以就放棄個羊肉，叫咗個十全大寶丸。我哋嘅選擇係冇錯㗎！因為佢d手打丸真係好好食。有五款丸，每樣兩粒。（芝士牛丸，香煎鵝肝蝦丸，黃金海膽黑墨丸，生拆蟹粉墨魚丸，黑松露墨魚丸）全部丸都爽口彈牙，特別推薦芝士牛丸+蟹粉墨魚丸芝士牛丸都幾有牛肉味，一咬開芝士就流哂出黎🤤蟹粉墨魚丸當然都好有墨魚味，入邊釀咗大閘蟹粉，量多唔孤寒，令人好掛住大閘蟹嘅季節。員工有禮貌，廁所都幾乾淨，環境唔錯。全晚叫的三種食物樣樣都出色，基本上雞煲好夠味，調味料都冇沾過，算係高質火鍋雞煲店。

以前去過另一間分店試過佢嘅胡椒豬肚雞煲，今次就特登再嚟試另一隻味🤩餐廳嘅位置喺佐敦同埋尖沙咀中間嘅山林道，呢間望落好新嘅大廈入邊都有幾多唔同嘅選擇🙈一入到餐廳就一種好新潮嘅感覺，光線比較暗淡，營造出一種高級打邊爐嘅感覺🤩重慶麻辣雞煲🌶 ($178)今次就嗌咗重慶麻辣雞煲（BB辣），朋友開頭仲擔心唔夠辣，點知原來BB辣已經好有風味，用咗唔同嘅香料熬製而成，入邊嘅半隻雞份量不過不失，都算多骨，不過件件都好入味😋差唔多食晒啲雞之後，我哋就加湯變麻辣火鍋🍲—自創爆芝響鈴🧀 ($45 三件)超級推薦，啱啱炸好仲脆卜卜，入面嘅芝士一咬就湧出來，建議可以先試一啖再放落湯，咁就可以食到個差別😚十全十寶丸 (五款十粒) ($158)從外觀起已經非常吸睛，唔同顏色碟代表住唔同味道嘅手工丸🤩食得出純手工製作，味道亦都好新鮮，雖然價錢略貴，但係都覺得幾值得👍🏻入面包括：手打生拆蟹粉墨魚丸手打黑松露墨魚丸手打黃金海膽黑墨丸手打香煎鵝肝蝦丸手打芝心牛丸

今日係個同事返工最後一日咁我哋就一行四人行相約咗去打邊爐而我哋最終係揀咗喺山林道嘅呢間叫吞pot溉邊爐店咁我地去到其實都已經八點幾啦咁由於而家係食到10點嘅啫所以我哋好快就即刻叫個湯底同埋嘢食我哋係叫一個雞煲湯底嘅但係雞煲湯底係啲乜我都唔記得咗啦啲雞又唔係算太多跟住嗌左一大枱嘢有啲五種顏色嘅丸我記得好似類似魚滑咁嘅叫咗有個芝士響鈴？冇記錯係個字叫芝士響鈴見到仲有啲魚滑魚皮餃豆腐豆卜生根等個芝士響鈴其實都幾邪惡喺響鈴入邊仲會有芝士本身響鈴食落都幾滯又油炸跟住入邊仲有些少芝士添我食落都OK幾好味呢啲係魚滑我覺得呢個魚滑幾好味又彈牙煙煙韌韌咁當然打邊爐就唔少得肥牛啦我記得呢個係最貴嗰啲款黎個牛望落去都唔錯擺盤幾靚雪花都靚食物都好味呀有口感有肉味大致上就係咁啦

之前已經食過兩次吞pot，食完之後念念不忘，今次特登再搭車出去食第三次！之前兩次都係去油麻地分店，今次黎到尖沙咀試下，格局裝修都係差唔多，好有「吞pot」fell。今次叫左佢既藥膳雞煲試下，養下生。藥材味好出，個湯底亦好甜，入口好舒服，我同朋友勁快就飲晒個湯底！雞都keep到水準，一啲都唔老，好嫩滑，不過唔係好索到湯底啲藥膳味。今次亦試左佢既餃餃陣，入面有韭菜餃、自製鮮蝦雲吞、蟹粉蟹肉雲吞、魚皮餃。最正係蟹粉蟹肉雲吞，勁大粒蟹肉係入面，食落口啖啖肉，勁正！最後當然唔少得佢既招牌必食自製響鈴啦！次次黎到都一定會叫！即叫即炸卜卜脆，第二度食唔到！如果唔係想養生，一次會再食佢既芝爆響鈴！諗起又想再食多次啦！

邊個話天氣熱唔打得邊爐？係好食既，開冷氣打都要啦！今日黎到尖沙咀山林道呢間「吞pot火鍋雞煲」，勁高質，推廌！餐廳都好闊落，坐得好舒服！呢到好多款唔同既雞煲都有，岩晒唔同口味既人。今日想食清啲，就同朋友叫左個藥膳雞煲調味料唔洗自己出去拎，staff會拎一盤比我地，好體貼、好方便！話咁快藥膳雞煲就黎到，藥味都好濃，飲落甜甜地，少量藥材味，唔中意藥味既朋友都唔會話難入口，入面仲加左淮山紅棗，足料雞肉亦好嫩滑，全部都啖啖肉，唔係得啲骨同肥膏，不錯！呢個餃餃陣，個名夠得意，有四款唔同既自製餃子，魚皮餃、蟹肉餃等等，最記得佢個蟹肉餃，入面勁大舊蟹肉，超正！自製響鈴亦好出名，即叫即炸，大大件、熱辣辣，香脆可口，名不虛傳！