利口福快餐店

Open Now

Now Closed

流心芝士豬扒包 $22 堅流心，豬扒好脆唔會硬，好有驚喜。呢個價錢絕對抵食！👍🏻沙嗲牛肉西多士 $25先生大讚沙嗲牛肉唔係hea整，有洋蔥，正！味道岩岩好，好match！最愛幫襯小店❤️

人類已經無法阻止西多士入面嘅餡嘅發展🤔🤔🤔繼紫薯、奶黃後 算我孤陋寡聞 今次輪到沙嗲牛肉😂😂😂-沙嗲牛肉西多士 ($21)最初喺出奇 後來食落其實都幾夾沙嗲味唔太出 但我好欣賞佢有擺埋洋蔥入去 成件事好加分😍😍😍西多士炸得酥脆香口~因為沙嗲加洋蔥喺好好食 好入味 又有洋蔥既甜味!!!🤤不過提一提你地 如果想食沙嗲牛肉既原味 就唔好落咁多糖漿 如果唔喺就好似我咁 唔太食得出沙嗲味😂😂😂😂

一直覺得香港實在有太多餐廳卧虎藏龍，空閒時間我總喜歡在網上搜索一番，不時會發挖到所謂的「隱世小店」——未被傳媒大肆宣傳、未被長龍人眾排隊朝聖，但卻有著非一般的特色小食，而利口福正正就是其中一間。流心芝士豬扒包 ($22)當日晚上七時許到達，漢堡包經已售光所以店員建議改以多士造給我們，多士塗上牛油烘至薄而脆，豬扒炸得香脆之餘沒有過焦割口，肉質沒有半點乾韌卻反而爽嫩得有如豬頸肉；中間芝士份量極多極其澎湃，惟味道偏淡。沙嗲牛肉多士 ($16)沙嗲牛肉肉質軟腍，以鬆肉粉醃製過是在所難免，不過牛肉實在太鹹，鹹得難以想像。流心芝士豬扒包與沙嗲牛肉多士的質素懸殊，「笑臉」與「OK」之中實在難以決定，但這裡的港式情懷與人情味加持下相信仍值得一個笑臉吧。

今日經過呢度終於可以試到,因為呢間成日都話自己嘅豬排包好好味!初頭坐低就有店員話:入面有冷氣架!嘩,咁正!好野,唔使大熱天時熱住食熱野!雖然坐係入面有陣煙味,應該之前有人食過煙,但都係舒適過出面嘅!芝士流心豬排包: 請小心食!因為豬排包住芝士, 一唔小心,咬大啖左,真係好熱架!豬排包住芝士,唔驚芝士凍左,又感覺塊豬排厚左,無咁乾身雖然睇落細細件,但食晒都幾飽嘅!炸脾配西多士: 炸脾不過不失,西多士幾好味!

#GB全日食 #GB深水埗食史 #夠薑小店遊👾 #20170407 —又係即製😬塊包脆而不燶😈好熱👅塊豬扒應該係吉烈嘅,咁呢雖然唔算特別脆,但係好厚又大😆入到去,流心芝士都真係有啲爆汁效果咁💁不過係鹹芝士,唔算好稀😌22蚊都唔錯可以去試下😙唔會滯😎小店啲人總係nice啲👻—#太子界限街 #利口福快餐店 #流心芝士豬扒包—

好耐之前都食過一次👍🏽今次再去有新產品😂流心芝士豬扒包芝士迷的我立即試個包一到，眼前一亮以為係芝士加煎豬扒點知炸豬扒中間流出芝士，超開心食食下，應該係老闆娘行過黎問好唔好食😂睇得出好有心機做👍🏽朋友食左個沙嗲牛肉包同利口福炒飯沙嗲牛肉包，牛肉多朋友話好好食炒飯也不錯，有家的味道朋友話舖頭開左好耐唔怪得態度有善，好有人情味氣氛好舒服👍🏽👍🏽👍🏽最後重叫多個流心豬扒包同沙嗲牛肉包外賣食多兩個先夠喉一定會再去食

「利口褔」這三個字對我來說是極之熟悉的名字，但不是指太子這間小店，而是指西貢那間歷史悠久的快餐店。西貢的「利口褔」曾經是地區食堂，學生哥的午餐地，可惜已經結業，變成了「利X利口褔小炒皇餐廳」，在加入開飯網之前曾經在「利X利口褔」食過一次午飯，可惜再沒有任何感覺了。不知道現在太子那間「利口褔」，跟西貢的利口褔是否曾經有關係，只知道太子「利口褔」有一位很老的婆婆，很有禮貌，很好招呼的婆婆。婆婆看來年紀不小，仍親力親為擔當樓面工作，我想要杯暖水送藥，她立刻取了杯暖水給我，真是很暖心的服務態度。可惜太子的利口褔招牌，竟然不幸被棚架遮蓋了，如果能拍下這很有歷史價值的店面照片的話，這篇食評應該更有價值。看不到招牌，卻給我看到一幅有關利口褔相關報道的易拉架，內容圍繞着今次我要在利口褔試食的沙爹牛肉漢堡包。不過從剩下的裝潢來看，太子利口褔應該已經擁有很長的歷史，雖然餐牌經過翻新，但那歷史味不會貿貿然被洗刷乾淨，裝修擺設仍然保留了懷舊味道，感覺依然歷久常新。由於太子利口褔舖面面積有限，迫使食客要集中坐在一起。人多的時候，搭檯是無可避免的，不過為了和藹可親的婆婆，這些問題我可以忍受。店舖小，即是連洗碗的地

在繁華城市生活，難免令人緬懷一種人情味我嘗試發掘一些傳統小店，除了品嚐美食，還想外帶一份人情味！這次在網上看見一個感人愛情故事，而故事中的主角在三十多年前開始合力經營這個轉角快餐店。經過三十多年的洗禮，老翁與愛人已顯得鶴髮雞皮，店鋪亦沒有昔日亮麗，但卻多了一份我努力尋找的人情味 。老板雖然已年過八十，但凡事仍然親力親為，可見店鋪對他背後有很大的意義！除了少許小店背後的故事，本人太孤陋寡聞，到現在才知道奶水這款飲品，問老板女兒，她才笑言是煉奶加水有機會下次再嘗試 ! 來到正題，這次我選擇了這裡的經典沙嗲牛肉飽和西多士。 吵嗲牛肉飽沒有想像中有特色，味道不特別也沒有很香，牛肉較腍身，麵包亦不會脆口。牛肉份量正常而另外一款西多士亦非常腍，可能是預先準備好，雖然不脆口，但較好的是中間仍有夾帶花生醬，許多茶餐廳因為方便只會塗在表面。圖片中也能看見老板絕不吝嗇 , 有多煉奶！用膳時，老板娘也會主動寒暄數句，老板女兒也長期掛着笑容，令人感到窩心！雖然味道沒有想像中的突出，但一家人感情實在與想像無違。另外快餐店收費也是非常合理，例如學生餐只需30，而車仔麵的餸款價錢也十分合理。這次除了用膳，還免費外帶

太子利口福系一間我經過幾十次，但絕對會走漏眼的“冷巷”快餐店，早前見一份報導才令我留意同幫襯，原來系歷史悠久港式小店今日經過就試左出名的沙嗲牛肉漢堡包（$16），店主伯伯即叫即製，用上牛肉片洋蔥同沙嗲醬系鐵板上爆炒，三扒兩撥已搞掂，包用牛油煎過，微辣入味的牛肉有六至八大片，食起來多到跌晒出來，好狼狽但滿足凍檸茶（$13）茶味較淡，但已經篤左檸檬，非常細心店主夫婦已年過七十，但事事亦親力親為，有時又頂下咀，伯伯對住第一次幫襯的我，亦寒暄數句，問下沙嗲味道如何，亦不忘道謝，呢間小店除左味道唔錯外，既有人情味，亦十分欣賞老人家的堅持同毅力，系值得一試的快餐店

即製沙嗲牛肉包🐂 ($16)舖頭仔執下又一間執下又一間，舊式小店真係買少見少啦。尼間位於太子既小店，賣好多款港式漢堡🍔，十幾蚊有交易。不過環境麻麻地，唔中意既可以企係街食。即叫即整，個包加左牛油，香到不行了😍。沙嗲夠重口味，而且香👍🏻，配出前一丁都一定好食！牛油同沙嗲香配埋一齊，三兩啖就食完，個包細細個，食完可以繼續去搵野食。

外觀已經不吸引，沙爹牛無沙爹味？而且只有數塊室溫的牛肉，包內沒有塗牛油，但是卻很油膩。比錢時，跟老闆反應，她説是已經煎好一批，放到凍的成品，又説因為有些客人趕時間。眼看當時是週末早上11點多，只有一個客人在食麵。係我黑仔？下次會行多幾步去幫襯真正即叫即整的黑椒漢堡，而且價錢是一樣。如果你唔趕時間又想食呢間，記得同老闆講你唔急，要熱的沙爹包。

這是一片非常不起眼的小店，半數的座位都設在店傍的巷子內，絕對冬涼夏熱，為什麼可得到大報的青睞？ 大報的採訪稿子被製成了易拉架，擺在店子的前面。已是下午茶時間，只有三數食客。彎着腰的伯伯出來招呼我。既然沙爹牛肉包是採訪主角，就要了一份，加上一杯熱檸水。 沒有八卦走去看伯伯如何裝作，只聽見鏟子敲得鐵板鏗鏘有聲，配以爆炒的沙沙之聲，美味很快就出場了。平平無奇的一個芝麻包。 揭開芝麻包括，牛肉的份量足以製造一份乾炒牛河或菜遠牛肉飯。牛肉的味道絕對是中式的，沙嗲味道微辣，有點東南亞的風哚，夾在西式的芝蔴包內，絕對是fusion 風味。 蔡瀾先生説，吃了舒服、舒暢、不拘禮、過癮、美味、像媽媽做的、吃得飽的就是comfort food。這絕對是我的comfort food。

經過這小店好多次，聞到好香嘅蝦醬味，好想去試一試。但小妹喜歡坐卡位，加上天氣熱，每次都經過而未入。但原來後面有間冷氣房，完全睇吾到。由於附近食事已食到吾想再食，又約吾到人食飯，膽粗粗去試一試。叫左個我每間必食嘅鮮茄班腩飯加熱奶茶共$35。老板娘好好人問我要不要少甜。茶很有茶味，同一般茶餐廳吾同。飯來了，有一股糖醋魚味，胃口大開！一試班腩，嘩！非一般快餐！班腩入口無疏打粉味（好多其他店好多疏打粉），炸粉好薄（有D食店炸粉硬到好似法包咁，或者厚到好似綿胎），夾起吾碎，班腩非常柔軟有汁，肉地吾鞋，好好味！蕃茄汁又好味，係我食過最好味嘅蕃茄班腩飯！我竟然全部飯都食完！店不可貌相。 第二日又再去食多一次鮮茄班腩飯，班腩一様咁好味，老板娘仲問我飯夠吾夠，係小店嘅人情味。感覺現在集圑式的食店，工作人員都機械化，無話問夠吾夠la，未食完都收你野。 走嘅時候買左兩只炸雞亦，老板娘仲幫我剪埋雞亦，仲多謝前多謝後，店主三個人都做到背彎曲，今時今天租金貴，隔離又開多間，希望小店能夠繼續生存下去。

為了看導盲犬劇集裡有表情的拉布拉多狗狗而每晚坐定定看TBB,因而發現劇集裡的"素未謀麵"位置熟口熟面,雖然以特技效果將店名改變,不過單從其轉角舖位及店前小小迴旋處,有經過過的也知道是太子區的利口福快餐店嚕!趁天氣沒之前酷熱,坐路邊也不算大問題之日子來坐後巷,明知來這小店也沒可能見到陳豪或老友狗狗的了。大字標明每款食物也即叫即做,店裡食品新鮮熱辣絕無疑問,看著餐牌時滿頭銀絲的老闆娘像婆婆口吻的問我:"食唔食飯呀??" 無飯癮的月巴"兒童"這天雖然勁肚餓也不想吃飯只想吃包,平時說話聲音不會太大的我,在利口福點菜時也要朗聲讀出想點的食物,只因婆婆的聽覺其實欠佳。大開放的小店基本被開放式廚房及煮車仔麵的車仔佔據,座位都是露天沒空調的後巷中,幸好是日有徐徐涼風及風扇,坐店側位置也不是問題,況且婆婆很快拿來一杯凍奶茶說道:"飲啖凍茶就無咁熱架喇"。加冰後的凍奶茶($17)略有茶味也不只是一杯淡味奶水,只是沒點少甜情況下,其甜度較合一眾在後巷中抽煙的大叔食客多一些。常在此吃早餐的髮型師曾向我推荐其沙爹牛肉包,只是相識多年的他也知道我怕熱,坐在後巷進食怎也不是我的茶,況且他也不贊成我一個女子坐在一堆吸

港式漢堡絕對是兒時回憶,一塊手打牛肉加兩塊煎好既包,陪伴左無數既時光,但長大後漸漸被遺忘。機緣巧合下看到報紙刊登了一段關於港式漢堡既專欄,被一張沙嗲牛肉漢堡照片所吸引,當然要去品嚐一番。門面很港式快餐店格局,又唔係想像中咁熱,好快點了兩份沙嗲牛肉漢堡,兩杯凍奶茶~酷熱天氣警告下飲杯凍野簡直係爽。沙嗲牛肉漢堡既牛肉係用鐵板炒過後,再混埋沙嗲醬一起炒,看見他們頗辛苦,但都面帶着微笑為食客服務,就係經營小店之道,相信年輕一代未必捱得住~沙嗲牛肉漢堡( $15 配凍奶茶總數 $27 ),牛肉和漢堡既包熱辣辣,配上洋蔥和沙嗲醬,三爬兩撥食完,因為新鮮熱辣真係好吃。另一道想試既就係炒通菜,見到用鐵板炒菜都已經吸引。蝦醬通菜少牛肉( $ 45 ), 份量足夠二人享用,夠鑊氣,蝦醬尚算入味,牛肉味道也不錯,個人覺得沙嗲牛肉較出色。這些小店會隨住時代變遷而一一倒下,趁還有機會時好好珍惜這份味道。