利苑酒家 (創紀之城五期(apm))

Open Now

Now Closed

好耐無去過利苑食, 今日要同客人食返, 就特意訂apm利苑, 點知就.....出左事2個冷盤, 雞腳, 海節, 味道淡得驚人, 差mad:響螺例湯, 夠哂清淡, 差差4個主菜, 1) 炒蝦, 得幾粒, 其餘全是西芹, 2) 炒元貝, 又係得幾粒, 其餘全是荷蘭豆, 3) 半隻片皮鴨, 批左皮後, 上碟得十塊左右, 4) 楊州炒飯, 無味, 仲差過一般小店鋪.今次因為同客食飯, 所以無影相, 但其實見到賣相都未必會影, 賣相唔靚, 碟就大, 但送就少, 每碟送平均都要$200碟, 但水準差過食小店鋪, 服務態度都ok, 但唔知係咪人多關係, 好熱囉, 好似無開冷氣, 又熱又焗, 7點左右去到, 但差不多已爆滿, 食物水準咁差, 點解仲有咁多人去食呢 個舖名"利苑"真係好食嗎

上星期6係apm睇完戲, 諗住落去食拉麵或打邊爐, 點知度度都要大排長龍......行過利苑見門口冇咩人就諗住試下, 點知等都唔洗等就有位, 個下即刻心諗 "大獲....唔洗等位肯定唔係難食就係貴....."點知入到去, 原來入面好大, 都坐左唔少客轉左幾個灣, 入左個偏廳坐低左, 睇佢個門口真係估唔到入面係咁大坐底左開壺普理, 再睇下餐牌, 即刻安心哂, 因為都幾平....有個片皮鴨海鮮組合餐, 半隻片皮鴨& 二食, 再加個海鮮, 竟然$500都唔駛我同女友加兩個fds, 兩對couples, 4個人食剛剛好另加幾個小食&菜, 食到飽飽, 埋單都係每人$200左右, 十分抵食

其實好耐之前去過apm利苑食過，覺得唔好食，所以之後一直冇再去，今次去係因為屋企老人家話要去。所以冇得唔出席，點知竟出乎意料！食物質素好左好多，而且服務又好好，個個都好好笑容。其實我都估唔到冇去apm利苑一排，質素會好左咁多！簡直令我另眼相看呀！遲d有機會要再來試下午市點心的水準！

其實本人很少機會到觀塘, 但咁岩同同事係呢頭做完野, 所以就係apm食~~~由於2012年第一餐同拍檔食GE開工飯, 所以就搵間出名D GE食~~~apm利苑, 其實未試過, 初初以為好貴, 但價錢比我預計的平!!可惜得兩個人, 食得唔多!原來佢地D棗皇糕可以一底底咁賣GA!!! 可惜一早已經賣斷貨!! 我想賣返幾底返屋企都無, 要食唯有去門市食了~~~ 我諗我會再嚟返apm呢間利苑食, 因為我覺得服務很好, 部長介紹GE菜都好好!!我揸車嚟都好方面!! 下次要同屋企人嚟試多D其他菜先得AR!!

是晚,是老公生日佢話要食片皮鴨慶祝生日我哽喺話好啦!來了這們APM利苑,枱好大張,坐得好舒服無乜人,還播上英文情歌,挺浪漫-陳醋海浙頭-片皮鴨半只這裏的片皮鴨是港式的,即是麵皮溥.配點青瓜和鴨漿,港式片皮鴨,當然是非常配合我們本地的口味-煎大元貝配脆脆圈 3客大元貝加上蝦膠托底,位上,精緻又美味-金姑竹筒蚌 1位送紅洒一杯這個金姑好鹹-炸軟殼蟹１位送紅洒一杯-椒鹽富貴蝦兩隻,每隻6両(即是班馬賴尿蝦,這種蝦溥売,多肉;輕秤,喜歡吃賴尿蝦,可以試試這款;低食之選)-上湯浸哯菜-龜靈羔２客全晚最差的是那上湯浸哯菜,上湯淡而無味這個...話時話..這裏是利苑,一個這麼簡單的菜其實只需要用一個有些味道的上湯..做到這個水準.........真的要檢討下!

真係好嬲雖然今晚做節都知道多人等位但係服務唔洗差成咁下嘛~?真係食完都背脊骨落先講野食叫左碟蒸龍躉no good跟本唔夠熱佢所有野都係整定晒只係暖暖地又細碟$248完全唔合理叫左碟蠔本來話係焗上到台~跟本係炸~ok~fine~蠔好細隻雖然炸到o岩o岩好但係$42一隻真係合理嗎~?仲有宮廷醬烤骨just soso~~之前係九龍灣分店食物水準不能接受已經black list左個一間今次係官塘食食左幾百蚊我係有比錢食架6點9入去個陣話8點交台ok~無問題做節人多佢所以送菜係10分鐘可以上晒比你唔係整定晒係咩野~?但係利苑係provide d咁既水準野食點解我要比咁貴去食呢樣都算喇但係7點4!!問要唔要叫糖水~話左唔洗~仲係咁問問問好喇~o岩o岩食完d野~就收收收~收晒我d碗碟唔洗咁下嘛~?未到7點半叫我賣左張單先而家咩事呀??我無比錢食架~????坐左唔夠一個鐘又未到交台時間就趕我走茶都可以飲杯呱~?唔洗咁下嘛~?嬲到我震唔該~如果我比咁多錢~去利苑係得到d咁既服務態度既話sorry我以後邊一間分店都唔會再去我之前呀~係間茶餐廳食野lunch time~夠多人啦~佢地都會叫我地慢慢坐~我地知

今晚和友人到APM吃晚飯。想起這裡有間利園，便walk-in試試有無枱。ok，有得食。我們2位共點了煲細例湯，是？椰子果炖老雞，還有燒腩肉，蛋白炒龍蝦和鮮百合炒露旬。湯：好喝，很清甜；份量足，每人有2-3碗。燒腩肉：皮不太夠脆，肉鹹了一點點。記得以前食過，是不錯的，這日失準。蛋白炒龍蝦：蛋白好滑，但糖稍為下得重手了一點；龍蝦肉球啖啖肉，肉質不錯，好食！鮮百合炒露旬：本來打算清清地要個素菜類，所以點這個。但這道菜炒得有點過油，令本來已吃得幾飽的我們，更吃不下太多。服務方面，不過不失，還可以啦。最後埋單約$800，以這餐晚餐的這水準，有點不值；明顯這間利園退步了。

媽媽喜歡去, 所以我地都成日幫襯, 飲茶既話, 點心好好味, 雖然貴d, 都值得推介. 午市有四人套餐, 好豐富, 我媽媽就最鐘意.講到晚餐同埋節日, 去利苑就好似做水魚咁, 只有貴野叫, 餐牌的菜式又特別少, 而且全部都好油. 以前去利苑就係貪佢唔油, 以家就真係太失望啦, d小炒簡直"立立靚", 比起大排檔只係精緻d, 但係就唔見得好食囉.

此家無論飲茶及食晚反也是不錯, 不過有時餸菜會咸了點....必食推介: 唔記得叫做龍虾定西施湯泡反....好玩又好味....佢會晒d反焦上面...好靚..罐湯餃必食(媽媽最愛),連平時唔食罐湯餃的我...到此家都會食呢個臘味煲仔..潤腸超香而不肥...反焦佢會幫你泡湯吃...正花膠扒...份量夠...有質感..,唔會寒寒酸酸咁老火湯..正黑芝麻米糍(熱的),正..稍甜了點杏汁蛋白茶,正點心ok云吞雞,燒腩仔- 一般

101222 星期三 | 冬至晚飯，想跟爸、媽吃得好些，就選了APM的利苑，雖未試過在這裡開餐，但總算是名牌，心想應該不會太差吧，所以早兩星期已打電話訂座，是晚跟預訂時間6點到達，即時被安排入內四人座位，門口雖小，但原來內裡都幾大，環境佈置都算雅緻，座位空間也足夠，感覺舒適。可惜點菜紙放在一個透明塑膠圓桶內，有低檔次的感覺，跟週圍環境不大配合，雖然是慳地方，但可以在外觀設計方面花點心思吧，本想點完菜後影番張相，誰知一點完菜就即時被侍應姐姐拿走了。其實是晚提供的菜式都不大吸引，單看菜名，大部分都是一般酒樓都有，無咩特別，但就貴人一等，非一般酒樓的價錢，所以睇咗好耐先決定到是晚餐單：三餸一湯，有老火湯、如意吉祥、石窩燒龍躉腩和秘製海山骨。老火湯 ($128)，湯料都幾豐富，有冬瓜、嚮螺頭、瑤柱、瘦肉和雞肉，但係好鹹，海味味很濃，就是走到海味舖聞到的那種味道，雖然是整個煲上枱，但相信都是煲埋一大煲，勁加鹽來調味，上枱前才倒入煲仔裡的呢，如果真的原煲煲出來，就不會那麼容易失手的吧。如意吉祥 ($88)，其實是銀杏露筍炒雜菌，點菜紙也有寫明，個賣相唔錯，不過睇落好似有好多露筍咁，但著咗一半以上是

我在剛過去的星期六，一行六人去了AMP分店利苑吃飯 (做冬)我是在星期四正午12點打去訂檯的，星期六我7時15分到達...他們既然說沒有我的BOOKING 找了一段時間也沒找到，後尾我突然醒起當日訂檯那位女士的聲音，跟當天的知客本相似，所以，我就直接跟他說 "我認得好似係你幫我留位的。"，他即時無言，貌似心有愧。如是者，等到7時45分才入到席，蒲坐下不久，我已經問負責我那張檯範圍的女侍應，有沒有素菜，他反應貌似不悅地說 "無喎!"而當我點菜之後，他又提議我吃魚、點湯 (問題是...5個成人有一個吃素，我們已經點了3葷2素菜...他建議我點肉湯...實在太不細心了吧)我點的有:- 銀杏炒蘆筍 --- 很油、食材不太新鮮 (但又未至於不新鮮)，沒甚味道 (除了吃到大量的油之外)- 鮮蝦蟹肉蒸蛋白 --- 這個口感相當好，可惜是未免有點太咸- 湖北黃金蝦 --- 蝦太細隻 (像買急凍蝦回來)、外層咸蛋黃，感覺還是很濕，相比起我經常去某間在葵芳的店舖相比，無論是味道或賣相都差太多- 生炒懦米飯 --- 毫係疑問是先用電飯煲煮熟，再隨便加豉油炒炒就算- 炒雜菌 --- 跟炒蘆筍一樣...很油、沒

因工作需要，是晚要在觀塘區宴請同事吃飯，由於臨時安排，只有利苑能夠即時訂位，於是一試是晚一行六人，點了：- 例湯 - 都幾似樣- 前菜兩款，忘了名字，只記得一個是菜，一個是藥膳雞腳，普普通通，不試亦無妨；- 冰燒三層肉 - 招牌菜，但沒有驚喜- 黃金蝦 - 幾好味，可以再試- 士多啤梨骨 - 似咕嚕肉；- 雜菜煲 - 湯底清甜，嗜菜者必食- 瑤柱蛋白炒飯 - 幾乾身，瑤柱蛋白都多- 甜品有燉雪梨超正，杏仁茶好正，楊枝金露正；是晚人流不多，招呼頗周到，值得再光顧

隔了許久才寫這個食評，但仍然記得這次聚會的不安和不快感。 母親節很早訂了位，八點半用膳。 8:15PM 來到利苑已經人山人海，已經有預算要等一段時間。 誰知，這次的預算真的低估了利苑輪候的進度，足足等了一個多近兩個小時才可以入座，不快地詢問知客，結果居然是把我們輪候人數搞錯了，又說要重新輪待。 拜託，自己搞錯，不要令客人這樣無止地輪候，節日令到母親坐立不安，這種不快和不安令我們很失望和憤怒。入座後原來是 "百無”，要燒味沒有燒味，要什麼都沒有，難得 Search 利苑似是不錯，居然質素如此。從此 say goodbye，bad list！

星期六晚上8點到去APM利苑食飯,叫人比個主餐牌睇下啦,阿姐話唔洗睇好多小菜都冇, 再睇佢木台上果個小菜推介牌啦,諗住叫佢個星期六日推介龍蠆小菜啦, 點知係冇, 再叫其地小葉,點知叫十個九個都冇,真係叫乜冇乜.最後要搵經理傾傾計,佢話公司要保持食物新觧,咁好啦, 公司要保持新觧都唔做生意,唯有走人去過另一到食. 最諷刺的地方就係一出門口睇下其他食店間間都係人山人海等食飯,一間咁有名氣咁有來頭的食店景然乜都冇得食, 如果佢係話乜都要預訂先有得食咁OK,你個定位咁高就唔好應籌我依D散客浪費你地D時間啦.

媽媽生日, 諗住去間食得同坐舒服D酒樓食晚飯, 我訂了枱, 入坐後因人未到齊所以諗住等人齊先點菜但點知人齊諗住點菜, 佢地竟然菜牌上10樣菜有9樣都買晒, 餐牌既款式已經冇咩比我棟, 同埋個時只係8點鐘就冇野叫我從未諗過一間都彼出既酒家原來竟然o甘做生意跟住我地一肚氣o甘起身走人,以後就算你請我我都唔會再o黎呢度食飯