利苑酒家

Open Now

Now Closed

炒飯碟子不大，可是味道不錯，杏仁茶非常好吃，感覺是即磨，有杏仁香味。稀惆适中，而且價格不贵。有海鲜湯河也是味道好，只是價格略贵，好像170元，只有六小碗。干炒牛河牛肉非常嫰。

今次我去嘗嗰間餐廳，真係有啲出乎意料之外嘅驚喜啊！首先脆皮燒腩仔，啲皮脆到彈口，肉呢就好似絲絨咁滑，入口即溶，真係掂哂！秘製手拍小黃瓜，酸酸地帶點辣味，開胃到不得了，幾適合做開場菜㗎！桌上嘅香爆象拔蚌，鮮味仲要溶到係咀裏，稍微帶點脆勁，食落過癮！而嗰啲高湯蟹黃翅就完全別樹一格，鮮濃又滑溜，一碗接一碗，咁濃郁嘅湯底係有啲令人停唔到口嘅。至於蟹件，那花雕酒香噴鼻，蟹肉鮮美間唔中露出嘅蛋白，我真係嗌好呢！講到個蠔皇鮑魚配鴨掌，呢個就微妙，講真鮑魚👍，但鴨掌韌勁略嫌唔夠。嗰隻清蒸大杉班，肉質滑而唔膩，清新自然嘅海味係我食過最正嘅其中一次。嗰碗高湯拌白麵，普通嘅一碗面係咁樣變得不普通咗，每條麵條都吸滿咗蝦湯嘅精華，令人食指大動！而甜品部分呢，蛋白杏仁茶同極品棗王糕就係完美收場，杏仁茶滑溜溜，濃厚香口；棗王糕香甜得嚟又有啲似椰汁糕，一咬下去就知道用心良苦㗎！整體黎講，每一道菜都令我想尖叫咁讚好，食得開心又滿意！👅🍴💯

此評論只針對尖沙咀分店，利苑餐廳作為米其林名錄上榜的名店，光顧過全港多間分店，一直以來都是高雅環境優質優價的代表。然而此餐廳位於一個冷清的商場地庫，落樓的過程我一度以為此處已經結業。點餐之後的經歷堪稱離譜，八道菜的大閘蟹晚宴用了兩個鐘時間上了四道菜，而且不是一道道送來而是漫長的等待後突然送上兩三道。等到食到最後一道，已經凍噻!管理層應該深刻檢討廚房和露面的工作安排!!!新註冊無法upload相片，但係公道自在人心!

今日中午同親戚黎飲茶，利苑我都冇印象之前有冇食過。我地都算多人，成枱都成九定十個人。所以點心都叫左唔少，但有影相既就得燒味同甜品。不過佢地既野食我覺得做得真係唔錯。叉燒一上就俾人夾左幾舊。叉燒香甜，肉質軟腍。半肥瘦既口感就係食得舒服，調味都做好，有蜜汁同爐燒既味道。燒鴨皮脆肉嫩，唔騷又有鴨香。脆皮咸香，肉又唔韌，又係食得舒服既一味。燒肉十分精緻。精緻到一粒粒呢個地步，一定係已經揀左最好食果part。一層層既結構，皮香脆，肥膏有但唔厚，半肥瘦既肉咸香唔柴。味道口感冇咩挑剔，size就真係冇諗到既咁細份。呢個好似係炸腐皮捲。外酥脆，餡有菇菌，有口感，幾好食。後面既沙薑雞腳，我覺得都係做得唔錯，入味得黎，炆到好腍又軟滑，骨膠原既感覺。鴨翼同雞腳一樣，炆得夠入味又夠腍，食得舒暢。甜品都做得幾好，奶黃千層唔會太甜，又唔好膩。紅棗糕香甜得黎又煙韌。整體黎講，唔知係唔係特別合我口味，我覺得佢地既野食係幾好食。但價錢就唔清楚，唔係我埋單，但我估唔平。

大家下午二時找吃，去飲茶是最好不過，友人選了地庫這間酒樓，已經到了門口，被告知最後下單時間是2：45pm，惟有快快點吃吧！「瑤柱蛋白炒飯」 $130炒到是粒粒米飯分開，啖啖也吃到瑤柱絲，雖是細粒瑤柱，帶鹹香味。「鮮蝦腐皮卷」$39腐皮卷，三文治般的夾法，雖皮脆蝦也鮮，但感覺頗單薄。「蠔皇叉燒包」$33包軟不黐牙，叉燒芡汁不過甜，我們還加了單。「原隻蒸蝦餃」$42外皮晶瑩微韌，蝦鮮少油，也可以。「迷你瓦罉蒸飯」$28用小器皿盛了碗白米飯，面舖上份量不多的醬汁肉碎，味道還可以，類似台灣肉燥飯，下次不會再點。

今日約咗幾個好朋友來到這間酒樓，因為疫情關係我們已經很久沒有相聚一起喝茶了，這一間餐廳有幾個點心我覺得非常之特別蘿蔔絲酥外脆而裏面餡料鹹甜適中又多汁，蝦餃方面皮比較薄還很有彈性蝦肉亦都非常之新鮮彈牙還有少少汁液感覺非常之咁誘惑，還有一個我覺得非常驚喜的就是春卷，冇聽錯係春卷啦但係這個春卷上面加上海膽，感覺非常之不一樣新鮮嘅海膽和鬆脆嘅春卷皮看上去雖然有點格格不入但混在一起感覺好像水火相融的味道，還有一個賣相非常之特別嘅鹹水角外層黑沉沉但係裏面嘅餡料非常之咁滋潤味道同普通鹹水角差唔多但係食落嗰個外皮就真係好鬆脆，今次這間酒樓幾個點心係我覺得非常之咁有代表性嘅。

記得當年年紀少，利苑係好高級食府，鄉下妹的我，覺得佢係一顆明星，好難才光顧，早陣子翻查openrice佢分店在此處，別樹一隔，仍保留當年色彩紅燈籠，吸引我是一大幅中國牆畫，就決定來會面。進入好時中心，就已反應昔日尖東光輝沒落，大部份舊舖，做遊客生意，靜過鬼，酒樓舖位在地厙，地厙中間一堆廢料，神秘路上找到門口，時光倒流。雖然舊式裝飾，保持整潔，枱與枱有一段距離，豬肝色木椅，白滑枱布，明亮食具，環境頗舒適。生煎窩貼$40，不油膩，肉嫩汁甜，最喜歡煎底香香，而不焦燶。雪嶺餐包$42，有些酒樓穌皮面重牛油味及厚身，我就喜歡佢薄脆，無咁膩，暖暖軟熟，餡以為义燒，原來奶黃。馬拉千層糕$39，我以為咸蛋黃椰絲唐冬瓜懷舊嗰隻，原來鬆軟蛋糕,，中間夾兩頁奶黃，雖然不是心中所想，但都好有蛋香味。蒜香排骨陳村粉$42，排骨易嚼富彈性，但量小，微蒜少豉少汁，但都滲入粉中，淡中有味，粉薄像越南河粉。來到懷舊地方，又談舊事……花城、花都夜總會，大富豪，canton disco, 醉琴情……往事如煙！

A regular sunday yumcha with my fam at this new place to us: Lei Garden @ Tst EastThree of us ordered a lunch set for two with two extra dimsums. they even gave us dessert btw, but i didnt like it XD I think the staffs are nice but maybe they’re having a hard time with their business, once we sat down they just keep asking us to take our order and ask us to try more dimsums😂 I think the food are normal and the soup is a bit too salty. Not bad but nothing special😛

之前食過沙田和九龍灣分店幾次，都覺得價錢不算相宜，人少少兩三個俾我揀都會揀酒店中餐，相差不會太遠，今次友人話事，平時吾多覺尖東這個位置有一間利苑，夠哂隱閉，還要在地庫低，應該質素麻麻哋！點了幾款點心＋一碗龍蝦粥，放低以為白粥腸粉，牛肉吾錯，千層糕吾太甜，好軟熟悉。貪佢人少易揾位，吾錯選擇。

一向一家人聚餐都經常幫襯開利苑，灣仔、圓方都是常客。對大眾化酒樓自問要求不高，最重要是整潔，食物質素可接受和工作人員有基本禮貌就ok。其實週未一家人飲茶都只係想開開心心食一餐見下面，真係吾需要太挑掦。It’s the company that counts. 第一次貪近貪方便致電至尖東利苑訂位飲茶，我諗接電話位姐姐真係想令所有顧客知道佢其實只係賺錢買花戴嘅啫，隔住個電話已經完全感受到佢最好你吾好嚟，佢可以吾使做咁格。訂位訂到落口供一樣。態度衰到一個點係令到我要嘗試人生第一次開post表揚佢。一個人可以喺三兩句說話之間已經可以令人無法接受是一種由內至外的修為。一個需要訂位的生意，竟然可以由一個完全無phone manner的人把關，東西再好也是枉然，更何況只是一所連鎖酒樓，賣的只不過是普通不過的東西。可悲的是它們永遠吾會知道佢地門口有撻污積，人家在電話聽到咁已經吾會去，連清理同檢討的機會都吾存在。今時今日出面咁嘅市况，佢哋一定吾使慌會執笠，做到幾衰都吾會，因為係大集團！你試下換咗係餐廳仔，死左9年！終於緊係無去，去番自己去開的圓方利苑。全院滿座，工作人員態度超好，敬業樂業。食一樣的東西，

平日夜晚來尖東這間利苑食晚飯, 很容易便可以攞到位, 不用排長龍等，舒舒服服食一餐飯！冰燒三層肉真係好好食，另外點了酥皮鴨，中間夾了一塊鵝肝，很精緻，有創意的一款美食！

上午在帝苑酒店考試這家利苑就在對面大廈下午還要回考場考試所以就近在這裡吃午餐位置比較不好找在地下樓層需要問問保安因為就我和妹妹兩人點了一只乳鴿一籠小籠包一份棗糕和一碗粥已經吃得好撐了最驚豔的是乳鴿外皮烤得酥脆但肉又非常嫩鹹淡火候都把握得非常好蘸上搭配的醋汁非常值得推薦！小籠包也很不錯面皮很薄裡面的肉蒸出的湯汁十分鮮美和在上海吃得一樣口感很地道！棗糕比較甜一份四塊吃第一塊覺得軟糯Q彈棗味和薑汁味搭得特別但吃第二塊就覺得有些膩啦！石斑魚粥相對就中規中矩魚肉也很少不推薦總體水準較高而且因為位置較偏不像其他分店排隊厲害有經過附近是個好選擇哦！

朋友從台灣來港想吃廣東菜，因為他們的酒店在尖沙咀，所以帶她們去尖東利苑（平常我是去旺角利苑的）。從打電話訂枱開始，已經覺得D職員態度好奇怪！食物質素雖不及旺角的好但仍不過不失，但服務員的態度就令人非常失望，他們（所有）不是黑口黑面就是木口木面，同佢講嘢又唔耐煩問多句仲發憫憎！個海鮮湯泡飯問都唔問就將D泡米放埋落去，毁滅咗個菜的精隨！無諗過呢個價錢的餐廳服務會係咁！仲諗住帶個台灣朋友試下，點知失禮埋香港！

衝擊眼球之神作！價值300蚊的臘味飯居然臘味，飯，飯焦分開上枱，呢碟「廚餘」真係好很貴。成餐飯有好多「神作」，包括一個白色大碟無擺盤6小塊蓮藕餅要價150蚊。出街食飯難免中伏，但個伏大到咁既真係世間罕見地方細，侍應多，但唔理客人召喚。要客人走到侍應面前，先有反應。不嬲係openrice 搵餐廳食飯，睇完就算，唔留言。今次為左利苑，特地download apps 註冊做會員，留下幾隻字。伏大如斯，仍然客似雲來，佩服。

昨天中午一點飲茶，三個人，叫左兩個湯同荷葉飯及一些點心，點心食完遅遅未見湯及飯，問左樓面話冇單，要重新下單，這些情況竟然在陳校長領導的利苑出現，感覺上已經不是以前的利苑，點心品質也下降，燒肉有燶味。之後叫左福建炒飯（荷葉飯因為話冇落單所以已經賣晒），到咗個福建炒飯到左嘅時候，貌似主任嘅物體竟然問我需唔需要新嘅碗仔, 其實以前利苑應該主動一早已經放好三隻新碗仔啦，仲要分埋飯俾我哋㗎嘛，而家就咁劈低就算究竟呢啲係乜嘢嘅服務？